" ሴት ሰራተኞች አርፋችሁ ቤት ተቀመጡ " - የካቡል ከንቲባ

የታሊባን አዲሱ የካቡል ከንቲባ [ስማቸው - ሐምዱላህ ኖማኒ] በካቡል የሚገኙ የማዘጋጃ ቤት ሴት ሠራተኞችን 'አርፋችሁ ቤት ተቀመጡ' ሲሉ ተናገሩ።

ከንቲባው ይህን ያሉት ታሊባን ለጊዜው ሴቶች ሥራ እንዳይሠሩ ማዘዙን በመጥቀስ ነው።

"ክፍት የሥራ መደቦች በወንዶች የማይሞሉ ከሆነ ብቻ ለሥራ ልትመጡ ትችላላችሁ፤ አለበለዚያ ግን አርፋችሁ ቤት ተቀመጡ" ብለዋል ከንቲባው።

የካቡል አዲሱ ከንቲባ እንዳሉት በከተማዋ ማዘጋጃ ቤት ሠራተኞች ውስጥ አንድ ሦስተኛው ሴቶች ነበሩ። ቤት እንዲቀመጡ የተነገራቸውም በቁጥር ወደ አንድ ሺህ ይጠጋሉ።

ታሊባኖች ሥልጣን ከያዙበት ዕለት ጀምሮ ሥራ የነበራቸው ሴቶች በሙሉ የአገሪቱ የደኅንነት ሁኔታ እስኪሻሻል ድረስ ቤት እንዲቀመጡ አዟል።

ሕጉን በመቃወ ሰልፍ በወጡ ሴቶች ላይም ድብደባ ፈጽሟል።

ታሊባን የሴቶች ጉዳይ ሚኒስትርን ያፈረሰ ሲሆን በምትኩ ሐይማኖታዊ ደንቦች መከበራቸውን የሚቆጣጠር ሚኒስቴር መሥሪያ ቤት አቋቁሟል።

በዚህ ሳምንት 2ኛ ደረጃ ትምህርት ቤቶች የተከፈቱ ቢሆንም ወንድ ተማሪዎች እና ወንድ አስተማሪዎች ብቻ ወደ ትምህርት ቤት እንዲመጡ ነው የተነገራቸው።

ሴት ተማሪዎቸና አስተማሪዎች ግን ለጊዜው ቤት እንዲቆዩ ተደርጓል።

ታሊባን ለሴቶች የተለየ ትምህርት ቤቶችን እያዘጋጀሁ ነው ብሏል።

መረጃው ከቢቢሲ ነው የተገኘው።

@tikvahethiopia

* Afar

የዓለም ምግብ ፕሮግራም በ አፋር ክልል በጦርነቱ ከ100 ሺህ በላይ ሰዎች መፈናቀላቸውን ከግማሽ ሚሊዮን በላይ ሰዎች ደግሞ አስቸኳይ የምግብ ድጋፍ እንደሚያስፈልጋቸው አመልክቷል።

የዓለም ምግብ ፕሮግራም ፥ በአፋር ክልል ለሚገኙ ከ530 ሺህ በላይ ሰዎች አስቸኳይ የሆነ የምግብ ዕርዳታ ለማድረስ ድጋፉን እያጠናከረ እንደሚገኝ ገልጿል።

@tikvahethiopia

* Tigray

የትግራይ ክልል ጦርነት ወደ አንድ አመት እየተጠጋ ይገኛል ፤ ጦርነቱ የከፋ ሰብዓዊ እና ቁሳዊ ኪሳራ እንዳደረሰ ይታመናል።

ጦርነቱ ውስጥ ተሳታፊ ያልሆኑ ንፁሃን ዜጎች አስፈላጊ የሆኑ መሰረታዊ ፍላጎቶቻቸውን እንዳያገኙ ሆነዋል፤ በተለያዩ ቦታዎች ምግብ ለማግኘት በመቸገራቸው በርካቶች ችግር ላይ መውደቃቸው በተደጋጋሚ ሲገለፅ ነበር።

ጦርነቱ ወደአፋርና አማራ ክልሎችም ሰፍቶ ሚሊዮኖችን ችግር ላይ ከጣለ ወራት አልፈዋል።

ዛሬ ድረስ በሰሜን የኢትዮጵያ ክፍል የቀጠለው ጦርነት ሰብዓዊ ድጋፍ ወደህዝብ እንዳይደረስ ከፍተኛ እንቅፋት ሆኗል፤ በዚህም በርካቶች እየተጎዱ ነው።

ዓለም አቀፍ ተቋማት በፀጥታ ችግር እርዳታ ማቅረብ እንደቸገራቸው ሲገልፁ ታይተዋል።

አሁን ላይ ከትግራይ ክልል በተለያዩ አካላት የሚወጡ ሪፖርቶች የምግብ እጦት የሚገድላቸው ሰዎች መኖራቸውን የሚጠቁሙ ናቸው።

ለአብነት ኤፒ ዛሬ ከናይሮቢ ከተማ ባወጣው ዘገባ በአንዳንድ የትግራይ ክልል አካባቢዎች ርሃብ መግባቱን ጠቁሟል፤ በአንዳንድ ቦታዎች የሚላስ የሚቀመስ ያጡ ሰዎች ለቀናት አረንጓዴ ሳር ለመመገብ እንደተገደዱ ፅፏል።

በአንድ ጤና ጣቢያ አንዲት ወላድ እና ጨቅላ ልጇ በርሃብ እንደሞቱም ገልጿል።

በአይደር ሆስፒታል ጽኑ ታማሚዎች ክፍል ሕክምና ላይ ያሉና በምግብ እጥረት ክፉኛ የተጎዱ 50 ሕጻናትን ፎቶ ከሆስፒታሉ እንደደረሰው ጠቁሟል : https://t.co/4YfTYa3pJ9

በትግራይ በተለያዩ ተቋማት ከሚገለፀው የምግብ ችግር በተጨማሪ የኑሮ ውድነት፣ የምርቶች ዋጋ መናር፣ የኤሌክትሪክ እጦት፣ የኔትዎርክ፣ ባንክ፣ ትራንስፖርት አለመኖር...መላው ህዝቡን ለከፋ ችግር የዳረገ እንደሆነ ይታመናል።

@tikvahethiopia

* Amhara

"በወሎ ሕዝብ ላይ ያንዣበበው አደጋ ታሪክ ራሱን እንዳይደግም ያስፈራል " - እናት ፓርቲ

እናት ፓርቲ በወሎ ጉዳይ መግለጫ አውጥቷል።

ፓርቲው በላከልን መግለጫ ፥ በወሎ አካባቢ ያንዣበበው አደጋ እጅጉን እንደሚያሳስበው ገልፆ አፋጣኝ መፍትሔ ያሻዋል ብሏል።

እናት ፓርቲ የወሎ ህዝብ ላለፉት ዓመታት በማንነቱ ምክንያት ግፍ ተፈፅሞበታል ያለ ሲሆን ያለፈው መከራና ሰቆቃ አልበቃ ብሎ ሽብረተኛ ተብሎ በተፈረጀው ሕወሓት በተቀሰቀሰው ጦርነት ዛሬም ለከፋ ችግር፣ ለመራር ስቃይ ተዳርጓል ብሏል።

አሁን ላይ በተቀሰቀሰው ጦርነት ህዝቡ የሕወሓት የክፋትና የበቀል በትር እያረፈበት ይገኛል ሲል ፓርቲው በመገለጫው አስፍሯል።

በዚሁ ሳቢያ በመቶ ሺዎች ከቤት ንብረታቸው ተፈናቅለዋል፣ በግፍ ተጨፍጭፈዋል፣ ንብረታቸውም በእነጭሬ ላፍሰው ሜዳ ላይ በከንቱ ፈሷል ብሏል።

ፓርቲው በየአካባቢው ካሉ የዐይን እማኞች አረጋግጫለሁ እንዳለው በጦርነቱ ውስጥ እጃቸው የሌለበት ንጹሓን ፦
- ከነፍስ ወከፍ መሳሪያ እስከ ከባድ መሳሪያ ተጨፍጭፈዋል፣
- ሴቶች በተለይ ከዋና ዋና መሥመሮች ወጣ ባሉ አካባቢዎች ተደፍረዋል፣
- በመድኃኒት እጦት ብዙዎች ይሰቃያሉ አለፍ ሲልም ይሞታሉ፣
- ከሊቅ እስከ ደቂቅ ከግለሰብ ኪስ እስከ ጓዳ በመግባት የትኛውም ይጠቅማል የተባለ ንብረት ይዘረፋል፣
- ተጎጂዎች ሌላው ቀርቶ ውሐ እንኳን ጠጥተን እንሙት እያሉ የዋይታ ድምጽ ያሰማሉ፣
- ውሐ ለመቅዳት ወደ ወንዝ የወረዱ እናቶች ለምን ውሐ ትቀዳላችሁ ተበለው ሊቀዱ የያዙትን እንስራ እንደተሸከሙ በጥይት ይገደላሉ ሲል አስረድቷል።

ፓርቲው ፥ "ይህ ሁሉ ግፍ ሳያንስ በቁም ያሉት ወገኖቻችን የረሃብ አለንጋ እየገረፋቸው፣ የጣር ድምጽ እያሰሙ ይገኛሉ" ብሏል።

* ተጨማሪ ከላይ በተያያዘው መግለጫ ያንብቡ !

@tikvahethiopia

* Update

የሱዳን መንግስት የመፈንቅለ መንግስት ሙከራው በሜ/ጄ አብደል ባቂ በክራዊ የተመራ እንደነበር ገለፀ።

በሜጀር ጄነራል አብደል ባቂ በክራዊ የሚመሩትና የግልበጣ ሙከራው አካል የሆኑ ወታደሮች በምስራቃዊ ሱዳን የሚገኘውን የሃገሪቱን ጦር ተቆጣጥረው እንደበር ዘገባዎች አመልክተዋል፡፡

ወታደሮቹ ድልድዮችን እና የመተላለፊያ መንገዶችን ይዘው እንደነበር የተገለጸም ሲሆን የሃገሪቱን ብሔራዊ የሬዲዮ እና የቴሌቪዥን ጣቢያን ለመቆጣጠር በሙከራ ላይ እንደነበሩ ተገልጿል፡፡

ጣቢያው መደበኛ ስርጭቱን አቋርጦ የተለያዩ ሃገራዊ ይዘት ያላቸውን ሙዚቃዎች ይለቅም ነበር ተብሏል፡፡

ኦምዱርማንን ከሃገሪቱ ዋና ከተማ ካርቱም የሚያገናኘው ድልድይም በአሁኑ ወቅትም ተዘግቶ ይገኛል፡፡

ሆኖም የመፈንቅለ መንግስት ሙከራው በቁጥጥር ስር መዋሉን የሚያመለክቱ መረጃዎችም እየወጡ ነው፡፡

የሃገሪቱ ሉዓላዊ የሽግግር ምክር ቤት ቃል አቀባይ “ነገሮች በቁጥጥር ስር ውለዋል፤ አብዮቱም ባለድል” ሆኗል ብለዋል፡፡

ሆኖም ሙከራው አሁንም እንደቀጠለ መሆኑን እና በወታደሮቹ ይዞታ ስር የሚገኙ ነገሮችም እንዳሉ የሚያመለክቱ ዘገባዎች እየወጡ ነው።

ከሰሞኑ በምስራቃዊ ሃገሪቱ አካባቢዎች አመጽ ተቀስቅሶ ነበር፡፡ አመጹ በቤጃ ጎሳ አባላት የተቀሰቀሰ ነበር፡፡

የጎሳ አባላቱ በምስራቅ ሱዳን ያሉ ወደቦችን ከሌሎች የሀገሪቱ ክፍል ጋር የሚያገኘውን መንገድ ጭምር ዘግተው ነበር፡፡

ለተቃውሞ መነሻ የሆነው የቤጃ ጎሳ አባላት የሚኖሩበት ግዛት ኋላ ቀር ነው የሚል መሆኑን የተለያዩ ሚዲያዎች እየዘገቡት ይገኛሉ፡፡

የቤጃ ጠቅላይ ም/ቤት ተብሎ የሚጠራው የቤጃ ጎሳ አባላት ተቆርቋሪ ያሰማውን ጥሪ ተከትሎ ዋናው መንገድ 5 ቦታዎች በላይ መዘጋቱ ተዘግቧል፡፡

Credit : አል ዓይን

@tikvahethiopia