"...ጉዳት የደረሰባቸውን ሰዎች ለመርዳት ተጨማሪ ጥረት መደረግ ይኖርበታል" - የዓለም አቀፍ ቀይ መስቀል ኮሚቴ (ICRC)

የዓለም አቀፍ ቀይ መስቀል ኮሚቴ እና የኢትዮጵያ ቀይ መስቀል ማህበር በመተባበር በግጭት ለተጎዱ በሺዎች ለሚቆጠሩ ቤተሰቦች የውኃ፣ ምግብ እና መሰረታዊ ቁሳቁሶች አቅርቦት ላይ እየሰሩ እንደሚገኙ ተገልጿል።

በዚህ መሰረትም በቀርቡ በአፋር ክልል ከ16,000 በላይ ለሆኑ ሰዎች የመሰረታዊ የቤት ውስጥ ቁሳቁስ አከፋፍለዋል፡፡

የዓለም አቀፍ ቀይ መስቀል ኮሚቴ ጉዳት የደረሰባቸውን ሰዎች ለመርዳት ተጨማሪ ጥረት መደረግ ይኖርበታል ብሏል።

የዓለም አቀፍ ቀይ መስቀል ኮሚቴ የአፍሪካ ቀጠና ዳይሬክተር ፓትሪክ ዩሱፍ ፥ “የግጭቱ ውጤት በኢትዮጵያ የሚገኙ የተለያዩ ክልሎች ላይ ተጽእኖ እያሳደረ ነው፡፡ እኔም የሚደርሰው ጉዳት በጣም አሳስቦኛል፡፡ የተፈናቀሉ ሰዎች በአስቸጋሪ ሁኔታ ውስጥ እየኖሩ ይገኛሉ፡፡ አንዳንዶቹ በጣም በተጨናነቁ ትምህርት ቤቶች ውስጥ ነው የሚተኙት ሌሎቹ ደግሞ በጊዜያዊ መጠለያ ውስጥ እየኖሩ ነው” ብለዋል።

#ICRCEthiopia

@tikvahethiopia

ICRC በደሴ ድጋፍ እያደረገ ነው።

ዓለም አቀፍ ቀይ መስቀል ኮሚቴ በሰሜን ኢትዮጵያ በተከሰተው ግጭት ከቆቦ፣ ወልዲያ፣ መርሳ እና ላሊበላ ተፈናቅለው በደሴ ከተማ ተጠልለው ለሚገኙ 36,000 ሰዎች መሰረታዊ የቤት ውስጥ መገልገያ ቁሳቁስ ፣ የንጽህና መጠበቂያዎችን እና መጠለያን ያካተተ ድጋፍ በማድረግ ላይ ይገኛል፡፡

#ICRCEthiopia

@tikvahethiopia

ICRC ለቄለም ወለጋ ዞን ተፈናቃዮች ድጋፍ አደረገ።

ባሳለፍነው ሳምንት ዓለም አቀፉ ቀይ መስቀል ኮሚቴ ወይም በምዕፃረ ቃሉ #አሲአርሲ በደንቢዶሎ በመገኘት ከ2 ሺህ 500 በላይ ለሚሆኑ በግጭት የተጎዱ እና ከቄለም ወለጋ ዞን የተለያዩ ወረዳዎች ለተፈናቀሉ ወገኖች ድጋፍ አድርጓል።

የተደረገው ድጋፍ የገንዘብ ድጋድ ሲሆን በአባወራዎች እና በሴቶች የሚመሩ ቤተሰቦች መሠረታዊ ፍላጎቶችን ለማሟላት እንዲረዳቸው የታሰበ መሆኑ ተገልጿል።

ICRC አሁን ያደረገው የገንዘብ ድጋፍ ሁለተኛ ዙር እንደሆነ ገልጿል።

#ICRCEthiopia

@tikvahethiopia