#Orange

የፈረንሳዩ ኦሬንጅ የቴሌኮሙንኬሽን ኩባንያ የኢትዮ ቴሌኮምን 40 በመቶ ድርሻ ለመግዛት ፍላጎትን ማሳወቁ ተገለጸ።

ኢትዮጵያ የኢትዮ ቴሌኮምን 40 በመቶ ድርሻ መግዛት የሚፈልጉ ዓለም አቀፍ ኩባንያዎች ፍላጎታቸውን ከሰኔ 8 ቀን 2013 ዓ.ም ጀምሮ ባሉት 30 ቀናት ውስጥ እንዲያሳውቁ መጠየቋ ይታወሳል።

በዚህ መሰረት የቀድሞው ፋራንስ ቴሌኮም የአሁኑ ኦሬንጅ ቴሌኮም ኩባንያ የኢትዮ ቴሌኮምን 40 በመቶ ድርሻ ለመግዛት በይፋ ጥያቄ ማቅረቡ ታውቋል።

በፈረንሳይ የኢትዮጵያ አምባሳደር ሔኖክ ተፈራ ከዚህ ኩባንያ ከፍተኛ አመራሮች ጋር መወያየታቸውን በትዊተር ገፃቸው ገልፀዋል።

አምባሳደር ሄኖክ ተፈራ ፥ “በኢትዮ-ቴሌኮም ካፒታል ውስጥ ለመግባት በይፋ ካሳወቀው ኦረንዥ (ቴሌኮም) ኃላፊዎች ጋር ፍሬያማ ውይይት አድርገናል። ኢኮኖሚዋና ገቢዋ በፍጥነት በማደግ ላይ የምትገኘውና ከ100 ሚሊየን ህዝብ በላይ ያላት አገራችን በውጭ ባለሀብቶች ዘንድ ያላት ተፈላጊነት እንደቀጠለ ነው” ብለዋል።

ኦሬንጅ ኩባንያ አሁን ላይ ፈረንሳይን ጨምሮ በአውሮፓ፤ መካከለኛው ምስራቅ እና አፍሪካ የቴሌኮሙንኬሽን አገለግሎት በመስጠት ላይ ሲሆን አጠቃላይ የድርጅቱ አጠቃላይ ሀብት ከ100 ቢሊዮን ዩሮ በላይ ነው።

ድርጅቱ እስከ ፈረንጆቹ 2020 ድረስ በ26 የዓለማችን አገራት ከ250 ሚሊዮን በላይ ደንበኞች አሉት። ከዚህ ውስጥ ከ200 ሚሊዮን በላይ ያህሉ የሞባይል ደንበኞች ሲሆኑ ቀሪዎቹ የብሮድባንድ ተጠቃሚዎች ናቸው።

ምንጭ፦ አል ዓይን ኒውስ

@tikvahethiopia

የቦዴፓ ዕጩ ተወዳዳሪ ሞተው ተገኙ።

በመተከል ዞን ማንዱራ ወረዳ ምርጫ ክልል ቦሮ ዴሞክራቲክ ፓርቲን ወክለው ለክልል ምክር ቤት የሚወዳደሩት አቶ አይናድስ ሞላ ደንበሩ በግልገል በለስ ከተማ ሞተው መገኘታቸውን ፓርቲው በይፋዊ ፌስቡክ ገፁ አሳወቀ።

ከዚሁ ጋር በተገኛ ፓርቲው የፖለቲካ ዘርፍ ሀላፊ አቶ ዮሐንስ ተሰማ ለኢትዮ ኤፍ ኤም 107.8 በሰጡት ቃል ፥ "አቶ አይናድስ ሞላ ትናንት ማታ በግልገል በለስ ከተማ ተገድለው ተገኝተዋል" ብለዋል።

አክለውም ፥ "እጅግ በጣም አዛሳኝና ልብ ሰባሪ ክስተት ነው፤ የአሟሟቱ ሁኔታ ገና እየተጣራ ይገኛል" ሲሉ ገልፀዋል። ፓርቲው ለድርጅቱ አባላትና ደጋፊዎች፣ ለሟች ቤተሰቦችና ወዳጆች መጽናናትን ይመኛልም ብለዋል።

መረጃው ከኢት ኤፍ ኤም ሬድዮ እና ከፓርቲው ይፋዊ የፌስቡክ ገፅ የተውጣጣ ነው።

@tikvahethiopia

#Eid_al_Adha

በዓለም ላይ የሚገኙ የእስልምና እምነት ተከታዮች የዛሬውን የኢድ አል አደሃ በዓል በተለያዩ ስነ ስርዓቶች ሲያከብሩት ውለዋል።

ከላይ በተለያዩ ሀገራትና አካባቢዎች የነበረውን የበዓል ድባብ የሚያሳዩ ፎቶዎችን እንድትመለከቷቸው ልከንላችኃል።

ፎቶዎቹ ፦
- በአል አቅሳ መስጊድ (እየሩሳሌም)
- በታላቁ ካምሊካ መስጊድ (ቱርክ፤ ኢስታንቡል)
- በኢራቅ (ኪርኩክ)
- በኬንያ (ናይሮቢ)
- በየመን (ሰንዓ)
- በአፍጋኒስታን (ሄራት)
- በሱማሊያ (ሞቃዲሾ) የነበረውን የበዓል ድባብ የሚያሳዩ ናቸው።

የፎቶ ባለቤቶች : AFP , AP , Anadolu , EPA , Reuters

@tikvahethiopia

የትግራይ ክልል ወቅታዊ እና የሰብዓዊ ድጋፍ ሁኔታ ፦

የትግራይ ክልል ከአፋር ክልል እና አማራ ክልሎች ጋር በሚያዋስኑት አካባቢዎች ግጭቶች ስለመቀጠላቸው ከአካባቢው የሚወጡ መረጃዎች ይጠቁማሉ።

ከቀናት በፊት የህወሓት ታጣቂዎች ወደአፋር ክልል ዘልቀው ጥቃት ስለመፈፀማቸው መግለፃቸው አይዘነጋም።

በየአካባቢው ስላሉ መረጃዎች በመከላከያም ሆነ በሌሎች አካላት ዝርዝር መረጃ ባይሰጥባቸውም በማህበራዊ ሚዲያ ላይ የተለያየ ያልተረጋገጡ መረጃ በስፋት ይሰራጫሉ።

መሬት ላይ ስላለው የወታደራዊ እንቅስቃሴ የተለያዩ አክቲቪስቶች እና የማህበራዊ ሚዲያዎች ከሚያሰራጩት መረጃ ውጭ በግልፅ እና በዝርዝር የሚታወቅ ነገር የለም።

ከዚህ ቀደም ፌዴራል መንግስት የተኩስ አቁሙን እያከበረ ትንኮሳ ሲፈፀምበት አስፈላጊውን የኃይል እርምጃ እንደሚወስድ ማሳወቁ አይዘነጋም።

ከትላትና በስቲያ ከሳምንታት በኃላ ወደሚዲያ ብቅ ያሉት የኢትዮጵያ ጦር ጠቅላይ ኢታማዦር ሹም ጄነራል ብርሃኑ ጁላ ፥ ሰራዊቱ የሚሰጠውን ግዳጅ ለመወጣት በአስተማማኝ ቁመና ላይ መሆኑን ሲናገሩ ተደምጠዋል።

TPLF የትግራይ ህዝብ ማዕከሌ ነው የሚል ከሆነ እስካሁን ህዝቡን ያሰቃየው እንደሚበቃው አውቆ ለ3ኛ ዙር ቆም ብሎ እንዲያስብ ፤ መንግስት ያመቻቸውን የተናጠል የተኩስ አቁም እሱም ተግብሮ የሚፈልገውን ፖለቲካዊ ጥያቄ መደራደር እንዳለበት እንመክራለን ብለዋል ጄኔራሉ።

ከዚህ ውጭ በቅድመ ሁኔታ ተሽቆጥቁጦ ሰላም ሊመጣ እንደማይችል መታወቅ አለበት ፤ ቅድመ ሁኔታ ደርድሮ እዚህ ውስጥ ተገብቶ ነው የምደራደረው የሚለው ተቀባይነት አይኖረውም ሲሉም ተደምጠዋል።

ያንብቡ : telegra.ph/Tigray-07-21

@tikvahethiopia

አዲስ ስታንዳርድ ላይ የተጣለው ጊዜያዊ እገዳ ተነስቷል።

የኢትዮጵያ መገናኛ ብዙሃን ባለስልጣን በአዲስ ስታንዳርድ የበየነ መረብ ሚዲያ ላይ የጣለውን ጊዜያዊ እገዳ ማንሳቱን ተሰምቷል።

ባለሥልጣኑ ከአዲስ ስታንዳርድ ጋር ውይይት ማድረጉን ተከትሎ ነው እገዳውን ለማንሳት መወሰኑን ያስታወቀው።

የባለሥልጣኑ ዋና ዳይሬክተር መሀመድ እድሪስ፣ ሁለቱ አካላት ባደረጉት ውይይት መግባባት ላይ መድረሳቸውን ለአሜሪካ ድምፅ ሬድዮ ጣቢያ ተናግረዋል፡፡

:አዲስ ስታንዳርድ' በሕወሓት የሚመራውን ኃይል “የመከላከያ ኃይል” ብሎ እውቅና እስከመስጠት በመድረስ የሽብር ቡድኑ አጀንዳ ማራመጃ መድረክ ሆኗል” በሚል ሚዲያውን በጊዜያዊነት ማገዱን ማስታወቁ ይታወሳል፡፡

እገዳው መነሳቱን በማስመልከት በድረገጹ መግለጫ ያወጣው አዲስ ስታንዳርድ፣ አስቀድሞም እገዳ የተጣለበት ከሕግ አግባብ ውጭ መሆኑን ገልጿል።

ባለስልጣን መ/ቤቱ ግን ከሚዲያው ጋር በተያያዘ ያሉ ግልጽ ያልሆኑ ጉዳዮች ቀጣይ መዘዛቸው ስለማይታወቅ እገዳ አንስቶ ለመወያየት መምረጡን ዋና ዳይሬክተሩ አቶ መሀመድ ተናግረዋል፡፡

አዲሱ የሚዲያ ዐዋጅ በቅርብ ጊዜ የወጣ ከመሆኑ ባለፈ ዐዋጁ በሚደነግገው መሰረት ገና ቦርድ አለመቋቋሙን የገለጹት አቶ መሀመድ፣ ተቋሙ በሽግግር ላይ ከመሆኑ እና ሀገሪቱም ካለችበት ሁኔታ አንጻር በባለስልጣኑ ውሳኔዎች ዙሪያ የሚፈጠሩ ክፍተቶች እንደሚኖሩ አምነው በመነጋገር እየተሸሻሉ እንደሚሄዱ ተናግረዋል።

የኢትዮጵያ መገናኛ ብዙሃን ባለሥልጣን በአዲስ ስታንዳርድ ላይ ጊዜያዊ እገዳ ከጣለ በኋላ፣ ሁሉም ሚዲያዎች ከ "ሕወሓት" ጋር በተያያዘ የትግራይ መከላከያ ኃይል እና የትግራይ ክልል መንግስት የሚል ስያሜ እንዳይጠቀሙ የሚያስጠነቅቅ መግለጫ ማውጣቱ ይታወሳል ሲል የዘገበው የአሜሪካ ድምፅ ሬድዮ ጣቢያ ነው።

@tikvahethiopia

#ETHIOPIA🇪🇹

"..እንደ አንድ ትልቅ አገር ለማሸነፍ ተዘጋጅተናል" - ኮማንደር አትሌት ደራርቱ ቱሉ

የኢትዮጵያ አትሌቲክስ ፌዴሬሽን ፕሬዜዳንት የሆኑት ኮማንደር ደራርቱ ቱሉ በቶኪዮ ኦምፒክ ላይ ኢትዮጵያን ወክሎ የሚሳተፈው ቡድን ውጤት ለማስመዝግበ በጣም ጥሩ የሚባል ዝግጅት ማድረጉን ተናግረዋል።

ኮማንደር አትሌት ደራርቱ ለቢቢሲ አማርኛው ክፍል በሰጡት ቃል ፥ "አንዳንድ ችግሮች አይታጡም ግን ዝግጅታችን በጣም ጥሩ ነው" ብለዋል።

አክለውም ፤ " ዓለም ለማሸነፍ ይዘጋጃል። እኛም እንደ አንድ ትልቅ አገር ለማሸነፍ ተዘጋጅተናል" ሲሉ ተናግረዋል። "ፈጣሪ ከረዳን ጥሩ ውጤት እናመጣለን ብለን እናስባለን" ያሉት ኮማንደር አትሌት ደራርቱ "እንደ ልባችን እንዳንሰራ የረበሸን ነገር ኮቪድ-19 ወረርሸኝ ነው" ብለዋል።

በሌላ በኩል የረዥም ርቀት ዋና አሰልጣኝ የሆኑት ኮማንደር ሁሴን ሺቦ ለቢቢሲ በሰጡት ቃል፥ "ሀገራችን ከፍተኛ ውጤት ለማስመዝገብ አትሌቶቻችንም፤ እኛም በአካልም በአእምሮም ዝግጁ ሆነናል" ብለዋል።

አሰልጣኝ ኮማንደር ሁሴን ፤በውድድር ላይ 4 ቡድን ማለትም የሴቶች እና የወንዶች 5 ሺህ እና 10 ሺህ ሜትር ውድድሮችን እንደሚመሩ ተናግረው አንደኛ እና ሁለተኛ ደረጃን ለመያዝ አቅደን እየሰራን እንገኛለን ብለዋል።

በተመሳሳይ ኢትዮጵያን ወክለው ቶኪዮ 2020 ኦሎምፒክ የሚወዳደሩ አትሌቶች የሀገሪቱን ስም በዓለም አቀፍ ደረጃ ከፍ ለማድረግ እና ጥሩ ውጤት ለማስመዝገብ እንደተዘጋጁ ተናግረዋል።

ፎቶ ፋይል ፦ በ @tikvahethsport , Getty Image, ልዩ ስፖርት (ሃይለእግዚያብሄር ኣድሃኖም)

@tikvahethiopia