#DrTedrosAdhanom #WHO #DonaldTrump

ትላንት የአሜሪካው ፕሬዝዳንት ዶናልድ ትራምፕ ሀገራቸው ለWHO የምትሰጠውን ከፍተኛ ገንዘብ እንደምታቅብ ተናገረዋል። የዓለም የጤና ድርጅት ኮቪድ-19 የዓለም አቀፍ ወረርሽኝ መሆኑን በጊዜ አልተናገረም ብለዋል ፕሬዘዳንቱ።

ድርጅቱ ይህን ያደርገው በሽታው ለተጀመረባት #ቻይና ሲል ሊሆን ይችላል ሲሉ ግምት አዘል አነጋገር ተናግረዋል። "በጣም ቻይና ተኮር ይመስላሉ ፣ ይህን ማጤን ይኖርብናል' ሲሉ ተደምጠዋል ዶናልድ ትራምፕ።

በዓለም አቀፍ ደረጃ ወረርሽኝ ባለበት በዚህ አይነት ሁኔታ ለጤናው ድርጅት /WHO/ የሚዋጣ ገንዘብ መከልከ ተገቢ ነው ወይ? ተብለው ከጋዜጠኛ የተጠየቁት ትራምፕ 'እኔ አንሰጥም አላልኩም፣ እናጤነዋለን ነው ያለኩት' ሲሉ መልሰዋል።

ከፍተኛ ዘመቻ እየተካሄደባቸው የሚገኙት የዓለም የጤና ድርጅት ዳይሬክተር ዶ/ር ቴድሮስ አድሃኖም ዛሬ በሰጡት ዕለታዊ መግለጫቸው ላይ የግድያ ዛቻ እንደደረሰባቸው ፤ እሳቸው ግን ግድ እንዳልሰጣቸው ተናግረዋል። በማን ይህ ሊደረግ እንደቻለ ግን አልተናገሩም።

ከሁለት (2) እና ከሦስት (3) ወር በላይ #ዘረኛ ጥቃቶች ተሰንዝረውብኛል ያሉት የዓለም ጤና ድርጅት ዳይሬክተሩ ዶ/ር ቴድሮስ 'ጥቁር ተብያለሁ። እውነቱን ለመናገር እኔ በጥቁርነቴ እኮራለሁ። የሚባለው ነገርም ግድ አይሰጠኝም' ሲሉም ተደምጠዋል።

ምንጭ፦ ቢቢሲ፣ ቪኦኤ
@tikvahethiopiaBot @tikvahethiopia

#DrTedrosAdhanom

የዓለም የጤና ድርጅት ዋና ዳይሬክተር ዶክተር ቴድሮስ አድኃኖም አሜሪካ ለድርጅታቸው የምታደርገውን ድጋፍ አቋርጣለሁ ማለቷ እንዳሳዘናቸው ተናገሩ።

በውሳኔው ቅር ተሰኝተናል ያሉት ኃላፊው፤ "ለህብረተሰብ ጤና፣ ለሳይንስ እና ለሁሉም የዓለም ሕዝብ ያለ አድልዎ እና ፍርሃት ማገልገላችን ይቀጥላል" ብለዋል።

ዶክተር ቴድሮስ አሜሪካ የምትሰጠውን ፈንድ ማቋረጧ በድርጅታቸው ላይ የሚያስከትለውን ጉዳት እንደሚያጤኑት እና ሥራዎች ሳይቋረጡ መከናወናቸውን እንደሚያረጋግጡ መናገራቸውን ቢቢሲ ዘግቧል።

ምንጭ፦ ቢቢሲ፣ ኢቢሲ
@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት ዋና ዳይሬክትር ዶክትር ቴድሮስ አድኃኖም በፖለቲካዊ አለመግባባት ሳቢያ የሰውን ህይወት ለማዳን የሚደረገው ጥረት ሊደናቅፍ እንደሚችልም አስጠነቀቁ።

ከአሜሪካ ጋር አለምግባባት ውስጥ ስለገባው ድርጅታቸው በተመለከተ ዶክተር ቴድሮስ በስሜት ተሞልተው በሰጡት መግለጫ ላይ እንደተናገሩት "በዓለም የጤና ድርጅት ውስጥ ምንም ምስጢር የለንም፤ የህይወት ጉዳይ በመሆኑ መረጃን ባገኘን ጊዜ ሁሉ እናጋራለን" ሲሉ ለጋዜጠኞች ገልጸዋል።

ዋና ዳይሬክተሩ ጨምረውም "ከየት እንደመጣሁ ታውቃላችሁ፤ ስለጦርነት አውቃለሁ። ድህነትንም አውቃለሁ። ሰዎችን ለስቃይ ስለሚዳርጉ ነገሮች አውቃለሁ። ሰዎች እንዴት በድህነት ምክንያት ለሞት እንደሚዳረጉ አውቃለሁ" ሲሉ በስሜት ተናግረዋል።

"ይህን ሁሉ የማያውቁ ይኖራሉ. . . በቀላል የህይወት ጎዳና ላይ አልፈው ይሆናል። ምናልባትም ጦርነት ማለት፤ ድህነት ማለት ምን እንደሆኑ ላያውቁ ይችላሉ። ለዚህም ነው ስሜታዊ የሆንኩት" ብለዋል ዋና ዳይሬክተሩ።

የዓለም ጤና ድርጅት ዋና ዳይሬክተር ዶክተር ቴድሮስ አድኃኖም ድርጅታቸው የኮሮናቫይረስን የተመለከተ ምንም አይነት መረጃ ከየትኛውም አገር አለመደበቁን በዘርዝር አብራርተዋል።

ዶክትር ቴድሮስ በቴሌቪዥን በተላለፈው መግለጫቸው ላይ እንዳሉት ከአሜሪካ የበሽታ መቆጠጠሪያና መከላከያ ማዕከል የተወከሉ 15 ባለሙያዎች ከጥር ወር ጀምሮ ስለበሽታው ያሉ መረጃዎችን በሙሉ እንዲያውቁ ሲደረጉ ቆይተዋል ብለዋል።

ምንጭ፦ ቢቢሲ
@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት ዋና ዳይሬክተር ዶክተር ቴድሮስ አድሃኖም በአፍሪካ ፣ በማእከላዊ እና በደቡብ አሜሪካ እና በምስራቅ አውሮፓ እየጨመረ የመጣው የኮሮና ቫይረስ ወረርሽኝ አዝማሚያዎች አሳሰቢ ነው ሲሉ አስጠንቅቀዋል፡፡

ዶክተር ቴድሮስ አድሃኖም በጄኔቫ በቪዲዮ ኮንፈረንስ እንደገለጹት፣ በምዕራብ አውሮፓ ወረርሽኙ እየተረጋጋ ወይም እየቀነሰ ቢታይም፣ ለብዙ አገሮች በሽታው ገና እየጀመረ መሆኑንና በወረርሽኙ የመጀመሪያ ደረጃዎች ላይ ጥሩ ሆነው የተገኙት አንዳንድ አገራት በአሁኑ ወቅት ቫይረሱ እየተስፋፋባቸው መምጣቱን ዶ/ር ቴድሮስ ተናግረዋል፡፡

“ብዙ አገራት አሁንም በወረርሽኙ የመጀመሪያ ደረጃዎች ላይ ናቸው፤ በወረርሽኙ መጀመሪያ ላይ የተጎዱት የተወሰኑ አገራት አሁን መልሶ መቋቋም ጀምረዋል” ብለዋል ዋና ዳይሬክተሩ፡፡

ዶ/ር ቴድሮስ አድሃኖም "ምንም ስህተት መስራት የለብንም፣ የምንጓዘው ረዥም መንገድ አለ፣ ይህ ቫይረስ ለረጅም ጊዜ ከእኛ ጋር ይቆያል" ማለታቸውን ቢቢሲ ዘግቧል፡፡

ምንጭ፦ ቢቢሲ፣ ኢቢሲ
@tikvahethiopiaBot @tikvahethiopia

#WHA73 #DrTedrosAdhanom

በትንሹ 320 ነርሶች በዓለም አቀፍ ደረጃ ሞተዋል!

በኮቪድ-19 ወረርሽኝ ምክንያት የሚሞቱ የጤና ባለሙያዎች ቁጥር ከፍተኛ አደጋን ደቅኗል ሲሉ የዓለም ጤና ድርጅት ዋና ዳይሬክተር ዶ/ር ቴድሮስ አድሃኖም ተናገረዋል።

ዓለም አቀፉ የነርሶች ምክርቤት በስሩ ካሉት ማህበራት ባሰባሰበድ መረጃ መሰረት በአንዳንድ ሃገራት የሚስተዋለው የነርሶቹ የተጠቂነት ቁጥር በ20 በመቶ አሻቅቧል፤ በዓለም አቀፍ ደረጃም በትንሹ 320 ነርሶች ሞተዋል፡፡

ዶ/ር ቴድሮስ መረጃዎች በወጉ ሊሰበሰቡ ቢችሉ ቁጥሩ ከዚህም በላይ ሊሆን እንደሚችልም ገልጸዋል፡፡

በመሆኑም የድርጅቱ አባል ሃገራት የጤና ባለሙያዎቻቸውን ከወረርሽኙ #ሊጠብቁ ፣ አስፈላጊውን የህክምና ግብዓቶች ሊያሟሉላቸው እና መረጃዎችን ስርዓት ባለው መልኩ ሊሰበስቡ እንደሚገባ አሳስበዋል።

ምንጭ፦ አል ዓይን
@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት /WHO/ በዓለም አቀፍ ደረጃ የኮሮና ቫይረስ (ኮቪድ-19) መድሃኒት ለማግኘት ሲጠቀምበት የነበረውን የፀረ ወባ መድሃኒት ፣ ሃይድሮክሲክሎሮክዊን ለጊዜው #አቋረጠ።

የድርጅቱ ከፍተኛ አመራሮች ቦርድ እዚህ ውሳኔ ላይ የደረሰው ከአምስት ቀን በፊት በታተመው ላንሰት የሕክምና መጽሔት ላይ የወጣውን የጥናት ሪፖርት መሰረት አድርጎ ነው። በዚህ ጥናት መሰረት መድሃኒቱ በኮቪድ-19 የተያዙ ሰዎችን ሞት #ያፋጥናል ይላል።

የዓለም ጤና ድርጅት [WHO] ዋና ዳይሬክተር ዶ/ር ቴድሮስ አድሃኖም ለጋዜጠኞች እንደተናገሩት "የከፍተኛ አመራሮቹ ቡድን አባላቱ #የሃይድሮክሲክሎሮክዊን ሙከራ ደህንነቱ ዳግም በደህንነት ቁጥጥር ቦርዱ እስኪመረመር ድረስ ለጊዜው እንዲቋረጥ ወስነዋል" ብለዋል። ሌሎቹ የምርምር ስራዎች ግን መቀጠላቸውን ገልፀዋል።

'ሃይድሮክሲክሎሮክዊን' (የፀረ ወባ መድሃኒት) በአሜሪካው ፕሬዝዳንት ዶናልድ ትራምፕ እና ሌሎች መሪዎች ለኮሮና ቫይረስ ሕሙማን ቢሰጥ በፍጥነት እንዲያገግሙ ያደርጋል በሚል ሲወደስ ቆይቶ ነበር።

#BBC
@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት [WHO] ዋና ዳይሬክተር ዶ/ር ቴድሮስ አድሃኖም ተቋርጦ የነበረው #የሃይድሮክሲክሎሮክዊን (የፀረ ወባ መድሃኒት) የክሊኒካል ሙከራ ሊቀጥል እንደሆነ በዛሬው ዕለት ተናግረዋል።

@tikvahethiopiaBot @tikvahethiopia

#DrTedrosAdhanom

"የኮሮና ቫይረስ ወረርሽኝ እየተባባሰ ነው " - WHO

ምንም እንኳን የኮቪድ-19 ወረርሽኝ ሥርጭት በአውሮፓ እየቀነሰ ቢሆንም በዓለም አቀፍ ደረጃ ግን እየተባባሰ መሆኑን የዓለም ጤና ድርጅት ዳይሬክተር ዶክተር ቴዎድሮስ አድኃኖም አስታወቁ።

ዳይሬክተሩ ዛሬ በሰጡት መግለጫ ፤ ባለፉት 10 ቀናት ውስጥ ከ100 ሺህ በላይ ሰዎች በቫይረሱ መያዛቸውን ገልፀዋል።

ትናንት ከተመዘገበው ከ136,000 በላይ ኬዝ 75 በመቶ የሚሆነው የተገኘው በአስር (10) አገራት ሲሆን አብዛኞቹ አሜሪካ እና ደቡብ እስያ ውስጥ የተገኙ መሆናቸውን ተናግረዋል።

ይሁን እንጂ በበርካታ አገራት የታየው አዎንታዊ ለውጥ አበረታች እንደሆነ ዳይሬክተሩ ዶክተር ቴድሮስ አድኃኖም አክለዋል።

"አሁን ላይ የእነዚህ አገራት ትልቁ ችግር #ግድየለሽነት ነው። ምን ያህል ሕዝብ ለቫይረሱ እንደተጋለጠ የሚያሳዩ ጥናቶች እንደሚያመለክቱት አሁንም በዓለም ላይ ያለ አብዛኛው ሰው ለበሽታው ተጋላጭ እንደሆነ ያሳያል" ሲሉም አስጠንቅቀዋል።

#BBC #GoaChronicle
@tikvahethiopiaBot @tikvahethiopia

#DrTedrosAdhanom

በዩናይትድ ኪንግደም ውስጥ 'ዴክሳሜታሶን' በተባለው መድኃኒት ላይ የተደረገው ሙከራና ያስገኘውን ውጤት በበጎ እንደሚመለከተው የዓለም ጤና ድርጅት ማስታወቁን #ቢቢሲ ዘግቧል።

በሙከራው ይህ መድኃኒት በኮቪድ-19 በጽኑ ከታመሙ ሰዎች የአንድ ሦስተኛውን ሕይወት መታደግ እንደሚችል እና በወረርሽኙ ሰበብ ኦክስጂን በሚያስፈልጋቸው ሰዎች ላይ የሚያጋጥምን ሞት በአንድ አምስተኛ ሊቀንስ እንደሚችል ለድርጅቱ የቀረበው የመጀመሪያ ደረጃ ግኝት አመልክቷል።

ድርጅቱ እንዳለው የዴክሳሜታሶን ጠቀሜታ በኮቪድ-19 በጸና በታመሙ ሰዎች ላይ እንጂ ቀለል ያለ ህመም ባለቸው ላይ እንዳልሆነ አመልክቷል https://telegra.ph/T-06-18-2

@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት የኮሮና ቫይረስ ወረርሽኝ “ወደ አዲስና አደገኛ” ደረጃ እየተሸጋገረ ነው ሲል አስጠነቀቀ።

ድርጅቱ ይህንን ያለው ሐሙስ ዕለት በዓለም ዙሪያ ከዚህ ቀደም ከታየው በበለጠ በአንድ ቀን ውስጥ ከፍተኛ ቁጥር ያለው ሰው በበሽታው መያዙን በተመለከተ ሪፖርት መደረጉን ተከትሎ ነው።

የዓለም ጤና ድርጅት ዋና ዳይሬክተር ዶክተር ቴድሮስ አድኃኖም እንዳሉት በአንድ ቀን 150 ሺህ አዲስ በበሽታው የተያዙ ሰዎች ተመዝግበዋል።

ከዚህም ውስጥ ግማሽ ያህሉ ከሰሜንና ደቡብ አሜሪካ አህጉራት የተገኙ ሲሆን ከፍተኛ ቁጥር ያላቸው ደግሞ ከመካከለኛው ምሥራቅና ደቡብ እስያ አገራት የተገኙ ናቸው ብለዋል።

ዶክተር ቴድሮስ ጨምረውም ኮሮናቫይረስ አሁንም በፍጥነት ከመዛመቱ በተጨማሪ ወረርሽኙ እየተስፋፋ ይገኛል ብለዋል።

ዋና ዳይሬክተሩ እንዳሉት "ሰዎች እራሳቸውን ለይተው በመቆየት ተሰላችተው ይሆናል። አገራትም ምጣኔ ሃብታዊ እንቅስቃሴዎችን መክፈት ይፈልጋሉ። ነገር ግን አሁን ከሌላው ጊዜ በበለጠ ጠንቃቃ መሆን የሚያስፈልግበት ነው" ሲሉ መክረዋል - #BBC

@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት ዳይሬክተር ዶክተር ቴድሮስ አድሃኖም በሰጡት መረጃ በዓለም አቀፍ ደረጃ በኮቪድ-19 ከተያዙት ከ9 ሚሊዮን በላይ ሰዎች መካከል የመጀመሪያው 1 ሚሊዮን የተመዘገበው በ3 ወር ጊዜ ውስጥ ሲሆን የኃለኛው 1 ሚሊዮን ግን በ8 ቀን ጊዜ ውስጥ ነው የተመዘገበው።

@tikvahethiopiaBot @tikvahethiopia

#DrTedrosAdhanom

የዓለም ጤና ድርጅት ዋና ዳይሬክተር የሆኑት ዶ/ር ቴድሮስ አድሃኖም የኮሮና ቫይረስ ወረርሽኝን ቀጥ አድርጎ የሚያቆም ተዓምረኛ መፍትሄ ላይገኝ ይችላል ሲሉ አስጠንቀቅዋል።

ዶ/ር ቴድሮስ ፥ ወረርሽኙን ለመግታት የሚበጀው ሀገራትና ግለሰቦች በሙሉ ቫይረሱን ለመከላከል የሚጠቅሙ መንገዶችን ሁሉ ስራ ላይ ማዋል እንደሆነ አሳስበዋል።

የመጨረሻ ደረጃ ሙከራ ላይ ያሉ ክትባቶች አሉ ነገር ግን ምርመራ ፣ ንክኪ ያላቸው ሰዎች ፈልጎ መለየት ፣ አካላዊ ርቀትን መጠበቅ ፣ የአፍና አፍንጫ መሸፈኛ መጠቀም እና መሰል መንገዶችን መጠቀሙ መቀጠል ይኖርበታል ብለዋል።

@tikvahethiopiaBot @tikvahethiopia

#DrTedrosAdhanom

ዓለም የኮቪድ-19 መከላከያ ክትባት ወደማግኘት እየተቃረበ ቢሆንም የኮቪድ-19 መከላከያዎችን ማላላት የለበትም ሲሉ የዓለም ጤና ድርጅት ዋና ዳይሬክተር ዶክተር ቴድሮስ አድሃኖም አሳሰቡ።

ዶ/ር ቴድሮስ ፥ "የኮሮናቫይረስ (ኮቪድ-19) አሁንም የዛሬ 8 ወር እንደነበረው አስጊ ወረርሽኝ መሆኑን እንደቀጠለ ነው" ብለዋል።

በፓሪስ እየተካሄደ በሚገኝ የሰላም ጉባዔ ላይ "በኮቪድ-19 ታክቶን ይሆናል ነገር ግን እርሱ ገና አልሰለቸንም" ብለዋል ዶ/ር ቴድሮስ አድሃኖም።

የአውሮፓ አገራት እየታገሉ ነው ነገር ግን ስርጭቱን ለማቆም የተወሰዱት እርምጃዎች እንዲሁም ቫይረሱ ምንም ለውጥ አላሳየም" ሲሉ ተናገረዋል።

ከሰሞኑን የተለያዩ ሀገራት ተመራማሪዎች "ውጤታማ" የሆነ ክትባት ማግኘታቸውን እየገለፁ ነው።

ዶ/ር ቴድሮስ ገና ደህንነቱ እና ውጤታማነቱ መፈተሽ ባለበት ክትባት ላይ መተማመን አደገኛ መሆኑን ገልፀዋል።

"ክትባት በፍጥነት ያስፈልጋል ፣ ነገር ግን እጃችንን አጣጥፈን ቁጭ አንልም" ብለዋል። (BBC)

@tikvahethiopiaBOT @tikvahethiopia

#DrTedrosAdhanom

ዶ/ር ቴድሮስ ኣድሃኖም ዛሬ በሰጡት መግለጫ በኢትዮጵያ ውስጥ አሁን ባለው ሁኔታ 'ለየትኛውም ወገን አልወገንኩም' ሲሉ አሳውቀዋል።

ከሰሞኑን እሳቸውን በሚመለከት እየወጡ ያሉ ዘገባዎችንም 'እውነት አይደሉም' ብለዋቸዋል።

እኔ የምወግነው ከአንድ ወገን ጋር ብቻ ነው እሱም ከ'ሰላም' ጋር ነው ብለዋል።

ዶክተር ቴድሮስ ኣድሃኖም በመግለጫቸው ፥ ሁሉም ወገኖች "ለሰላም እና ለሲቪሎች ደህንነት መጠበቅ" እንዲሰሩ ጥሪ አቅርበዋል።

* ዶ/ር ቴድሮስ የሰጡት መግለጫ ከላይ ተያይዟል።

@tikvahethiopiaBOT @tikvahethiopia

#WHO #DrTedrosAdhanom

የአስትራዜኔካ ክትባት የደም መርጋትን ስለማስከተሉ ምንም ዓይነት ማረጋገጫ ባለመኖሩ በዚህ ስጋት አገሮች ክትባቱን ከመስጠት መቆጠብ የለባቸውም ሲል የዓለም ጤና ድርጅት አስታውቋል።

በትንሹ 5 የአውሮፓ ሀገራት አይስላንድ፣ ቡልጋሪያ፣ ዴንማርክ እና ኖርዌይ ክትባቱን መስጠት አቁመዋል ፤ ይህ የሆነ አንዲት የዳኒሽ ሴት ከደም መርጋት ጋር በተገናኘ እንደሞተች ከተነገረ በኃላ ነው።

ይህንን በተመለከተ የዓለም ጤና ድርጅት በክትባቱ እና በደም መርጋት መካከል ምንም አይነት ግንኙነት የለም ብሏል።

እስካሁን ወደ 5 ሚሊዮን የሚጠጉ አውሮፓውያን የአስትራዜኔካ ክትባትን ወስደዋል።

የዓለም ጤና ድርጅት ዳይሬክተር ዶክተር ቴድሮስ ኣድሃኖም በበኩላቸው ፥ እስካሁን በመላው ዓለም 335 ሚሊዮን በላይ የኮቪድ-19 ክትባት መሰራጨቱን የገለፁ ሲሆን እስካሁን ከክትባቱ ጋር በተገናኘ ምንም ሞት አለመመዝገቡን አሳውቀዋል።

@tikvahethiopia @tikvahethiopiaBOT

#DrTedrosAdhanom

የWHO ዋና ሥራ አስኪያጅ ዶ/ር ቴድሮስ አድሃኖም የዓለምን የኮቪድ-19 ክትባት አቅርቦት ለራሳቸው ብቻ የሚሰበስቡ ሃገሮች አጥብቀው ነቅፈዋል።

ዶክተር ቴድሮስ ፥ በኒው ዮርክ ታይምስ ጋዜጣ ላይ ባወጡት ጽሁፋቸው ክትባቱን ማግኘት ለሚቸግራቸው ሃገሮች ለማቅረብ በዓለም የጤና ድርጅት አሰባሳቢነት በተቋቋመው በኮቫክስ አማካይነት የሚደረገውን ጥረት “ክትባት ለራስ ሃገር ብቻ መሰብሰብ" ሲሉ በገለጹት አድራጎት ጥረቱ እየተዳከመ መሆኑን ገልጸዋል።

በአሁኑ ወቅት በዓለም ላይ ጥቂት ከበርቴ ሃገሮች የሚመረቱ ክትባቶችን የበለጠ ዋጋ ለሚከፍላቸው ከሚሸጡ ኩባኒያዎች ላይ ተቀራምተው በመግዛት የሚያግበሰብሱበት ሌሎች ትርፍራፊው የሚቃርሙበት ሁኔታ እየታየ ነው ብለዋል።

አያያዘውም ወረርሽኙን ለመዋጋት መፍትሄው ቀላል ነው ፣ ያም ማካፈል ወይስ አለማካፈል ከሁለት አንዱን የመምረጥ ጉዳይ ነው ሲሉ አሳስበዋል። አስከትለውም በዚያ ደግሞ የሚፈተነው ሳይንስ ወይም የኢኮኖሚ እና የኢንዱስትሪ አቅም ሳይሆን የሚፈተነው ማንነታችን ነው" ማለታቸውን ቪኦኤ በድረገፁ አስነብቧል።

@tikvahethiopiaBOT @tikvahethiopia

#DrTedrosAdhanom

በዓለም ዙሪያ በኮሮናቫይረስ የተያዙ ሰዎች ቁጥር በተከታታይ ለዘጠነኛ ሳምንት ፣ በበሽታው ሳቢያ ለህልፈት የተዳረጉት ሰዎች ቁጥር ደግሞ ለስድተኛ ሳምንት ማሻቀቡን መቀጠሉን የዓለም የጤና ድርጅት አስታውቋል።

የድርጅቱ ዋና ዳይሬክተር ቴድሮስ አደሃኖም ይህን ያሳወቁት ትናንት በአባል ሃገራቱ የመረጃ ልውውጥ ጉባኤ ላይ ነው።

ዶ/ር ቴድሮስ ባለፉት ሁለት ሳምንታት ውስጥ የተመዘገበው የኮሮና ቫይረስ ተያዦች ቁጥር በወረርሽኙ የመጀመሪያ 6 ወር ውስጥ ከተመዘገቡት ይበልጣል ብለዋል።

በመሆኑም ወቅቱ የቫይረሱ ስርጭት እየቀነሰላቸው ባሉትም ሃገሮች ጭምር ከመጠንቀቅ ወደኋላ የሚባልበት አይደለም ሲሉ ማሳሰባቸውን ቪኦኤ በድረ ገፁ አስነብቧል።

@tikvahethiopiaBOT @tikvahethiopia