* የአሜሪካ መግለጫ !

የጄፍሪ ፌልትማንን የምስራቅ አፍሪካ ጉብኝት አስመልክታ አሜሪካ በውጭ ጉዳይ መስሪያ ቤቷ ቃል አቀባይ ጽህፈት ቤት በኩል መግለጫ አውጥታለች።

በመግለጫዋ ምን አለች ?

- የአፍሪካ ቀንድ በወሳኝ የለውጥ ምዕራፍ ላይ እንደሚገኝ ጠቁማለች፤ በቀጣይ ሳምንታትና ወራት የሚተላለፉ ውሳኔዎች ለቀጠናው ህዝቦች ለራሷ ፍላጎቶች ጭምር ትልቅ እንደምታ እንደሚኖራቸው አስታውቃለች፡፡

- በኢትዮጵያ የሚስተዋለው የፖለቲካና የጎሳ ጽንፈኝነት እጅጉን እንደሚያሳስባት ገልፃለች።

- በትግራይ እየተፈፀሙ ያሉ ግፍ እና ጭካኔዎች እንዲሁም ኢ-ሰብአዊ ሁኔታዎች ተቀባይነት የላቸውም ብላለች።

- በትግራይ የሚካሄደውን ጦርነት ለማቆም፣ የህይወት አድን እርዳታዎችን ለማድረግ እና ጥፋተኞችን ተጠያቂ ለማድረግ ከዓለም አቀፍ አጋሮቿ ጋር እንደምትሰራ አስታውቃለች።

- በትግራይ ያጋጠመው ችግር ተስፋ ተጥሎበት የነበረው ሃገራዊ ለውጥ ለገጠሙት ዘርፈ ብዙ ችግሮች ማሳያ ሆኖ በምልክትነት ሊጠቀስ እንደሚችል ገልፃለች።

- ጄፍሪ ፌልትማን ከፕሬዜዳንት ኢሳያስ ጋር በአስመራ በነበራቸው ቆይታ የኤርትራ ወታደሮች በቶሎ መውጣት የግድ ስለመሆኑ አፅንዖት ሰጥተው እንደነገሯቸው አሜሪካ አሳውቃለች።

- የግድቡ ጉዳይ የኢትዮጵያን የመልማት ፍላጎት በማከለ መልኩ በአፍሪካ ህብረት መሪነት መፍትሄ ሊያገኝ እንደሚችል አሜሪካ አሳውቃለች።

- በአፍሪካ ህብረት መሪነት የሚካሄደው ድርድር በአስቸኳይ ሊጀመር እንደሚገባ አሜሪካ አሳስባለች።

በዝርዝር ያንብቡ : telegra.ph/AL-AIN-05-14-2

ምንጭ፦ አል አይን

@tikvahethiopia @tikvahethiopiaBOT

የኮቪድ-19 ሪፖርት ፦

ባለፉት 24 ሰዓት 13 ሰዎች በኮቪድ-19 ህይወታቸው አልፏል።

በተመሳሳይ ከተደረገው 4,270 የላብራቶሪ ምርመራ 453 ሰዎች በቫይረሱ መያዛቸው ተረጋግጧል።

ትላንት 1,636 ሰዎች ከበሽታው አገግመዋል።

በአጠቃላይ 265,413 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,964 ሰዎች ህይወታቸው አልፏል፤ 217,370 ሰዎች አገግመዋል።

አሁን ላይ 620 ሰዎች በፅኑ ታመዋል።

በሀገራችን እየተሰጠ ያለውን የኮቪድ-19 ክትባት የተከተቡ ዜጎች ቁጥር 1,436,665 ደርሷል።

#Purpose
@tikvahethiopia

አሜሪካ ስለታላቁ የህዳሴ ግድብ ፦

"...ጄፍሪ ፌልትማን በውሃ እና በግድቡ ደህንነት እና አስተዳደር ጉዳዮች ላይ ስጋት አለን ከሚሉት ከግብጽ እና ሱዳን መሪዎች ጋር መክረዋል።

ጉዳዩ የኢትዮጵያን የመልማት ፍላጎት በማከለ መልኩ በአፍሪካ ህብረት መሪነት መፍትሄ ሊያገኝ ይችላል።

ለዚህም በአፍሪካ ህብረት መሪነት የሚካሄደው ድርድር በአስቸኳይ ሊጀመር እንደሚገባ እናሳስባለን።

በ2015ቱ የመርሆዎች ስምምነት መግለጫ (DoP) እና የአፍሪካ ህብረት ቢሮ ባሳለፍነው ክረምት የሰጠው መግለጫ ለድርድሩ መሰረት ሆኖ ያገለግላል በሚል እናምናለን።

አሜሪካ ለድርድሩ ስኬት ቴክኒካዊ እና ፖለቲካዊ ድጋፎችን ለማድረግ ቁርጠኛ ናት።"

#AlAIN
@tikvahethiopiaBOT @tikvahethiopia

የዩኒቨርሲቲ ተማሪዎች ከግቢ ይወጣሉ መባሉን ከተከትሎ ቅሬታ አለን ያሉ ተማሪዎች አሉ ፤ ምንድነው ቅሬታቸው ?

የተለያዩ ዩኒቨርሲቲዎች 6ኛው ሀገራዊ ምርጫን ተከትሎ ተማሪዎች ወደቤታቸው እንደሚሄዱ ከወዲሁ እያሳወቁ ይገኛሉ።

ይህን ተከትሎትም ቅሬታ አለን የሚሉ ተማሪዎች ለቲክቫህ አሳውቀዋል።

መልዕክት የላኩ ተማሪዎች ፥ በፀጥታ፣ በሽታና በትምህርታዊ በሌሎችም ምክንያቶች መመለስ እንደማይፈልጉ ገልፀውልናል።

ተማሪዎቹ በ2012 ዓ/ም በኮሮና ምክንያት ተቋርጦ የቆየው ትምህርት አሁን ደግሞ በምርጫ በሚል ድጋሚ ትምህርት ከተቋረጠ በተማሪዎች ላይ የሚያሳድረው ስነልቦናዊ ጫና ፣ ተስፋ የመቁረጥ ስሜት ከፍተኛ ነው ሲሉ አስረድተዋል።

ተማሪዎች እንዲበተኑ የሚደረግበት ምክንያት በዝርዝር እንዲገለፅ ፤ በሌላ በኩል አንፃራዊና አስተማማኝ ሰላም ባለባቸው ቦታዎች ተማሪዎች ባሉበት ሆነው ትምህርት እንዲቀጥል ጠይቀዋል።

ነገር ግን የግዴታ ከግቢ የሚወጣ ከሆነ የሰላም እና ፀጥታ ችግር ካለባቸው የሀገሪቱ ክፍሎች ማለትም ከትግራይ ፣ ከመተከል፣ ወለጋ...የመጡ እና አንፃራዊ ሰላም ባለባቸው ከተሞች የሚማሩ ተማሪዎች በግቢ እንዲቆዩ ጠይቀዋል።

በሌላ በኩል አካል ጉዳተኛ የሆኑ እና የተማሪ ህብረቶች በግቢ እንቆይ ብለዋል።

የግዴታ ከግቢ የሚወጠ ከሆነ ተማሪዎች በቂ የትራንስፖርት አገግልግሎት እንዲመቻችላቸው ከወዲሁ ጠይቀዋል።

ቅሬታና ጥያቄያቸውን ለ @tikvahuniversity ያሳወቁ የዩኒቨርሲቲ ተማሪዎች ጥያቄያቸውን ለተማሪ ህብረት ፅ/ቤት ፥ህብረቱም ለበላይ አመራሮች በማቅረብ ምላሽ በመጠባበቅ ላይ መሆናቸውን አስረድተዋል።

ከዚህ ቀደም MoSHE ለቲክቫህ በዩኒቨርሲቲ ተማሪዎች የምርጫ ተሳትፎ ዙሪያ ውሳኔን ይፋዊ መግለጫ በመስጠት እንደሚያሳውቅ መግለፁ የሚዘነጋ አይደለም።

@tikvahethiopia

* HERQA

የሙያ ብቃት ምዘና ወስደው ውጤታቸውን እየጠበቁ ያሉ ምሩቃኖች የትምህርት ማስረጃቸው እንዲረጋገጥላቸው የሚከተሉትን ቅድመ-ሁኔታዎች አሟልተው በአካል መገኘት ይኖርባቸዋል፦

1. ከመሰናዶ ትምህርት ተሸጋግረው የዲግሪ ትምህርታቸውን የተማሩ ከሆነ የመሰናዶ ትምህርት ያጠናቀቁበትን የት/ት ማስረጃ ከጀርባው ፊርማና ማህተም ያረፈበት ማረጋገጫ ማቅረብ፤ (የማረጋግጠው ሀገር አቀፍ የትምህርት ምዘናና ፈተናዎች ኤጀንሲ ነው፤ አዲስ አበባ 4 ኪሎ)

2. ከቴክኒክና ሙያ ትምህርትና ስልጠና ተሸጋግረው የዲግሪ ትምህርታቸውን የተከታተሉ ከሆነ ከት/ት ማስረጃው በስተጀርባ ላይ ፊርማና ማህተም ያረፈበት ማረጋገጫ ማቅረብ፤ በክልል የቴክኒክና ሙያ ትምህርትና ስልጠና ኤጀንሲ ከጀርባው ማህተም በማስደረግ ማረጋገጫ ማቅረብ፤

3. የዲግሪ ጤና ስልጠናውን ለመከታተል ሲመዘገቡ ሌላ ዲግሪ በማቅረብ ከሆነ ዲግሪውን ተምረው ያገኙበት ከፍተኛ ትምህርት ተቋም ከጀርባው ማረጋገጫ ማህተም እና ፊርማ ያረፈበት ማስረጃ ማቅረብ፤

4. አሁን ከግል ከፍተኛ ትምህርት ተቋም ያገኙትን የዲግሪ ትምህርት ማስረጃ ከበስተጀርባው ማህተም እና ፊርማ ያረፈበት ማረጋገጫ ማቅረብ፤ (አሁን የተመረቁበት ተቋም)፡፡

በቀጣይ 2 ሳምንታት ውስጥ ባሉት የስራ ቀናት ከላይ የተገለጹትን ቅድመ-ሁኔታዎች በማሟላት አዲስ አበባ ሽሮ ሜዳ አሜሪካን ኢምባሲ ፊት ለፊት በሚገኘው የከፍተኛ ትምህርት አግባብነትና ጥራት ኤጀንሲ 1ኛ ፎቅ ቢሮ ቁጥር 115 ቁጥር በአካል ማስረጃቸውን ማቅረብ ይጠበቅባቸዋል ተብሏል።

ኤጀንሲው አረጋግጦ ከሚያስተላልፈው የስም ዝርዝር ውጪ ለሙያ ብቃት ምዘና መመልመል እና የሙያ ፈቃድ መስጠት አይቻልም።

@tikvahethiopia

ብ/ጄኔራል ኃይሌ መለሰ ተሰማ ፦

- በድሮው አስተዳደራዊ አወቃቀር በደብረ ታቦር አውራጃ በፋርጣ ወረዳ ጥር 28 /1933 ዓ/ም ነበር የተወለዱት።

- እስከ ጄነራልነይ ማዕረግ ያደረሳቸውን ህይወታቸውን በውትድርና የጀመሩት በ1960 ዓ/ም ነበር።

- በሶማሊያ ወረራ ወቅት የ69ኛውን ሚሊሻ ብርጌድ በማሰልጠን በግንባርም አዋጊ ሆነው በመምራት ታላላቅ ጀብዶችን ለሀገራቸው የፈፀሙ ነበሩ።

- መስከረም 1970 ዓ/ም ላይ በድሬዳዋ ግንባር ወደውጊያ የገቡ ሲሆን ካራማራ፣ ጅግጅጋ፣ ደጋሀቡር እና ቀብሪደሃር (መጋቢት 1/1970) ከሶማሊያ ጦር ወረራ ነፃ አውጥተው በመቆጣጠር የምስራቁን ግንባር ጦርነት በድል እንዲጠናቀቅ ያደረገውን ብርጌድ መርተዋል።

- ከወታደራዊ ስራቸው ተጨማሪ የተለያዩ የኢትዮጵያ ክ/ሀገሮችን አስተዳድረዋል።

- የፌዴራል መንግስት ተቋማትን መርተዋል።

- ለሀገራዊ አገልግሎታቸው የህበረተሰባዊ ኢትዮጵያ ታላቅ የክብር ኮከብ ኒሻን እና የየካቲት 66 አብዮት ኒሻን እና ሌሎች ሽልማቶችን አግኝተዋል።

- ባለትዳር እና የ7 ልጆች አባት ነበሩ።

#አሚኮ

@tikvahethiopia @tikvahethiopiaBOT

#BREAKING

6ኛው ጠቅላላ ሀገራዊ ምርጫ በተያዘለት ቀን እንደማይካሄድ ምርጫ ቦርድ አስታወቀ።

ቦርዱ ይህ ያሳወቀው ዛሬ ከፖለቲካ ፓርቲዎች ጋር እየመከረ ባለበት መድረክ ላይ ነው።

ምርጫው ግንቦት 28 ይካሄዳል ተብሎ ነበር።

የምርጫ ካርድ ምዝገባውና ሌሎች ስራዎች በተያዘላቸው ቀናት ባለመጠናቀቃቸው ምርጫው በተያዘለት ቀን አይካሄድም ተብሏል።

ምርጫ ቦርድ ድምጽ መስጫው ቀን በ3 ሳምንት እንዲራዘም ፓርቲዎችን መጠየቁን አል ዓይን ዘግቧል።

@tikvahethiopia

የድምፅ መስጫ ቀን ማራዘም ያስፈለገው ለምንድነው ?

ከፖለቲካ ፓርቲዎች ጋር እየተካሄደ በሚገኘው የምክክር መድረክ ምርጫ ቦርድ የ6ኛው ጠቅላላ ምርጫ ቀን ሊራዘም እንደሚችል አስታውቋል።

ቦርዱ የምርጫው ጊዜ ቀድም ብሎ ከተያዘለት ጊዜ እስከ 3 ሳምንት በሚደርስ ጊዜ ነው እንደሚራዘም የገለፀው።

ምክንያት ብሎ ያቀረበው ፦

- የድምፅ መስጫ ወረቀት ህትመት የወሰደው ጊዜ በመኖሩ ፤ ውጭ ሀገር የሚታተመው ወረቀት የሚገባበት ጊዜ ሂደቱን ሊያጓትት ስለሚችል (በመጪው 15 ቀን መጨረሻ ነው ይገባል ተብሎ የሚጠበቀው)

- የመራጮች ምዝገባ የወሰደው ተጨማሪ ጊዜ በመኖሩ

- ለቁሳቁስ ማጓጓዣ በቂ ጊዜ ስለሚያስፈልግ

- በአንድ ምርጫ ጣቢያ 3 የነበሩትን የምርጫ አስፈፃሚዎች መጨመር ስለሚያስፈልግ ለነሱ ስልጠና መስጠት ጊዜ ስለሚወስድ ይህን ለማስተካከል ነው የምርጫው ጊዜ እንዲራዘም ያለው።

ምርጫ ቦርድ ከፖለቲካ ፓርቲዎች ጋር የሚያደርገው ምክክር አሁንም የቀጠለ ሲሆን የሚደረስበትን ድምዳሜ ተከታትለን እናሳውቃለን።

@tikvahethiopia