#Update

አራተኛ ቀኑን የያዘው የአማራ ክልል የተቃውሞ ሰልፍ አድማሱን አስፍቶ ዛሬ በተለያዩ ከተሞች ቀጥሏል።

በአማራ (አጣየና አካባቢው) እንዲሁም ከአማራ ክልል ውጭ በኦሮሚያ (ወለጋ)፣ በቤኒሻንጉል ጉሙዝ (መተከል) ፣ በደቡብ (ጉራ ፈርዳ) የአማራ ማንነትን መሰረት ያደረገ ጥቃት ይቁም በሚል የሚደረጉት ሰልፎች ከቀን ወደ ቀን አድማሳቸው እየሰፋ መጥቷል።

ዛሬ በአራተኛ ቀን የተቃውሞ ሰልፍ ፥ ጎንደር ፣ መራዊ ፣ መርሳ ፣ አዴት ፣ ደብረብርሃን (ለሁለተኛ ቀን) ፣እንጅባራ፣ ኮምቦልቻ ፣ ሞጣ ፣ ደብረታቦር ፣ ቆቦ በርካቶች አደባባይ ወጥተው ተቃውሞ እያሰሙ መሆናቸውን ለማውቅ ተችሏል።

ተቃውሞ ሰልፉ ተሳታፊዎች ጥያቄ ከዚህ ቀደም ከተደረጉት ሰልፎች ጋር ተመሳሳይ ሲሆን የሚፈፀሙት ግድያዎች፣ ማሳደዶች፣ ማፈናቀሎች፣ ንብረት ማውደሞች ይቁሙ የሚል ነው።

በተቃውሞ ሰልፎቹ ላይ መንግስትን የዜጎቹን በሰላም የመኖር ደህንነት የመጠበቅ ኃላፊነቱን ባለመወጣቱት የሚያወግዙ የተለያዩ መልዕክቶች እየተላለፉ መሆኑን ተሰምቷል።

@tikvahethiopia

#Update

ባለፉት ቀናት የአደባባይ የተቃውሞ ሰልፎችን ያስተናገደችው የአማራ ክልል መዲና ባህር ዳር ዛሬ የእንቅስቃሴ አድማ ውስጥ መሆኗን የባህር ዳር ቲክቫህ አባላት አሳውቀዋል።

ስራ ቆሟል፣ እንቅስቃሴም የለም ፤ ትላንት በከፊል ነበር ዛሬ ግን የለም፤ ከተማው ጭር ብሏል ሲሉ አሳውቀዋል።

የስራ ማቆም አድማ የሰልፎቹ ተከታይ ሲሆን ዋነኛው ዓለማው ደግሞ የሚፈፀሙ ማንነትን መሰረት ያደረጉ ግድያዎች መቃወም እና መፍትሄ እንዲፈለግ የሚጠይቅ መሆኑን ገልፀዋል።

የባህር ዳር ከተማ አስተዳደር ምን ይላል ?

የባህር ዳር አስተዳደር ባወጣው መግለጫ ፥ በኦሮሚያ [ወለጋ ዞን] ፣ የቤኒሻንጉል ጉሙዝ [መተከል] ፣ አማራ [ሰሜን ሸዋ ዞን] በአማራ ብሄር ተወላጆች ላይ በደረሰው ህይወት መጥፋት ፣ መፈናቀል እና ንብረት ውድመት ሃዘን እንደተሰማው ገልጾ ከክልሉ ውጭ የሚኖሩ ተወለጆችን ሰርተው ለመለወጥ በሚታትሩበት ወቅት በማንነታቸው እየተለዩ መገደል አረመኔነት ነው ብሎታል።

ከዚህ ጋር በተያያዘ በከተማው ሰላማዊ የሆነ የተቃውሞ ሰልፍ መደረጉን አሳውቆ ፥ ነገር ግን የሰልፉ አላማ ሞት እና መፈናቀል ይቁም የሚል ቢሆንም "አንዳንድ ፅንፈኞችና የወቅቱን የክልሉን እና አማራን ህዝብ ነባራዊ ሁኔታ ያልተረዱ ሰላማዊ ሰልፉን ለማበላሸት ሙከራ ሲያደርጉ ነበር" ብሏል።

"በሰልፉ ላይ የክልሉን እና የከተማውን ህዝብ የማይመጥኑ ንግግሮች ፣ ከክልሉ ውጭ የሚኖሩ የአማራ ተወላጆችን የሚያሸማቅቁ መፈክሮችና የክልሉ አመራሮች ስብዕና የሚነኩ መፈክሮች እና ንግግሮች ፣ በፀጥታ አካላት ላይ የታዬ ማንጓጠጥ እና ማመናጨቅ ፣አመራሩን ለመከፋፈል አንዱን በማኮሰስ ፣ሌላውን በማጀገን የተደረገው ቅስቀሳ ፍፁም ስህተት ነው" ሲል ገልጿል።

More : telegra.ph/Tikvah-Bahirdar-04-22

@tikvahethiopia

የመራጮች ምዝገባ እንደሚራዘም ተጠቆመ።

በምርጫው ሂደት አስካሁን የነበሩትን ክንውኖች በሚመለከት ጠቅላይ ሚኒስትር ዐቢይ አሕመድ ከክልል ርዕሳነ መስተዳድሮች ጋር ውይይት አድርገዋል።

ጠቅላይ ሚኒስትሩ በውይይቱ ላይ “የኢትዮጵያ ጠላቶች ምርጫውን ለማስተጓጎል፣ ደካማና የሚያዙት መንግስት ለመፍጠር ሌት ተቀን እየሰሩ መሆኑን ልንገነዘብ ይገባል” ብለዋል።

የዘንድሮው 6ኛው ብሔራዊ ምርጫ “ነጻ፣ ፍትሐዊ፣ ዴሞክራሲያዊ እና ሰላማዊ እንዲሆን በቁርጠኝነት እየሠራን ነው” ሲሉም ገልጸዋል።

በውይይቱ የክልል ርዕሳነ መስተዳድሮች በምርጫው ሂደት የእስካሁኑን ክንውን ሪፖርት አቅርበዋል። በእስካሁኑ ሂደት የመራጮች ምዝገባ ተሳትፎ በጥሩ ሁኔታ የተከናወነባቸው ክልሎች መኖራቸው ተመልክቷል።

በሲዳማና ኦሮሚያ ክልሎች እንዲሁም ድሬዳዋና አዲስ አበባ ከተማ አስተዳደሮች የመራጮች ምዝገባ “ከ80 በመቶ በላይ” አፈፃፀም መኖሩን አብራርተዋል።

በሌሎች ክልሎችም የመራጮች ምዝግባ አፈፃፀም ከ50 በመቶ በላይ መሆኑን ገልጸዋል።

በውይይቱ ላይ የተገኙት የኢትዮጵያ ብሄራዊ ምርጫ ቦርድ ሰብሳቢ ብርቱካን ሚደቅሳ የመራጮች ምዝገባ እንደሚራዘም ጠቁመዋል።

ተጨማሪው ቀን ምን ያክል እንደሚሆን ግን ቦርዱ ተወያይቶ የሚወስን እና የሚያሳውቅ መሆኑን ሰብሳቢዋ መገለፃቸውን ኢዜአ ዘግቧል።

@tikvahethiopiaBOT @tikvahethiopia

ኮቪድ-19 ወረርሽኝ እና እያሳደረው ያለው ጫና ፦

ኮቪድ-19 ወረርሽኝ እያሳደረ ያለው የኢኮኖሚ ጫና እየበረታ ነው።

ከታማሚዎች ቁጥር መጨመር ጋር ተያይዞም የህክምና ግብአቶች እጥረት እያጋጠመ ነው።

1 የጤና ባለሞያ ለታካሚዎቹ በሚሰጠው አገልግሎት ለብሶ የሚገባው አልባሳት ከአንድ ጊዜ በላይ የሚለበስ ባለመሆኑ በ24 ሰዓት ውስጥ ብቻ ከ160,000 ብር በላይ የሚገመቱ የጤና አገልግሎት መስጫ አልባሳት በሚሊኒየም የኮቪድ-19 ህክምና ማዕከል ወጪ ይደረጋል።

በሚሊኒየም ማዕከል የበሽታ መከላከል እና ቁጥጥር ቡድን መሪ አቶ ናኦል አሉላ ፥ ያለውን ጫና ለ #አዲስ_ቴሌቪዥን አስረድተዋል።

በፅኑ ህሙማን ክፍል /በማሽን እየተነፈሱ ያሉ ታማሚዎች ጋር የሚገቡ የጤና ባለሞያዎች የሚያደርጓቸው የ coverall ሂሳብ የአንዱ ብቻ ከ3500 እስከ 4000 ብር ይደርሳል።

ICU ክፍል /ፅኑ ህሙማን ክፍል የሚገባ ሁሉ coverall አድርጎ ነው የሚገባው።

በተጨማሪ face shield፣ N95 ማስክ (ከሰርጂካል ማስክ ተጨማሪ) ፣ ቡትስ ያደርጋል። መመሪያው እና ፕሮቶኮሉም የሚያዘው ይህንኑ ነው።

በቀን ውስጥ ወደ 200 - 400 ሰው የሚገባ ሲሆን የአንዱ coverall ዋጋ ከ3,500 - 4000 ብር ሌሎችም መከላከያዎች ተዳምረው በትንሹ 4 ሺህ ብር ይጠጋል ፥ ይህም በ24 ሰዓት ውስጥ ብቻ 160,000 ብር ወጪ እንዲሆን ያደርጋል።

የታማሚዎች ቁጥር በጨመረ ቁጥር የሚወጣው ወጪ በዛው ልክ እየጨመረ ይመጣል፣የቁሳቁስ እጥረትም ይከሰታል ብለዋል አቶ ናኦል አሉላ።

ዜጎች ያለውን ሁኔታ በመገንዘብ በዚህ ወረርሽኝ ምክንያት እንደሀገር፣ እንደተቋም እየወጣ ያለውን ወጪ ለመቀነስ እራሱን እና ቤተሰቡን ከበሽታው መጠበቅ አለበት።

ሚዲያዎችን እንደ ቀድሞ ኃላፊነታቸውን እንዲወጡ ጠይቀዋል።

@tikvahethiopia

'መሀመድ ዴክሲሶ ያለበት አይታወቅም'

• "...የኦሮሚያ ልዩ ኃይል ነው ስድስት ሆነው መጥተው ነው በፓትሮል የወሰዱት ከዛ ቀን ጀምሮ እዚህ ነው የሚል ተጨባጭ መረጃ የለንም።" - አቶ ሱልጣን ዴክሲሶ

• "... እኛም ያለበትን ቦታ ማወቅ አልቻልንም" - ኢሰመኮ

የካቲት 6/2013 ዓ/ም ጅማ ዩኒቨርሲቲ ተማሪዎችን በሚያስመርቅበት መድረክ ላይ እነ አቶ ጃዋር መሃመድን ጨምሮ ሌሎች እስረኞች ከእስር እንዲፈቱ የጠየቀው መሃመድ ዴክሲሶ በተለያዩ ወንጀሎች ተጠርጥሯል በሚል በፖሊስ ቁጥጥር ስር ውሎ ክስ ከተመሰረተበት ወዲህ ከእስር አልተለቀም።

የመሀመድ ቤተሰቦች ፥ ፍርድ ቤት ከአንድም ሁለት ጊዜ ቢያሰናብተውም እስካሁን ሳይለቀቅ ቀርቷል ብለዋል።

የመሀመድ ዴክሲሶ ወንድም አቶ ሱልጣን ዴክሲሶ ለጀርመን ድምፅ እንደተናገሩት ከሆነ ፥ አሁን ላይ መሀመድ ዴክሲሶ ያለበትን ቤተሰቦቹ አያውቁም።

አቶ ሱልጣን ፥ " ... በምርቃት ቀኑ እዛው በመድረክ ላይ ድምፁን ካሰማ በኃላ ነው በፖሊስ ቁጥጥር ስር የዋለው፤ ከዛም ወደ ፖሊስ ጣቢያ ነው የተወሰደው ፤ ከዛ ፍርድ ቀርቦ ነበር፤ ከዛ በኃላ ባልታወቀ ምክንያት ልዩ ኃይል በሚባለው ተወሰደ ፤ ከተወሰደ ወዲህ ዛሬ 3 ሳምንት አልፎታል ፤ እዚህ ነው ያለው፤ በዚህ ሁኔታ ነው ያለው የሚለውን እንደቤተሰብ እኛ ምንም የምናውቀው ነገር የለም" ብለዋል።

በኢትዮጵያ የሰብዓዊ መብቶች ኮሚሽን (ኢስመኮ) የሰብዓዊ መብቶች ጉዳይ አማካሪ ኢማድ አብዱልፈታህ እንደተናገሩት፥ መሀመድ ዴክሲሶ አሁን ያለበትን ስፍራ ለማወቅ የተለያዩ የመንግስት መዋቅሮችን ጠይቆ ለመረዳት ቢሞከርም ይህ ከኮሚሽኑ አቅም በላይ መሆኑን ነው የገለፁት።

ያንብቡ : telegra.ph/Mohaammad-Deeksisoo-04-22

@tikvahethiopiaBOT @tikvahethiopia