ለጋዜጠኞች ስለምርጫ አዘጋገብ የተሰጠው ስልጠና :

የኢትዮጵያ መገናኛ ብዙሃን ባለሙያዎች ማህበር አዘጋጅነት ለ2 ቀናት በአዲስ አበባ የተካሄደው የጋዜጠኞች የምርጫ አዘጋገብ ስልጠና ጋዜጠኞች በምርጫ ወቅት መረጃ ለህዝብ በሚያደርሱበት ጊዜ ስለ ምርጫ ስለሚኖራቸው የተሻለ ግንዛቤ ያተኮረ ነው።

ከዚህም በተጨማሪ አሁን አሁን እየተባባሰ የመጣውን የጥላቻ ንግግር በማስወግድና ሀቅን በማንጠር ጋዜጠኞች ለዜጎች ትክክለኛ መረጃ ማድረስ እንደሚገባቸው በመድረኩ ተነስቷል።

የማህበሩ ፕሬዜዳንት ጋዜጠኛ ኤልያስ መሰረት በምርጫ ወቅት ብዙ አጀንዳዎች ወደ ህዝቡ ይቀርባሉ ፤ የሚቀርቡት አጀንዳዎች በመንግስት አካላትም ሆበ በተቃዋሚ ጎራ ሊሆን ይችላል መረጃውን የሚያቀርቡት ጋዜጠኞች እራሳቸውን ከዜናው ውስጥ በማውጣት ሁሉንም ባማከለ መልኩ መረጃዎችን በማመዛዘን ማቅረብ አለባቸው ብለዋል።

ጋዜጠኛ ኤልያስ ፥ "ለአንድ ጋዜጠኛ ትልቁ አለቃው ኤዲተሩ ወይም የሚሰራበት ሚዲያ ባለቤት አይደለም፤ እውነት ነው መሆን ያለበት በተለይ እንደምርጫ ባለ ጉዳይ የሀሰተኛ መረጃ ስርጭቱ ፣ የጥላቻ ንግግሩ የተለያዩ ፕሮፖጋንዳዎች የሚንፀባረቁበት ነው አሁንም እያየን ነው ያለነው ፥ ስለዚህ ከፍተኛ የፕሮፌሽናሊስም ስታንዳርድ ጋዜጠኞች መከተል አለባቸው" ሲሉ ተናግረዋል።

አክለው ፥ ጋዜጠኞች የራሳቸውን አስተያየት፣ የሚደግፉት የሚከተሉት አቋም ሊኖር ቢችልም ነገር ግን ከዛ ውስጥ እራሳቸውን አውጥተው በማሰብ ሁሉንም ባማከለ መንገድ ፣ በገለልተኝነት ዜናዎችን መስራት አለባቸው ብለዋል።

More : https://telegra.ph/EMMPA-04-04

@tikvahethiopiaBOT @tikvahethiopia

ዘ ዊኬንድ ለትግራይ ድጋፍ የሚሆን 1 ሚሊዮን ዶላር አበረከተ።

አቤል ተስፋዬ (ዘ ዊኬንድ) ትውልደ ኢትዮጵያዊው ድምፃዊ በኢትዮጵያ ትግራይ ክልል የሰብዓዊ ደጋፍ ለማቅረብ የሚውል የ1 ሚሊየን ዶላር ድጋፍ ማደረጉን WFP USA አሳውቋል።

More : https://t.co/9vS6PfQQFj

@tikvahethiopiaBOT @tikvahethiopia

#NewsAlert

በሙርሌ ጎሳ አባላት ታግተው ከተወሰዱት ዜጎቻችን መካከል 5ቱ ወደ ሀገራቸው ተመለሱ፡፡

ከጋምቤላ ክልል በደቡብ ሱዳን ሙርሌ ታጣቂዎች ታፍነው ተወስደው ከነበሩ ህፃናትና ሴቶች መካከል አምስቱ ወደ ሀገራቸው መመለሳቸውን የክልሉ ርዕሰ መስተዳድር አቶ ኡሞድ ኡጁሉ አስታውቀዋል።

አቶ ኡሞድ እንዳሉት፥ ከ2008 እስከ 2012 ዓ.ም ድረስ 275 ህፃናት በሙርሌ ጎሳ ታጣቂዎች እንደተወሰዱ ጠቁመው በወቅቱም የሀገር መከላከያ ሰራዊት ባደረገው ኦፕሬሽን 208 ህፃናት ማስመለስ እንደተቻለ አስታውሰዋል።

በ2012 ዓ.ም ደግሞ ከደቡብ ሱዳን ጋር በተደረገው መልካም ግንኙነት 13 ህፃናት ወደ ሀገራቸው መመለሳቸውን ጠቅሰዋል።

በአሁኑ ሰዓት 3 ህፃናትና 2 ሴቶች በድምሩ 5 ዜጎቻችን መመለሳቸውን በመግለጽ ቀሪ ያልተመለሱትን ህፃናት ለማስመለስ ከደቡብ ሱዳን መንግስት ጋር እየተሰራ እንደሚገኝ መግለፃቸውን የጋምቤላ ክልል ፕሬስ ሴክሬቴሪያት አሳውቋል።

@tikvahethiopiaBOT @tikvahethiopia

#TheWeeknd #WFP_USA

WFP USA በትግራይ ሰብዓዊ ድጋፍ ለሚሰራው ስራ የዘ ዊኬንድን በጎ ተግባር ሌሎችም እንዲቀላቀሉ ጥሪ እያቀረበ ይገኛል።

የWFP USA ፕሬዜዳንት እና ዋና ስራ አስፈፃሚ ባሮን ሴጋር ዘ ዊኬንድ በኢትዮጵያ ትግራይ ክልል ለሚሰራው ስራ የአንድ ሚሊዮን ዶላር ድጋፍ ስላደረገ ምስጋና አቅርበውለታል።

ዘ ዊኬንድ የአንድ ሚሊዮን ድጋፍ ከማድረግ ባለፈም በይፋዊ የትስስር ገፆቹ ላይ ሌሎችም ድጋፍ እንዲሰጡ (https://secure.wfpusa.org/donate/save-lives-giving-food-today-donate-now-107) አበረታቷል።

@tikvahethiopia @tikvahethiopiaBOT

* update

የኢፌዴሪ ጠቅላይ ዐቃቤ ህግ ኮቪድ-19 ወረርሽኝ ለመከላከል ባለፉት ሳምንታት ከወጣው መመሪያ ጋር በተያያዘ መሰረታዊ በሆኑ ጉዳዮች ላይ ማብራሪያ ሰጥቷል፡፡

ማብራሪያ የሰጠባቸው ጉዳዮች ስብሰባዎችን የተመለከቱ፣ ከፓርቲዎች የምርጫ ቅስቀሳ ጋር በተያያዘ፣ መመሪያው በመንግስት ተቋማት ላይ ተፈጻሚነት ያለው ስለመሆኑ እና ቅጣቶችን ያካተተ ነው፡፡

* ሙሉ ማብራሪያው ከላይ ተያይዟል።

@tikvahethiopiaBOT @tikvahethiopia

የኢትዮጵያ ሳይንስ እና ቴክኖሎጂ ዩኒቨርሲቲዎች ምዝገባ ጀመሩ።

የ12ኛ ክፍል መልቀቂያ ፈተና ወስደው አዳማ ሳይንስ እና ቴክኖሌጂ እና አዲስ አበባ ሳይንስ እና ቴክኖሎጂ ዩኒቨርሲቲዎች በፈተና ለመግባት ለሚፈልጉ ምዝገባው መጀመሩ ተገልጿል።

የመመዝገቢያ መስፈርቶች ፦

ተዳጊ ክልሎች (አፋር፣ ሱማሌ፣ ቤኒሻንጉል ጉሙዝ፣ ጋምቤላ) ፦

- ኢንጂነሪንግ : ወንድ 415 እና በላይ ፤ ሴት 410 እና በላይ
- አፕላይድ ሳይንስ : ወንድ 400 እና በላይ ፤ ሴት 395 እና በላይ

ሌሎች ክልሎች ፦

- ኢንጂነሪንግ : ወንድ 420 እና በላይ ፤ ሴት 415 እና በላይ
- አፕላይድ ሳይንስ : ወንድ 405 እና በላይ ፤ ሴት 400 እና በላይ

የምዝገባ ጊዜ ፡- ከመጋቢት 26/2013 ዓ.ም እስከ ሚያዝያ 02 ቀን 2013 ዓ.ም ሲሆን ምዝገባው ሚያዝያ 02 ቀን 2013 ዓ.ም ከሌሊቱ 6፡00 ሰዓት ላይ ይጠናቀቃል።

ለምዝገባ የወጣውን መስፈርር የሚያሟሉ አመልካቾች በማንኛውም ስፍራ በኢንተርኔት (online) በ www.astu.edu.et / www.aastu.edu.et/ ድህረ ገፅ በመጠቀም መመዝገብ ይችላሉ፡፡

ፈተናው የሚሰጥበት ቀን ሚያዚያ 8 ቀን 2013 ዓ.ም (ከጠዋቱ 1፡30 እስከ 6፡00 ፣ ከሰዓት ከ8፡00 እስከ 11፡00 ድረስ ይሆናል) ተብሏል።

@tikvahethiopia @tikvahethiopiaBOT