ሐረማያ ዩኒቨርሲቲ ከ3ሺ 700 በላይ ተማሪዎችን እያስመረቀ ነው !

ሐረማያ ዩኒቨርሲቲ በተለያዩ የትምህርት መስኮች ያሰለጠናቸውን ከ3ሺ 700 በላይ ተማሪዎችን እያስመረቀ ነው።

ዩኒቨርስቲው እያስመረቃቸው ያሉ ተማሪዎች በመጀመሪያ፣ ሁለተኛ እና ሶስተኛ ዲግሪ መርሃ ግብር ሲሆን ተማሪዎቹ ትምህርታቸውን በኮሮና ቫይረስ ምክንያት አቋርጠው የነበሩና በተያዘው አመት ያጠናቀቁ ናቸው።

በምረቃ ሥነ-ሥርዓቱ የሳይንስ እና ከፍተኛ ትምህርት ሚኒስትር ዴኤታው ዶክተር ሳሙኤል ክፍሌን ጨምሮ ጥሪ የተደረገላቸው የፌዴራል እና ሌሎችም ከፍተኛ የስራ ሀላፊዎች ተገኝተዋል።

Via ENA , Haramaya University
@tikvahethiopiaBOT @tikvahethiopia

በ69 ሚሊዮን ዶላር በድሬደዋ እየተገነባ የሚገኘው የደረቅ ወደብ ግንባታ 50% መድረሱ ተገለፀ !

በድሬዳዋ ከንቲባ አህመድ መሀመድ ቡህ የተመራ ከፍተኛ አመራሮች ልዑካን ቡድን በድሬደዋ እየተገነባ የሚገኘውን ደረቅ ወደብ ያለበትን ሁኔታ መጎበኘቱ ተሰማ።

ከንቲባው በድሬዳዋ ደረቅ ወደብ ግንባታ ለበርካታ ወጣቶች የስራ ዕድል ፈጥሯል፤ ግንባታው ተጠናቆ ሲራ ሲጀምር ከዚህ በላይ የስራ ዕድል ይፈጥራል ብለዋል።

በተጨማሪም ደረቅ ወደቡ የድሬዳዋና የምስራቁ የሀገራችን ክፍል ኢኮኖሚ በከፍተኛ ሁኔታ በማነቃቃት ለውጥ በመፍጠር ከፍተኛ ጠቀሜታ ያለው ብለዋል።

የኢትዮጵያ የባህር ትራንስፖርትና ሎጅስቲክስ አገልግሎት ድርጅት የሎጂስቲክ ዘርፍ ም/ስራ አስፈፃሚ አቶ ምህረትዓብ ተኽሉ ደረቅ ወደቡ በ69 ሚሊዮን የአሜሪካን ዶላር በ34 ሄክታር መሬት ላይ እየተገነባ እንደሚገኝ ገልፀዋል፤ ተጠናቆ ስራ ሲጀምር እስከ 4 ሺ ኮንቴነር ማስተናገድ እንደሚችል አሳውቀዋል።

የድሬዳዋው ደረቅ ወደብ ግንባታ በአውሮፓውያኖቹ አቆጣጠር ጁን 20 / 2020 ግንባታው የተጀመረ ሲሆን በ15 ወራት ለማጠናቀቅ ነው ውል የተገባው አሁን ግንባታው 50% መድረሱን ተገልጿል።

መረጃው የድሬዳዋ ከተማ ኮሚኒኬሽን ነው።

@tikvahethiopiaBOT @tikvahethiopia

በእድሳት ምክንያት ተዘግቶ የቆየው "አምባሳደር ፓርክ" ተመረቀ !

የአ/አ "አምባሳደር ፓርክ" በ49 ሚሊየን ብር እድሳት ተደርጎለት በዛሬው ዕለት ተመርቋል፡፡

በ1 ሄክታር መሬት ላይ ያረፈው የአምባሳደር ፓርክ የእድሳት ስራ በ25 ወራት መጠናቀቁ ተገልጿል፡፡

በተመሳሳይ በ4 ሄክታር ቦታ ላይ በ101 ሚሊየን ብር የተገነባውና በመጀመሪያው የአዲስ አበባ ከንቲባ ስም የተሰየመው የቢትወደድ ወልደፃዲቅ ጎሹ መታሰቢያ ፓርክም በዛሬው ዕለት ተመርቋል፡፡

በሁለቱም ፓርኮች ምርቃት ላይ ላይ የአ/አ ከተማ ምክትል ከንቲባ ወ/ሮ አዳነች አቤቤን ጨምሮ ከፍተኛ የመንግሥት አመራሮች ተገኝተዋው እንደነበር ከአዲስ አበባ ፕሬስ ሴክሬተሪያት የተገኘው መረጃ ያሳያል።

Photo : Abbas Shah (File)
@tikvahethiopiaBOT @tikvahethiopia

#AddisAbaba

ተደብቆ ወደ አዲስ አበባ የገባ ስናይፐር፣ ብሬን፣ ሽጉጥና ከ5 ሺህ በላይ ልዩ ልዩ ጥይቶች ተያዙ።

የብሄራዊ መረጃና ደህንነት አገልግሎት ባደረገው ክትትል ከጭነት ጋር ተመሳስሎ በረቀቀ መንገድ ተደብቆ ወደ አዲስ አበባ የገባ ስናይፐር፣ ብሬን ፣ ሽጉጥ ፣ ከ5ሺህ በላይ ልዩ ልዩ ጥይቶች እንደተያዘ የአዲስ አበባ ፖሊስ ኮሚሸን አስታውቋል፡፡

መነሻውን ጎንደር ያደረገ የሰሌዳ ቁጥር ኮድ 3 አ/አ 99483 አይሱዙ ተሽከርካሪ በጉሌሌ ክፍለ ከተማ በቀድሞ ወረዳ 8 ልዩ ቦታው መንደር ሰባት ተብሎ በሚጠራ አካባቢ የካቲት 19 ቀን 2013 ዓ/ም ከሌሊቱ 10፡00 ሰዓት መያዙ ነው የተገለጸው።

በተደረገው ክትትልም 2 ብሬን ፣ 2 ስናይፐር ፣ 38 ትልቁ እና 25 ትንሹ ኢኮልፒ ሽጉጦች ፣ 5992 የክላሸ ኮቭ ጥይት ፣ 892 የኢኮልፒ ሽጉጥ ጥይት ፣ 5 የስናይፐር ጥይት ፣ የብሬን እግር እና ሁለት የብሬን ዝናር ህገወጥ የጦር መሳሪያውን ሲያዘዋወሩ ከተገኙ ሁለት ተጠርጣሪዎች ጋር በቁጥጥር ስር ውሎ ምርመራ እየተደረገ ነው ተብሏል።

በተመሳሳይ ዜና በደቡብ ወሎ ዞን ኮምቦልቻ ከተማ በህገ ወጥ መንገድ 2 ሺህ ተተኳሽ የክላሽንኮቭ ጥይቶችን በድብቅ ሲገበያዩ የተገኙ ሦስት ተጠርጣሪዎችን በቁጥጥር ስር ማዋሉን የከተማዋ ፖሊስ ማስታወቁን ኢዜአ ዘግቧል።

@tikvahethiopia @tikvahethiopiaBot

#EthiopiaElection2013

በኢትዮጵያ ኦርቶዶክስ ተዋህዶ ቤተ ክርስቲያን ውስጥ በሀይማኖት መምህርነታቸውና በሚሰጧቸው ማህበራዊ ሂሶች የሚታወቁት ሙአዘ ጥበባት ዲያቆን ዳንኤል ክብረት በመጪው 6ተኛው ሀገር አቀፍ ምርጫ በግላቸው እንደሚወዳደሩ አሳውቁ።

ሙአዘ ጥበባት ዲያቆን ዳንኤል ክብረት ለኢትዮጵየ ቼክ ድረገፅ በሰጡት ቃል ፥ "...በስድስተኛው አገር አቀፍ ምርጫ ለህዝብ ተወካዮች ምክር ቤት እወዳደራለሁ" ብለዋል።

"ሀሳብ ከመስጠት ባለፈ በሂደቱ ተሳታፊ መሆን ይገባል ብዬ ስላመንኩ በምርጫው ለመሳተፍ ወስኛለሁ" የሚሉት ሙአዘ ጥበባት ዲያቆን ዳንኤል በአዲስ አበባ ከተማ በወረዳ 12/13 ምርጫ ክልል በግል ተወዳዳሪነት ዕጩ ሆነው አስረድተዋል።

ለምን በግል ለመወዳደር ፈለጉ በሚል ለቀረበላቸው ጥያቄ፥ "...ከፓርቲ ፖለቲካ ይልቅ ግላዊ ፖለቲካ የተሻለ ነው ብየ ስለማምን ነው" የሚል ምላሽ ሰጥተዋል።

ምንጭ፦ www.ethiopiacheck.org
@tikvahethiopiaBot @tikvahethiopia

ወልርድ ቪዥን በትግራይ ከልማት ስራ ከሚሰራበት ገንዘቡ ቀንሶ በችግር ላይ ላሉ ወገኖች የገንዘብ ድጋፍ እያደረገ ይገኛል !

ወርልድ ቪዥን የሰሜን ኢትዮጵያ ቅርንጫፍ በትግራይ የልማት ስራዎችን ከሚያከናውንበት በጀት 19 ሚሊዮን ብሩን በጦርነቱ ምክንያት ለችግር የተጋለጡ ዜጎች ድጋፍ ለማድረግ ስራውን ጀምሯል።

ወርልድ ቪዥን ባለፉት ቀናት በእንደርታ ወረዳ ለሚገኙ ዜጎች 4.5 ሚሊዮን ብር ድጋፍ ያደረገ ሲሆን በውቅሮ ኽልተ አውላዕሎ ለሚገኙ 590 የተቸገሩ ዜጎች ከ1.3 ሚሊዮን ብር በላይ የገንዝብ ድጋፍ አድርጓል።

ለአንድ ሰው 2,200 ብር ነው ወርልድ ቪዥን እየሰጠ የሚገኘው።

በአጠቃላይ በትግራይ ድርጅቱ በ7 ወረዳዎች ላይ የሚሰራ ሲሆን ለዚህ ድጋፍ 19 ሚሊዮን ብር መድቧል፤ በቀጣይ ወደ ሽረ፣ አላማጣ፣ ዓዲግራት እና ሌሎች ያልደረሰባቸው ቦታዎች በመድረስ ድጋፍ እንደሚያደርግ አሳውቋል።

ድርጅቱ እያደረገ ያለው ድጋፍ በቂ በለመሆኑ ሌሎች ዓለም አቀፍ ተቋማት እና ባለሀብቶች አፋጣኝ እርዳት ለትግራይ ህዝብ ማድረስ ይገባቸዋል ብሏል። ያለው ችግር መጠነ ሰፊ በመሆኑ ሁሉም ሊተባበር ይገባል ብሏል።

የወልርድ ቪዥን የሰሜን ኢትዮጵያ ቅርንጫፍ ተጠባባቂ ዳይሬክተር አቶ ተስፋይ አስፋ ፥ እንደድርጅት ሰራተኞች ከ10-15 ፐርሰንት ከደሞዝ ላይ ድጋፍ ለማድረግ ቃል እንደገቡ ገልፀዋል፤ ከደሞዛቸው ተቆርጦ ለትግራይ እገዛ ለማድረግ የወሰኑት በትግራይ ክልል ብቻ የሚሰሩ የወልድ ቪዥን ሰራተኞች ሳይሆኑ በአጠቃላይ በኢትዮጵያ ያሉ ሰራተኞች ናቸው።

ከዚህ በተጨማሪ በትግራይ ያሉ ባለሃብቶችን በማስተባበር ድጋፍ እንዲያደርጉ ገንዝብ የማሰባሰብ ሁኔታ እየተመቻቸ መሆኑ ተገልጿል።

@tikvahethiopiaBot @tikvahethiopia

አክሱም ዩኒቨርሲቲ ለ12ኛ ጊዜ ተማሪዎቹን አስመረቀ።

አክሱም ዩኒቨርሲቲ ዛሬ ለ12ኛ ጊዜ 2,867 ተማሪዎችን በመጀመሪያ እና በሁለተኛ ዲግሪ መርሃግብር አስመርቋል።

ተመራቂዎቹ 1848 ወንዶች ሲሆኑ 1,019 ሴቶች ናቸው።

አክሱም ዩኒቨርሲቲ ጥቅምት ወር ላይ ኮቪድ-19 ወረርሽኝ በመከላከል ተማሪዎቹን ለመቀበል ዝግጅት ካጠናቀቀ እና ተማሪዎቹን አስተምሮ ለማስመረቅ ከተዘጋጀ በኃላ በትግራይ ክልል በተፈጠረው አለመረጋጋት የተማሪዎች የምረቃ ጊዜ ከሚገባው ጊዜ በላይ መራዘሙን የአክሱም ዩኒቨርሲቲ ፕሬዜዳንት ፕሮፌሰር ገብረእየሱስ ብርሃነ ተናግረዋል።

የዛሬዎቹ ተመራቂ ተማሪዎች ከባድ ውጣ ውረድ በትእግስት ተሻግረው ለምረቃ በመብቃታቸው ከፍተኛ ደስታ እንደተሰማቸው ፕ/ር ገብረእየሱስ ተናግረዋል።

በምርቃት ስነሥርዓቱ ላይ የትግራይ ክልል ጊዜያዊ አስተዳደር ም/ስራ አስፈፃሚ አቶ አበበ ገ/ህይወት ተገኝተው ነበር።

#Mekelle #Tigray

@tikvahethiopiaBot @tikvahethiopia