የተለያዩ ዩኒቨርሲቲዎች ተማሪዎቻቸውን እያስመረቁ ይገኛሉ !

#WollegaUniversity

ወለጋ ዩኒቨርሲቲ በተለያዩ የትምህርት መስኮች ያሰለጠናቸውን 3ሺህ 398 ተማሪዎችን ዛሬ በወለጋ ስታዲየም እያስመረቀ ነው።

የዩኒቨርሲቲው እያስመረቃቸው ካሉት ተማሪዎች የመጀመሪያ ዲግሪ 3013፣ በሁለተኛ ዲግሪ 344፣ በህክምና ዶክትሪት 40 እና የአካዳሚክ ዶክተር በአጠቃላይ 3 ሺህ 398 ናቸው።

#KebridharUniversity

ቀብሪ ደሀር ዩኒቨርሲቲ ለመጀመሪያ ጊዜ በተለያዩ የትምህርት መስኮች ያሰለጠናቸውን 612 ተማሪዎቹን እያስመረቀ ነው። ለዚሁ ስነስርዓት የክልሉ ፕሬዜዳንት አቶ ሙስጠፌ ሙሁመድ እና የፌዴራል እንዲሁም የክልሉ ባለስልጣናት ትላንት ወደቀብሪድሃር መጓዛቸው ይታወቃል።

#JimmaUniversity

ጅማ ዩኒቨርስቲ በ2ተኛ ዙር በተለያዩ የትምህርት መስኮች በመጀመሪያ፣ በሁለተኛና ሶስተኛ ዲግሪ ያሠለጠናቸውን 4ሺህ 338 ተማሪዎችን እያስመረቀ ነው።

ከተመራቂዎቹ መካከል 3,950 በመጀመሪያ ዲግሪ ሲሆን ከእነዚህም ውስጥ 1 ሺህ 530 ሴቶች ናቸው። በ2ተኛ ዲግሪ ደግሞ 45 ሴቶች የሚገኙበት 354 ተማሪዎች ተመርቀዋል፡፡ 3 ተማሪዎች በ3ተኛ ዲግሪ እና 4 ተማሪዎች ደግሞ የ 'ሰብ ስፔሻሊቲ' ተመራቂ ይገኙበታል፡፡

#ArsiUniversity

አርሲ ዩኒቨርሲቲ በህክምና ስፔሻሊቲ ትምህርታቸውን ሲከታተሉ የነበሩ 24 ሰልጣኞቹን በመጀመሪያ ዙር አስመርቋል፡፡

#KotebeMetropolitanUniversity

ኮተቤ ሜትሮፖሊታን ዩኒቨርስቲ 2039 ተማሪዎች እያስመረቀ ነው ፤ 1 ሺህ 104 በመጀመሪያ ዲግሪ፣ 222 በ2ኛ ዲግሪና 711 በዲፕሎማ።

ምንጭ፦ ጅማ ዩኒቨርሲቲ ፣ SRTV፣ ወለጋ ዩኒቨርሲቲ ፣ኤፍ ቢሲ
@tikvahethiopiaBot @tikvahethiopia

ከ2 ሚሊዮን ጄሪካን በላይ የምግብ ዘይት በቁጥጥር ስር ዋለ !

በአዲስ አበባ ከተማ "ጀሞ ሚካኤል" አካባቢ ልዩ ስሙ "አንበሳ ጋራዥ" በሚባለው ቦታ በሕገ ወጥ መንገድ የተከማቸ ከሁለት ሚሊዮን ጄሪካን በላይ ፓልም የምግብ ዘይት ዛሬ በቁጥጥር ስር መዋሉን የኢብኮ ገለፀ።

በሕገ ወጥ መንገድ የተከማቸው ዘይት ሊያዝ የቻለው ፌዴራል ፖሊስ እና የላፍቶ ክፍለ ከተማ አስተዳደር ከኅብረተሰቡ የደረሳቸውን ጥቆማ መነሻ በማድረግ ለ2 ሳምንታት ባደረጉት ክትትል ነው ተብሏል።

@tikvahethiopiaBot @tikvahethiopia

#NewsAlert

በቤኒሻንጉል ጉመዝ ክልል ውስጥ 'የከፋ' የአመራር ችግር የታየባቸው አመራሮች ከኃላፊነት ሲነሱ የከፋ አመራር የለባቸውም የተባሉት ደግሞ ሽግሽግ አደረጉ !

የቤንሻንጉል ጉሙዝ ብልፅግና ፓርቲ ፥ በቅርቡ የተካሄደውን የከፍተኛና መካከለኛ አመራሮች ኮንፈረንስ ተከትሎ ህብረ-ብሔራዊነትን በጠበቀ መልኩ አዲስ የአመራር ምደባ እና ሽግሽግ መደረጉን አሳወቀ።

በህዝብ በማስተቸት የከፋ ችግር የታባታቸውን አመራሮች በማንሳት በአዲስ እንዲተኩ በማድረግና የከፋ ችግር የሌለባቸውን ደግሞ በማሸጋሸግ የመተከል ዞንና ወረዳዎች መዋቅር መልሶ የማደራጀት ስራ ተሰርቷል ብሏል።

የመተከል ዞን መምሪያ መዋቅር መልሶ ለማደራጀት በተወሰደ እርምጃ የትምህርት መምሪያ ፣ የከተማ ልማት እና የንግድ መምሪያ፣ ግብርና ተፈጥሮ ሀብት መምሪያ፣ ፍትህ መምሪያ እንዲሁም የውሃ እና ማዕድን መምሪያ ኃላፊ ቦታ ላይ የአመራር አዲስ ምደባና ሽግሽግ ስራ ተሰርቷል ተብሏል።

- የወምበራ ወረዳ ዋና አስተዳዳሪ እና ብልጽግና ፓርቲ ጽ/ቤት ኃላፊ ቦታዎች በሌላ አመራር እንዲተኩ ተደርጓል።

- የቡለን ወረዳ ምክትል ዋና አስተዳዳሪ እና ብልጽግና ፓርቲ ጽ/ቤት ኃላፊ ቦታዎች በሌላ አመራር እንዲተኩ ተደርጓል።

- የድባጢ ወረዳ ብልጽግና ፓርቲ ጽ/ቤት ኃላፊ ቦታ በሌላ አመራር እንዲተካ ተደርጓል።

- የማንዱራ ወረዳ ዋና አስተዳዳሪ ቦታ በሌላ አመራር እንዲተካ ተደርጓል።

- የጉባ ወረዳ ዋና አስተዳዳሪ እና ምክትል ዋና አስተዳዳሪ ቦታዎች በሌላ አመራር እንዲተኩ ተደርጓል።

በተመሳሳይ የካቢኔ እና የጽ/ቤት ኃላፊ ቦታዎች ላይ የአመራር አዲስ ምደባ እና የማሸጋሸግ ስራ በመስራት መልሶ የማዋቀር ስራ መስራቱ ተገልጿል።

* ዝርዝር መግለጫው ከላይ ተያይዟል።

@tikvahethiopiaBOT @tikvahethiopia

የመቐለ፣ አክሱም፣ ዓዲግራት እና ራያ ዩኒቨርሲቲዎች የጋራ ፎረም ምስረታ ዛሬ ተካሄደ !

በትግራይ የሚገኙት አራቱ ዩኒቨርሲቲዎች (መቐለ፣ ራያ ፣ አክሱም ፣ ዓዲግራት ) ወደቀድሞ መደበኛ ስራቸው እንዲመለሱ የሚያስችል ፎረም ምስረታ ዛሬ በመቐለ ተካሄደ።

ፎረሙ በተለይም ከየካቲት 29 ጀምሮ የሀገር አቀፍ ፈተና የሚወስዱትን በትግራይ ያሉ የ12ኛ ክፍል ተማሪዎች ወደ ዩኒቨርሲቲዎቹ ገብተው እንዲፈተኑ ለማድረግ ድጋፍ ያደርጋል ተብሏል።

በተጨማሪ በክልሉ የተፈጠረውን ችግር ለመፍታት በሚሰራው ስራ አስተዋጽዖ እንደሚያደርግ ነው የተገለፀ።

በሌላ በኩል አራቱም ዩኒቨርሲቲዎች በትግራይ የተፈጠረው ሰብዓዊ እና ማህበራዊ ቀውስ ለመፍታት ለሚደረገው ስራ የ20 ሚሊዮን ብር የገንዘብ ድጋፍ አድርገዋል።

መቐለ ዩኒቨርሲቲ 10 ሚሊዮን ብር ፣ አክሱም 4 ሚሊዮን፣ ዓዲግራት 4 ሚሊዮን እንዲሁም ራያ ዩኒቨርሲቲ 2 ሚሊዮን ብር የገንዘብ ድጋፍ አድርገዋል።

@tikvahethiopiaBot @tikvahethiopia

ቻይና ለWHO ቀልፍ መረጃ መከልከሏ ተሰማ!

ቻይና የኮሮና አመጣጥ እየመረመረ ላለው የአለም አቀፉ ጤና ድርጅት ቡድን ቁልፍ የሆኑ መረጃ መከልከሏን የመርማሪው ቡድን አባል ተናገሩ።

የስነህይወት ተመራማሪው ዶሚኒክ ድዋየር ቡድኑ መጀመሪያ ተመዘገቡ የተባሉ ህሙማንን ጥሬ መረጃ እንዲሰጧቸው መጠያቃቸውንና ይህም ደግሞ የተለመደ አሰራር መሆኑን ለሮይተርስ፣ዋል ስትሪት ጆርናልና ኒውዮርክ ታይምስ ተናግረዋል።

ነገር ግን በጠየቁት መሰረት ሳይሆን ያገኙት አጭር ማጠቃለያ ነው።

መርማሪዎቹ በአውሮፓውያኑ ታህሳስ 2019 በኮሮናቫይረስ የተያዙ የመጀመሪያ ህሙማን የተባሉ 174 ኬዞችን ጥሬ መረጃ እንዲሰጣቸው ጠይቀዋል።

መጀመሪያ ከተያዙ መካከል ቫይረሱ ተገኝቶበታል የተባለው የውሃን የስጋ ገበያ ጋር ንክኪ አላቸው የተባሉ ግማሾቹ የሚሆኑት ብቻ ናቸው።

"ለዚያም ነው ይህንን መረጃ እንዲሰጠን አጥብቀን እየጠየቅን ያለነው። ለምን መረጃውን አይሰጡንም? በዚህ ላይ ምንም ማለት አልችልም። ፖለቲካዊ ይሁን? አስቸጋሪ ስለሆነ ይሁን? ወይም መረጃው ሊኖርበት ያልቻለው ሌላ ምክንያት ይኖር ይሆን ወይ የሚለውን አላውቅም። ያው ማድረግ የሚቻለው የተለያዩ ግምቶችን ማስቀመጥ ነው" ብለዋል።

ቲያ ኮልሰን ፊሸር የተባሉ የመርማሪው ቡድን አባልና የወረርሽኝ ከፍተኛ ባለሙያ በበኩላቸው ምርመራው በከፍተኛ ሁኔታ "ጂኦ ፖለቲካል" መልክ እንዳለው ለኒውዮርክ ታይምስ ተናግረዋል።

"ቻይና ለምርመራው በሯን እንድትከፍት ምን ያህል ጫና እየተደረገባት እንደሆነ ሁላችንም የምናውቀው ነው። ከዚያም ጋር ተያይዞ ከፍተኛ ወቀሳዎች እየቀረቡ ነው" ብለዋል ተመራማሪዋ።

በሚቀጥለው ሳምንት ይወጣል ተብሎ በሚጠበቀው የመርማሪው ቡድን የመጨረሻ ሪፖርት የመረጃዎች ክልከላ እንደሚካተት ፕሮፌሰር ዶሚኒክ ይናገራሉ።

Via BBC
@tikvahethiopia

የጠቅላይ ሚኒስትሩ የደምቢዶሎ ቆይታ ፦

ጠ/ሚር ዶክተር አብይ አህመድ ዛሬ በቄለም ወለጋ 50 ኪ.ሜ. ርዝመት ያለውን የደምቢዶሎ-ጋምቤላ ጎዳና አካል የሆነ የመንገድ ግንባታ ማስጀመራቸውን ገልፀዋል።

ዶክተር አብይ ዛሬ ያስጀመሩት በ1.6 ቢሊየን ብር በጀት የሚገነባውን የደምቢዶሎ - ሙጊ - ዶላ የአስፓልት የመንገድ ስራን ነው።

በሌላ በኩል ዛሬ ጥዋት ደምቢዶሎ የነበሩት ዶ/ር አብይ በማህበራዊ ሚዲያ ይፋዊ ገፆቻቸው ላይ ባሰራጩት መልዕክት በአካባቢው "ሰላም የማስፈንና የማረጋጋት ጥረታችን ውጤታማ ሆኗል" ብለዋል።

'ቄለም ወለጋ' በሀገሪቱ ከፍተኛ ዕድገት የማስመዝገብ ዐቅም ካላቸው ስፍራዎች አንዱ ነው ያሉት ጠቅላይ ሚኒስትሩ "የጋራ ሰላማችንን በማስጠበቅ፣ በጋራ የአካባቢውን ምርታማነት ለማሳደግ እንተጋለን" ሲሉ ፅፈዋል።

ዛሬ በነበረው መንገድ ማስጀመሪያ መርኃግብር ላይ ምክትል ጠቅላይ ሚኒስትር እና የውጭ ጉዳይ ሚኒስትር ደመቀ መኮንን ፣ ቀዳማዊት እመቤት ዝናሽ ታያቸው እንዲሁም የኦሮሚያ ክልል ርዕሰ መስተዳድር አቶ ሽመልስ አብዲሳ ተገኝተው ነበር።

PHOTO : PM Dr. Abiy Ahmed
@tikvahethiopiaBot @tikvahethiopia