በዩናይትድ ኪንግደም በሚገኙ 40 ዩኒቨርስቲዎች ውስጥ ኮሮና ቫይረስ የተያዙ ተማሪዎች መገኘታቸው ተገለፀ!

በዚህም የተነሳ አዲሱ የትምህርት ዘመን ሲጀመር በሺህዎች የሚቆጠሩ ተማሪዎች ራሳቸውን አግልለው ይቆያሉ ተብሏል።

#1

ዩኒቨርስቲ ኦፍ አብሪስቲዊዝ የኮቪድ-19 ስርጭት ለመግታት በሚል የገጽ ለገጽ ትምህርትን አስቀርቷል።

የጠቅላይ ሚኒስትሩ ቃል አቀባይ ተማሪዎች ለገና እረፍት ወደ ቤታቸው መሄድ እንደሚችሉ ተናግረዋል።

#2

ስኮትላንድ ውስጥ ተማሪዎች ለገና እረፍት ወደ ቤተሰቦቻቸው እንዲሄዱ ማድረግ ቅድሚያ የሚሰጠው ተግባር መሆኑ ተገልጿል።

ተማሪዎቹ ትምህርታቸውን ከመጀመራቸው በፊት የገጽ ለገጽ ትምህርት እንደሚኖር ተነግሯቸው የነበረ ቢሆንም ፤ አሁን ግን በወረርሽኙ ምክንያት ተቋማት ትምህርት በኢንተርኔት አማካይነት ወደ መስጠት አዘንብለዋል።

#3

በማንችስተር ሜትሮፖሊታን ዩኒቨርስቲ የመጀመሪያ ዓመት ተማሪዎች ለ14 ቀናት በኢንተርኔት አማካኝነት እንደሚማሩ ተገልጿል።

127 ተማሪዎች የኮሮና ቫይረስ ምርመራ ተደርጎላቸው ቫይረሱ እንዳለባቸው ሲረጋገጥ 1,700 ተማሪዎች ደግሞ ለ2 ሳምንት ራሳቸውን አግልለው እንዲቀመጡ ተደርጓል።

#4

በግላስኮ ዩኒቨርስቲ 172 ተማሪዎች ኮሮና ሲገኝባቸው 600 ተማሪዎች ራሳቸውን አግልለው እንዲቀመጡ ተወስኗል።

#5

- በኩዊንስ ዩኒቨርስቲ ቤልፋስት ውስጥ አነስተኛ ቁጥር ያላቸው ተማሪዎች በኮሮና ቫይረስ መያዛቸው በመረጋጋጡ የተወሰኑ ተማሪዎች ራሳቸውን ለይተው እንዲቆዩ ተደርጓል።

በርካታ ዩኒቨርስቲዎች ተማሪዎቻቸውን ቅይጥ በሆነ ስልት እንደሚያስተምሩ ታውቋል። ይህም በኢንተርኔትና በገጽ ለገጽ የሚሰጥ ትምህረትን ጎን ለጎን መስጠትን ያካትታል ተብሏል።

ምንጭ ፦ BBC
@tikvahethiopiaBot @tikvahethiopia

#COVID19Ethiopia

ባለፉት 24 ሰዓት በተደረገው 4,747 የላብራቶሪ ምርመራ 612 ሰዎች በቫይረሱ መያዛቸው ሲረጋገጥ የ7 ሰዎች ህይወት አልፏል። በተጨማሪ በትላንትናው ዕለት 390 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 73,944 የደረሱ ሲሆን የሟቾች ቁጥር 1,177 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 30,753 ደርሷል።

@tikvahethiopiaBot @tikvahethiopia

"የትምህርት ተቋማት እደገና የሚከፈቱት የሁሉም ልጆቻችን ደህንነት ማረጋገጥ ስንችል ብቻ ነው" - ፕሬዝዳንት አሁሩ ኬንያታ

ዛሬ መግለጫ የሰጡት የኬንያው ፕሬዝዳንት ኡሁሩ ኬንያታ፥ "የትምህርት ተቋማት እንደገና መከፈት ያለባቸው የሁሉም ልጆቻችንን ደህንነት ማረጋገጥ ስንችል ብቻ ነው" ብለዋል።

ፕሬዘዳንት ኡሀሩ ኬንያታ አሁን ትኩረት ልናደርግ የሚገባው 'መቼ ትምህርት ቤቶች ይከፈቱ ?' በሚለው ላይ ሳይሆን 'እንዴት የልጆቻችን ጤና ፣ ህይወት እና ደህንነት ተጠብቆ ትምህርት ተቋማት ይከፈቱ በሚለው ላይ መሆን አለበት' ብለዋል።

ዛሬ ፕዜዳንት ኡሁሩ ኬንያታ የትምህርት ተቋማት መከፈቻ ጊዜን ያሳውቃሉ ተብሎ በጠበቅም ይህ ሳይሆን ቀርቷል።

በነገራችን ላይ የኬንያ ትምህርት ሚኒስቴር ከትላንት ጀምሮ መምህራን በየትምህርት ቤታቸው ሪፖርት እንዲያደርጉ አሳውቆ ነበር።

@tikvahethiopiaBot @tikvahethiopia

ቀነኒሳ በቀለ ለንደን ከትሟል!

ጀግናው አትሌት ቀነኒሳ በቀለ በመጪው እሁድ ለሚያደርገው የለንደን ማራቶን ውድድር ከሌሎች ተወዳዳሪዎች ጋር ለንደን መከተሙ እና ወደ ተዘጋጀለት ሆቴል መግባቱን የውድድሩ አዘጋጆች አስታውቀዋል። 

@tikvahethsport @tikvahethiopia

ነገ መስከረም 19 ቀን 2013 ዓ.ም በአዲስ አበባ ከተማ የኤሌክትሪክ ኃይል የሚቋረጥባቸው አካባቢዎች !

ከጠዋቱ 2፡00 እስከ ቀኑ 5፡00 ድረስ ፡-

• በመሳለምያ ፣ በእሳት አደጋ ፣ በሳንባ ነቀርሳ፣ በአበበ ቢቂላ ስታዲየም ፣ በታይዋን ፣ በሆላንድ ኤምባሲ እና አካባቢዎቻቸው፤

በተመሳሳይ ቀን ከጠዋቱ 1፡00 እስከ ቀኑ 10፡00 ድረስ ፡-

• በሃና ማርያም ፣ በሃይሌ ጋርመንት ፣ በቆጣሪ ኮንዶሚኒየም ፣ በኦሮሚያ ኮንደሚኒየም ፣ በማንጎ ሰፈር ፣ በሳሪስ አቦ ቤተ-ክርስትያን ፣ በቦሌ ቡልቡላ ኮንዶሚኒየም ፣ በቡልቡላ ማርያም ማዞርያ ፣ በክሬሸር እና አካባቢዎቻቸው በመካከለኛ የኤሌክትሪክ ተሸካሚ መስመር ላይ የማሻሻያ ሥራ ለማከናወን የኃይል አቅርቦት ይቋረጣል ፤ ከወዲሁ አስፈላጊውን ጥንቃቄ እንድታደረጉ የኢ/ኤ/አ አሳስቧል፡፡

@tikvahethiopiaBot @tikvahethiopia

ምርጫ ያሸነፉት በኮቪድ-19 የሞቱት ከንቲባ!

(BBC Amaharic , Euronews)

በኮቪድ-19 ምክንያት የሞቱት የሮማኒያው ከንቲባ በቅርቡ የተደረገውን ምርጫ በከፍተኛ ድምፅ አሸንፈዋል። 64 በመቶ የመራጮችንም ድምፅ ማግኘት ችለዋል።

በደቡባዊቷ ሮማኒያ በምትገኘው ግዛት ዴቬሴሉ ከንቲባ የነበሩት ኢዮን አሊማን ለሶስተኛ ጊዜ ነው ማሸነፍ የቻሉት።

ከሁለት ሳምንታት በፊት በመዲናዋ ቡካሬስት ህይወታቸው ያለፈው የቀድሞው ከንቲባ ስም ከተመራጮች ዝርዝር ውስጥ ነበር።

የተመራጮች ዝርዝር ቀድሞ በመታተሙ ስማቸው ማስወገድ እንዳልተቻለ ባለስልጣናቱ አስታውቀዋል። በዚህም ምክንያት የሞተ ሰው ከንቲባ ሆኖ እንደተመረጠም ተገልጿል።

ሌላ ምርጫ እንደሚደረግ ባለስልጣናቱ ለሮይተርስ የተናገሩ ሲሆን በርካታ የግዛቲቷ ነዋሪዎች የቀድሞ ከንቲባቸው ቀብርን በመጎብኘት ሃዘናቸውን በመግለፅ ላይ ናቸው።

@tikvahethiopiaBot @tikvahethiopia

#RayaUniversity

ራያ ዩኒቨርሲቲ የተማሪዎችን ቅበላ አቅም ለማሳደግ የማስፋፊያ ግንባታ ከ333 ሚሊዮን ብር በሚልቅ ወጪ እያካሄደ ነው።

የማስፋፊያ ግንባታው በሰባት (7) ህንጻዎች የተካተተ ነው።

የተቋሙ የማስፋፊያ ግንባታ ሲጠናቀቅም ከአራት ሺህ በላይ ተማሪዎችን የማስተናገድ አቅም ይኖረዋል። ይህም አሁን ካሉት 3 ሺህ 300 ተማሪዎች በተጨማሪ ነው - (ENA)

@tikvahethiopiaBot @tikvahethiopia

የኦሮሚያ ክልል እስልምና ጉዳዮች ምክር ቤት 2ኛ መደበኛ ጉባዔዉን በአዲስ አበባ የኦሮሞ ባህል ማዕከል እያካሄደ መሆኑን የኢትዮጵያ ቴሌቪዥን ዘግቧል።

በጉባዔዉ የክልሎች ፣ የሁለቱ ከተማ አስተዳደር የእስልምና ምክር ቤት አመራሮች እና ከኦሮሚያ ዞኖችና ከተሞች የተውጣጡ የእስልምና ሊቃውንት ተወካዮች ተሳታፊ ናቸው።

ለሁለት ቀናት በሚቆየዉ በዚህ ጉባኤ የምክር ቤቱ ያለፈው ዓመት አፈጻጸምና የ2013 እቅድ ላይ ውይይት የሚደረግ ይሆናል።

@tikvahethiopiaBot @tikvahethiopia

ነገ ዝግ የሚሆኑ መንገዶች!

ፌዴራል ፖሊስ ነገ መስከረም 20 ቀን 2013 ዓ/ም ከጠዋቱ 1፡30 እስከ 6፡30 ሰዓት በመስቀል አደባባይ የመንግስት ከፍተኛ ኃላፊዎች እና ሌሎች ጥሪ የተደረገላቸው እንግዶች በተገኙበት የሰልፍ ትርኢት ያካሄዳል፡፡

በዚህ መሰረት፡-

- ከቦሌ አየር መንገድ በሚሊኒየም አዳራሽ ወደ መስቀል አደባባይ የሚወስደው መንገድ ደንበል ሲቲ ሴንተር ኦሎምፒያ አደባባይ

- ከመገናኛ፣በሃያ ሁለት ወደ መስቀል አደባባይ እንዲሁም ከቦሌ መድሃኒያለም፣ በአትላስ ሆቴል ወደ መስቀል አደባባይ የሚወስደው መንገድ ኡራኤል ቤተ-ክርስቲያ አካባቢ

- ከአራት ኪሎ ወደ መስቀል አደባባይ የሚወስደው መንገድ ባሻ ወልዴ ችሎት ወይም ፓርላማ መብራት

- ከቸርችል ጎዳና ወደ መስቀል አደባባይ የሚወስደው መንገድ አገር አስተዳደር መብራት ወይም ኢሚግሬሽን መ/ቤት አካባቢ

- ከተክለሀይማኖት በሜትሮሎጂ መስቀል አደባባይ የሚወስደው መንገድ ሜትሮሎጂ መስሪያ ቤት አካባቢ

- ከተክለሀይማኖት፣ በጥቁር አንበሳ ሆስፒታል፣ ኢሚግሬሽን ጥቁር አንበሳ የኋላ በር

- ከጌጃ ሰፈር፣ ጤና ጥበቃ፣ ብሄራዊ ቲያትር የሚወስደው መንገድ ጎማ ቁጠባ

- ከሳሪስ በጎተራ የቀድሞ አራተኛ ክፍለ ጦር አካባቢ

- ከጦር ኃይሎች፣ልደታ፣ፖሊስ ሆስፒታል ሜክሲኮ አደባባይ

- ከጦር ኃይሎች፣ ልደታ፣ ፖሊስ ሆስፒታል፣ ሜክሲኮ፣ ለገሀር መብራት የሚወስደው ለገሃር መብራት

የይለፍ ፈቃድ ለሌላቸው ተሽከርካሪዎች ከጠዋቱ 12፡00 ሰዓት ጀምሮ ዝግጅቱ እስከሚጠናቀቅ ድረስ ዝግ ይሆናሉ።

አሽከርካሪዎች የትራፊክ ፖሊስ አባላት በሚጠቁሙት አማራጭ መንገዶችን እንዲጠቀሙና ለትራፊክ ፖሊስ አባላት ትዕዛዝ አስፈላጊውን ትብብር እንዲያደርጉ ጥሪ ተላልፏል።

#SHARE #ሼር

@tikvahethiopiaBOT

ችሎት!

የፌደራል ከፍተኛ ፍ/ቤት 1ኛ የህገ መንግስት እና ጸረ ሽብር ጉዳዮች ችሎት አቶ እስክንድር ነጋን ጨምሮ የ4 ተከሳሾችን የዋስትና ጥያቄ ውድቅ አድርጓል።

በዚሁ መዝገብ 5ተኛ ተከሳሽ የሆኑት ጌትነት በቀለ በ30ሺ ብር ዋስ በውጭ ሆነው ክሳቸውን እንዲከታተሉ ፍርድ ቤቱ ወስኗል፡፡

አቶ እስክንድር ነጋን ጨምሮ የ7 ተከሳሾች የዋስትና መብት ላይ በቀረበው ክርክር ውሳኔ ለመስጠት ክሱ በግልጽ አልቀረበም በሚል አቃቤ ህግ ክሱን አሻሽሎ እንዲያቀርብ ለዛሬ ተለዋጭ ቀጠሮ መያዙ ይታወሳል፡፡

በዚህም መሰረት ጠቅላይ አቃቤ ህግ በፍርድ ቤቱ በታዘዘው መሰረት ክሱን አሻሽሎ ማቅረቡን ፍ/ቤቱ ማረጋገጡን አዲስ ሚዲያ ኔትዎርክ ዘግቧል።

@tikvahethiopiaBot @tikvahethiopia