በኮቪድ-19 የተያዙ ኢንተርን ሃኪሞች!

ካለፈው ሳምንት ማክሰኞ ዕለት ጀምሮ አስራ አምስት (15) የሚሆኑ የጎንደር ዩኒቨርሲቲ ኢንተርን ሃኪሞች በኮሮና ቫይረስ መያዛቸው ተረጋግጦ በህክምና ክትትል ላይ እንደሚገኙ ለቲክቫህ ኢትዮጵያ አሳውቀዋል።

በቫይረሱ መያቸው ከተረጋገጠው ኢንተርን ሃኪሞች መካከል ሰባቱ (7) ሴቶች ሲሆኑ የቀሩት ስምንቱ (8) ደግሞ ወንዶች ናቸው።

በህክምና ላይ እንደሆኑ የነገሩን ኢንተርን ሃኪሞቹ ስላሉበት ሁኔታ ነግረውናል ፣ አስተያየቶችን ሰጥተውናል ፣ ጥያቄዎችን አንስተዋል ፣ ሊስተካከሉ ይገባቸዋል ያሏቸውን ጉዳዮችንም ጠቁመዋል በነገው ዕለት እንመለስበታለን።

@tikvahethiopiaBot @tikvahethiopia

የተማሪ ወላጆች ቅሬታና የትምህርት ሚኒስቴር ምላሽ!

(በሸገር ኤፍ ኤም 102.1)

ከትላንት ነሃሴ 20/2012 ጀምሮ የ2013 ትምህርት ዘመን ምዝገባ መጀመሩ ይታወቃል። በርካታ ወላጆች የአከፋፈል ሁኔታው እየተነገራቸው እንዳልሆነ ፣ ትምህርት ቤቶች እንደፈለጉት እንደሚያስከፍሏቸው ይናገራሉ።

አንዳንድ ትምህርት ቤቶች ከመመዝገቢያ ጋር የአንድ ወር፣ የሶስት ወር የሚጠይቁ አሉ ተብሏል። የወላጆች ትልቁ ጥያቄ አሁን የሚከፈለው ክፍያ ተማሪዎች በመስከረም ወር ትምህርት እንደሚጀምሩ ታውቆ/ተረጋግጦ ነው ? ወይስ መቼ እንደሚጀመር ይታወቃል ?

የትምህርት ሚኒስቴር ሚኒስትር ዴኤታ ዶክተር ገረመው ሁሉቃ ምላሽ ፦

አከፋፈሉ እንደየትምህርት ቤቶቹ ይለያያል (በወር ፣ በተርም ፣ በሴሚስተር የሚያስከፍሉ አሉ) በዘንድሮው ዓመት ልዩ ነገር ማድረግ አይችሉም።

ከዚህ በፊት በየወሩ የሚያስከፍሉ ከሆነ አሁን በየወሩ ነው መቀጠል ያለባቸው ፣ ከዚህ በፊት በተርም የሚያስከፍሉ ከሆነ በተርም ይቀጥላሉ፣ ከዚህ በፊት በሴሚስተር የሚያስከፍሉ በሴሚስተር ይቀጥላሉ።

ከዚህ ውጭ ግን ከዚህ በፊት በወር ሲያስከፍሉ የነበሩት ወቅታዊ ሁኔታን ተገን አድርገው በሴሚስተር ነው የምናስከፍለው የሚሉ ከሆነ ለትምህርት ሚኒስቴር ጥቆማ መስጠት ይቻላል።

ወላጆች የወር፣ የተርም፣ የሴሚስተር ክፍያ ከከፈሉ በኃላ ኮቪድ-19 ስርጭቱ ቢጨምርና ትምህርት ቢቋረጥ አገልግሎት ላላገኘንበት ክፍያ ከፍለናል ቢሉ ኃላፊነቱን ማን ይወስዳል ?

የዶ/ር ገረመው ሁሉቃ ምላሽ፦

እኛ መልካሙን አስበን ነው ፣ የዓለም ሁኔታም የሚያሳየው ኮሮና የመሻሻል ባያሳይም ስራዎች ይቀጥላሉ ፣ አሁንም እየቀጠሉ ናቸው፣ ኮሮናን በመላመድ ስራዎች ይቀጥላሉ ፣ ኮሮና እስኪጠፋ ከቆየን የትምህርት ስርዓቱ አደጋ ውስጥ ይገባል ፣ ይህ ሆነ ማለት ደግሞ የሚቀጥለው ሀገር ተረካቢ ትውልድ ይጎዳል ፣ ጉዳቱ የሚታየው የዛሬ 30ና 40 ዓመት ስለሆነ ዝም ብለን አናየውም። በከፍተኛ ጥንቃቄም ቢሆን እንሄድበታለን። ይህ ብዙም አያሰጋንም።

@tikvahethiopiaBot

በኮቪድ-19 የተያዙ ኢንተርን ሃኪሞች!

ካለፈው ሳምንት ማክሰኞ አንስቶ ብቻ በትንሹ 15 የሚደርሱ የጎንደር ዩኒቨርሲቲ ኢነተርን ሃኪሞች በኮሮና ቫይረስ መያዛቸው ተረጋግጦ የህክምና ክትትል እየተደረገለቸው ይገኛል።

የቲክቫህ ኢትዮጵያ ቤተሰብ አባላት ከሆኑት በኮቪድ-19 የተያዙ ኢነተርኖች መካከል አንዳንዶቹ እንደነገሩን አሁንም ምርመራ ቢደረግ ሌሎች ተጨማሪ ኢነትርን ሃኪሞች ሊያዙ ይችላሉ ቁጥሩ በዚህ የሚያበቃ አይደለም ብለዋል።

ይህ ሁኔታ መፍትሄ የማይበጅለት ከሆነ በጤና ስርዓቱ ላይ የሚያደርሰው ተፅእኖ ቀላል አይሆንም፣ የቫይረሱ ስርጭትን ለመግታት አዳጋች እየሆነ ይመጣል ብለውናል።

ኢንተርን ሃኪሞቹ እንዴት በኮሮና ቫይረስ ሊያዙ እንደቻሉ ፣ በስራቸው ወቅት ምን አይነት ጥንቃቄ ሲያደርጉ እንደነበር ፣ በኮቪድ-19 ህክምና ማዕከል ውስጥ ምን አይነት ሁኔታ ውስጥ እንደሚገኙ መልዕክታቸውን አድረሰዋል፣ ሊስተካከሉ ይገባቸዋል ያሏቸውን ጉዳዮች አንስተዋል telegra.ph/TikvahIntern-08-27

@tikvahethiopiaBot @tikvahethiopia

#UPDATE

የፌደራል ስነምግባርና ጸረ-ሙስና ኮሚሽን ሀብታቸውን ለማስመዝገብ ፍቃደኛ ያልሆኑ 184 ባለስልጣናት በወንጀል እንዲከሰሱ ስም ዝርዝራቸውን ለፌደራል ፖሊስ መስጠቱን ለአል ዐይን ገልጿል፡፡

ሀብትና ንብረታቸውን ማስመዝገብ ያለባቸው የመንግስት ሹመኞች በተደጋጋሚ እንዲያስመዘግቡ ቢጠየቁም ለማስመዝገብ ፍቃደኛ ሳይሆኑ ቀርተዋል ብሏል ኮሚሽኑ፡፡

ባለስልጣናቱ ሀብታቸውን እንዲያስቀምጡ ያስቀመጠው ቀነ ገድብ ባለፈው ሀምሌ 30 ለሁለተኛ ጊዜ በማለፉ ምክንያት ተጠያቂ እንዲሆኑ ማድርጉን ኮሚሽኑ ገልጿል፡፡

በቀነገደቡ ማስመዝገብ ያልቻሉ አንድ መቶ ሰማንያ አራት (184) የፌደራና የአዲስ አባባ መገኘታቸውንና እነሱም በህግ ይጠየቃሉ ብሏል ኮሚሽኑ፡፡ ኮሚሽኑ የባለስልጣናቱን ስም ዝርዝር ግን ይፋ አላደረገም - #AlAin

@tikvahethiopiaBOT

በኳታር ሁሉም መስጊዶች ክፍት ሊደረጉ ነው!

የኳተር መንግስት የኮሮና ስርጭትን ለመቀነስ የጣላቸውን ክልከላዎች እያላላ እንደሆነ ይታወቃል።

አሁን የአራተኛ ደረጃ (Phase Four) ማሻሻያዎች በሁለት ዙር ተግባራዊ እንደሚደረጉ ታውቋል።

የመጀመሪያው ዙር ከነሐሴ 26 ቀን 2012 ዓ.ም የሚጀምር ሲሆን በዚህም ሁሉም መሰጊዶች ክፍት እንደሚደርጉ ተገልጿል።

@tikvahethiopiaBot @tikvahethiopia

የኢትዮ ቴሌኮም የምስጋና ስጦታ !

ኢትዮ ቴሌኮም ደንበኞቹ ከዛሬ ነሃሴ 21 እስከ 23 ለሶስት ቀን በተከታታይ ከጥዋቱ 12:00 እስከ ምሽቱ 12:00 ሰዓት ድረስ ፦

- የ1 ጊጋ ባይት (በቀን 341 ሜ.ባ)
- የ40 ደቂቃ የሀገር ውስጥ ድምፅ ጥሪ (በቀን 13 ደቂቃ)
- የ100 የሀገር ውስጥ SMS (በቀን 33 መልዕክት) ስጦታ እንዳበረከተ መግለፁ ይታወቃል።

ነገር ግን በርካታ ሰዎች የ1 ጊጋ ባይት ኢንተርኔት ስጦታው እንዳልደረሳቸው/እንዳልሰራላቸው/ እስካሁንም ከሞሉት ካርድ ላይ ሲቆርጥ እንደነበር አሳውቀዋል፣ አሁንም እያሳወቁ ይገኛሉ።

ውድ ቲክቫህ አባላት በዚህ ጉዳይ ከኢትዮ ቴሌኮም ማብራሪ ጠይቀን ለጊዜው ምላሽ አላገኘንም፤ በኢትዮ ቴሌኮም በኩል የሚሰጥ ማብራሪያ ስናገኝ እናሳውቃችኃለን።

@tikvahethiopiaBot @tikvahethiopia

ነሃሴ 21/2012 ዓ/ም

የኢትዮጵያ የኮቪድ-19 መረጃዎች #1፦

#Somali

በሱማሌ ክልል ባለፉት 24 ሰዓት 524 የላብራቶሪ ምርመራ ተደርጎ 44 ሰዎች በኮቪድ-19 መያቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 4,124 የላብራቶሪ ምርመራ የተደረገ ሲሆን 134 ሰዎች በቫይረሱ መያዛቸው ተረጋግጧል።

በቫይረሱ ከተያዙት መካከል ፦
- 29 ከጉጂ
- 22 ከፊንፊኔ ዙሪያ ልዩ ዞን
- 12 ከአሰላ ከተማ
- 12 ከምዕራብ ሀረርጌ
- 11 ከምስራቅ ሸዋ
- 11 ከምስረቅ ሀረርጌ
- 5 ከቢሾፍቱ ከተማ
- 5 ከነቀምቴ ከተማ ይገኙበታል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 348 የላብራቶሪ ምርመራ ተደርጎ 36 ሰዎች በኮሮና ቫይረስ መያዛቸው ተረጋግጧል።

በቫይረሱ የተያዙት መካከል ፦
- 17 ከማኦ ኮሞ ልዩ ወረዳ
- 5 ከአሶሳ ከተማ
- 5 ከባንቢስ ወረዳ
- 3 ከጉባ ወረዳ
- 3 ከዛይ (ያሶ) ወረዳ ይገኙበታል።

#DireDawa

ድሬዳዋ ከተማ ባለፉት 24 ሰዓት 341 የላብራቶሪ ምርመራ ተደርጎ 28 ሰዎች በኮቪድ-19 መያዛቸው ተረጋግጧል።

#Harari

በሀረሪ ክልል ባለፉት 24 ሰዓት 805 የላብራቶሪ ምርመራ ተደርጎ 28 ሰዎች በኮቪድ-19 መያዛቸው ተረጋግጧል።

#Amhara

በአማራ ክልል ባለፉት 24 ሰዓት 3,630 የላብራቶሪ ምርመራ ተደርጎ 50 ሰዎች በኮሮና ቫይረስ መያዛቸው ተረጋግጧል።

በቫይረሱ ከተያዙት መካከል፦
- 21 ከምዕ/ጎንደር ዞን
- 14 ከጎንደር ከተማ
- 5 ከሰ/ሸዋ ዞን
- 4 ከደሴ ከተማ ይገኙበታል።

@tikvahethiopiaBot

ባለፉት 24 ሰዓት የ20 ሰዎች ህይወት ሲያልፍ ፤ 1,186 ሰዎች በኮቪድ-19 ተይዘዋል!

ባለፉት 24 ሰዓት በተደረገው 18,060 የላብራቶሪ ምርመራ 1,186 ሰዎች በቫይረሱ መያዛቸው ሲረጋገጥ የ20 ሰዎች ህይወት አልፏል። በተጨማሪ በትላንትናው ዕለት 518 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 46,407 የደረሱ ሲሆን የሟቾች ቁጥር 745 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 16,829 ደርሷል።

@tikvahethiopiaBot @tikvahethiopia

ነሃሴ 21/2012 ዓ/ም

የኢትዮጵያ የኮቪድ-19 መረጃዎች #2፦

#SNNPRS

በደቡብ ክልል ባለፉት 24 ሰዓት ውስጥ በተደረገው 1,681 የላብራቶሪ ምርመራ 88 ሰዎች በቫይረሱ መያዛቸው ተረጋግጧል።

በቫይረሱ የተያዙት ፦

- ከጎፋ 26 (መለኮዛ ወረዳ 16፣ ሳውላ ከተማ 6፣ ኡባ ደብረጸሀይ 4)፣
- ከጌዴኦ 21 (ዲላ 12፣ ወናጎ ወረዳ 5፣ ይረጋጨፌ 2፣ ገደብ 1 እና ቡሌ 1)፣
- ከአማሮ 10፣
- ከወላይታ 9 (ዳሞት ጋሌ 4፣ ኪንዶ ኮይሻ 2፣ ሻንቶ 2 እና ከቢጠና 1)፣
- ከጋሞ 6 (ቁጫ አልፋ 3፣ አርባምንጭ 2 እና ገረሴ 1)፣
- ከጉራጌ 6 (አበሸጌ 3 እና እንደጋኝ 3) ፣
- ከሸካ 6 (6ቱም ከማሻ ከተማ) ፣
- ከኮንሶ 2 (2ቱም ከካራት ከተማ)
- ከስልጤ 1(ሁልባረግ) ፣
- ከባስኬቶ 1 ዞኖች እና ልዩ ወረዳዎች ናቸው፡፡

አጠቃላይ በደቡብ ፦
- 1,046 በቫይረሱ የተያዙ
- 9 ሞት
- 406 ያገገሙ

#Sidama

በሲዳማ ክልል ባለፉት 24 ሰዓት ውስጥ 405 የላብራቶሪ ምርመራ የተደረገ ሲሆን 36 ሰዎች በኮሮና ቫይረስ መያዛቸው ተረጋግጧል። የአንድ ሰው ህይወት አልፏል።

በቫይረሱ ከተያዙት መካከል፦
- 28 ከሀዋሳ ከተማ
- 4 ከማልጋ ይገኙበታል።

አጠቃላይ በሲዳማ ፦
- 1,327 በቫይረሱ የተያዙ
- 15 ሞት
- 460 ያገገሙ

#Afar

በአፋር ክልል ባለፉት 24 ሰዓት 462 የላብራቶሪ ምርምራ የተደረገ ሲሆን 41 ሰዎች በኮሮና ቫይረስ መያዛቸው ተረጋግጧል።

አጠቃላይ በአፋር ፦
- 883 በቫይረሱ የተያዙ
- 231 ያገገሙ

@tikvahethiopiaBOT

የ4 ሰዎችን ህይወት የቀጠፈው አሳዛኙ አደጋ!

የኦሞ ወንዝ ሞልቶ ዉኃ ከከባቸዉ መንደሮች ለማምለጥ የሞከሩ አራት የደቡብ ክልል ፤ የዳሰነች ወረዳ ነዋሪዎች ሞቱ።

የአካባቢዉ ባለስልጣናት ለጀርመን ድምፅ ሬድዮ ጣቢያ እንዳሳወቁት አራቱ ሰዎች በዉኃ የተበሉት ዉኃ ከከበባት ቶል-ታሌ ቀበሌ ወደ ደረቅ መሬት በጀልባ ለመሻገር ሲሞክሩ ጀልባቸዉ ተገልብጣ ነዉ።

ከሟቾቹ ሁለቱ እናት እና ልጅ ሁለቱ ደግሞ አዛዉንቶች ነበሩ።

በውኃ ተከበው የነበሩ ሌሎች 200 ነዋሪዎች ግን ከክልሉ በተላኩ ጀልባዎች ርዳታ ሙሉ በሙሉ ወደ ደረቅ አካባቢ መሻገራቸዉን ተሰምቷል።

የኦሞ ወንዝ ሙላት ከዳሳች ወረዳ አርባ (40) ቀበሌዎች መካከል 28ቱን አጥለቅልቋል። ከ15 ሺሕ በላይ ሰዎችን ከቤት ንብረታቸዉ አፈናቅሏል።

የዉኃ ሙላቱ ከ30 ዓመት ወዲሕ ከፍተኛ ጉዳት ሲያደርስ ያሁኑ የመጀመሪያዉ መሆኑን የጀርመን ድምፅ ሬድዮ ጣቢያ ዘግቧል።

PHOTO : FILE
@tikvahethiopiaBot @tikvahethiopia

'ፎሬይን ፖሊሲ' የተሰኘው መፅሄት ትላንት ምሽት እንደዘገበው የአሜሪካው ውጭ ጉዳይ ሚኒስትር ማይክ ፖምፔዎ ሀገሪቱ ለኢትዮጵያ የምታደርገውን ድጋፍ በከፊል እንድታቆም ፍቃዳቸውን ሰጥተዋል ብሏል።

ይህም የትራምፕ አስተዳደር ኢትዮጵያ ፣ ግብፅ እና ሱዳንን በህዳሴ ግድብ ዙርያ ለማወያየት የጀመረው እንቅስቃሴ በኢትዮጵያ ተቃውሞ ገጥሞት መቆሙን ተከትሎ የመጣ ነው ብሏል።

ፖምፔዎ ፍቃዳቸውን ያኖሩበት ይህ ውሳኔ በዚህ ሳምንት እንደተወሰነ መፅሄቱ ገልፆ በዚህም አሜሪካ ለኢትዮጵያ ከምታደርገው ድጋፍ ውስጥ 130 ሚልዮን ዶላሩን ልትቆርጥ አስባለች ብሏል።

ለፀጥታ እና ደህንነት ፣ ለፀረ-ሽብር እንቅስቃሴ ፣ ለወታደራዊ ስልጠና ፣ ለሰዎች ዝውውር ቁጥጥር እና ሌሎች ልማት ስራዎች የሚውሉ ድጋፎች ሊቋረጡ ከሚችሉት ውስጥ ተካተዋል ተብሏል።

በሌላ በኩል ዘገባው አስቸኳይ የሰብአዊ ድጋፎች እንዲሁም የጤና እርዳታዎች አይቋረጡም ብሎ የኮንግረስ ምንጮቹን ጠቅሶ ፅፏል።

https://foreignpolicy.com/2020/08/27/trump-africa-gerd-dam-us-halts-foreign-assistance-funding-ethiopia-over-dam-dispute-egypt-sudan/

ምንጭ፦ ጋዜጠኛ ኤልያስ መሰረት (AP)
@tikvahethiopiaBot @tikvahethiopia

#BahirDarUniversity

ባሕር ዳር ዩኒቨርሲቲ በበይነ መረብ (Virtual) ትምህርታቸውን እንዲጨርሱ ያስቻላቸው የድህረ ምረቃ (ሁለተኛ እና ሶስተኛ ዲግሪ) ተማሪዎቹን ፣ እንዲሁም ከኮሮና ወረርሽኝ መከሰት በፊት ትምህርታቸውን አጠናቀው ምረቃቸው በዩኒቨርሲቲው ሴኔት ከጸደቀ በኋላ በወረርሽኙ ምክንያት የምረቃ ስነ-ስርዓቱ ሳይካሄድ የቆዩትን በዩኒቨርሲቲው በተለያዩ የሙያ መስኮች በመደበኛና መደበኛ ያልሆኑ መርሃ-ግብሮች ትምህርታቸውን ያጠናቀቁ ተማሪዎችን ነገ ነሐሴ 23 ቀን 2012 ዓ.ም በበይነ መረብ (Virtual) ስነ-ስርዓት ያስመርቃል፡፡

@tikvahethiopiaBot @tikvahethiopia

የአሜሪካ የሥራ ሚኒስቴር እንደገለፀው ባለፈው ሳምንት 1ሚሊዮን የሚሆኑ ሰዎች፣ የሥራ እጥነት ድጎማ ለማግኘት ማመልከቻ ማስገባታቸውን ቪኦኤ ዘግቧል።

ይህም የአሜሪካ አሰሪዎች ፣ በኮሮና ቫይረስ ወረርሽኝ ምክንያት ፣ ሰራተኞችን ማስወጣት እንደቀጠሉ ያመለክተል ተብሏል።

ከቅርብ ሳምንታት ወዲህ ፣ በየሳምንቱ የሥራ አጥነት ማመልከቻ የሚያስቡት ሰዎች ብዛት፣ አንድ ሚሊዮን ገደማ ይሆናል።

የቫይረሱ ወረርሽኝ የሃገሪቱን ኢኮኖሚ ከማዳከሙ በፊት ከነበረው፣ በ200,000 ከሚገመት የሥራ አጥነት ቁጥር ጋር ሲነጻጸር ግን፣ የበዛ እንደሆነ ተገልጿል።

Via VOA
@tikvahethiopiaBot @tikvahethiopia

#MoSHE

የኢ.ፌ.ዴ.ሪ. ሳይንስና ከፍተኛ ትምህርት ሚኒስቴር ከፍተኛ የስራ ኃላፊዎች ፣ ዳይክተሮች እና የስራ ክፍሎች ተወካዮች በተገኙበት የሚኒስቴር መስሪያ ቤቱ የ2012 ዓ.ም እቅድ አፈፃፀም ሪፖርትና የ2013 ዓ.ም እቅድ ውይይት እየተካሄደ መሆኑን ከሳይንስና ከፍተኛ ትምህርት ሚኒስቴር ያገኘነው መረጃ ያሳያል።

@tikvahethiopiaBot @tikvahethiopia