ኮቪድ-19 ከእሁድ እስከ እሁድ በኢትዮጵያ!

ከነሃሴ 10 ቀን 2012 ዓ/ም እስከ ነሃሴ 17 ቀን 2012 ዓ/ም ድረስ በኢትዮጵያ 11,777 ሰዎች በኮሮና ቫይረስ መያዛቸው ሲረጋገጥ 169 ሰዎች ሞተዋል፤ 2,958 ሰዎች አገግመዋል።

የቫይረሱ ስርጭት ስር እየሰደደ፣ የሁላችንንም ቤት እያንኳኳ ነው ፤ አሁንም ለቫይረሱ ስርጭት ' ምክንያት ባለመሆን ' ስርጭቱን ማቆም ባንችል እንኳን የሚጨምርበትን ፍጥነት መቀነስ የሁላችንም ኃላፊነት ነው።

#ምክንያትአልሆንም
@tikvahethiopiaBot @tikvahethiopia

አቶ ደጀኔና ጋዜጠኛ ጉዮ በዋስ ከእስር እንዲወጡ ተወሰነ!

የፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት የኦሮሞ ፌደራላዊ ኮንግረስ (ኦፌኮ) አመራር የሆኑት አቶ ደጀኔ ጣፋ እና አብረዋቸው በአንድ መዝገብ ችሎት የቀረቡ ሁለት ተጠርጣሪዎች በ10 ሺህ ብር ዋስትና ከእስር እንዲለቀቁ ዛሬ ብይን ሰጥቷል።

በሌላ መዝገብ ዛሬ ችሎት ፊት የቀረበው የኦሮሚያ ሚዲያ ኔትወርክ (OMN) ጋዜጠኛ ጉዮ ዋሪዮ በተመሳሳይ የዋስትና የገንዘብ መጠን (10,000 ብር) ከእስር እንዲወጣ መበየኑን 'ከኢትዮጵያ ኢንሳይደር' ያገኘነው መረጃ ያሳያል።

@tikvahethiopiaBot @tikvahethiopia

የአቶ ልደቱ አያሌው የዋስትና ጥያቄ ውድቅ ተደረገ!

የኢዴፓ አመራራ የሆኑት አቶ ልደቱ አያሌው በቢሾፍቱ ከተማ ወረዳ ፍርድ ቤት ለአራተኛ ጊዜ ቀርበው  ያቀረቡት የዋስትና ጥያቄ ውድቅ የተደረገ ሲሆን መርማሪ ፖሊስ  ለምርመራ ተጨማሪ ሰባት ቀናት እንደተፈቀደለት ከኤፍ ቢ ሲ ያገኘነው መረጃ ያሳያል።

@tikvahethiopiaBot @tikvahethiopia

ችሎት!

የፌዴራሉ የመጀመሪያ ደረጃ ፍርድ ቤት አራዳ ተረኛ ምድብ ችሎት በእነ ጃዋር አቶ መሐመድ መዝገብ ቀሪ ምስክሮችን መስማት ጀመሩን EBC ዘግቧል።

ፍርድ ቤቱ ባለፈው ቀጠሮ ዐቃቤ ሕግ እና የተጠርጣሪ ጠበቆች ባቀረቧቸው አቤቱታዎች ላይ ትእዛዝ ሰጥቷል።

አቶ ጃዋርና በቀለ ገርባ ያለ ፈቃዳችን ፎቶግራፍ እና ቪዲዮ እየተቀረጽን ስለሆነ ይህም ሊታገድልን ይገባል በማለት አመልክተዋል። ተጠርጣሪዎቹ በችሎቱ ቤተሰቦቻችን ይግቡ የሚል አቤቱታም አንሥተዋል።

ችሎቱ መገናኛ ብዙኃን ያለተጠርጣሪዎቹ ፈቃድ ለዘገባ ፎቶአቸውን እና ቪዲዮአቸውን እንዳይጠቀሙ ሲል አዝዟል።

የኮቪድ-19ን ታሳቢ ባደረገ መልኩ ከአራት (4) ያልበለጡ የተጠርጣሪ ቤተሰቦች እንዲገኙ የሚለውንም በትእዛዙ አካትቷል።

ከሃይማኖት አባቶቻቸው እና ከጠበቆቻቸው ጋር ለ40 ደቂቃ ያህል ተገናኝተው እንዲያወሩም ችሎቱ አዟል። በአሁን ሰዓት ፍርድ ቤቱ የቀሪ ምስክሮችን ቃል በዝግ እየሰማ ይገኛል።

@tikvahethiopiaBot @tikvahethiopia

የ2013 የትምህርት ዘመን የተማሪዎች ምዝገባ በነገው ዕለት ይጀምራል!

የ2013 የትምህርት ዘመን የተማሪዎች ምዝገባ ከነገ ነሃሴ 19/2012 ዓ/ም ጀምሮ እንደሚጀመር የአዲስ አበባ ከተማ አስተዳደር ትምህርት ቢሮ አስታውቋል።

የግል ትምህርት ቤቶች ከነገ ነሃሴ 19 ጀምሮ አስፈላጊውን ጥንቃቄ በማድረግ ምዝገባ መጀመር እንደሚችሉ ተገልጿል።

በመንግስት ትምህርት ቤቶች ለሚደረገዉ ምዝገባ ትምህርት ቤቶች አስፈላጊዉን ዝግጅት እያደረጉ እንዲጠብቁ ማሳሰቢያ ተሰጥቷል።

@tikvahethiopiaBot @tikvahethiopia

ነሃሴ 18/2012 ዓ/ም

የኢትዮጵያ የኮቪድ-19 መረጃዎች #1፦

#Afar

በአፋር ክልል ባለፉት 24 ሰዓት 602 የላብራቶሪ ምርምራ የተደረገ ሲሆን 19 ሰዎች በኮሮና ቫይረስ መያዛቸው ተረጋግጧል።

አጠቃላይ በአፋር ፦
- 825 በቫይረሱ የተያዙ
- 231 ያገገሙ

#Somali

በሱማሌ ክልል ባለፉት 24 ሰዓት 630 የላብራቶሪ ምርመራ ተደርጎ 18 ሰዎች በኮቪድ-19 መያቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 3,514 የላብራቶሪ ምርመራ የተደረገ ሲሆን 236 ሰዎች በቫይረሱ መያዛቸው ተረጋግጧል።

በቫይረሱ ከተያዙት መካከል ፦
- 70 ከቢሾፍቱ ከተማ
- 42 ከምዕራብ ወለጋ
- 18 ከቄለም ወለጋ
- 13 ከነቀምቴ ከተማ
- 11 ከምስራቅ ሸዋ
- 10 ከአዳማ ከተማ ይገኙበታል።

አጠቃላይ በኦሮሚያ ፦
- 4,860 በቫይረሱ የተያዙ
- 41 ሞት
- 1,480 ያገገሙ

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 769 የላብራቶሪ ምርመራ ተደርጎ 5 ሰዎች በኮሮና ቫይረስ መያዛቸው ተረጋግጧል።

-3 ከምዥጋ (በሎጂጋንፎይ) ወረዳ
-1 ከሸርቆሌ ወረዳ
-1 ከሆሞሻ ወረዳ

#Amhara

በአማራ ክልል ባለፉት 24 ሰዓት 2,499 የላብራቶሪ ምርመራ ተደርጎ 103 ሰዎች በኮሮና ቫይረስ መያዛቸው ተረጋግጧል፤ የአንድ ሰው ህይወት አልፏል (ከቦሩ ሜዳ ህክምና ማዕከል)

በቫይረሱ ከተያዙት መካከል፦
- 24 ከደሴ ከተማ
- 23 ከሰ/ወሎ ዞን
- 12 ከምስ/ጎጃም ዞን
- 11 ከሰ/ሸዋ ዞን
- 11 ከኦሮሞ ብ/ሰብ ዞን
- 10 ከጎንደር ከተማ
- 9 ከባህር ዳር ከተማ ይገኙበታል።

#DireDawa

ድሬዳዋ ከተማ ባለፉት 24 ሰዓት 361 የላብራቶሪ ምርመራ ተደርጎ 49 ሰዎች በኮቪድ-19 መያዛቸው ተረጋግጧል።

@tikvahethiopiaBot

በኢትዮጵያ በኮቪድ-19 የተያዙ ሰዎች ከ42 ሺህ አለፉ!

ባለፉት 24 ሰዓት በተደረገው 18,851 የላብራቶሪ ምርመራ 1,472 ሰዎች በቫይረሱ መያዛቸው ሲረጋገጥ የ14 ሰዎች ህይወት አልፏል። በተጨማሪ በትላንትናው ዕለት 267 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 42,143 የደረሱ ሲሆን የሟቾች ቁጥር 692 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 15,262 ደርሷል።

@tikvahethiopiaBot @tikvahethiopia

#UPDATE

ፍርድ ቤቱ አቃቤ ህግ ካቀረባቸው ምስክሮች መካከል የአንድን ምስክር ከሶስት (3) ሰዓታት በላይ የፈጀ የምስክርነት ቃል አዳምጦ ነው የዛሬውን ውሎ ያጠናቀቀው፡፡

የሌሎችን ምስክሮች ቃል ለመስማትም ለነሃሴ 20/2012 ዓ.ም ተለዋጭ ቀጠሮ ሰጥቷል፡፡

በሌላ በኩል በዛሬው ችሎት እነ አቶ ጀዋር መሀመድ የባንክ አካውንታቸውና ንብረታችን ታግዷል በማለት እንዲነሳላቸው ፍርድ ቤቱን ጠይቀው ነበር፡፡

ፍርድ ቤቱ ምንም ዓይነት ንብረትም ሆነ የባንክ አካውንትን አላገድኩም ፤ ያገዳውን አካል መጠየቅ ትችላላችሁ ሲል ምላሽ መስጠቱን ከኢብኮ ያገኘነው መረጃ ያሳያል።

@tikvahethiopiaBot @tikvahethiopia

ነሃሴ 18/2012 ዓ/ም

#Sidama #Harari #SNNPRS

የኢትዮጵያ የኮቪድ-19 መረጃዎች #2፦

#Sidama

ባለፉት 24 ሰዓት ውስጥ 601 የላብራቶሪ ምርመራ የተደረገ ሲሆን 78 ሰዎች በኮሮና ቫይረስ መያዛቸው ተረጋግጧል። የአንድ ሰድ ህይወት አልፏል።

በቫይረሱ ከተያዙት መካከል፦
- 22 ከሀዋሳ ከተማ
- 16 ከወንዶ ገነት ወረዳ
- 8 ከይርጋለም ከተማ
- 6 ከአለታ ጩኮ ከተማ ይገኙበታል።

አጠቃላይ በሲዳማ ፦
- 1,206 በቫይረሱ የተያዙ
- 14 ሞት
- 328 ያገገሙ

#Harari

በሐረሪ ክልል ባለፉት 24 ሰዓት 849 የላብራቶሪ ምርመራ የተደረገ ሲሆን 26 ሰዎች በኮሮና መያዛቸው ተረጋግጧል። የአንድ ሰው ህይወት አልፏል።

አጠቃላይ በሐረሪ ፦
- 874 በቫይረሱ የተያዙ
- 17 ሞት
- 274 ያገገሙ

#SNNPRS

በደቡብ ክልል ባለፉት 24 ሰዓት ውስጥ በተደረገው 1,623 የላብራቶሪ ምርመራ 59 ሰዎች በቫይረሱ መያዛቸው ተረጋግጧል። የሶስት ሰዎች ህይወት አልፏል (1 ከአርባ ምንጭ፣ 2 ከጌዴኦ ዞን)

በቫይረሱ የተያዙት ፦
- ከወላይታ 22 (14ቱ ከዳሞት ወይዴ፣ 4 ከሶዶ፣ 2 ኪንዶ ኮይሻ፣ 1 ኦቢቻና 1 ቦሎሶ ሶሬ)፣
- ከጋሞ 12 (4 ከአርባምንጭ፣ 5 ከጨንቻ፣ 1 ከገረሴና 1 ከቁጫ)፣
- ከደ/ኦሞ 4 (4ቱም ከሐመር)፣
- ከጉራጌ 3 (2 ከእነሞር እና 1 ከቀቤና)
- ከጌድኦ 3 (1 ከዲላና 2 ገገደብ)፣
- ከዳውሮ 3 (3ቱም ከተርጫ)፣
- ከሐዲያ 3 (2ቱ ከሚሻና 1 ከአንሌሞ)፣
- ከስልጤ 2 (1 ከሚቶና 1 ከሳንኩራ)፣
- ከምዕራብ ኦሞ 3 (3ቱም ከጋቺት ወረዳ)፣
- ከምባታ ጠምባሮ 1 (ከሺንሺቾ)፣
- ከሸካ 1 (ማሻ ከተማ) እና ከደራሼ ል/ወረዳ 2 ናቸው፡፡

@tikvahethiopiaBOT

ማስታወሻ ለተማሪ ወላጆችና ለተማሪዎች!

(ትምህርት ሚኒስቴር)

- ትምህርት ቤቶች ለ2013 የትምህርት ዘመን ከነሃሴ 20 ቀን 2012 ዓ/ም ጀምሮ ተማሪዎችን መመዝገብ ይችላሉ።

- ተማሪዎች ትምህርት የሚጀምሩበት ቀን #አልተወሰነም፤ ተማሪዎች ትምህርት የሚጀምሩበት ቀን በቀጣይ ተወስኖ ይፋ ይደረጋል።

- በምን አይነት መልኩ ትምህርት መጀመር አለበት በሚለው ዙሪያ የተለያዩ አማራጮችን ለማመላከት ውይይት እየተደረገ ሲሆን ውሳኔ ሲያገኝ ይገለፃል።

- የ8ኛ እና የ12ኛ ክፍል ሀገር አቀፍ ፈተና ጊዜን በተመለከተ በቅርብ የሚገለፅ ሲሆን ተማሪዎች ራሳቸውን እያዘጋጁ ይቆዩ ተብሏል።

@tikvahethiopiaBot @tikvahethiopia