የሀሳብ ማዕድ!

ክፍል ሁለት!

አክቲቪስቶች በጋራ ሆነው የሚመሩበት ህግ በማውጣትና እርስ በእርስ መገማገሚያ መድረክ ቢያመቻቹ ጥቅሙ ምንድን ነው?

• ይህንን ማድረግ የፖለቲካ ስርዓቱ መስተካከል አለበት፡፡ ፖለቲከኞቹ ባለመግባባታቸው ህግ እየተከበረ አይደለም በማህበረሰብ ውስጥ ያሉ ግጭት የሚፈጥሩ ሰዎች በህግ ተጠያቂ እየሆኑ አደለም ስለዚህ መጀመሪያ ህግ መፍራት ለህግ ተገዢ መሆን ያስፈልጋል፡፡ ከዛ ይልቅ ግን እንደዚህ አይነት መድረኮች መኖራቸው እርስ በዕርስ ተቀራርቦ ማውራቱ ቀዳሚ መሆን ይኖርበታል። (ዮናታን)

• አክቲቪዝሙ በራሱ በአንድ ወገን ላይ ያነጣጠረ እንጂ ሌላውን ማህበረሰብ ለማካተት አይፈቅዱም፡፡ አሁን ያለው አክቲቪዝም ላይ ያሉ አክቲቪስቶች ቁጭ ብሎ ለማውራት እንኳን ፈቃደኛ አይደሉም፡፡(በፍቃዱ)

• መጀመሪያ ላይ ችግሩ ላይ መስማማት ያለብን ይመስለኛል በዚህ ላይ ካልተስማማን የራሳችንን ጽንፍ ይዘን እንቀሳቀሳለን እንጂ መግባባት አንችልም፡፡ አቋም እንዳለን እንስማማ አንድ ላይ ቁጭ ብለን ስንደራደር መፍትሔ እንደምናገኝ እንመን ሁላችንም ያገባናል የምንል ከሆነ ሀሳባችንን ለድርድር ማቅረብ አለብን፡፡

• አብዛኛው ሰው ተስፋ የቆረጠ ነው፡፡ ይህ ደግሞ መሸሸጊያ ምሽግ እንዲፈልግ ያደርገዋል፡፡ እንደዚህ አይነት መድረኮች መኖሩ ተስፋ ለቆረጡት ተስፋ ይሰጣል፡፡(ያሬድ ሹመቴ)

• መሰረታዊ ችግሩን ሳናወራው ስለመፍትሔ ማውራ መፍተሔ አያመጣም፡፡ የጋራ ሀገራዊ ማንነት ላይ መግባባት ያስፈልጋል፡፡ የብሔር ማንነትና ብሔራዊ ማንነትን ማስታረቅ በጣም ያስፈልጋል፡፡ ጥላቻን ማደስ ላይ ተጠምደናል፡፡ (አንሙት)

#ቲክቫህ
@tsegabwolde @tikvahethiopia

የተቀዳሚ ሙፍቲ ሃጂ ዑመር እንድሪስ መልዕክት ለወጣቶች፦

- የበላዩ የበታቹን ማወያየት አለበት፣ ማዳመጥ፣ መስማት ይገባል፡፡ ጥሩ ሀሳብ ከሆነ መከተል ነው፡፡ የበታቹ ደግሞ የበላዩን ሊያከብር ሊሰማ ይገባል፡፡ እስልምናው ይህንን ያዛል፡፡

- ጥቅም የሚገኘው ከአንድነት ነው፣ ጥቅም የሚገኘው ከሰላም ነው፣ ጥቅም የሚገኘው ከመከበር ነው፣ ጥቅም የሚገኘው ከመተባበር ከመረዳዳት ከመሰማማት ነው፡፡

- የሚጠቅመው መቀራረብ መመካከር መረዳዳት አላግባብ እንደሆነ መመለስ መጸጸት ወደፊት አንድነቱን ማጠንከር ሰላሙን ማጎልበት ማጠንከር ነው፡፡

#ቲክቫህ_ኢትዮጵያ
@tikvahetiopia @tsegabwolde

"በከፍተኛ ትምህርት ተቋማት ዘላቂ ሰላምን መገንባት!" በሚል ርዕስ ሳይንስና ከፍተኛ ትምህርት ሚኒስቴር ከኢንሼቲቭ አፍሪካ ጋር በመተባበር የተዘጋጀው መርኃግብር ነገ በUNECA መሰብሰቢያ አዳራሽ ይካሄዳል፡፡ በኮንፍረንሱ ላይ የሁሉም የዩኒቨርስቲ ፕሬዝዳንቶች፣ የተማሪዎች ህብረት ተወካዮችና የሰላም ፎረም አባላት ይገኙበታል፡፡ የTIKVAH-ETH ቤተሰቦችም ባለፈው ዓመት በተለያዩ ዩኒቨርስቲዎች ባካሄዱት "የጥላቻ ንግግር እናቁም!" ዘመቻ ምክንያት በዚህ ስብሰባ ላይ የሚገኙ ይሆናል፡፡

#ቲክቫህ_ኢትዮጵያ
@tikvahethiopia @tsegabwolde

ምንም ሁኔታዎች ባይመቹም ከበጎነት ወደኋላ የሚመልሰን ነገር አይኖርም!

#ቅዳሜን_ደሜን_ለወገኔ

ዶ/ር ሜላት ሰለሞን እባላለሁ፡፡ እኔ O+ በጎ ፈቃደኛ ደም ለጋሽ ነኝ። ለ9ነኛ ጊዜ ደም ለግሻለሁ። ደም በመለገስ ክቡር የሆነውን የሰው ልጅ ህይወትማዳን እንደሚቻል ተረድቻለሁ፡፡ ደም በመለገስ የሚያገኙትን የደስታ ጥግ የትም ፣ ምንም ላይ አያገኙትም ! ደም መለገስ ከየትኛውም ደግነት፣ ከየትኛውም ሩህ ሩህነት ይልቃል፡፡ዛሬ ጥቅምት 15 በሚደረገው የደም ልገሳ ላይ ይሳተፉ!

እርሶስ ደም ለግሰዋል?

#ቲክቫህ_ኢትዮጵያ
@tikvahethiopia @tsegabwolde

“ሁላችንም አንድ እንሁን፣ #ሰላም እናስፍን፣ ከእንደዚህ አይነቱና አላህ ከማይወደው ተግባር እንራቅ፣ እስላም ክርስቲያኑ ሁሉ በአንድ ሆነን አገራችንን እናልማ፣ ሰላም እንፍጠር፣ ከመተላለቅ እንዳን። እባካችሁ ሁላችንም ለአላህ ብለን ከዚህ ተግባር እንቆጠብ...ሰላም ማጣታችን ያሳዝናል። ፍቅር ማጣታችን ያሳዝናል። ኡለማዎችንን ማስለቀሳችን ያሳዝናል። አንድነት ማጣታችን ያሳዝናል። አሁን #አንድ_ሆነን_ቆራጥ ሆነን ልንነሳ ይገባል። አንድ እንሁን፤ የከተማውም የገጠሩም እስላም እና ክርስቲያኑም አንድ እንሁን። አንድ ሆነን ቆራጥ ሆነን እንነሳ። እውነቱም ይታወቃል፤ ውሸቱም ይታወቃል። ለእውነት እንድትሰሩ አሳስባለሁ። አደራም እላለሁ። አሚን።” ሀጂ ኡመር ሙፍቲ (ኢትዮጵያ የእስልምና ጉዳዮች ጠቅላይ ምክር ቤት (መጅሊስ) ፕሬዚዳንት )

#share #ሼር

#ቲክቫህ_ኢትዮጵያ
@tsegabwolde @tikvahethiopia

Vote!

ፍሬወይኒ መብራቶም የ2019 CNN Hero ምርጥ አስር ውስጥ ገብታለች፡፡ ለዚህም የበቃችው የሚታጠብና መልሶ ጥቅም ላይ መዋል የሚችል የሴቶች የንጽህና መጠበቂያ (ሞዲየስ) በመስራቷና ሴቶች ተማሪዎች ተፈጥሯዊ በሆነው የወር አበባ ምክንያት ትምህርታቸውን እንዳያቋርጡ በምትሰጠው የግንዛቤ ማስጨበጫ ሥራዋ ነው፡፡ እንደ ዩኒሴፍ ጥናት በኢትዮጵያ ከ10 ሴቶች አንዷ በዚህ ምክንያት ትምህርቷን ታቋርጣለች፡፡ ፍሬወይኒ ይህንን ውድድር ካሸነፈች 100,000 የአሜሪካን ዶላር አሸናፊ ትሆናለች፡፡

ምረጧት 👉 https://edition.cnn.com/SPECIALS/cnn.heroes/vote/10/

የድምጽ አሰጣጥ ሂደት:
1. ሊንኩን (ማስፈንጠሪያውን) መጫን። ከተጫን ነው ቡሃላ ውደድ የCNN የአመቱ 10 ጀግኖች ዝርዝር እንግርባለን ከዛ የፍሬወይን መብራቶም ስምችና ፎቶዋ ዜግነት Ethiopian የሚል ፈልገን እንጫናለኝ።
2. የሷን ፎቶ ከተጫንን ቡሃላ ዝቅ ብለን ከሷ ፎቶ በታች 1 or 0 ቁጥር ይኖራል vote ከሚለው በላይ slide for more ከሚለው በታች የለቸውን መሳቢያ ወደቀኝ በመሳብ 10 ድምጽ መስጠት ይችላሉ።
3. Vote የሚለውን ከተጫንን ቡሃላ email or fb account ያለን ብቻ ነው የምን መርጠው ከላይ አንብባቿል ዲስኮርሱን የሚል ሲመጣ ማንበብ ወይም አንቢብያለሁ ማለት ከዛ account ይጠይቀናል እናስገባና ማረጋገጫውን እንጫን ከዛ አበቃ።

ማሳሰቢያ:- ሁሉም ሰው በየቀኑ 10 ድምጽ መስጠት ይችላል። ማብቂያው ህዳር 21 ነው፡፡

#ቲክቫህ_ኢትዮጵያ(@tikvahethmagazine)
@tsegabwolde @tikvahethiopia

#CONGRATULATIONS

በአሁን ሰዓት "ጎንደር ዩኒቨርስቲ" የህክምና ተማሪዎቹን በደማቅ ሁኔታ እያስመረቀ ይገኛል፡፡ በምርቃት ስነ ስርዓቱ ላይ የተማሪ ወላጆች፣ የዩኒቨርሲቲው አመራሮችን ጨምሮ ጥሪ የተደረገላቸው እንግዶች ተገኝተዋል።

#ቲክቫህ_ኢትዮጵያ

@tikvahethmagazine

#አርባምንጭ #ሃይሌሪዞርት #ቲክቫህ #ፒስሞዴል

የኡቡንቱ የማጠቃለያ ፕሮግራም በሀገራችን ብሔራዊ መዝሙር የተጀመረ ሲሆን የጋሞ ዞን አስተዳደር ተወካይ አቶ እሸቱ አልቶ ተገኝተው የመክፈቻ ንግግር አድርገዋል።

በዚሁ ንግግራቸው ወቅት የዝግጅቱ አስተባባሪዎች በሙሉ ወጣቶች መሆናቸው መርኃግብሩን ለየት እንደሚያደርገው ገልፀዋል፡፡ አቶ እሸቱ አክለውም 500,000 ቤተሰቦችን ስለ ፍቅር እና አንድነት ብቻ እየሰበከ ላሰባሰበን ለቲክቫህ ኢትዮጵያ የቴሌግራም ቻናል ምስጋናቸውን አቅርበዋል፡፡

ቀጥሎም የኃይማኖት አባቶች፣የጋሞ አባቶች መልዕክቶችን አስተላልፈዋል፡፡ በተለይ ለወጣቱ ባስተላለፉት መልዕክት፦ እርስ በእርስ መከባበር እና ከጥላቻ ይልቅ ፍቅርን ማስቀደም እንደሚገባ አበክረው ገልፀዋል፡፡

አሁን "ስለ እርቅ ለመወያየትና ለማስታረቅ እድሜ ምክንያት ሊሆን ይችላልን?" በሚል ርዕስ ወጣቱም ስለ ዕርቅ፣ ስለ ሰላም የበኩሉን እንዲወጣ በፈጣሪ አሰፋ አማካኝነት ምክክር እየተደረገ ይገኛል፡፡

@tikvahethiopiaBot @tikvahethiopia

የተማሪዎች እገታ ጉዳይ...

- የአማራ ክልል ርዕሰ መስተዳድር አቶ ተመስገን ጥሩነህ ከአምስት ቀናት በፊት ለጋዜጠኞች ሲናገሩ፤ "አራት ተማሪዎች ታግተው እንደሚገኙ መረጃው አለኝ" ማለታቸው ይታወሳል።

- EBCን ጨምሮ የተለያዩ የግል ሚዲያዎች የታገቱ ተማሪዎች 17 እንደሆኑ ዘግበው ነበር። የተለያዩ የማህበረሰብ አንቂዎችም የተማሪዎችን ስም እና ፎቶ ጭምር በመዘርዘር የታገቱ 17 እንደሆኑ ሲገልፁ ነበር።

- የኦሮሚያ ክልል የአስተዳደር እና ጸጥታ ቢሮ ኃላፊ ኮሎኔል አበበ ገረሱ በምዕራብ ኦሮሚያ ስላለው ጠቅላላ ሁኔታ "ምንም አይነት መረጃ የለኝም። እኔ የሰማሁት ነገር የለም" ብለዋል። እንዴት መረጃ ሳይኖራቸው እንደቀረ ከቢቢሲ የተጠየቁት ኮሎኔል ገረሱ፤ "እኔ ምንም አልሰማሁም ነው የምልህ። ለምድነው የምትጠይቀኝ?" በማለት መልሰዋል።

- የኦሮሚያ ኮሚኒኬሽን ቢሮ ምክትል ኃላፊ አቶ ዴሬሳ ተረፈ በበኩላቸው ታፍነው የተወሰዱ ተማሪዎች የሉም ብለዋል። ኃላፊው ታፍኖ የተወሰደ ተማሪ የለም ከማለት ውጪ ማብራሪያ አልሰጡም።

- ትላንት የጠቅላይ ሚኒስትር ፅ/ቤት የፕሬስ ሴክሬተርያት ኃላፊ አቶ ንጉሱ ጥላሁን ታግተው የነበሩ 21 የደምቢዶሎ ዩኒቨርሲቲ ተማሪዎች መንግስት ባደረገው ጥረት ተለቀዋል። 13 ሴትና 8 ወንድ በድምሩ 21 ተማሪዎች በሰላማዊ ሁኔታ ተለቀዋል። ይሁን እንጂ አሁንም ቀሪ 6 ተማሪዎች በእገታ ላይ መሆናቸውን በአካባቢው የተሰማራው የፀጥታ ኃይል መረጃ ሰጥቷል ሲሉ በኢትዮጵያ ቴሌቪዥን ቀርበው ተናግረዋል።

- ዶ/ር ደሳለኝ ጫኔ ትላንት ምሽት 4 ሰዓት ወደ ታገቱ ተማሪዎች ወላጆች እንደደወሉና ወላጆችም ስለልጆቻቸው መለቀቅ መረጃ እንደሌላቸው እንደገለፁላቸው በትዊተር ገፃቸው ገልፀዋል።

- VOA : “ልጆቻችን ስለመለቀቃቸው ያወቅነው ነገር የለም” - ቤተሰቦች

#ቲክቫህ

የቲክቫህ ቤተሰብ ከነቀምት...

በአሁን ሰዓት በነቀምት ከተማ የሚገኝ የቲክቫህ ቤተሰብ አባል ከቀናት በፊት በስልክ ደውሎ ያለውን ሁኔታ አስረድቶን ነበር። ይህ የቤተሰባችን አባል በአንድ መንግስታዊ ያልሆነ ተቋም ውስጥ እንደሚሰራ ገልፆልናል። ኢንተርኔት በመቋረጡም ካለፈው ሳምንት ጀምሮ ከቲክቫህ እንደራቀ አሳውቆናል።

- ከሳምንታት በፊት አንድ ባለስልጣን በታጣቂዎች ከተገደለ በኃላ በፀጥታ ችግር ምክንያት ፍቃድ ጠይቄ ነው የወጣሁት፤ ከበዓል መልስ ደግሞ ወደ ስራ መግባት አልቻልኩም። የምስራው ከነቀምት 80 ኪሎ ሜትር ርቀት ነው።

- ኢንተርኔትን በተመለከተ ምንም ፍንጭ የለም። WiFiም የሞባይል ዳታ የለም አይሰራም። ከነቀምት ሆስፒታል ማዶ ኢንተርኔት ብቻ ሳይሆን የሞባይል ኔትዎርክ ሙሉ በሙሉ ይጠፋል።

- አሁን ያለሁት ነቀምት ከተማ ነው። እኛ እንደሰማነው የመንግስት ፀጥታ ኃይሎችና ታጣቂዎች ግጭት ውስጥ እንደሚገኙ ነው። ብዙ ሂሊኮፍተሮች ሲመላለሱ እንደነበርም አስተውለናል።

- ምሽት ላይ በነቀምት ከተማ በኮማንድ ፖስት የሠዓት እላፊ ስለታወጀ ከምሽት 1:00 በኃላ መንቀሳሳቀስ አይቻልም። ምሽት ላይ የድርጅት መኪኖቻችን አይንቀሳቀሱም። የፀጥታው ሁኔታ አስተማማኝ አይመስልም።

- አሁን ላይ ነቀምት ከተማ ውስጥ ይህ ነው የምንለው የተኩስ ልውውጥ የለም። ከበዓል በፊት ግን አልፎ አልፎ የተኩስ ልውውጦችን እንሰማ ነበር። በግልፅ ማን ከማን ጋር እንደሚታኮስ አናውቅም።

- በነቀምት ከተማ የንግድ እንቅስቃሴው እንደድሮው አይደለም፤ ተቀዛቅዟል። የትራንስፖርት ፍሰቱም እንደድሮው አይደለም። ባለው የፀጥታ ችግር ምክንያት እና ፕሮጀክት ጨርሰው የወጡ ጓደኞቻችን አሉ።

#ቲክቫህ

#Election2012

ዛሬ ምርጫ ቦርድ በኢትዮጵያ የምርጫ፣ የፖለቲካ ፓርቲዎች ምዝገባና የምርጫ ስነ ምግባር አዋጅ መሰረት በተዘጋጁ መመሪያዎች ላይ ከሚዲያ አካላት ጋር ውይይት እያካሄደ ይገኛል፡፡

ውይይት የሚደረግባቸው መመሪያዎች፡-

- የኢትዮጵያ ብሔራዊ ምርጫ ቦርድ የመገናኛ ብዙሃን እና የጋዜጠኞች የምርጫ አዘጋገብ የስነምግባር እና አሰራር መመሪያና፣

- የስነ ዜጋ እና የመራጮች ትምህርት ፈቃድ አሰጣጥ እና ስነ-ምግባር ለመደንገግ የወጣ መመሪያ ላይ ይሆናል፡፡

የመገናኛ ብዙሃንን የሚመለከተው መመሪያ በመሰረታዊነት የሚዲያዎች የምርጫ አዘጋገብ፣ ፍቃድ አሰጣጥ፣ ፍትሀዊ የአየር ሰዓት ክፍፍል እንዲሁም ሊከተሏቸው የሚገቡ የስነ ምግባር ደንቦችን ያካተተ ሲሆን የስነ ዜጋና የምርጫ ትምህርቱን የሚመለከተው መመሪያ በበኩሉ የስነ-ዜጋ ትምህርቱን የሚሰጡ የሲቪክ ማህበራትን ፈቃድ ስለመስጠትና ሊኖሯቸው የሚያስፈልጉ ጉዳዮች ላይ ያተኩራል፡፡ በፕሮግራሙ መሰረት በሁለቱ መመሪያዎች ዙሪያ በዶ/ር ጌታቸው አሰፋ እና በትርሓስ ገ/እግዚአብሔር ማብራሪያ ከተሰጠ በኀላ በተሳታፊዎች በሚደረግ ውይይት ከሚገኘው ግብዓት ማጠቃለያ ተሰጥቶና አቅጣጫ ተቀምጦ ይጠናቀቃል፡፡

#ቲክቫህ
@tikvahethiopiaBot @tikvahethiopia

"ለፍቅር እንሩጥ ጥላቻን እናምልጥ"

40 ሺ ሰው የሚሳተፍበት የአምስት ኪሎ ሜትር የጎዳና ላይ ሩጫና ፌስቲቫል የካቲት 15 ይካሄዳል፡፡ በዚህ ዝግጅት ላይም በዓለም ክብረ-ወሰን የሚመዘገብ ሰፊ እንጀራ ተጋግሮ የመንግሥት ኃላፊዎች፣ የፓለቲካ መሪዎች፣ አርቲስቶችና ታዋቂ ግለሰቦች አብረው ይቆርሳሉ፡፡

የቲሸርት ኩፖኖቹን በአሞሌ ኦላይን ላይና በሁሉም የዳሽን ባንክ ቅርንጫፎች በመሸጥ ላይ ይገኛል፡፡ አዘጋጆቹ ለቲክቫህ ቤተሰቦች የቲሸርት ዋጋውን ቀንሰው በ150 ብር አቅርበውልናል፡፡ በዚህ እድል መጠቀም የምትፈልጉ ቤተሰቦቻችን የምዝገባ ሊንኩን ተጠቅማችሁ መመዝገብ ትችላላችሁ፡፡

https://forms.gle/H3R8nxTamrMPyieN7

#ቲክቫህ_ኢቨንት
@tikvahethiopiaBot @tikvahethiopia

#SolveITAccelerator

5 ሚሊዮን ብር ለሥራ ጀማሪዎች ማጠናከሪያ!

iCog labs,JICA ከኩዱ ቬንቸር በተገኘው የ5,000,000 ብር [አምስት ሚሊዮን ብር] የገንዘብ ድጋፍ ሥራ ላይ ያሉ እና ምርትና አገልግሎታቸውን ማሳደግ ለሚፈልጉ እንዲሁም በቴክኖሎጂ ላይ ለተሰማሩ ሰባት ድርጅቶች የአቅም ማበልጸግ ፣ የገበያ ትስስር መፍጠር እና በትንሹ 250,000 ብር ከፍ ካለ እንደ ፕሮጀክቱ ታይቶ የሚጨመር ድጋፍ ለመስጠት ጀምሯል።

የፕሮጀክቱ ማናጀር የሆኑት አቶ ህሩይ ፀጋዬ እንደገለጹት ሥራ ጀማሪዎቹ ከፕሮግራሙ ጋር በሚኖራቸው ቆይታ ማርኬቲንግ እና ቢዝነስ ፕላናቸውን ይበልጥ እንዲያሻሽሉ የሚደረግ ይሆናል።

ከ7ቱ ፕሮጀክቶች መካከል 5ቱን በመውሰድ 10 ቀን የሚቆይ የውጭ ሀገር ልምድ ልውውጥ እና የሚያስፈልጋቸው የገንዘብ ድጋፍ ተደርጎላቸው ወደ ገበያው እንዲገቡ ይደረጋል ብለዋል፡፡

"ይህንን መሰሉን ሥራ ስንሰራ በዋናነት ማወቅ የምንፈልገው የቴክኖሎጂው ዘርፍ በኢትዮጵያ ምን አይነት ደረጃ ላይ ደርሷል የሚለውን ነው" ያሉት አቶ ህሩይ "የወጣቱን አቅም ማጎልበትና ትርፋማ ማድረግም ሌላው ትኩረት የምንሰጠው ጉዳይ ነው" ብለዋል፡፡

በዚህ ስራ ላይ የአዲስ አበባ ከተማ አስተዳድር ፣ የከተሞች የስራ ዕድል ፈጠራ እና የምግብ ዋስትና ኤጀንሲና ጥቃቅ እና አነስተኛ ኢንተርፕራይዝ በአጋርነት ይሰራሉ ተብሏል፡፡

#ቲክቫህ_ኢትዮጵያ

@tikvahethiopiaBot @tikvahethiopia

#DrMengistuBekele

በኦሮሚያ ክልል ትላንት ግንቦት 22/2012 እና ዛሬ ግንቦት 23/2012 በቫይረሱ መያዛቸው ስለተረጋገጠው ሰዎች የክልሉ ጤና ቢሮ ኃላፊ ዶክተር መንግስቱ በቀለ ተጨማሪ መረጃዎችን አካፍለውናል።

ትላንት በቫይረሱ መያዛቸው የተረጋገጠ 22 ሰዎች ፦

- በኮቪድ-19 መያዛቸው ከተረጋገጠ 22 ሰዎች መካከል ሃያዎቹ (20) የኢትዮ-ጅቢቲ መስመር ላይ የሚሰሩ አሽከርካሪዎች ናቸው።

- ከሃያ ሁለቱ (22) ሰዎች አስራ ስምንቱ (18) የተገኙት አንድ ቦታ ነው። የተቀሩት መተሃራ ላይ በተደረገ ምርመራ የተገኙ ናቸው።

- የውጭ ሀገር ጉዞ ያላቸው 20 ናቸው። ሁለት ሰዎች ደግሞ ከማህበረሰቡ የተገኙ ናቸው፤ ከሁለቱ አንደኛዋ ሴት ከምዕራብ ሸዋ ጊንደ በረት ወረዳ ነው በቫይረሱ መያዟ የተረጋገጠው።

አንድ ቦታ እንደተገኙ ከላይ የገለፅናቸው 18 ሰዎች ለዳንጎቴ ሲሚንቶ ፋብሪካ (ምዕራብ ሸዋ ዞን) የሚሰሩ አሽከርካሪዎች ናቸው።

የኦሮሚያ ክልል ጤና ቢሮ ቦታው ድረስ ሄዶ ከወሰዳቸው ናሙናዎች መካከል ነው የተገኙት። ግለሰቦቹ ምንም እንኳን ለዳንጎቴ ሲሚንቶ ፋብሪካ ስራዎችን ቢሰሩም የድርጅቱ #ተቀጣሪ ሰራተኞች አይደሉም።

ዛሬ በቫይረሱ መያዛቸው የተረጋገጠ 5 ሰዎች፦

ሶስቱ (3) ከሱሉልታ ናቸው፤ እነዚህ ግለሰቦች ለህክምና አገልግሎት በመጡበት ናሙናቸው ተወስዶ ሲመረመሩ ነው በቫይረሱ መያዛቸው የተረጋገጠው።

አንደኛው ከሰንዳፋ ሲሆኑ እኚህ ግለሰብ ሆስፒታል ውስጥ ተኝተው እየታከሙ የሚገኙ ናቸው፤ ናሙናቸው ተወስዶ ሲመረመር ቫይረሱ ተገኝቶባቸዋል።

አንደኛው የገላን ነዋሪ ሲሆን የውጭ ሀገር ጉዞ ታሪክ ያለው ነው። መተሃራ ላይ ነው ናሙናው የተወሰደው በምርመራ ውጤት መሰረት በቫይረሱ መያዙ ተረጋግጧል።

#ቲክቫህ
@tikvahethiopiaBot @tikvahethiopia