#SouthAfrica

ደቡብ አፍሪካ ውስጥ በአንድ ቀን 1,134 ሰዎች በኮሮና ቫይረስ መያዛቸው ተረጋግጧል፤ አጠቃላይ በቫይረሱ የተያዙ ሰዎች 19,137 ደርሰዋል።

ከዚህ በተጨማሪ የሰላሳ (30) ሰዎች ህይወት አልፏል። አጠቃላይ የሟቾች ቁጥር ሶስት መቶ ስልሳ ዘጠኝ (369) ደርሷል።

በደቡብ አፍሪካ አጠቃላይ በኮሮና ቫይረስ (ኮቪድ-19) ተይዘው በተደረገላቸው ህክምና ያገገሙ ሰዎች 8,950 ናቸው።

@tikvahethiopia @tikvahethiopiaBot

#UPDATE

በኢትዮጵያ ተጨማሪ 1 ሰው በኮሮና ቫይረስ መያዙ ተረጋገጠ!

መደበኛ 24 ሰአት ዕለታዊ መግለጫ ከተሰጠ በኋላ ለ #MoHEthiopia በደረሰው አዲስ መረጃ መሰረት በሃረሪ ክልል በተደረገ 12 የላብራቶሪ ምርመራ አንድ (1) ሰው የኮሮና ቫይረስ ተገኝቶበታል።

ቫይረሱ የተገኘበት ግለሰብ የ37 ዓመት የሀረር ከተማ ነዋሪ የሆነ ኢትዮጵያዊ ሲሆን የውጭ ሀገር ጉዞ ታሪክ እና በበሽታው ከተያዘ ሰው ጋር ግንኙነት #የሌለው ነው።

#DrLiaTadesse

@tikvahethiopiaBot @tikvahethiopia

#HARAR

በዛሬዉ እለት በሀረሪ ክልል በተደረገው የላብራቶሪ ምርመራ በኮሮና ቫይረስ የተያዘ አንድ ሰው መገኘቱን የክልሉ ርዕሰ መስተዳደር አቶ ኦርዲን በድሪ አሳውቀዋል።

ግለሰቡ ወደ 'ህክምና ማእከል' ተወስዶ ህክምና እያገኘ እንደሆነ አቶ ኦርዲን ገልፀዋል። ከግለሰቡ ጋር #ንክኪ የነበራቸዉ ሰዎችም ወደ #ኳራንቲን እንዲገቡ የማድረግ ስራ እየተሰራ እንደሆነ አሳውቀዋል።

አቶ ኦርዲን መንግስት ወረርሽኙን ለመከላከልና ለመቆጣጠር አስፈላጊውን ሁሉ የሚያደርግ መሆኑን ያረጋገጡ ሲሆን የክልሉ ህዝብ ከመንግሥት ጎን በመቆም የበኩሉን ድርሻ እንዲወጣ አሳስበዋል።

@tikvahethiopiaBot @tikvahethiopia

የኮቪድ-19 ብዙ ቀውሶች መካከል ጥቂቶች የሚናገሩለት ፤ የጤና ባለሙያዎች ስነአእምሮ ጤንነት!

በዚህ ዓለም አቀፍ ወርሽኝ ወቅት ሰዎች ስለ ግል የጤና መከላከያ መሣሪያዎች(PPE) አጣዳፊነት እና ወሳኝ ፍላጎት፣ የመተንፈሻ መሳሪያዎች (ventilators) እና የምርመራ መጠንን መጨመር አስፈላጊነት እየተናገሩ ነው።

በውጭ ተመልካቾች ፊት የጤና ባለሙያዎች ጠንካራና የጥንካሬ ተምሳሌት እንዲሁም በየቀኑ ስራቸው ላይ የሌሎችን የተሟላ ጤና እና ደህነንት ለመጠበቅ የሚበረቱ ናቸው፥ ሲያልፍ ደግሞ "ሀኪም ደግሞ አይታመም" ተብሎ ይነገራል።

ከስሩ ግን እነሱም ለራሳቸውም፣ ለሚወዷቸውም በቫይረሱ ስለመያዝም ሆነ አያርገው እና መሞትም ይጨነቃሉ፣ ይፈራሉማል። ስለዚህም ነው ገና ከጅማሬው ሆነ ለመጪዎቹ ወራት የአእምሮ ጤንነታቸውን ለመጠበቅ መሞከሩ የሁላችንም ግዴታ የሚሆነው።

የጤና ባለሙያዎችን ለመደገፍ ባለሙያዎችም፣ የሚመለከተው አካል የሌሎች ሀገራትን ተሞክሮ በመውሰድ የራሳቸውን አካላዊ ጤንነት ብቻ ሳይሆን ልክ ጦርነት ላይ እንዳለ ወታደር አእምሯዊ ጤንነታቸውን ለመጠበቅ ጣልቃ መግባት አለባቸው።

የጤና ባለሙያዎችን በአካል እንዴት መጠበቅ እንደሚችሉ መናገር ለመጀመር ረዥም ጊዜ ፈጅቶብናል። አሁን ስለአእምሮ ጤንነት እንነጋገር።

ሁለገብ የሆነ ባለብዙ-ተኮር የመከላከያ ዘዴዎች(የጭንቀት መቀነስ፣ ጥንቃቄ የተሞላበት ውሳኔ እና ትምህርታዊ ቁሳቁሶች ማዘጋጀት)፣ በጊዜው እርምጃዎች( ሆትላይን መዘርጋት፣ የችግር ድጋፍ)፣ እና አስፈላጊም ከሆነ ቴራፒዩቲክ ሕክምና መስጠት ወሳኝ ነው።

ስለዚህ ከውደሳ በዘለለ የጤና ባለሙያዎችን ሁለንተና በመጠበቅ ፤ የህዝባችንን ህልውና እንጠብቅ።

(ዶክተር ያቤፅ ከበደ - የጤና ባለሙያ)

@tikvahethiopiaBot @tikvahethiopia

ብራዚል መዘናጋት ዋጋ እያስከፈላት ነው!

ብራዚል የኮሮና ቫይረስ ስርጭትን ለመግታት መጀመሪያ ሰሞን ያሳየችው መዘናጋት ከፍተኛ ዋጋ እያስከፈላት ይገኛል።

ትላንት ምሽት ባወጣችው ሪፖርት የ1,188 ሰዎች ህይወት በአንድ ቀን #አልፏል፤ 17,564 ሰዎች በቫይረሱ ተይዘዋል።

በመላው ሀገሪቱ በኮቪድ-19 ምክንያት አጠቃላይ የሞቱ ሰዎች ብዛት ከ20,000 በልጧል ፤ በቫይረሱ መያዛቸው የተረጋገጠ ሰዎች ብዛት ደግሞ ከ310,000 በላይ ሆኖ ተመዝግቧል።

መዘናጋትና ቸልተኝነት ዋጋ ያስከፍላል!
@tikvahethiopiaBot @tikvahethiopia

እኔም የዕርቅ ሀሳብ አለኝ!

(በሸገር ኤፍ ኤም 102.1)

@tikvahethiopiaBot @tikvahethiopia

'እኔም የዕርቅ ሀሳብ አለኝ' ምዝገባ ተጀምሯል!

በተለያዩ የሀገራችን ክፍል ለምትገኙ ሁሉ በአከባቢያችሁ ስላለው ወይም በቅርበት ስለምታቁት ባህላዊ የዕርቅ ሥርዓት ከ5-10 ገጽ ያልበለጠ ገላጭ ጹሑፍ በማዘጋጀት የሚያውቁትን የዕርቅ ሥርዓት ለሌሎች ያስተዋውቁ፣ በዚህ ውድድርም በመሳተፍ የሰላም ሰርተፍኬት ያግኙ፣ የጹሑፍ ዝግጅቶ የተዋጣለት ከሆነ ደግሞ የተዘጋጀሎትን ሽልማት ይውሰዱ።

ምዝገባ የሚከናወንበት ጊዜ ከግንቦት 14 - 21 ብቻ ነው!

ለመመዝገብ ፦

- ለግል ተሳታፊዎች https://forms.gle/6EEurxKwRDRN6oJJ6

- ለቡድን ተሳታፊዎች https://forms.gle/AMJnaNaD1oSCNr3D7

ለበለጠ መረጃ በቴሌግራም https://t.iss.one/Ihaveanideatikvah ላይ በአጭር የጽሑፍ መልዕክት ይጠይቁ፡፡

@tikvahethiopiaBot @tikvahethiopia

#SouthSudan

የደቡብ ሱዳን የኢንፎርሜሽን ሚኒስትር ሚካኤል ማኩዪ ከጤና ሚኒስትሯ ውጭ #ሁሉም የኮሮና ቫይረስ መከላከያ ግብረ ኃይል አባላት በኮሮና ቫይረስ መያዛቸውን ለቢቢሲ #አረጋግጠዋል።

በኮቪድ-19 የተያዙት ሁሉም ሚኒስትሮች በለይቶ ማቆያ የሚገኙ ሲሆን በሙሉ ጤንነትም ላይ ይገኛሉ ተብሏል።

ከዚህም በተጨማሪ የባለስልጣናቱ ጠባቂዎች እንዲሁም ሠራተኞች በኮሮና ቫይረስ ተይዘው በለይቶ ማቆያ ውስጥም ይገኛሉ።

በሌላ በኩል የኢንፎርሜሽን ሚኒስትሩ ፕሬዚዳንት ሳልቫ ኪር በኮቪድ-19 ተይዘዋል የሚለውን ሪፖርት #አጣጥለውታል።

@tikvahethiopiaBot @tikvahethiopia

#DrHagosGodefay

በትግራይ ክልል በኮሮና ቫይረስ መያዛቸው የተረጋገጠ ሶስቱ ሰዎች በለይቶ ማቆያ ውስጥ የሚገኙ መሆናቸውን የትግራይ ክልል ጤና ቢሮ ኃላፊ ዶክተር ሓጎስ ጎደፋይ ነግረውናል።

ሁለቱ (2) ከማይካድራና ሰቲት ሁመራ ለይቶ ማቆያ ፣ አንድ (1) ሰው ከመቐለ ላይቶ ማቆያ መሆኑን የቢሮው ኃላፊ አሳውቀውናል።

ዛሬ በኮሮና ቫይረስ (ኮቪድ-19) መያዛቸው የተረጋገጠ ሶስቱም (3) ሰዎች ምንም አይነት ምልክት #የለባቸውም።

ዶክተር ሓጎስ የቫይረሱን ስርጭት ለመቆጣጠር አሁንም በርካታ ስራዎች እየተሰሩ ናቸው ፤ ዜጎችም በመንግስት የሚስጡ መመሪያዎችንና በጤና ባለሞያዎች የሚተላለፉ ምክሮችን ሳይዘናጉ እንዲተገብሩ መልዕክት አስተላልፈዋል።

#TikvahEthiopia
@tikvahethiopiaBot @tikvahethiopia

በኬንያ ተጨማሪ 52 ሰዎች በኮሮና ቫይረስ መያዛቸውን ተረጋገጠ!

በኬንያ ባለፉት 24 ሰዓት በተደረገው 2,567 የላብራቶሪ ምርመራ ሃምሳ ሁለት (52) ሰዎች በኮሮና ቫይረስ መያዛቸው ተረጋግጧል። አጠቃላይ በሀገሪቱ በቫይረሱ መያዛቸው የተረጋገጠ ሰዎች 1,161 ደርሰዋል።

@tikvahethiopiaBot @tikvahethiopia

ጅቡቲ ውስጥ በአንድ ቀን 223 ሰዎች በኮሮና ቫይረስ መያዛቸው ተረጋገጠ!

ጅቡቲ ውስጥ ባለፉት 24 ሰዓት 941 የላብራቶሪ ምርመራ ተደርጎ ሁለት መቶ ሃያ ሶስት (223) ሰዎች በኮሮና ቫይረስ መያዛቸው ተረጋግጧል። አጠቃላይ በቫይረሱ የተያዙ ሰዎች 2,270 ደርሰዋል።

በሌላ በኩል ትላንት ዘጠኝ (9) ሰዎች በተደረገላቸው ህክምና ከበሽታው (ኮቪድ-19) ማገገማቸውን ተከትሎ አጠቃላይ ከበሽታው ያገገሙ ሰዎች 1,064 ደርሰዋል።

@tikvahethiopiaBot @tikvahethiopia

#HAWASSA

የሀዋሳ ከተማ አስተዳደር ትራንስፖርት እና መንገድ ልማት መምሪያ ዛሬ በሰጠው መግለጫ #ሁሉም አሽከርካሪዎች እና ተሳፋሪዎች ከመጪው ሰኞ ግንቦት 17 ቀን 2012 ዓ.ም ጀምሮ የፊትና የአፍ መሸፈኛ ማስክ የማድረግ ግዴታ እንደሚኖርባቸው አሳውቋል።

ይህን መመሪያ በሚተላለፉ አሽከርካሪዎች ላይ ተገቢውን እርምጃ እንደሚወስድ መምሪያው በጥብቅ አስታውቋል፡፡

መመሪያው በመላው ሀገሪቱ #እየጨመረ የሚገኘውን ፤ እንዲሁም ወደ ከተማው የመግባት አዝማሚያ እያሳየ ያለውን የኮሮና ቫይረስ ስርጭት ለመከላከል ይረዳል ተብሎ የተዘጋጀ ነው ተብሏል።

የባለ 2 እግር ሞተር ሳይክል አሽከርካሪዎችን እንዲሁም የህዝብ ትራንስፖርት አሽከርካሪዎች ረዳቶችና ተሳፋሪዎችን ፤ እንዲሁም የግልና የመንግስት መኪና አሽከርካሪዎችና ተሳፋሪዎችን፤ ባጃጅና የመሳሰሉትን አነስተኛ የትራንስፖት ዘርፎች የሚያካትት ነው።

አሽከርካሪዎች ይህንን አውቀው በቀጣይ ሁለት (2) ቀናት ውስጥ ተገቢውን ዝግጅት በማድረግ ከመጪው ሰኞ ጀምሮ የፊት ማስኮችን አድርገው መንቀሳቀስ እንደሚኖርባቸው ተገልጿል፡፡

#SRTA
@tikvahethiopiaBot @tikvahethiopia