"ከቅርብ ጊዜ ወዲህ ዩኒቨርሲቲዎች ወንድም ወንደሙን በጠላትነት የሚያይባቸው እየሆኑ መጥተዋል። እንደ ሀገር የገጠመን ችግር ሊያሳስበንና ዘላቂ መፍትሔ ሊፈለግለት ይገባል።" አስራት አጸደወይን (ዶክተር)

@tikvahethiopiaBot @tikvahethiopia

ሰሚ ካለ አሁንም መፍትሄ ይፈለግ!

ዛሬም አሁንም ጥያቄ ያላቸው መፍትሄ የሚፈልጉ በርካታ ተማሪዎች አሉ፤ ያሉበት ሁኔታ የሚያሰጋቸው፣ ለመማር ምቹ ሁኔታ ያልተፈጠረላቸው፣ ከዚህ አካባቢ የመጣችሁ ክፍል እንዳትገቡ ከገባችሁ በህይወታችሁ ፍረዱ የተባሉ፣ በየጊዜው በሚለጠፉ ማስፈራሪያዎች ትምህርት መማር ያልቻሉ፣ ከማደሪያዎቻቸው በስጋት ምክንያት ወጥተው አዳራሽ የሚገኙ፤ በቤተ እምነት የተጠለሉ፣ በስጋት ምክንያት ወደቤተሰቦቻቸው የሄዱ፣ አሁንም እየሄዱ ያሉ፣ የግቢ በር የተዘጋባቸው ተማሪዎች አሉ።

የፌደራል መንግስት ችግር ያለባቸውን ዩኒቨርሲቲዎች ጠንቅቆ እንደሚያውቃቸው አንጠራጠርም አሁንም በድጋሚ የተማሪዎች ድምፅ ተሰምቶ አስቸኳይ መፍትሄ ይፈለግ እንላለን። እያየን ያለነው ምልክት እጅግ አደገኛ ለሀገር ህልውና የሚያሰጋ በመሆኑ ነገ ሳይሆን ዛሬ፤ በኃላ ሳይሆን አሁን መፍትሄ ይፈለግ። የተማሪ ቤተሰቦችና ተማሪዎች ተስፋ ወደ መቁረጥ ውስጥ እንዳይገቡ መጠንቀቅ እና አስፈላጊውን ሁሉ መፍትሄ መፈለግ ይገባል።

የሚሰማን መንግስት ካለ መፍትሄ ይፈልግ!

@tikvahethiopia @tikvahethiopiaBot

የኢፌዴሪ መንግስት በጅቡቲ ኮሪደር የሚሰሩ የኢትዮጵያ አሽከርካሪዎችን ደህንነት ለማስጠበቅ ትኩረት ሰጥቶ እንደሚሰራ ገለጸ!

የኢ.ፌ.ዴ.ሪ መንግስት በጅቡቲ ኮሪደር የሚንቀሳቀሱ የኢትዮጵያ ከባድ መኪና አሽከርካሪዎችን ደህንነት ለማስጠበቅ ከመቼውም ጊዜ የበለጠ ትኩረት ሰጥቶ እንደሚሰራ ጅቡቲ በሚገኘው ኤምባሲው በኩል ገልጿል፡፡

በጅቡቲ ልዩ መልዕክተኛ እና ባለሙሉ ስልጣን አምባሳደር የሆኑት አብዱልአዚዝ መሐመድ ከከባድ መኪና አሽከርካሪዎች ማህበር ተወካዮች ጋር ውይይት አድርገዋል፡፡

በዚህም መንግስት በተለይ በኮሪደሩ የሚስተዋለውን የአሽከርካሪዎች የደህንነት ስጋት በተመለከተ ጥብቅ ቁጥጥሮችን በማድረግ ፍጹም ሰላማዊ ለማድረግ እንቅስቃሴ መጀመሩን ገልጸዋል። በተጨማሪም የጉምሩክ ፍተሻ ጣቢያ አገልግሎት የተሳለጠ እንዲሆን ተገቢው ስራ እንደሚሰራም አምባሳደሩ ተናግረዋል፡፡

በኢትዮጵያ አሽከርካሪዎችና በጅቡቲ ፖሊስ መካከል ያለው ግንኙነት አግባብነት ያለውና በስራ ላይ የተመሰረተ ይሆን ዘንድ ከሚመለከታቸው አካላት ጋር ተቀራርቦ በመስራት አፋጣኝ ምላሽ ይሰጣልም ብለዋል፡፡

(ኢቢሲ)

@tikvahethiopia @tikvahethiopiaBot

#ጥያቄ

ውድ ቤተሰቦቻችን እስኪ መለስ ብለን ራሳችን እንፈትሽ ዘንድ ተከታዮቹን ጥያቄዎች ለዕለቱ አቅርበናል። እናንተም የምታውቁት አካፍሉን።

•ዴሞክራሲ ምን ማለት ነው?
•የዴሞክራሲ አስፈላጊነቶች ምን ምንድናቸው?
•የዴሞክራሲ ስርዓት መገለጫ ባህሪያቶች ምንድናቸው?

እስኪ ምላሻችሁን በ @tikvahethiopiaBot ላኩልን!

(ለ @tikvahethiopiaBot አጠቃቀም አዲስ ከሆናችሁ 👆ተጫኑትና "START" የሚለውን ተጭናችሁ መልዕክቶቻችሁን አስቀምጡ)

የሚሰማን መንግስት ካለ...

ከቅርብ ጊዜ ወዲህ በአንዳንድ ዩኒቨርሲቲዎች ውስጥ የታየውና አሁንም እየታየ ያለው ምልክት እጅግ አደገኛ እና የሀገሪቱ ህዝብ ህልውና ከፍተኛ አደጋ ውስጥ ሊጥል ስለሚችል ሳይውል ሳያድር መንግስት መፍትሄ መፈልግ ይኖርበታል። መውሰድ ያለበትን የመፍትሄ እርምጃም ሊወስድ ይገባል። ዛሬ ላይ እየተመለከትን ያለነው ሁኔታ ከሁለት ዓመት በፊት ከነበረው የተማሪ እንቅስቃሴ ፈፅሞ የተለይ፣ ሁሉንም ዜጋ አደጋ ላይ የሚጥል ነው።

በየትኞቹ ዩኒቨርሲቲዎች ችግሮች እንዳሉና ተማሪዎች የሚያነሷቸው ጥያቄዎች ምን እንደሆኑ ከሚመለከታቸው የመንግስት አካላት፣ የዩኒቨርሲቲ አመራሮች የተደበቀ አይደለምና ሀገሪቱን አስተዳድራለሁ የሚለው መንግስት ነገ ለሀገር አደጋ የሚሆን ትልቅ ችግር ሳይከሰት አሁን በወጣቶች ዘንድ እየታየ ያለውን አደገኛ አዝማሚያ እልባት እንዲያገኝ ትምህርት ያቋረጡ ተማሪዎችም ትምህርት እንዲቀጥሉ ማድረግ፤ ግቢያቸውን፣ ማደሪያቸውን ጥለው በየቦታው ያሉትን እንዲሁም ለመማር ምቹ ነገር ባለመኖሩ ወደ ቤተሰቦቻቸው የሄዱትን ተማሪዎች መሰብሰብ እና መፍትሄ መፈልግ ይኖርበታል።

የተማሪ ቤተሰቦች መንግስት የህግ የበላይነት እያስከበረ ባለመሆኑ በመንግስት ላይ ያላቸው እምነት ከቀን ወደቀን እየተሸረሸር እየመጣ በመሆኑ አስቸኳይ መፍትሄ ተፈልጎ የተማሪዎች ችግር ሊፈታ ይገባል። ጥያቄ እና የደህንነት ስጋት ያለባቸውን ተማሪዎች ችግሮቻቸውን መፍታት ከምንም ነገር ይቀድማል። መስቀለኛ መንገድ ላይ የምትገኘውን ሀገራችንን እጅግ ወደከፋ ሁኔታ የሚወስዱ አደገኛ ድርጊቶችን እና አዝማሚያዎችን በወጣቶች ዘንድ እያየን፣ እየታዘብን ነውና ትኩረት እንዲሰጥ በድጋሚ እንልመናለን፣ እንማፀናለን፣ እናሳስባለን!

ቲክቫህ ቤተሰቦች!

@tikvahethiopiaBot @tikvahethiopia

እንኳን ደስ አለን!

ኢትዮጵያዊቷ ፍሬወይኒ መብራህቱ የሲኤንኤን (CNN) ን የዓመቱ ጀግና ሽልማት አሸነፈች፡፡ በኢትዮጵያዊያን ዘንድ እምብዛም በግልፅ ምክክር ስለማይደረግበትና እንደነውርም በሚቆጠረው የወር አበባ ምክንያት ከትምህርት ገበታቸው የሚነጠሉ አዳጊዎችን መሰረት በማድረግ በሰራችው በጎ ምግባር ነው ፍሬወይኒ የዓመቱ ጀግኒት የተባለችው፡፡

ግለከሰቧ በመቐለ በገነባችው የንፅህና መጠበቂያ ቁሶች ማምረቻ እየታጠበ መልሶ ማገልገል የሚችልን የሴቶች ንፅህና መጠበቂያ በማምረት በወር አበባ ምክንያት ከትምህርታቸው የሚታጎሉትንም ሆነ የሌሎችን ሴቶች ጫና ማቃለሏ ይነገርላታል፡፡

በዚህ ሥራዋ ለሽልማቱ ያጫት ዓለም ዐቀፉ የመገናኛ ብዙኃንም ከ10 እጩዎቹ ፍሬወይኒን ቀዳሚ አድርጎ በመምረጥ ‹‹የ2019 የሲኤንኤን ጀግና›› መሆኗን ይፋ አድርጓል፡፡ በዚህም ፍሬወይኒ ለሥራዋ ማስፋፊያ የሚሆናትን የ100 ሺሕ ዶላር ተሸላሚ እንደምትሆን ተነግሯል፡፡

(AhaduRadio)

@tikvahethiopiaBot @tikvahethiopia

እንኳን ደስ አለን!

ኢትዮጵያዊቷ ፍሬወይኒ መብራሃቱ የሲ ኤን ኤን (CNN) ን የዓመቱ ጀግና ሽልማት አሸናፊ ሆናለች፡፡ #ጀግኒት #CNN

@tikvahethiopiaBot @tikvahethiopia

በትራፊክ አደጋ አምስት ሰዎች ሲሞቱ በ28 ሰዎች ላይ የአካል ጉዳት ደርሷል!

በምስራቅ ሸዋ ዞን በደረሰ የትራፊክ አደጋ በአምስት ሰዎች ላይ የሞት በ28 ሰዎች ላይ ደግሞ የአካል ጉዳት ማድረሱን የዞኑ ፖሊስ ገለጸ። የምስራቅ ሸዋ ዞን ፖሊስ መምሪያ  የህዝብ ግንኙነት  ኃላፊ  ኮማንደር  አስቻለው አለሙ እንደገለጹት አደጋው የደረሰው አደአና አዳሚ ቱሉ ወረዳዎች ውስጥ ነው።

ትናንት ከሌሊቱ አስራ አንድ ሰአት ከሩብ አካባቢ ከሻሸመኔ ወደ አዲስ አበባ ሲጓዝ የነበረ ኮድ 3 ኦሮ 54360 ዶልፊን የህዝብ ማመላለሻ ተሽከርካሪ ከቢሾፍቱ ወደ አዱላላ ከተማ ሲጓዝ ከነበረ ኮድ 3ኢት 76745 ሲኖትራክ የጭነት ተሽከርካሪ ጋር በመጋጨቱ የዶልፉኑ ሹፌርን ጨምሮ የሶስት ሰዎች ሕይወት ወዲያውኑ ሲያልፍ በአምስት ሰዎች ላይ ደግሞ ከባድ የአካል ጉዳት መድረሱን ኮማንደሩ ተናግረዋል።

በአሁኑ ወቀት የአካል ጉዳት የደረሰባቸው ሰዎች በቢሾፍቱ አጠቃላይ ሆስፒታል የህክምና እርዳታ እየተደረገላቸው ነው ተብሏል። በተመሳሳይ መልኩ አዳሚ ቱሉ ወረዳ ልዩ ቦታው ጋራወርጂ በተባለው አካባቢ ትናንት ከቀኑ ዘጠኝ ሰዓት ላይ 25 ሰዎችን አሳፍሮ ከሻሸመኔ ወደ ባቱ ሲጓዝ የነበረ ኮድ 3 ደቡብ 09326  ዶልፊን ተሽከርካሪ ተገልብጦ ሁለት ሰዎች ወዲያውኑ ሲሞቱ በ23 ሰዎች ላይ ደግሞ ከባድና ቀላል የአካል ጉዳት መድረሱን ኮማንደር አስቻለው ገልፀዋል።

ተጎጂዎቹ በኩየራ ሆስፒታል የህክምና ርዳታ እየተደረገላቸው እንደሆነም ጠቅሰዋል። ዶልፊኑ 15 ሰው መጫን ሲገባው 10 ሰዎችን በትርፍነት መጫኑ ለአደጋው እንዳጋለጠው የተናገሩት የህዝብ ግንኙነት ኃላፊው የሁለቱም አደጋዎች መንስዔ ግን በፍጥነት ማሽከርካርና የጥንቃቄ ጉድለት ነው ብለዋል።

(ENA)
@tikvahethiopiaBot @tikvahethiopia

በኢትዮጵያ በአሁኑ ሰአት ከመንግስት ይልቅ ቡድኖችና ግለሰቦች አስፈሪ መሆናቸውን የሰብዓዊ መብት ማዕከል አስታወቀ!

የአዲስ አበባ ዩኒቨርሲቲ ሰብአዊ መብት ማእከል ዓለም አቀፍ የሰብአዊ መብት ቀንን በአዲስ አበባ እያከበረ ነው። በበዓሉ ላይ የህግ ምሁራን፣የሰብዓዊ መብት ጥበቃ ተቋማት፣የመንግስት ተቋማት መሪዎችና የተለያዩ ጉዳዩ የሚመለከታቸው አካላት ተገኝተዋል።

ወጣቶች ሰብአዊ መብትን ለማስከበር ያላቸው ተስፋ እና እንቅፋቶች እንዲሁም ታችኛው የአስተዳደር አካላት ሰብአዊ መብቶች ላይ ያላቸው ሚና በሚሉ ርእሶች ፁሁፎች ቀርበው ውይይት እየተደረገባቸው ነው። ወጣቶች በሚደረግባቸው መገለል እና የስራ አጥነት ችግሮች ምክንያት በሃገራቸው ጉዳይ ተሳታፊ ከመሆን ይልቅ የተለያዩ ቡድኖች መጠቀሚያ ሆነዋል ተብልዋል።

በሌላ በኩል ታችኛው የአስተዳደር አካላትም ሰብአዊ መብትን በመጣስ ተተችተዋል። ለውጥ የመጣው በፌዴራል ደረጃ እንጂ አሁንም ወደ ታችኛው የአስተዳደር መዋቅር አልደረሰም ተብሏል። በተለይም መደበኛ ባልሆኑ አደረጃጀቶች ለሚፈፀሙ ጥሰቶች እነዚሁ የመንግስት አካላት ሽፋን በመስጠት ላይ መሆናቸው በበዓሉ ላይ ተገልጿል።

(ETHIO FM 107.8)

@tikvahethiopiaBot @tikvahethiopia

-ወጣቶች ደም ሲቃቡ፣ አንዱ በአንዱ ላይ ሲነሳ፣ የተማሪ ህይወት እንደዋዛ ሲያልፍ፣ ተማሪ በሰቀቀን ሲሰቃይ፣ ተማሪዎች ከግቢ እንዳይወጡ ተቆልፎባቸው ሲቀመጡ መንግስት ምን እየሰራ ነው? የሚለው የሁሉም ተማሪ እና ቤተሰብ ያላቋረጠ ጥያቄ ነው። ዛሬ በአንዳንድ ዩኒቨርሲቲዎች የተመለክታናቸው ምልክቶች ውለው አድረው ሀገር ሊያሳጡ ይችላሉ።

በርካታ ተማሪዎች መንግስት ደህንነታችንን ማስጠበቅ ካቃተው በአስቸኳይ ወደ መጣንበት ይመልሰን ሲሉ ለቲክቫህ ኢትዮጵያ በላኩት የፅሁፍ መልዕክት ጠይቀዋል። እኛ ደክመን፣ ለፍተን እዚህ የበቃነው ለመሞት፣ ለመንገላታት፣ ለመሰቃየት አይደለም፤ ከምንም ነገር በፊት ህይወታችን ስለሚቀድም መንግስት በአስቸኳይ መፍትሄ ይፈልግልን ብለዋል።

ወንድም በወንድሙ ላይ ሲጨክን እየተመለከትን በምን በኩል ነው በተረጋጋ መንፈስ ትምህርት የምንማረው፤ አሁንም ችግሮች ያልረገቡበት ዩኒቨርሲቲዎች እንዳሉ እየታወቀ ዘላቂ መፍትሄ ባለመሰጠቱ ነገሮች እየባሱ እየሄዱ ነውና መንግስት ከምንም በፊት የተማሪውን ደህንነት ማስጠበቅ አለበት ሲሉ ገልፀዋል።

ዛሬ አንድ ሁለት እየተባለ የተጀመረው ድርጊት ሀገሪትን ሊበታትን ምናልባትም ወደለየለት እልቂት ሊከት የሚችል በመሆኑ ሁሉም የሀገሪቱ ዜጎ ቆም ብሎ ማሰብ አለበት፤ ከስሜታዊነት እና የኔ ብቻ ብሎ ከማሰብ መውጣት አለበት ብለዋል ተማሪዎቹ።

የአንዱ ሞት፣ ስቃይ፣ በደል፣ እንግልት፣ መከራ ሁሉም ሰው በእኩል ካላሳዘነ እና ሁሉም የሀገሪቱ ዜጋ እንደራሱ ካልቆጠረ ሀገሪቱ ትልቅ አደጋ ላይ ትወድቃለች ምናልባትም የትምህርት ስርዓቱ ዳግም እንዳያንሰራራ ሆኖ ይወድቃል ሲሉ አሳስበዋል። የሚታዩትን አደገኛ ምልክቶች መንግስትም ሆነ ህዝብ በቸልታ መመልከት የለበትም፤ ነገ ችግር ተባብሶ ከመላቀስ ዛሬ መጠንቀቅ ያስፈልጋል ሲሉ መክረዋል።

@tikvahethiopia

"ዩኒቨርስቲዎች በፌደራል ፖሊስ ሊጠበቁ ነው" - የሳይንስና ከፍተኛ ትምህርት ሚኒስቴር!

በመላው ሀገሪቱ ውስጥ የሚገኙ የመንግስት ዩኒቨርስቲዎች በፌደራል ፖሊስ እንዲጠበቁ መወሰኑን የሳይንስና ከፍተኛ ትምህርት ሚኒስቴር ለቢቢሲ ገልጿል።

የሳይንስና ከፍተኛ ትምህርት ሚኒስቴር የኮሙኑኬሽን ጉዳዮች ዳይሬክተር የሆኑት አቶ ደቻሳ ጉርሙ ለቢቢሲ የአማርኛው ክፍል እንደተናገሩት ዩኒቨርስቲዎች ወደ ሰላማዊ የመማር ማስተማር መመለስ የሚቻለው ጥበቃዎቹን ማጠናከር ሲቻል መሆኑ በመታመኑና ተቋማቱ የፌደራል ተቋማት በመሆናቸው በፌደራል ፖሊስ እንዲጠበቁ መወሰኑን ተናግረዋል።

አቶ ደቻሳ አክለውም "ከተማሪዎች ጋር በተደጋጋሚ በተደረገ ውይይት የቀረበው ቅሬታ የግቢው የጥበቃ አካላት ላይ መሆኑን በማንሳት በተጨማሪም ተማሪዎች የፌደራል ፖሊስ በገለልተኝነት እያገለገሉን ነው" በማለታቸው እዚህ ውሳኔ ላይ መደረሱን አብራርተዋል።

More👇
https://telegra.ph/BBC-12-09

(BBC)

@tikvahethiopiaBot @tikvahethiopia

አሳሳቢው የዩኒቨርሲቲዎች ጉዳይ...

የሳይንስና ከፍተኛ ትምህርት ሚኒስቴር በመላው ሀገሪቱ የሚገኙ ዩኒቨርሲቲዎችን በፌደራል ፖሊስ ሊያስጠብቅ እንደሆነ ሰምታችኃል።

ከሳምንታት በፊት በአንዳንድ ዩኒቨርሲቲዎች የጀመረው አለመረጋጋት አሁንም ድረስ ሙሉ በሙሉ ያልረገበበት፣ መደበኛው የትምህርት ስርዓትም የተቋረጠበት እንዳለ እየተመለከትን ነው። ቁጥራቸው ቀላል ያልሆኑ ተማሪዎችም ትምህርታችን ከህይወታችን አይበልጥም በማለት ወደቤተሰቦቻቸው እንዳሉ ሁሉም የሚያውቀው ሃቅ ነው።

ማስፈራሪያዎች፣ ተማሪን ማጥቃት፣ እከሌ መማር አትችልም ሂድ ከዚህ ማለት፣ ብዙ ብዙ አደገኛ ምልክቶችን እየታዘብን ነው። ለመሆኑ አሁን ባለው ሁኔታ ዩኒቨርሲቲዎችን በፌደራል ፖሊስ ብቻ ማስጠበቅ ሰላም ሊያመጣ፣ ተማሪዎችን ያለስጋት እንዲማሩ ያደርጋል?

ውድ ቤተሰቦቻችን እየታዩ ያሉት ምልክቶች እጅግ አደገኛ፤ ለሀገር ህልውና የሚያሰጉ ናቸው። ይህን ጉዳይ ሁሉም ያገባኛል የሚል አካል ቀጠሮ ሳይሰጥ፣ ነገ ሳይሆን ዛሬ ለመፍታት ካልተሰራ ሁኔታዎች ወደ ከፋ ደረጃ ሊደርሱ እንደሚችሉ ስጋታችንን እየገለፅን ነው። ከዚህ ቀደም ደግመን ደጋግመን እናተም እስኪሰለቻችሁ ድረስ ለመንግስት መልዕክት ስናስተላልፍ ነበር፤ አሁንም ይህን ከማድረግ ወደኃላ አላልንም።

•እናተስ የመፍትሄ ሃሳብ የምትሉትን አጋሩ?
•ምን ቢደረግ መፍትሄ ይገኛል ብላችሁ ታስባላችሁ?
•በፀጥታ ኃይል ብቻ ዘላቂ ሰላም ማምጣት ይቻላል?

ሀሳባችሁን አጋሩ @tikvahethiopiaBot

(ለ @tikvahethiopiaBot አጠቃቀም አዲስ ከሆናችሁ 👆ተጫኑትና "START" የሚለውን ተጭናችሁ መልዕክቶቻችሁን አስቀምጡ)

በመላው ሀገሪቱ የሚገኙ የመንግስት ዩኒቨርስቲዎች በፌደራል ፖሊስ እንዲጠበቁ ተወሰ!

ከቅርብ ጊዜ ወዲህ የሚታዩ ዩኒቨርሲቲዎችን የግጭት ማዕከል ለማድረግ እየተደረገ ያለውን እንቅስቃሴና እየደረሱ ያሉ ጉዳቶችን ምክንያት በማድረግ መንግስት ዛሬ ባሳለፈው ውሳኔ መሰረት ሁሉም ዩኒቨርሲቲ ከዚህ በኋላ በፌዴራል ፖሊስ እንዲጠበቅ ተብሏል፡፡ ከዚህም አልፎ ዩኒቨርሲቲዎች ውስጥ የሚደረግ እንቅስቃሴዎች በደህንነት ካሜራዎችና በር ላይ በሚደረገው ጥብቅ ቁጥጥርና ፍተሸ እንዲታጀብ ይደረጋል፡፡ በተከሰቱ ጥፋቶች እጃቸው ያለበት አካለትን ለህግ የማቅረብ ስራም ተጠናክሮ ይቀጥላል ሲል መንግስት ገልጿል፡፡

(EPRDF)

@tikvahethiopiaBot @tikvahethiopia

የደህንነት ካሜራ በዩኒቨርሲቲዎች...

መንግስት በተለያዩ ዩኒቨርሲቲዎች ውስጥ የሚደረጉ እንቅስቃሴዎችን በደህንነት ካሜራዎችና በር ላይ በሚደረግ ጥብቅ ቁጥጥርና ፍተሸ እንዲታጀብ እንደሚያደርግ በዛሬው ዕለት አሳውቋል፡፡

@tikvahethiopiaBot @tikvahethiopia

#NEBE #SBSRADIO

SBS "በአገርኛ ሪፖርት" የኢትዮጵያ አገር አቀፍ ምርጫ ግንቦት 12 ይደረጋል ሲል ዘግቧል። በሌላ በኩል የኢትዮጵያ ምርጫ ቦርድ እንዲህ እየተባለ የሚሰራጨው መረጃ ሀሰተኛ ነው፤ የምርጫው ቀን ገና አልታወቀም ሲል መረጃውን አጣጥሎታል። ያንብቡ👇

"ግንቦት 12 በኢትዮጵያ አገር አቀፍ ምርጫ ሊካሄድ ነው። ግንቦት 12, 2012 በኢትዮጵያ አገር አቀፍ ምርጫ ሊካሄድ መወሰኑን የኢትዮጵያ ብሔራዊ የምርጫ ቦርድ አስታውቋል። የምርጫ ቦርድ ቀኑ እንደሁኔታው ሊሸጋሸግም እንደሚችል ከወዲሁ ፍንጭ ሰጥቷል። - (SBS RADIO)
.
.
"የኢትዮጵያ ብሔራዊ ምርጫ ቦርድ" ቀጣዩ አገር አቀፍ ምርጫ የሚካሄድበትን ቀን አሳወቀ በሚል በተለያዩ ሚዲያዎች እየታየ ያለው ዘገባ ከእውነት የራቀ ሲሆን ቦርዱ አገራዊ ምርጫ የሚካሄድበትን ቀን እና ጊዜ ሰሌዳ አዘጋጅቶ ሲጨርስ የሚያሳውቅ ሲሆን ዜጎች ከቦርዱ ኦፌሴላዊ መግለጫ ውጪ የሚወጡ ሪፓርቶችን እና “ውስጥ አዋቂ መረጃዎችን” ችላ እንዲሉ ቦርዱ ያሳስባል፡፡"

(የኢትዮጵያ ብሔራዊ ምርጫ ቦርድ)

@tikvahethiopia @tsegabwolde

ቀጣዩ ምርጫ የሚካሄድበትን ቀን አልታወቀም!

SBS.COM.AU

የኢትዮጵያ ብሔራዊ ምርጫ ቦርድ ቀጣዩ አገር አቀፍ ምርጫ የሚካሄድበትን ቀን አሳወቀ በሚል በተለያዩ ሚዲያዎች እየታየ ያለው ዘገባ ከእውነት የራቀ ሲሆን ቦርዱ አገራዊ ምርጫ የሚካሄድበትን ቀን እና ጊዜ ሰሌዳ አዘጋጅቶ ሲጨርስ የሚያሳውቅ ይሆናል።

@tikvahethiopia @tikvahethiopia

የኢትዮጵያ ብሄራዊ ምርጫ ቦርድ ከሰዓታት በፊት በትዊተር ገፁ አዲስ ፎርቹን ይዞት ለወጣው ዘገባ ምላሽ ሰጥቷል። ምርጫው የሚደረግበት ቀን እስካሁን አልታወቅምም ብሏል #misinformation

@tikvahethiopia @tikvahethiopiaBot

የልዩ ሎተሪ ወጣ!

በጉጉት ሲጠበቅ የነበረው የልዩ ሎተሪ ህዳር 29/2012 ዓ.ም በብሔራዊ ሎተሪ አስተዳደር ዕድል አዳራሽ ከምሽቱ 12፡00 ሰዓት ላይ በህዝብ ፊት ወጥቷል፡፡ በዚህም መሰረት የወጡት የአሸናፊ ዕጣ ቁጥሮች እንደሚከተሉት ሆነዋል፦

1ኛ. 7,000,000 ብር የሚያስገኘው የ1ኛ ዕጣ ቁጥር ------0465232

2ኛ. 3,000,000 ብር የሚያስገኘው የ2ኛ ዕጣ ቁጥር------0246073

3ኛ. 2,000,000 ብር የሚያስገኘው የ3ኛ ዕጣ ቁጥር -------1083734

4ኛ. 1,000,000 ብር የሚያስገኘው የ4ኛ ዕጣ ቁጥር ---------1143663

5ኛ. 500,000 ብር የሚያስገኘው የ5ኛ ዕጣ ቁጥር -------0376779

(ብሄራዊ ሎተሪ)

@tikvahethiopia

በቤኒሻንጉል ወደ  7 ሺህ ተማሪዎች ትምህርት አልጀመሩም ተባለ!

በቤኒሻንል ጉሙዝ ክልል መተከል ዞን ዳንጉር ወረዳ 10 አንደኛ ደረጃ ትምህርት ቤቶች እስካሁን ትምህርት አለመጀመራቸውን የዳንጉር ወረዳ አስተዳደር ገለፀ፡፡ 

የወረዳው ዋና አስዳዳር አቶ ካሳሁን ፎሊስ ትምህርት ቤቶቹ አገልግሎት መስጠት ያልጀመሩት በጸጥታ ስጋት ምክንያት መሆኑን አስታዉቀዋል። በዳንጉር ወረዳ ሁለት ትምህርት ቤቶች ባለፈው ዓመት በነበረው ግጭት እንደፈረሱም ታዉቋል።

የቤኒሻንል ጉሙዝ ክልል የሰላም ግንባታ እና ጸጥታ ቢሮ በበኩሉ በአሁኑ ወቅት በአካባቢው ትምህርት እንዳይጀምር የሚያደርግ የፀጥታ ችግር የለም ማለቱም ተመልክቶአል።

ባለፈው ዓመት በፀጥታ ችግር ውስጥ የነበረው ዳንጉር ወረዳ 49 የሚሆኑ ትምህርት ቤቶች ያሉት ሲሆን ከነዚህም መካከል አስር ትምህርት ቤቶች እስካሁን የመማር ማስተማር ስራ አልጀመሩም ተብሏል፡፡

የዳንጉር ወረዳ አስተዳዳር አቶ ካሳሁን ፎሊስ በዘንድሮ ዓመት በዳንጉር 20ሺ  ተማሪዎች በትምህርት ገበታቸው ላይ መገኘት የነበረባቸው እስካሁን ግን 13ሺ ተማሪዎች ብቻ ትምህርታቸውን እየተከታተሉ እንደሚገኙ ጠቁዋል፡፡

እስካሁን ትምህርት ካልጀመሩት 10 የአንደኛ ደረጃ ትምህርት ቤቶች መካከል አምስት ትምህርት ቤቶች በፀጥታ ስጋት ምክንያት ወደ ስራ ያልገቡ ሲሆን ድልባንጂና ካራንቻች የየተባሉ ሁለት ትምህርት ቤቶች ደግሞ ባለፈው ዓመት በወረዳው በነበረው ግጭት እና አለመረጋጋት መፍረሳቸውን ተናግረዋል፡፡

አካባቢውን ለቆ ወደ ሌላ ስፍራ የሄዱ ነዋሪዎች መኖራቸውን ያመለከቱት የወረዳው አስተዳዳሪ በአንድ አንድ ትምህርት ቤቶች ደግሞ ነዋሪዎች ባለመኖራቸው ስራ ያልጀመሩ ናቸው ብለዋል፡፡

(የጀርመን ድምፅ ሬድዮ)

@tikvahethiopiaBot @tikvahethiopia

ከ5,000 በላይ የቲክቫህ ኢትዮጵያ ቤተሰቦች (በተለይ የዩኒቨርሲቲ ተማሪዎች፣ የተማሪ ወላጆች፣ መምህራን...) ቀደም ብለን ባነሳነው ሃሳብ ላይ አስተያየት እና ሀሳብ አቅርበዋል።

ሁሉንም የተላኩትን ሃሳብ ላቀርብላችሁ ባልችልም በዋነኝነት የተነሱት ግን እንዲህ ተጨምቀው ቀርበዋል፦

• አብዛኛው የቤተሰባችን አባል የሀገሪቱን መንግስት እጅግ በጣም ወቅሰዋል። የዩኒቨርሲቲ አስተዳደሮች በሚዲያ እየወጡ ምንም እንዳልተፈጠረ በግልፅ ችግሮች ቶሎ እንዳይፈታ እያደረጉ ነው። በዩኒቨርሲቲዎች ላይ የሚታይ ቸልተኝነት፣ እንዲሁም አንዳንድ አካላት የሚያሳዩት ወገንተንኝነት ዩኒቨርሲቲን ከሚያክል ትልቅ ተቋም የማይጠበቅ ነው። ተማሪ እስኪሞት፣ እስኪጎዳ፣ ግቢ እስኪለቅ ድረስ ተግባራዊ መፍትሄ አለመስጠት።

• ዘላቂው መፍትሄ ወንድም በወንድሙ ላይ እንዲነሳ እያደረጉ ያሉ አካላትን በመለየት እርምጃ መውሰድ። የተማሪውን ጥያቄ ማዳመጥ፣ ተማሪዎችን እርስ በእርስ ማቀራረብ፣ የግጭት አደገኝነቱን፣ እሳቱ ሁሉንም እንደሚያጠፋ ማስተማር ያስፈልጋል።

• በፌደራል ፖሊስ ጊዜያዊ ሰላም እና መረጋጋት ማምጣት ይቻላል ነገር ግን ዘላቂ መፍትሄ የሚመጣው የተማሪውን ድምፅ ሰምቶ ተማሪዎችን ማቀራረብ ሲቻል ብቻ ነው። ችግሮች የሚፈጠሩት፣ ማስፈራሪያዎች የሚለጠፉት፣ ተማሪዎች የሚጠቁት የፀጥታ አካላት በሌሉበት በየዶርሙ እና በየመፀዳጃ ቤቱ ስለሆነ የፌደራል ፖሊስ ይህን ሁሉ የመቆጣጠር አቅም የለውም። እውነተኛ እርቅ መኖር አለበት። ጥፋተኞች ተያዙ ብቻ ሳይሆን ምን እርምጃ ተወሰደባቸው የሚለውም በግልፅ መታወቅ አለበት።

• ዩኒቨርሲቲዎችን ከሚያስተዳደረው ሚኒስቴር መስሪያ ቤት ጀምሮ፣ የዩኒቨርሲቲ አመራሮች ከላይ እስከ ታች ይፈተሹ፣ መምህራን፣ በግቢ ውስጥ ሆነው ፖለቲካ ላይ ከፍተኛ ተሳትፎ ያላቸው አካላት ላይ ፍተሻ ሊደረግ ይገባል። የግቢ ጥበቃዎች እጅጉን ሊፈተሹ ይገባል። የክልል ልዩ ኃይሎች ወገንተኝነት ይታይባቸዋል፤ በግቢ ውስጥ መሆን የለባቸው ፌደራል ይግባ የሚለው ሃሳብ ተገቢ ነው።

• ዩኒቨርሲቲዎች ለዚህ ሁሉ ነገር ተጠያቂ ናቸው። የተባረሩ ተማሪዎች በግቢው እንዲቆዩ በማድረግ፣ የተለያዩ የግጭት ምልክቶች ሲታዩ ችግር ከመድረሱ በፊት ባለመከላከል፣ የዲሲፒልን እርምጃ ለመውሰድ ማመንታት፣ የግቢ ሰራተኞች በተማሪዎች መካከል ለሚፈጠሩ ችግሮች ተባባሪ መሆን፣ የውጭ አካላት ወደ ውስጥ እንዲገቡ ማድረግ፣ የፀጥታ ኃይሎች አልታዘዝንም በማለት ችግር ከተፈጠረ በኃላ ለማብረድ መሞከር ይታያል። ይህ መስተካከል አለበት።

• ቁጥሩ ቀላል የማይባል ሰው ተማሪዎች ለጊዜው ወደቤታቸው እንዲሄዱ ዩኒቨርሲቲዎች ችግራቸው እንዲፈቱ መክረዋል።

• በዩኒቨርሲቲዎች ጠንካራ ደህንነት አካላትን መፍጠር። እያንዳንዱን እንቅስቃሴ መከታተል። የተማሪዎች አደረጃጀቶችን ከወገንተኝነት በነፃ መልኩ ለመላው ተማሪ ደህንነት መጠበቅ እንዲሰሩ ማድረግ። በፀጥታ ላይ የሚሰሩ ተፅኖ ፈጣሪ ተማሪዎችን አነጋግሮ እንዲተባበሩ ማድረግ።

• የአካባቢውን ተማሪዎች በማደራጀት ከሌላ አካባቢ የሚመጡ ተማሪዎች ችግር እንዳይደርስባቸው እርሳቸው ከለላ ማድረግ። ወንድማዊነትን ማጠናከር።

• ችግር ፈጣሪዎች ጥቂት በመሆናቸው ለይቶ እንዲወጡ መስራት። የኔ ወገን ስለሆነ ወንጀለኛም ቢሆን ችግር የለውም የሚል አደገኛ አመለካከት እንዲቀየር መስራት።

• ከምንም በላይ በዩኒቨርሲቲ አካባቢ ያለው ማህበረሰብ ወሳኝ ነው። የዩኒቨርሲቲ መኖር ማህበረሱቡን እጅግ ይጠቅማልና ችግር የሚፈጥሩትን አካላት ለይቶ ለህግ ማቅረብ አለበት። በአንድ አካባቢ የሚገኝ ዩኒቨርሲቲ ለማህበረሱ የሚሰጠው ጥቅም እንዲህ በቀላሉ የሚገለፅ አይደልም። ጥፋት አጥፍተው የሚታዩ ተማሪዎችን ማህበረሰቡ ለህግ አካላት ማስረከብ ይኖርበታል።

• የሀገሪቱ የደህንነት አካላት የዩኒቨርሲቲ ጉዳይ እልባት ካላገኘ ትልቅ ችግር እንደሚፈጠር በማወቅ በንቃት መከታተል አለባቸው። በማህበራዊ ሚዲያ ተማሪ የሚያነሳሱትን መከታተል አለባቸው።

• ለሰው ልጅ ዋናው ዳኛው ህሊና ነው። ስለዚህ ለተማሪዎች ቢያንስ የ15 ቀን ከፖለቲካ የፀዳ ስልጠና መስጠት ያስፈልጋል። የሁሉም መገኛ አደም እና ከግራ ጎኑ ደግሞ ሀዋን/አዳምና ሔዋን ናቸው። ስለዚህ ከልዩነታችን አንድነታችን ይበልጣል። ዘር፣ሀይማኖት፣ ብሔር ሊለያየን እንደማይገባ ተማሪውን ማሳመን።

• ጋዜጠኞች፣ ሚዲያዎች፣ አክቲቪስቶች ከድርጊታቸው እንዲቆጠቡ መምከር። አንድ ቦታ ጥፋት ሲፈፀም ዝም ይላሉ፣ የኔ ወገን ነው ብለው ሲያስቡ ይጮሃሉ፤ ይህ ትግል አይደለም መፍትሄም አያመጣም ሁሉም ለተማሪዎች በአንድ ላይ መጮህ አለበት። ወገንተኝነት ተማሪውን ስቃይ እያባባሰው ነው።

• ከባለድርሻ አካልት ጋር ወጣቱ ከሚሰማቸው አካላት ጋር ውይይት ማድረግ፣ ውይይቱ ከፖለቲካዊ ጉዳዮች የፀዳና ከወገንተኝነት የነፃ መሆን አለበት።

• የተፈጠረው አሳዛኝ ነገር ተፈጥሯል ነገር ግን እንዲህ መቀጠል ስለሌለብን ሁሉም ይቅርታ ተጠያይቆ እውነተኛ እና ከፖለቲካ ፕሮፖጋንዳ የፀዳ እርቅ ሊፈፀም ይገባል። ህዝቡ የሚቀበላቸው፣ ወጣቱ የሚከተላቸው፣ በህዝቡ ክብር ያላቸው አካላት ስራቸውን መስራት አለባቸው ችግር ሲፈጠር ሃዘን ለመግለፅ ከመውጣት ይልቅ የተራራቁትን ማቀራረብ አለባቸው።

• እጅግ በሚያሳዝን መልኩ የተማሪ መታወቂያ እየታየ ከግቢያችን ውጡ የሚሉ አካላት የሚሰሩት ስራ ሀገርን ወደለየለት አደጋ ውስጥ እንደሚከት ነገ እሳቱ እነሱንም ሊያጠፋ እንደሚችል ማስተማር።

• ሀገር አስተዳዳሪዎች፣ ፖለቲከኞች፣ ተቃዋሚዎች፣ አክቲቪስቶች፣ በሙሉ ከመጠላለፍ፣ እርስ በእርስ ከመገፋፋት፣ አንዱ አንዱን ጎትቶ ከመጣል መቆጠብ፣ ወጣቱን ከጥላቻ እንዲርቅ መስራት አለባቸው። የሀገሪቱ ምኑም የማይጨበጥ የፖለቲካ ሁኔታው ትልቅ ችግር በወጣቶች መካከል እየፈጠረ ነው።

• ብሄራዊ እርቅ በእጅጉ ያስፈልጋል። ፖለቲካው በታመመበት ሁኔታ ይህን መሰል ችግር እየባሰ ሊሄድ ስለሚችል ችግሩ ወደ ሌሎች ስፍራዎችም ሊዛመት ስለሚችል ብሄራዊ እርቅ አስፈላጊ ነው። አመቱ ምርጫ የሚደረግበት ከመሆኑ አንፃር ከፍተኛ ጥንቃቄ ያስፈልጋል።

አስተያየት መስጫ👉@TikvahethiopiaBot

@tikvahethiopia @tikvahethiopiaBot