#EPRDF

ኢሕአዴግ የውህደት «አጀንዳ ገና በጥናት ውጤቱ ላይ ውሳኔ ያገኘበት ደረጃ ላይ አልደረሰም። የመጨረሻ የውህደት ውሳኔም አሰራሩን ጠብቆ ወደፊት የሚታይ ይሆናል» ብሏል። ግንባሩ በዛሬው ዕለት ሕወሓት ከቀናት በፊት በውኅደት ጉዳይ ላይ ያወጣውን መግለጫ ኮንኗል። ኢሕአዴግ በዛሬው መግለጫው ሕወሓት «በድርጅቱ ስም በሚወጡ መግለጫዎችም ሆኑ አንዳንድ አመራሮች በሚሰጧቸው ማብራሪያዎች የውህደቱን ሃሳብ አዲሱ የለውጥ አመራር በስልጣን ላይ ለመቆየት ሲል እንዳመጣው አስመስሎ ለህዝብ ማቅረብ የተሳሳተ በመሆኑ ተቀባይነት የለውም» ብሏል።

Via ጋዜጠኛ እሸት በቀለ
@tsegabwolde @tikvahethiopia

#EPRDF | የኢሕአዴግ መግለጫ ዶ/ር ዐቢይ አሕመድ የሚመሩት የኦሮሞ ዴሞክራሲያዊ ፓርቲ (ኦዲፒ) ማዕከላዊ ኮሚቴ ስብሰባ ትናንት ከተጠናቀቀ ከአንድ ቀን በኋላ መውጣቱ በግንባሩ አባል ድርጅቶች ዘንድ ያለውን የኃይል አሰላለፍ በግልፅ ይጠቁማል። ኢሕአዴግ 28 ዓመታት ገደማ የተመራበትን አብዮታዊ ዴሞክራሲ ጠቅላይ ምኒስትር ዐቢይ አሕመድ በሚያቀነቅኑት የመደመር ጽንሰ ሐሳብ እንደሚተካ ኦዲፒ አስታውቋል። ሕወሓት በአንፃሩ ከአብዮታዊ ዴሞክራሲ ፈቀቅ የሚል አይመስልም።

Via ጋዜጠኛ እሸት በቀለ
@tsegabwolde @tikvahethiopia

ከዊንጌት እስከ ጀሞ የሚደርሰውና በአዲስ አበባ ከተማ አስተዳደር ሊሰራ የታቀደው ፈጣን የአውቶቡስ መንገድ የፊታችን ጥር ወር አጋማሽ ላይ እንደሚጀመር የከተማዋ ትራንስፖርት ቢሮ አስታውቋል።
@tsegabwolde @tikvahethiopia

#HARAR #SEMERA

የጠቅላይ ሚኒስትር ዶክተር አብይ አህመድ የመደመር ፍልስፍና መጽሐፍ በአፋር እና ሐረሪ ክልሎች ደረጃ ነገ በሰመራና ሐረር ከተሞች እንደሚመረቅ ተገልጿል።

@tsegabwolde @tikvahethiopia

#SOMALI #AFAR

የአፋር ክልል ርዕሰ-መስተዳድር አቶ አወል አርባ እና የሶማሌ ክልል አቻቸው አቶ ሙስጠፋ መሐመድ ከጠቅላይ ምኒስትር ዐቢይ ጋር ከተወያዩ በኋላ ሁለቱ ክልሎች የሚዋሰኑባቸውን አካባቢዎች ከፌድራል መንግሥት ጋር በመተባበር ከግጭት ነፃ ለማድረግ መወሰኑን ተናግረዋል። አቶ ሙስጠፋ እንዳሉት «የሕዝብ ጥያቄና የመሬት ይገባኛል ጥያቄዎችን በሕግ አግባብ እና በሕገ-መንግሥቱ መሰረት እንዲፈቱ» አቅጣጫ ተቀምጧል።

ሁለቱ ርዕሰ-መስተዳድሮች አፋር እና ሶማሌ በሚዋሰኑባቸው አካባቢዎች ግጭቶች ያገረሹበትን ምክንያትም ሆነ ምን ያክል ሰዎች እንደተገደሉ አልተናገሩም። «በዚህ ግጭት ምክንያት የፖለቲካ ትርፍ ለማግኘት የሚዳዳቸው ኃይሎች መኖራቸው ግልፅ ነው። ከሰሞኑም ሲታይ የነበረው ይኸው ሁኔታ ነውe። የተለያየ ስያሜ በመስጠት የግጭቱን ገፅታ ለመቀየር የሚደረጉ ነገሮች አሉ። እነዚህ ጠቃሚ አይደሉም» ያሉት አቶ ሙስጠፋ መገናኛ ብዙኃን ጥንቃቄ እንዲያደርጉ አሳስበዋል። አቶ አወል በበኩላቸው «ለውጪዎቹ መሳሪያ መሆን አያስፈልግም» ሲሉ ተደምጠዋል።

Via DW
Video: FBC

@tsegabwolde @tikvahethiopia

ይህ ግልፅ አቋማችን ነው[TIKVAH-ETHIOPIA]

የሀገራችን ሁኔታ ያሳበናል!

ቲክቫህ ኢትዮጵያ፦

📢በአንድ ሀገር የሚኖሩ የራሳችንን ወገኖች እየሰደብንና እያንቋሽሽን፣ ሀሳባችንን የሚቃረኑትን በሙሉ ጠላት እያደረግን፣ የሰዎችን ማንነት እየነካን፣ የሰዎችን ክብር እየነካን ሀገር እንገነባል፣ "አንዲት ኢትዮጵያ፤ ታላቋ ኢትዮጵያን" የሚሉትን ሀሳብ በፍፁም አንደግፈውም። ሰው በሰውነቱ ብቻ ባልተከበረባት ሀገር ስለየትኛው አንድነት እንደሚወራም ጨርሶ አይገባንም።

📢ሀገር በብሽሽቅ፣ በስድብ፣ በመዘላለፍ፣ በጥላቻ፣ በቂም በቀል፣ በክፋት እንደማይገነባ በፅኑ እናምናለን።

📢በአንድ ሀገር እየኖርን አንዱን ጠላታችን፤ አንዱን ወዳጃችን የሚሉትን አባባል በፍፁም አንቀበለውም። የጠላትነት ስሜት ወደፊት ሀገር #መበተኑ አይቀርም።

📢አንዱን ወገን አግልሎ፣ ሰድቦ፣ አንቋሾ፤ አንዱን ወገን ወዶ፣ ክቦ፣ የሚገነባ ሀገር የለም። ሁሉም ዜጋ በእኩል ሊከበር ሊወደድ ይገባል። የተለየ አመለካከት ያላቸው ወገኖችም እኩል ክብር ሊሰጣቸው ይገባል።

📢ሰዎችን በብሄራቸው መደበል፣ መግፋት፣ አድሎ መፈፀም፣ ክብራቸውን መንካት ለሀገር መተራመስ ትልቁን ድርሻ የሚወስድ በመሆኑ ይህን መሰል ድርጊቶችን እንቃወማቸዋል። አሁንም እንደግመዋለን ሰው በሰውነቱ ተከብሮ ይኑር!

📢የሚያጠፉ ሰዎችን በደቦንና በጅምላ እየሰደብን፣ እያንቋሸሽን፣ እየዘለፍን የምናፈርሰው እንጂ የምንገነባው ሀገር አይኖርም። ሀገራችን ኃላቀር፣ በብዙ ነገሮች የተጎዳን፣ ንቃተ ህሊናችንም ይሄን ያህል ያልዳበር በመሆኑ ችግሮችን መፍታት ያለብን በፍቅር እና በብልሃት መሆኑን እናምናለን። ጥፋት የሚያጠፉ ሰዎችን በፍቅር አስተምረን መመለስ ካልቻልን ለሀገራችን እንዲመሆን እኛም ከተጠያቂነት አንድንም።

📢ከየትኛውም ወገን ይሁኑ የተወሰኑ ሰዎችን በመስደብና በመግፋት፣ ለውጥ ሊመጣ አይችልም። በዚህ ሂደት ሰዎችን እየገፋናቸው ፅንፍ እንዲይዙ ከማድረግ ውጪ ምንም ለውጥ አናመጣም። ስለሆነም ሰዎችን በቀና መልኩ በመመልከት እንደራሳችን ሰዎች ማቅረብ፣ ፍቅር መስጠት ይገባል ብለን እናምናልን። የማንስማማበትንም ሀሳብ በፍቅር መግለፅ ይኖርብናል። የትኛውም ሰው እየሰደብነው፤ ክብሩን እየነካነው፣ እያንቋሽሽነው መልካም ሊያስብ፣ከጥፋቱ ሊማር፣ አብሮን ሊያወራ፣ በጋራ ሊያስብ አይችልም።

📢በሁሉም አቅጣጫ እየተሰዳደብን ሀገራችንን የከፋ ችግር ውስጥ እየከተትናት እንገኛለን፤ በአንድ በኩል በመንግስት በኩል የሚታዩት ሁኔታዎች እያሰጉን ይገኛሉ፤ በሌላ በኩል በማህበራዊ ሚዲያ ላይ ከቀን ወደቀን እየጨመረ የመጣው ጎራ ለይቶ መሰዳደብ ነገ መሬት ሲወርድ ሀገራችንን ምን ሊያደርግብን ይሆን ብለን እንሰጋለን። ስለሆነም በዚህ ፈታኝ ወቅት ሁሉም ዜጋ ልዩነቱን ወደጎን ትቶ በፍቅር፣ ተደጋግፎ ይህን ፈታኝ ጊዜ ሊያልፍ ይገባል እንላለን።

📢ከዛና ከዚህ ሆነው/በተልይም በብሄ/ ሲሰዳደቡ የሚውሉ፤ አካላት በዚህ ወቅት ከዚህ ድርጊታቸው የማይቆጠቡ ከሆነ ነገ ይህቺ ሀገር ለምትገባባት መከራ እነሱም ተጠያቂ መሆናቸውን ሊውቁት ይገባል።

📢እኛ የዛሬይቱ የኢትዮጵያ ልጆች ዜጎች ያለስጋት፣ ያለፍርሃት የሚኖሩባትን ለሁሉም ተስማሚ የሆነች ሀገር የመገንባት ኃላፊነት አለብን።

ለሁላችንም የምትስማማውን ኢትዮጵያ እውን ለማድረግ፦

•መከባባር፣መዋደድ፣መተሳሰብ ያስፈልጋል።
•ካለፉ ታሪኮች መልካሙን በመውሰድ ማጎልበት፤ ከጥፋቶች በመማር እንዳይደገሙ ተማምኖ መዝጋት ያስፈልጋል!

የቲክቫህ ቤተሰቦች እነማን ናቸው? የቲክቫህ ቤተሰቦች TIKVAH-ETH የቴሌግራም ገፅን የተቀላቀሉ በሙሉ የቤተሰቡ አባላት ናቸው።

ከላይ ያሉት መልዕክቶች የተላለፉት ከቲክቫህ ኢትዮጵያ ቤተስቦቻችን ተውጣጥቶ ነው። እኔም ሀሳብ አለኝ ያምትሉ ሌሎች የቤተስሰባችን አባላት ይህን Bot ተጠቀሙ👉 @TikvahEthiopiaBot

አጠቃቀሙን ለማታውቁን ሊንኩን ኣንዴ ይንኩት(@TikvahEthiopiaBot፤ በመቀጠለም start ይበሉትና መልዕክቶን ፅፈው ይላኩ።

@tsegabwolde @tikvahethiopia

ታላቁ ሩጫ በኢትዮጵያ ሽልማታቸውን ተቀበሉ. . .

ከሳምንታት በፊት ምርጡ አለም አቀፉዊ የሩጫ ውድድር በሚል ዘርፍ በአሸናፊነት የተመረጡት ታላቁ ሩጫ በኢትዮጵያዎች በትናንትናው ምሽት በለንደን የሽልማቱ አዘጋጅ ከሆኑት ከ Let's do this እጅ ሽልማታቸውን መቀበል ችለዋል።

በድጋሚ እንኳን ደስ አለን 🇪🇹🇪🇹🇪🇹

Via Great Ethiopian Run

@tikvahethsport @GoitomH @kidusyoftahe

የኢንፎርሜሽንና መረብ ደህንነት ኤጀንሲ እንዳስታወቀው በኢትዮጵያ በተያዘው የ2012 በጀት ዓመት የመጀመሪያዎቹ ሶስት ወራት 113 በተለያዩ ቁልፍ የሀገሪቱ ተቋማት እና መሰረተ-ልማቶች ላይ ያነጣጠሩ የሳይበር ጥቃቶች እና ሙከራዎች ተከስተዋል፡፡
@tsegabwolde @tikvahethiopia

#ዛሬ

በአለማቀፉ ጋዜጠኛ ኤልያስ መሰረት አዘጋጅነት የሚካሄደው ሁለተኛው የአክቲቪስቶች የውይይት መድረክ ዛሬ ይካሄዳል፡፡ በዚህ መድረክ የሚነሱ ሀሳቦችን ለእናንተ የምናደርስ ይሆናል፡፡

@tsegabwolde @tikvahethiopia

"አስከሬን ወደ አገር ቤት መላክ ደከመን"በቤይሩት ነዋሪ ኢትዮጵያውያን
.
.
ባለፉት ሰባት ወራት ለሥራ ወደ ሌባኖስ ካቀኑ #ኢትዮጵያዊያን መካከል ሰላሳ አራቱ በተለያዩ ምክንያቶች ህይወታቸውን እንዳጡ በሊባኖስ ያሉ የኢትዮጵያዊያንና ሌሎች የበጎ አድራጎት ማህበራት ይፋ አደረጉ።

ለኢትዮጵያዊያኑ ህይወት መጥፋት በአብዛኛው እንደ ምክንያት የሚጠቀሰው በአሰሪዎቻቸው በሚፈጸምባቸው አሰቃቂ ግፍና ጥቃት ሳቢያ ራሳቸውን በማጥፋት እንዲሁም ካሉበት ኢሰብዓዊ የስቃይ ኑሮ ለማምለጥ በሚደርጉት ትግልና ጥረት እንደሆነም ተገልጿል።

ይህ ይፋ የሆነው በሊባኖስ የሚገኙ ኢትዮጵያዊያን እየገጠማቸው ያለውን አስከፊ ችግር በተመለከተ "መንግሥት የኢትዮጵያዊያን ሰራተኞችን ሞትና ስቃይን ለማስቆም" አፋጣኝ የሆነ እርምጃ እንዲወሰድ በጠየቁበት ለጠቅላይ ሚኒስትሩ በጻፉት ግልጽ ደብዳቤ ላይ ነው።

"አስከሬን ወደ አገር ቤት መላክ ደከመን"

"አስከሬን ወደ አገር ቤት መላክ ደከመን" በማለት በደብዳቤያቸው ላይ ያሰፈሩት ኢትዮጵያዊያኑ በአገሪቱ ያለው ቆንስላ ጽህፈት ቤት ለዜጎቹ ደህንነትና መብት እየሰራ ባለመሆኑ መንግሥት እርምጃ እንዲወስድ በአጽንኦት ጠይቀዋል። "በኢትዮጵያዊያን ላይ እየደረሰ ስላለው ግፍና ሰቆቃ በይገባኛል ስሜት አገርን ወክሎ በመንቀሳቀስ ረገድ በሌባኖስ ያለው የኢትዮጵያ ቆንስላ ሙሉ ኃላፊነትም ሆነ ግዴታ ቢኖረውም፤ እውነታው ግን ፍጹም ከዚህ የራቀ ነው" በማለት በደብዳቤያቸው ላይ ቅሬታቸውን አቅርበዋል።

ተጨማሪ ያንብቡ👇
https://telegra.ph/ETH-10-19

ምንጭ፦ ቢቢሲ አማርኛ
@tsegabwolde @tikvahethiopia

#MEDEMER በኢፌዴሪ ጠቅላይ ሚኒስትር ዶክተር አብይ አህመድ የተፃፈው “መደመር” መፅሃፍ  አዲስ አበባን ጨምሮ በተለያዩ የሀገሪቱ ክፍሎች በሚገኙ ከ30 በላይ ከተሞች ነው ዛሬ የሚመረቀው። መጽሀፉ ከሚመረቅባቸው ከተሞች መካከል በአዲስ አበባ፣ አዳማ፣ ጅማ፣ ባህር ዳር፣ ሀዋሳ፣ ድሬዳዋ፣ ጋምቤላ፣ አሶሳ፣ ጅግጅጋ፣ ሰመራ እና ሀረር ከተሞች ይገኙበታል። በአዲስ አበባ የመፅሃፉ ምረቃ በሚከናወንበት ሚሌኒየም አዳራሽ እንግዶች በመግባት ላይ ይገኛሉ። መጽሃፉ በአንድ ሚሊዮን ቅጅ በአማርኛ፣ እንግሊዝኛና ኦሮምኛ ቋንቋዎች በኢትዮጵያና አሜሪካ አገር ነው የታተመው። ከመጽሃፉ የሚገኘው ገቢ ሙሉ ለሙሉ በአገሪቱ ለትምህርት ቤት ግንባታ የሚውል መሆኑም ታውቋል።

@tsegabwolde @tikvahethiopia