ፎቶ: ዛሬ ምሽት 12:00 ሰዓት በአርባምንጭ ዩንቨርስቲ አባያ ካምፓስ ለሚካሄደው ዝግጅት የTIKVAH-ETH አባላት በተማሪዎች ፕሬዝዳንት ጽ/ቤት ውይይት አካሂደዋል። #StopHateSpeech

Via @tikvahethamu
@tsegabwolde @tikvahethiopia

የጥላቻም ንግግር ይቁም!
ራሳችንን ከጥላቻ ንግግር በመቆጠብ ሀገራችንን እንታደግ!
የፊታችን ቅዳሜ እና እሁድ በሀዋሳ ዩኒቨርስቲ ዋና ግቢ በተዘጋጀው ፕሮግራም ላይ ቲክቫህ ኢትዮጲያ ሁላችሁንም በክብር ይጋብዛል!
@hanahailu

#update ጨፌ ኦሮሚያ አስቸኳይ ስብሰባውን በዛሬው እለት በማካሄድ ላይ ይገኛል። ጨፌው በዛሬው እለት እያካሄደ ባለው አራተኛ አስቸኳይ ስብሰባው አዲስ የኦሮሚያ ክልል ርእሰ መስተዳድር ይመርጣል ተብሎ ይጠበቃል።

#fbc
@tsegabwolde @tikvahethiopia

አዲሱ የኦሮሚያ ክልል ርዕሰ መስተዳደር ማን ይሆን❓ከጥቂት ደቂቃዎች በኃላ ይታወቃል። #ጨፌ_ኦሮሚያ አስቸኳይ ስብሰባ ላይ ነው።

@tsegabwolde @tikvahethiopia

#Breaking አቶ #ሽመልስ_አብዲሳ የኦሮሚያ ክልላዊ መንግስት ምክትል ርእሰ መስተዳድር ሁነው ተሾሙ፡፡ ጨፌ ኦሮሚያ ዘሬ ከሰአት ባካሔደው አስቸኳይ ስብሰባ ነው አቶ ሽመልስ አብዲሳን የክልሉ ምክትል ርእሰ መስተዳድር አድርጎ የሾመው፡፡ አቶ ሽመልስ በጨፌው ፊት ቆመው ቃለ መሀላ ፈፅመዋል፡፡ በምክትል ርእሰ መስተዳድርነት የተሾሙት አቶ ሽመልስ የርእሰ መስተዳድርነት ስራውን ጨምረው እንደሚሰሩ ተነግሯል፡፡

@tsegabwolde @tikvahethiopia

#Breaking አቶ አዲሱ አረጋ የኦዲፒ ማእከላዊ ጽህፈት ቤት ኃላፊ ሁነው ተሾሙ። አቶ አዲሱ የኦዲፒ ፅህፈት ቤት ኃላፊ የነበሩትን ዶክተር አለሙ ስሜን ተክተው ነው የተሾሙት፡፡ አቶ አዲሱ አረጋ ከዚህ ቀደም የኦሮሞ ዴሞክራቲክ ፓርቲ (ኦዲፒ) የገጠር ፖለቲካ ዘርፍ ኃላፊ ነበሩ።

@tsegabwolde @tikvahethiopia

ከአርሲ ዩንቨርስቲ🔝

"ፀግሽ አርሲ ዩኒቨርሲቲ ከፌደራል ከመጡ አካላት ጋር ስብሰባ እያደረግን ነው። ስብሰባው በጣም ስሜታዊ እና በእምባ የታጀበ ነው። ብዙ የተመቱ ሰዎች በተለይ ሴት ዶክተሮች እና ተማሪዎች ጉዳታቸውን እያነሱ እየተናገሩ ነው። የግቢድ ፕሬዘዳንት እና አካላት ከስብሰባው እንዲወጡ የተደረጉ ሲሆን ስብሰባው እስካሁን በጥሩ ሁኔታ እየተካሄደ ነው።"

@tsegabwolde @tikvahethiopia

#update ለቀድሞ የኦሮሚያ ክልል ርእሰ መስተዳድር የምስጋና እና የሽኝት ፕሮግራም እየተካሄደ ይገኛል። የምስጋና እና የሽኝት መርሃ ግብሩ በአዳማ ከተማ ነው በመካሄድ ላይ የሚገኘው። በመርሃ ግብሩ ላይ የኢፌዴሪ ጠቅላይ ሚኒስትር ዶክተር አብይ አህመድ፣ ምክትል ጠቅላይ ሚኒስትር አቶ ደመቀ መኮንን፣ የትግራይ ክልል ምክተል ርእሰ መስተዳደር ዶክተር ደብረጺዮን ገብረሚካኤል እና የቀድሞ የውጭ ጉዳይ ሚኒስትር ዶክተር ወርቅነህ ገበየሁ ተገኝተዋል። በተጨማሪም ከፍተኛ የፌደራል እና የክልል ባለስልጣናት የምስጋና እና የሽኝት መርሃ ግብር ላይ በመሳተፍ ላይ ይገኛሉ።

Via #FBC
@tsegabwolde @tikvahethiopia

#update ጠቅላይ ሚንስትር ዐቢይ አሕመድ በቀጣዩ ሳምንት ወደ ቻይና ያቀናሉ፡፡ የጉዟቸው ዐላማ Belt & Road Forum for International Cooperation በተሰኘው ሁለተኛው የቻይና ዐለም ዐቀፍ የኢኮኖሚ መድረክ ላይ ለመሳተፍ መሆኑን ፎርቹን አስነብቧል፡፡ በጉባዔው 40 የሀገራት መሪዎች እንደሚገኙ ይጠበቃል፡፡ ጉባዔው "Belt and Road Cooperation: Shaping a Brighter Shared Future በሚል መሪ ቃል እኤአ ከሚያዚያ 26 እስከ 27 ይካሄዳል፡፡

Via wazemaradio
@tsegabwolde @tikvahethiopia

በጋምቤላ #የሙርሌ_ጎሳ ታጣቂዎች ድንበር አቋርጠው በመግባት #ጥቃት አደረሱ‼️
.
.
በጋምቤላ ከደቡብ ሱዳን የሚነሱ የሙርሌ ጎሳ ታጣቂዎች ድንበር አቋርጠው በመግባት ጥቃት ማድረሳቸውን የጋምቤላ ብሔራዊ ክልላዊ መንግስት የሰላምና ፀጥታ ዘርፍ ኃላፊ አቶ ኡቶዉ ኡኮት ገለፁ።

ኃላፊው አክለውም ለኢፌድሪ መከላከያም ድንበር አቋርጦ የገባ የታጠቀ ኃይል እንዳለ በማሳወቅ ድጋፍ እንዲያደርጉላቸው መጠየቃቸውን ይናገራሉ።

አቶ ኡቶዉ እንደሚሉት በጋምቤላ በዚህ ሰዓት በጋ ስለሆነ እና ክልሉን ከደቡብ ሱዳን ጋር የሚያጋራው ድንበር ሰፊና ክፍት ስለሆነ የታጣቂዎች የመግባትና የመውጣት አዝማሚያ አለ።

የሙርሌ ታጣቂዎች ባለፈው ወር ድንበር አቋርጠው በመግባት ከኑዌር ዞን ጂካ ወረዳ አንድ ሕፃን መውሰዳቸውን ያስታውሳሉ።

እንዲሁም ከዚሁ ወረዳ 150 ከብት እና 234 ፍየሎችንም ዘርፈዋል ያሉት ኃላፊው ከሳምንት በፊት ጆር በሚባል አካባቢ ከአካባቢው ሚሊሻ ጋር የተኩስ ልውውጥ አድርገው ከእነርሱ ወገን ሰው መጎዳቱን ይናገራሉ።

አቶ ኡቶዉ ክልሉ በአሁኑ ሰዓት ልዩ ኃይሉንና ሚሊሻ በመጠቀም ሰላምና ፀጥታ የማስከበር ስራውን እየሰራ መሆኑን ተናግረዋል።

በቅርብ የሙርሊ ጎሳ ታጣቂዎች ጥቃት ባደረሱባቸው አካባቢዎች መሄዳቸውን የሚናገሩት ኃላፊው የአካባቢው ነዋሪ ስጋት እንዳለበት መታዘባቸውን ገልፀዋል። ክልሉ የነዋሪውን ስጋት ለማስወገድ እና ቀዬውን ለቅቆ እንዳይሄድ የተለያዩ የማረጋጋት ስራዎችን መስራታቸውንም ተናግረዋል።

የሙርሌ ጎሳ ታጣቂዎች ከሁለት ዓመት በፊት፤ በኑዌር ዞን እና አኙዋ ዞኖች ገብተው 234 ሕፃናት አፍነው ሲወስዱ፣ ከአንድ መቶ ሰባ በላይ ሰዎች ደግሞ ሕይወታቸውን ማጣታቸው ይታወሳል። በወቅቱ ከ2ሺህ በላይ ከብቶች መውሰዳቸውንም ኃላፊው ጨምረው ያስታውሳሉ።

በወቅቱ የኢፌድሪ መከላከያ ኃይል ወደ ደቡብ ሱዳን በመግባትና ታጣቂዎቹ የሚኖሩበት አካባቢ ላይ ጥቃት በመፈፀም ታፍነው ከተወሰዱት ሕፃናት መካከል ከ100 ሕፃናት በላይ ወደ ቤተሰቦቻቸው መልሷል። ቀሪዎቹ ግን የደረሱበት አልታወቀም።

Via #BBC
@tsegabwolde @tikvahethiopia