አቶ በረከት ስምዖን☎️ታዲያስ አዲስ⬇️

ዛሬ ከታዲያስ አዲስ ጋር ቆይታ ያደረጉት አቶ በረከት ስምዖን፦

▪️አቶ ኃይለማርያም ደሳለኝ ኤርትራ ሄደዉ የህዋት ባለስልጣናት አስቸገሩኝ በማለት ለኤርትራዉ ኘሬዘዳንት ኢሳያስ አፍወርቂ ሲነግሯቸዉ አባሯቸዉ ብለዋል።

▪️እኔ አንድም ብር አልበላሁም መፅሐፌን በስፖንሰር ነዉ ያሳተምኩት።

▪️እኔ በፖለቲካዉ አልቀጥልም የራሴን ሥራ እሰራለሁ።

▪️አቶ ደመቀ መኮንን አልደግፍም በማለቴ ነዉ ከብአዴን የታገድኩት።

▪️አቶ ገድ አንዳርጋቸዉ የወጣቶች ዙሪያ ለዉጥና ልማት እንዲፍጠን ኘሮጀክት ቀርጪ ሰጥቸዉ ሼልፍ ላይ አስቀምጦታል።

▪️አሁን ያለሁ ሁኔታ አስጊ ነዉ ይህም የአመራሩ ድክመት ነዉ።

▪️ዜጎች ከቄያቸዉ ይፈናቀላሉ ይሄ #በቀደሙት አመታት #የለም ነበር።

▪️እኔ ለዉጥ እናምጣ ስል ጥርስ ውስጥ ገባሁ ያጠፋሁት ነገር የለም፣ እያወኩ ያደረኩት ነገር የለም ይቅርታ የሚያስጠይቀኝ ነገር የለም።

▪️መደር መቀነስ የሚባለዉ አልደግፍም
ለዉጡን እደግፋለሁ ዶ/ ር አብይም አህመድ ጋርበአካል ባለፈዉ ሳምንት ተገናኝተናል።

▪️ዛሬም በስልክ አግኝቻቸዋለሁ ያዘዙኝ ስራ አለ እየሠራሁ ነዉ።(ዶ/ር አብይ)

▪️አቶ ኃይለማርያም ደሳለኝ ጋር የነበረዉ ድክመት ለዉሳኔ ቁርጠኛ አይደለም አይወስንም ዶ/ ር አብይ አህመድ ይወስናል በዚህ የተሻለነዉ ቁርጠኝነቱም አለዉ።

▪️እገዳዉን በሚዲያ ነዉ የሰማዉት ስብሰባዉ ዉስጥ ስለ #ጥረት የተባለ የለም።

▪️ስብሰባ ጠርተዉኝ ነበር በኢሜል ለብአዴን ጽ / ቤት ኃላፊ ጋር ደዉዬ የክልሉን #ፀጥታ ጠይቄ አስተማማኝ ስላልሆነ #አትምጣ ተባልኩ።

▪️ዜናዉን ስሰማ ደመቀ መኮንን ጋር ደወልኩ አያነሳም ሌሎቹም እንደዛዉ።

▪️እኔ በአገሬ በነፃነት መንቀሳቀስ ነዉ የምፈልገዉ ልጆቼም እኔም እዚህ ነዉ መኖር የምንፈልገዉ።

▪️ቀሪ እድሜይን ባህር ዳር ጊዜ አሳልፋለሁ ብዬ አስባለሁ።

▪️እንደ ልደቱ ሁኔታወች ጥሩ ስላልሆኑ መራቅ ነዉ የሚሻለዉ።

▪️አሁን ነፃነትን ተንቀሳቅሶ የመኖርና የመስራት መብቴን አስከብራለሁ ምን የሚያስፈራኝ ነገር የለም የወፊቱን አብረን እናያለን።

▪️አናጎሜዠ አርፈሽ ስራሽን ስሪ በዉስጥ ጉዳያችን ጣልቃ አትግቢ ይሄ ፖልቹጋል ወይም አዉሮፖ ጉዳይ አደለም ነዉ የምላት።

▪️ዶ/ ር አብይ ወደ ስልጣን እንደመጣ በቤልጅየም የአውሮፓ ህብረት አምባሳደር እንድሆን ጠይቆኝ ነበር ነገር ግን በተለያዩ ምክንያቶች አንደኛ እኔ ከኢትዮጵያ ርቄ መኖር ስለማልችልና ስለማልፈልግ የሃገሬን ሁኔታ በቅርብ
ለመከታተል ስል ጥያቄውን አልተቀበልኩም ነበር እኔ አምባሳደር ብሆን ቤተሰቤን ይዤ መሄድ እችላለሁ ነገር ግን ሃገሬ ውስጥ ሆኜ ሁኔታዎችን በቅርብ ለመከታተል ስል ነው የዶ / ር አብይን ጥያቄ ያልተቀበልኩት እሱም ተረድቶኛል።

▪️ከዶ/ ር አብይ ጋር በየጊዜው እንገናኛለን ለምሳሌ ዛሬ ጠዋት በስልክ ተገናኝተናል። በአካል ደግሞ የዛሬ ሳምንት ተገናኝተን ተወያይተናል። ጥሩ ግንኙነት አለን።

(አቶ በረከት ስምኦን ከታዲያስ አዲስ ሰይፉ ፋንታሁን ጋር በነበራቸው ቆይታ ከተናገሩት)

©ዘሪሁን ግርማ
@tsegabwolde @tikvahethiopia

ሼህ አላሙዲን🔝

A developing fake news story...

በሚድያ ተቋሙ ድረ-ገፅ ላይ እንደዚህ አይነት ዜና #የለም።

©ጋዜጠኛ ኤልያስ መሰረት
@tsegabwolde @tikvahethiopia

"የአነግ #አባል ስለሆነ የታሰረ #የለም" የኦሮሚያ ኮሚኒኬሽን
.
.
በፖለቲካ ምክንያት ታስረው ከነበሩና ኋላ ከተፈቱት መካከል የሆነችው #ጫልቱ_ታከለ ከሶስት ቀን በፊት በምዕራብ ወለጋ ሻምቡ ከሚገኘው መኖሪያ ቤቷ ተይዛ እስር ላይ ትገኛለች።

ጫልቱ ብቻ ሳትሆን የቤጊ ወረዳ አባ ገዳ ጌታቸው ተርፋን ጨምሮ ሌሎች በርካታ ሰዎች እንደታሰሩ የጫልቱ እናት ወ/ሮ አስካለ አብዲ ለቢቢሲ ገልፀዋል።

ማክሰኞ ማታ ቤት ውስጥ የመከላከያ ሃይል አባላት መጥተው በቁጥጥር ስር እንደዋለች ተናግረዋል።

በምን ምክንያት የታሰረች ይመስልዎታል ተብሎ ከቢቢሲ ለቀረበላቸው ጥያቄም የታሰረችበትን ምክንያት በትክክል ባያውቁም "ኦነግ ስለሆነች ይመስለኛል። ሌላ ጥፋት ያለባት አይመስለኝም። ለራሷም ስንት አመት ተሰቃይታ ነው የወጣችው" ብለዋል።

ጫልቱ ከአመታት በፊት የሃገርን ፖለቲካና የግዛት አንድነት በመንካት በሚል ተከሳ 12 አመት ተፈርዶባት 8 ዓመት ከ45 ቀን ታስራ በአመክሮ ወጥታለች።እንደገና በሽብር ተከሳ 11 ወር ከታሰረች በኋላ መንግስት ከወራት በፊት እስረኞችን ሲለቅ እሷም ክሷ ተቋርጦ ከእስር መውጣቷ የሚታወስ ነው።

ጫልቱ ወደ ትውልድ ቦታዋ ሻምቡ ከሄደች አንድ ወር እንዳስቆጠረች የሚናገሩት እናቷ በሻምቡ ባለው የኦነግ ፅህፈት ቤት ሊቀ መንበር ሆና ለአንድ ሳምንት ሰርታለች።
የኮማንድ ፖስቱን መምጣት ተከትሎ ቤቷ እንዳለችም ወ/ሮ አስካለ ጨምረው አስረድተዋል።

የኦሮሚያ ኮሚኒኬሽን ቢሮ ምክትል ኃላፊ አቶ ዴሬሳ በበኩላቸው ግለሰቦቹ የታሰሩት በወንጀል ተጠርጥረው እንጂ የኦነግ ወይም የፖለቲካ ፓርቲ አባል ስለሆኑ አይደለም ብለዋል።

"የኦነግ አባል ስለሆነ የታሰረ የለም፤ የፖለቲካ ፓርቲ አባል መሆን ለአንድ ወንጀል ሽፋን መሆን አይችልም" ብለዋል።

እስካሁን ለምን ፍርድ ቤት እንዳልቀረቡም ተጠይቀው " ያለኝ መረጃ በቅርቡ ፍርድ ቤት እንደሚቀርቡ ነው" ብለዋል።

ከባለፉት ጥቂት ወራት ጀምሮ በምዕራብ ኦሮሚያ አካባቢ አለመረጋጋትና ግጭቶች የበረከቱ ሲሆን ይህንንም ተከትሎ መከላከያ ሰራዊት በአካባቢው ተሰማርቷል።

በምዕራብ ኦሮሚያ አካባቢ የተሰማሩ ታጣቂዎች በሰላማዊ መንገድ ሊታገሉ የመጡ ናቸው በሚል የክልሉ ፀጥታ ኃይል የሚደርሱ ግድያዎችና ዘረፋዎች ማስቆም አቅቶት እንደነበር የጦር ኃይሎች ምክትል ጠቅላይ ኤታ ማዦር ብርሃኑ ጁላ የመከላከያ ሚኒስቴርን ግማሽ አመት የስራ ክንውን ሪፖርት ለህዝብ ተወካዮች ምክር ቤት ማክሰኞ እለት ባቀረቡበት ወቅት ተናግረዋል።

በአካባቢው ፖሊሶችን ጨምሮ ብዙ ሰዎች መገደላቸውንና ዝርፊያዎች እንደደረሱ የተናገሩት ጄኔራል ብርሃኑ "በውትድርና ዘመኔ በራስ ሕዝብ ላይ ጭካኔ የተሞላበት ዘግናኝ ጥቃት ተፈፅሞ ያየሁት በምዕራብ ወለጋ ነው" ብለዋል።

ምንም እንኳን የአካባቢውን ፀጥታ ማስከበር ሃላፊነት የክልሉ ኃይል ቢሆንም ነገሩ ከአቅም በላይ በመሆኑ የመከላከያ ሰራዊት በአካባቢው ተሰማርቶ የማረጋጋትና ወደ ሰላም የማምጣት ስራ እየተሰራ መሆኑን ጠቅሰዋል።

ምንጭ፦ BBC አማርኛ
@tsegabwolde @tikvahethiopia