ወላይታ 🕊 ሲዳማ‼️

የወላይታ እና የሲዳማ ብሄሮች ዘመን ተሻጋሪ አንድነትና እብሮነት ቀጣይ አንዲሆን በትጋት አንደሚሰሩ የክልሉ መስተዳድር ምክር ቤት፣ የወላይታ እና የሲዳማ ዞኖች አስተዳደር፣ የኃይማኖት አባቶች፣የሀገር ሽማግሌዎችና የሶዶ ዩኒቨርሲቲ አመራር አካላት አስታወቁ፡፡

በማህበራዊ ሚዲያ በተለቀቁ #ሀሰተኛ መረጃዎች መነሻነት ላለፉት ጥቂት ቀናት ሶዶ ዩኒቨርስቲንና እና ሶዶ ግብርና፤ ቴክኒክና ሙያ ትምህርትና ስልጠና ኮሌጅን በመልቀቅ ወደ ሀዋሳ እና አካባቢው ቤተሰብ ዘንድ የተመለሱ ተማሪዎች ዳግም ወደ ትምህርት ገበታቸው #ተመልሰዋል፡፡

ለተማሪዎቹ የወላይታ ዞን አስተዳደር፣ የኃይማኖት አባቶች፣ የሀገር ሽማግሌዎችና የሶዶ ዩኒቨርሲቲ አመራር አካላት የእንኳን ደህና መጣችሁ መልዕክት ባስተላለፉበት ወቅት የሰላም ተምሳሌት የሆነውን #እርጥብ_ሳር አበርክተውላቸዋል፡፡

ከተማሪዎቹ አንዳንዶቹ በሰጡት አስተያየት በማህበራዊ ሚዲያ የተለቀቁ የተዛቡ መረጃዎች በፈጠሩት ስጋት ወደ ትውልድ ቀዬአቸው መመለሳቸወን ተናግረው እውነተኛውን መረጃ በማግኘት ዳግም ወደ ትምህርት ገበታቸው መመለሳቸውን አመላክተዋል፡፡

ወደ ተምህርት ገበታቸው ዳግም እንዲመለሱ የክልልሉ መስተዳድር ምክር ቤት፣ የወላይታ ዞን አስተዳደር፣ የኃይማኖት አባቶች፣ የሀገር ሽማግሌዎችና የሶዶ ዩኒቨርሲቲ አመራር አካላት አባታዊ ጥረት ማድረጋቸውን አብራርተው የወላይታ ዞን አስተዳደር፣ የኃይማኖት አባቶች፣ የሀገር ሽማግሌዎችና የሶዶ ዩኒቨርሲቲ አመራር አካላት ባደረጉላቸው ደማቅ አቀባበል #መደሰታቸውን ገልጸዋል፡፡

በዩኒቨርሲቲ ውስጥ የሚስተዋሉ ትንኮሳዎችና እንዲታረሙና አንዳንድ የግብአት መጓደሎች አንዲሟሉ ጠይቀዋል፡፡

የዩኒቨርሲቲው ተማሪዎች አንድነት የበልጥ አንዲጠናከር የህዝብ ለህዝብ ግኑኝት ሥራዎች ይበልጥ #ተጠናክረው እንዲሰሩ ጠይቀዋል፡፡

የክልሉ ፕሬዚዳንት ተወካይ አቶ ተመነ ተሰማ የሲዳማ እና የወላይታ ብሄሮችን የቆየ የአብሮነት እሴቶች #በመሸርሸር የፖለቲካ ትርፍ ለማግኘት የቋመጡ ጸረ-ሰላም ኃይሎች በሚያነፍሱት ሀሰተኛ መረጃዎች ተማሪዎች ዳግም ሰለባ እንዳይሆኑ አሳስበዋል።

በሁለቱ ዞን ህዝቦች መካከል የእርቅ ኮንፈረንስ በቅርቡ አንዲካሄድ በክልሉ እና በሁለቱም ዞኖች በኩል የተጠናከረ ቅድመ-ዝግጅት እየተደረገ መሆኑን ጠቁመዋል፡፡

የወላይታ ዞን አስተዳደር፣ የኃይማኖት አባቶች፣የሀገር ሽማግሌዎችና የሶዶ ዩኒቨርሲቲ አመራር አካላት የሲዳማ እና የወላይታ ህዝቦች የቆየ መስተጋብር ያላቸው ህዝቦች መሆናቸውን ተናግረው አንድነቱ ዘላቂ እንዲሆን ህዝቡን በማሳተፍ ተግተው አንደሚሰሩ አረጋግጠዋል፡፡

በስነ-ስርዓቱ ላይ የወላይታ ዞን የንግድ ማህበረሰብ ለክልሉ መስተዳዳር ምክር ቤት ፣ ለሲዳማ ዞን አስተዳደር ተወካዮች፣ የሀገር ሽማግሌዎችና የኃይማኖት አባቶች የዘላቂ አንድነትና የአብሮነት ማሳያ ስጦታ አበርክተውላቸዋል፡፡

ምንጭ፦ ወላይታ ዞን የመንግስት ኮሙኒኬሽን ጉዳች መምሪያ
@tsegabwolde @tikvahethiopia

ለሀዋሳ ከተማ ነዋሪዎች‼️

በማዕበራዊ ሚዲያዎች በተለይም ደግሞ በፌስቡክ በሚሰራጩ #ሀሰተኛ መረጃዎች እንዳትደናገሩ። በዛሬው ዕለት የከተማው አስተዳደር ህጋዊ እውቅና የሰጠው ህዝባዊ #ሰልፍ_የለም።

@tsegabwolde @tikvahethiopia

#ሀዋሳ መደበኛ የሆነ የዕለት ተዕለት እና ሰላማዊ እንቅስቃሴ ላይ ናት። በማዕበራዊ ሚዲያዎች በሚሰራጩ #ሀሰተኛ መረጃዎች ነዋሪዎች ግር ልትሰኙ አይገባም።

@tsegabwolde @tikvahethiopia