#update የኢትዮጵያ ኦርቶዶክስ ተዋህዶ ቤተክርስቲያን በአዲስ አበባ ሀገረ ስብከት የእንጦጦ ሐመረ ኖኅ ቅድስት ኪዳነ ምህረት አንድነት ገዳም ሙዚየምን ዛሬ  አስመረቀ። የኢትዮጵያ ኦርቶዶክስ ተዋህዶ ቤተክርስቲያን ፓትሪያሪክ ብፁዕ ወቅዱስ አቡነ ማቲያስ በምረቃ ስነ ስርዓቱ ላይ፥ የኢትዮጵያ ኦርቶዶክስ ተዋህዶ ቤተክርስቲያን ቅርሶችን ጠብቃና ተንከባክባ እዚህ አድርሳለች ብለዋል። አሁን ያለው ትውልድ ተንከባክቦ የመጠበቅና ለትውልድ የማስተላለፍ ሃላፊነት አለበት ሲሉም ተናግረዋል። የኢትዮጵያ ቅርስና ጥናት ጥበቃ ባለስልጣን ዳሬክተር አቶ ዮናስ ደስታ በበኩላቸው፥ ሙዝየሙን ለማዘመንና ወደ ዲጅታል ላይብረሪ ለማሳደግ በቀጣይ እንደሚሰራ ገልፀዋል። በሐመረ ኖኅ ሙዚየም ውስጥ የኢትጵያ ኦርቶዶክስ ቤተክርስቲያን የታሪክ ጉዞና የገዳማት ታሪክ በከፊል የሚያሳዩ እንዲሁም በርካታ ንዋየ ቅድሳት፣ መጽሀፍት፣ አልባሳትና የተለያዩ ረጅም እድሜን ያስቆጠሩ መገልገያ ቁሳቁሶች ይገኛሉ።

Via FBC
@tsegabwolde @tikvahethiopia

ከሀዋሳ ከተማ አስተዳደር ፖሊስ መምሪያ የተሰጠ መግለጫ፦

ሰላም ለሁሉም ዜጎች መሰረታዊ ፍላጎት እንደሆነ ይታወቃል። ይህን ለዜጎችም ይሁን ለሀገር ልማታዊ እድገት ጉልህ አስተዋፆኦ ያለውን ሰላም የፀጥታ ሀይሉ ጥረት ብቻውን እውን ሊያደርገው እንደማይችል ይታመናል።

እንደ #ሀዋሳ ተጨባጭ ሁኔታም ከተማዋን የፈጣን እድገት ተምሳሌት አድርጎ ቀጣይነቷን ለማረጋገጥ ይቻል ዘንድ ሁሉም የበኩሉን ጥረት ማድረግ እንደሚጠበቅበት አያጠያይቅም።

ይህ በእንዲህ እንዳለ ግን ጥቂት ሁከትን ለግል ፍላጎታቸው ማስፈፀሚያ የሚጠቀሙ ግለሰቦች እና #የተደራጁ_ሀይሎች በተለያዩ ጊዜያት የከተማዋን ሰላም ከማደፍረስ ባሻገር በሰው እና በንብረት ላይ ከፍተኛ ኪሳራ እንዲደርስም ጥረት ሲያደርጉ ይስተዋላል።

ከእነዚህ የፀረ ሰላም ሀይሎች #እኩይ ተግባራትም መካከል በትናንትናው እለት በከተማዋ በኢትዮጵያ ትቅደም ትምህርት ቤት የተደራጁ ወጣቶች የግቢውን አጥር በመስበር ሁከት ለመፍጠር ያደረጉትን ጥረት የፖሊስ ሀይሉ እና ህብረተሰቡ ባደረገው ርብርብ በአጭር ጊዜ ውስጥ በቁጥጥር ስር ሊውል ችሏል።

የእኚህ ፀረ ሰላም ሀይሎች አላማ ከውጭ ተደራጅቶ ወደ ትምህርት ቤቱ ግቢ በመግባት ሁከቱን ተማሪዎች የፈፀሙት በማስመሰል የግጭቱን ቅርፅና ይዘት ሌላ መልክ እንዲኖረው በማስመሰል የግል ፍላጎታቸውን ማሳካት እንደሆነ ማወቅ ተችሏል።

ሆኖም የአካባቢው ህብረተሰብ ለፖሊስ ባደረሰው #ጥቆማ እና በስፍራው ከነበረው የፀጥታ ሀይል ሌላ ተጨማሪ ሀይል #በማጠናከር ሁከቱን ሊያባብሱ የሚችሉ የጦር መሳሪያዎችን ሳይቀር ፖሊስ በቁጥጥሪ ስር ሊያውል ችሏል። በዚህ የተቀናጀ የፖሊስ እና የህብረተሰቡ ጥረትም ቱርክ ሰራሽ 12 ሽጉጦች በሁለት ግለሰቦች እጅ መያዝ ተችሏል።

በተመሳሳይም ፖሊስ በሁከቱ ግንባር ቀደም በመሆን ሲመሩ ነበሩ ያላቸውን 36 ግለሰቦችን በቁጥጥር ስር በማዋል ተገቢው ምርመራም እያደረገ ይገኛል።

ሁከቱን ለመቆጣጠር ፖሊስ ባደረገው ጥረት ምንም አይነት የሰውም ሆነ የንብረት ውድመት ሳይደርስ ማቆም ቢችልም በጊዜው በድርጊቱ ፈፃሚዎች ይወረወሩ የነበሩ ድንጋዮች በተወሰኑት የፀጥታ ሀይሎች ላይ እና በተሽከርካሪዎች ላይ ጉዳት ግን ሊደርስ ችሏል።

በዚህ አጋጣሚ የከተማዋ ፖሊስ መምሪያ የፀጥታ ሀይሉ እና የአካባቢው ህብረተሰብ ሁከቱን ለመቆጣጠር ላደረገው ርብርብ ምስጋናውን ማቅረብ ይወዳል።

ፖሊስ ይህን የፀጥታ ሀይሉ ከህብረተሰቡ ጋር በመቀናጀት ለከተማዋ ሰላም እና ለዜጎች ደህንነት መረጋገጥ ጥረቱን አጠናክሮ የሚቀጥል መሆኑን እየገለፀ ሰላማዊት ሀዋሳን በጋራ እንገባ የሚል መልእክቱን በማቅረብ ነው።

ምንጭ፦ የሀዋሳ ከተማ አስተዳደር መንግስት ኮሚኒኬሽን
@tsegabwolde @tikvahethiopia

ጎንደር ዩኒቨርሲቲ🔝

‹‹ተማሪዎች በዩኒቨርሲቲ ቆይታቸው ቀለምን እንጅ #ዘርን መቁጠር የለባቸውም፡፡›› የጎንደር ዩኒቨርሲቲ ፕሬዝዳንት ዶክተር #ደሳለኝ_መንገሻ
.
.
.
የጎንደር ዩኒቨርሲቲ ‹‹ኪነ- ጥበብ ለሰላም›› በሚል ሃሳብ ለተማሪዎች መድረክ አዘጋጅቷል። ዩኒቨርሲቲው መድረኩን ያዘጋጀው በግብርናና ገጠር ትራንስፎርሜሽን የትምህርት መርሃ ግብር በሚሰጥበት ጠዳ ካምፓስ ለሚገኙ ተማሪዎች ነው።

የዩኒቨርሲቲው ተማሪዎችም በተለያዩ ማህበራዊ የትስስር መረቦች የሚሰራጬ መረጃዎችን እውነታነት በማመዛዘን ያስተማራቸውን ማህበረሰብ የመጥቀም ሃገራዊ ሃላፊነታቸውን መወጣት እንደሚገባቸው ተገልጿል።

የዩኒቨርሲቲው ፕሬዝዳንት ዶክተር ደሳለኝ መንገሻ እንዳሉት ተማሪዎች ለግጭት የሚዳርጉ አስተሳሰቦችንና ተግባራትን በመታገል በልዩነት አብሮ የመኖር እሴትን ማጎልበት አለባቸው። ተማሪዎች በዩኒቨርሲቲ ቆይታቸው ቀለም ለመቁጠር እንጅ ዘር ለመቁጠር መሆን እንደሌለበትም ነው ያስገነዘቡት።

የጎንደር ዩኒቨርሲቲም ኪነ ጥበብ ለሰላም ያለውን ዋጋ በመገንዘብ መድረኮችን በመፍጠር ተማሪዎች ለሰላማዊ የመማር ማስተማር ሂደቱ ንቁ ተሳታፊ እንዲሆኑ አቅም የመፍጠር ተግባራችንን አጠናክሮ ይቀጥላል ብለዋል።

የአማራ ብዙኃን መገናኛ ድርጅት ያነጋገራቸው ተማሪዎች በበኩላቸው ቤተሰብና ሃገርን የመጥቀም ህልማቸው እንዲሳካ ተማሪዎች #በተሳሳተ_መረጃ ሳይረበሹ በመተሳሰብ ስሜት እውቀት መቅሰም እንዳለባቸው ነው የተናገሩት። ለዚህ እውን መሆን ደግሞ የበኩላቸውን አስተዋፆ እያደረጉ መሆኑን ነው የተናገሩት።

ጎንደር ዩኒቨርሲቲ ባዘጋጀው የኪነ ጥበብ መድረክ ሃገራዊ አንድነትን የሚያጎሉ የጥበብ ስራዎች ቀርበዋል።

ምንጭ፦ አብመድ
@tsegabwolde @tikvahethiopia

የመከላከያ ልዩ ኃይል አባል ዕድለኛ ሆነ!

መቶ አለቃ #አብዮት_ተክሉ በብላቴ ማሰልጠኛ የመከላኪያ ልዩ ኃይል አባል ነው፡፡ መ/አለቃ አብዮት ለስራ ወደ መተሀራ በተንቀሳቀሰ ጊዜ በገዛው የገና ስጦታ ሎተሪ ግማሽ ቲኬት የ1,666,666 ብር ባለዕድለኛ ሆኗል፡፡ መ/አለቃ አብዮት በደረሰው ብር ቤት ለመስራትና መቆዶኒያ ለሚገኙ አረጋውያን #ዕርዳታ_ለመስጠት እንዳሰበ ተናግሯል፡፡

ምንጭ፦ የብሄራዊ ሎተሪ አስተዳደር
@tsegabwolde @tikvahethiopia

ቡሌ ሆራ ዩኒቨርሲቲ🔝

የቡሌ ሆራ ዩኒቨርሲቲ #ዳግም የተማሪዎች ምዝገባ ከትላንት በስቲያ ተጠናቋል።

@tsegabwolde @tikbahethiopia

#Update ለቡሌ ሆራ ዩኒቨርሲቲ ተማሪዎች የዩኒቨርሲቲዉ ምክትል የቦርድ ሰብሳቢና የማኔጅመንት አባላት፣ አባገዳዎች እንዲሁም የሃገር ሽማግሌዎች በተገኑበት አጠቃላይ ኦሬንቴሽን ተሰጥቷል።

እንዲሁም...

የቡሌ ሆራ ዩኒቨርሲቲ ተማሪዎች በኮሌጅ እንዲሁም በትምህርት ክፍል ደረጃ ከየመምህራኖቻቸዉ ጋር ዉይይት አድርገዋል።

ምንጭ፦ የቡሌ ሆራ ዩኒቨርሲቲ
@tsegabwolde @tikvahethiopia

#Stop_Acid_Attacks in Ethiopia!

https://www.change.org/p/setaweet-movement-stop-acid-attacks?recruiter=888673600&utm_source=share_petition&utm_medium=copylink&utm_campaign=psf_combo_share_abi.pacific_email_copy_en_us_5.v1.pacific_post_sap_share_gmail_abi.gmail_abi.pacific_email_copy_en_gb_4.v1.pacific_email_copy_en_us_3.control.lightning_2primary_share_options_more.control&utm_term=share_petition