#update በርሊን⬆️

ለይፋዊ የስራ ጉብኝት ዛሬ ረፋድ ጀርመን የገቡት ጠቅላይ ሚኒስትር ዶ/ር #ዐቢይ_አህመድ ከመራሂተ መንግስት አንጌላ ሜርክል ጋር ተገናኝተዋል።

ዛሬ ረፋድ የፈረንሳይ ጉብኝታቸውን አጠናቀው በርሊን የገቡት ጠቅላይ ሚኒስትሩ ከመራሂተ መንግስት አንጌላ መርክል ጋር ከሚያደርጉት የሁለትዮሽ ውይይት በተጨማሪ የቡድን 20 አባል አገራት የአፍሪካን ልማት ለማገዝ በመሰረቱት “ኮምፓክት አፍሪካ” በሚሰኘው ጉባኤ ላይ የሚካፈሉ ይሆናል፡፡

ምንጭ፦ etv
@tsegabwolde @tikvahethiopia

#update አንዋር መስጊድ⬇️

አንዋር መስጊድ ቅጥር ግቢ ታህሳስ 1 ቀን 2008 ዓ.ም በግምት  ቦንብ በመወርወር የሽብር ወንጀል የፈጸመው ግለሰብ በ11 ዓመት ጽኑ እስራት ተቀጣ።

ተከሳሽ #አህመድ_ሙስጠፋ_አብዶሽ የራሳቸውን ሃይማኖታዊ ዓላማን ለማራመድ በማሰብ፣ በመንግስት ላይ ተፅእኖ ለማሳደርና ህብረተሰቡን ለማሸበር እንዲሁም በኢፌዲሪ ህገ-መንግስት የተረጋገጠውን የሃይማኖት ነጻነት በመቃረን ከራሳቸን አስተሳሰብና አስተምህሮት እምነት ውጪ ሌላ አስተምህሮት መኖር የለበትም የሚል ዓላማ በመከተል ቀኑና ወሩ ባልታወቀ

በ2007 ዓመተ ምህረት ተከሻሽ በሚጠቀምበት የሞባይል ስልክ ቁጥር በማህበራዊ ድረ-ገጽ ላይ የተዋወቀውንና ያልተያዘውን ግብረ-አበሩን ሼክ አሊ ሀይደር ጋር በመነጋገር ሀበሽ እስላም አይደለም ይህን ተግባር ካሳካህልኝ 100 ሺህ  አሰጥሃለሁ በማለት ተከሳሽ ከሚኖርበት ሶማሌ ክልል ልዩ ቦታው ኤረር ጎታ ተብሎ ከሚጠራው አካባቢ በመነሳት አዲስ አበባ ሂዶ በአንዋር መስጊድ ላይ ቦንብ እንዲያፈነዳ በግብረ አበሩ በኩል ተልዕኮ እንደተሰጠው የወንጀል ዝርዝሩ ያስረዳል፡፡

ተከሳሽም ተልዕኮውን ለመፈጸም አዲስ አበባ በመግባት የአንዋር መስጊድን ሁኔታ አጥንቶ ለግብረ አበሩ ማህበራዊ ድረ-ገጽ መልዕክት የላከለት ሲሆን ፥ ታህሳስ 1 ቀን 2008 ዓመተ ምህረት በአንዋር መስጊድ ቅጥር ግቢ ውስጥ በመግባት በመስጊዱ ውስጥ ተሰብስበው በዝየራ ላይ በነበሩት ሰዎች ላይ ቦንቡን በመወርወር በ24 ሰዎች ላይ ቀላልና ከባድ የአካል ጉዳት በማድረሱ በሽብርተኝነት ወንጀል ድርጊት በመፈጸም ክስ ተመስርቶበት ቆይቷል።

የፌደራል ዐቃቤ ህግም በጉዳዩ ላይ 30 ሰዎችን የምስክርነት ቃልና የተጎጂዎችን የህክምና ማስረጃ እንዲሁም የተከሳሽን የእምነት ቃል ለፍርድ ቤቱ ያቀረበ ሲሆን ፍርድ ቤቱም ተከሳሽን ጥፋተኛ በማለት የ11 ዓመት ፅኑ እስራት እንደበየነበት የፌዴራል ጠቅላይ ዐቃቤ ሕግ አስታውቋል።

ምንጭ፦ ፋና ብሮድካስቲንግ
@tsegabwolde @tikvahethiopia

#update ኦቦ ለማ መገርሳ⬆️

መንግስት ከዚህ በኋላ የህዝቡን ደህንነትና ህገመንግስቱን የሚጥሉ አካላትን እንደማይታገስ የኦሮሚያ ክልል ርእሰ መስተዳድር አቶ #ለማ_መገርሳ አስታወቁ።

ርእሰ መስተዳድሩ አቶ ለማ መገርሳ ወቅታዊ ጉዳዮችን አስመልክተው በሰጡት መግለጫ ነው ይህንን ያሉት።

በመግለጫቸውም ሰሞኑን በምእራብ ኦሮሚያ ዞኖችና በቄለም ወለጋ በኦነግ ስም በመታጠቅ ህዝቡን ለችግር እየዳረገ ያለ አካል በአፋጣኝ ከዚህ ተግባር #እንዲታቀብ አሳስበዋል።

መንግስት እስካሁን እንዲህ አይነቱን ተግባር በትእግስት ሲመለከት ነበር ያሉት አቶ ለማ፥ ከዚህ በኋላ ግን መንግስት የህዝቡን ደህንነት ለመጠበቅ እና ህገ መንግስቱን ለማስከበር እንደሚሰራ ለኦቢኤን ተናግረዋል።

ህብረተሰቡ እና የሀገር ሽማግሌዎች በዚህ ተግባር ላይ የተሰማሩ እና እጃቸው ያለበት ሰዎች ይህን ተግባራቸውን እንዲያቆሙ ጥሪ በማቅረብ ወደ ሰላማዊ መንገድ እንዲመጡ በማድረግ የበኩላቸውን እንዲወጡም ጠይቀዋል።

በተያያዘ ዜና በኦሮሚያ ክልል እና በቤኒሻንጉል ጉሙዝ ክልል አዋሳኝ አካባቢዎች ላይ እየተስተዋለ ያለውን የፀጥታ ችግር በአፋጣኝ ለመፍታት በሚቻልባቸው ጉዳዮች ላይ የሁለቱ ክልሎች ርእሳነ መስተዳድሮች ተወያይተዋል።

የኦሮሚያ ክልል ርእሰ መስተዳድር አቶ ለማ መገርሳ እና የቤኒሻንጉል ጉሙዝ ክልል ርእሰ መስተዳድር አቶ አሻድሊ ሀሰን በዛሬው እለት በኦሮሚያ ክልል ርእሰ መስተዳድር ጽህፈት ቤት ተገናኝተው ነው የተወያዩት።

በውይይታቸውም በኦሮሚያ ክልል እና በቤኒሻንጉል ጉሙዝ ክልል አዋሳኝ አካባቢዎች የሚስተዋለውን የዜጎች መፈናቀል #ለማስቆም ተስማምተዋል።

በሁለቱ ክልሎች መካከል የተደረሰው ስምምነትም በአፋጣኝ ተግባራዊ እንዲሆን ከስምምነት መድረሳቸውም ታውቋል።

ምንጭ፦ OBN
@tsegabwolde @tikvahethiopia

#update አዲስ አበባን ከመቀለ የሚያገናኘው ዋና መንገድ በአማራና በትግራይ ክልሎች ድንበር ላይ #በመዘጋቱ የትራፊክ እንቅስቃሴ ተገቷል።

ምንጭ፦ ETHIOPIA LIVE UPDATE
@tsegabwolde @tikvahethiopia

በርሊን⬆️ጠቅላይ ሚንስትር ዶ/ር ዐብይ አህመድ በበርሊን ከተማ የሚገኘዉንና በጀርመንኛ አጠራሩ «Brandenburger Tor» ወይም የብራንደንበርግር በር ወይም አደባባይ አከባቢ ተገኝተው ነበር።

ምንጭ፦ ዶቼ ቨለ
@tsegabwolde @tikvahethiopia

#update ትናንት አልሸባብ 30 የኢትዮጵያ ወታደሮችን በለድወይን ከተማ አቅራቢያ ገደልኩ ሲል ያወጣውን ዘገባ ዛሬ አሚሶም ባወጣው መግለጫ #አስተባብሏል።

ምንጭ፦ ጋዜጠኛ ኤልያስ መሰረት
@tsegabwolde @tikvahethiopia

ከወ/ሮ ዳግማዊት ሞገስ‼️

ለሚንስትር መስሪያ ቤታችን ተጠሪ ከነበሩ ተቋማት መካከል ከዚህ ቀደም ተጠሪነቱ ለትራንስፖርት ሚንስተር የሆነው የኢትዮጲያ አየር መንገድ በመንግስት ልማት ይዞታ አስተዳደር ኤጀንሲ ተቋም ስር ሆኖ #ተጠሪነቱም ለገንዘብና ኢኮኖሚ ሚኒስትር ሆነዋል፡፡ በዚህም መሰረት ለሚንስትር መስሪያ ቤታችን ተጠሪ የሆኑ ተቋማት የሚከተሉት ናቸው፡-

1. የኢትዮጲያ መንገዶች ባለስልጣን
2. ትራንስፖርት ባለስልጣን
3. የክፍያ እና መንገዶች ኢንተርፕራይዝ
4. የመንገድ ፍንድ ጽ/ቤት
5. መድን ፈንድ አስተዳደር
6. የሲቪል አቭዬሽን ባለስልጣን
7. የማሪታይም ጉዳዮች በባለስልጣን
8. የምድር ባቡር ኮርፕሬሽን
9. ኢትዮ-ጅቡቲ ምድር ባቡር አ/ማ
10. የፐብሊክ ሰርቪስ ሰራተኞች ትራንስፖርት አገልግሎት ድርጅት ናቸው፡፡

ምንጭ፦ Dagmawit Moges, Minister of Transport
@tsegabwolde @tikvahethiopia

#Update በ5 ሰዓት ውስጥ ለህፃን #በናያስ የህክምና ወጪ ከTIKVAH-ETH ቤተሰብ አባላት 13,000 ብር ለመሰብሰብ ተችሏል።

150,000 ብር ለህክምናው የሚያስፈልገው!
የሚቀረው ቀን 5!
@tsegabwolde @tikvahethiopia