TIKVAH-ETHIOPIA

#update የዩኒቨርሲቲዎች ቅበላ⬇️

የትምህርት ሚንስቴር የዩኒቨርስቲዎች የአዲስ እና ነባር ተማሪዎች የቅበላ ጊዜን ይፋ ማድረጉ ተከትሎ ዩኒቨርስቲዎቹ በወጣላቸው መርሃ ግብር መሰረት ከዛሬ ጀምሮ ተማሪዎቻቸውን መቀበል ይጀምራሉ።

ተማሪዎቻቸውን ያለምንም የትራንስፖርት ችግር ወደ ዩኒቨርስቲዎቻቸው እንዲገቡ ቅድመ ዝግጅት ማድረጋቸውን የአዲስ አበባ፣ አምቦ እና የጅማ ዩንቨርስቲዎች ለfbc አስታውቀዋል።

ተማሪዎችን ከመናሃርያ ተቀብለው ወደ ተመደቡባቸው ዩኒቨርስቲዎች ለማጓጓዝ መዘጋጀታቸውን ይፋ ያደረጉት።

አዲስ አበባ ዩኒቨርስቲ ለfbc እንዳስታወቀው፥ ጥቅምት 8 እና 10 ነባር ተማሪዎቹን እንዲሁም ጥቅምት 11 እና 12 ደግሞ አዲስ ተማሪዎቹን ይቀበላል።

ለዚህም ከተለያዩ የሀገሪቱ ክፍሎች ወደ አዲስ አበባ የሚመጡ ተማሪዎች በሚያርፉባቸው የተለያዩ መናሃሪያዎች በመገኘት ወደ ዩኒቨርስቲው የሚያጓጉዙ አውቶብሶችን ማዘጋጀቱን የዩኒቨርስቲው ፕሬዚዳንት ፕሮፌሰር ጣሰው ወልደሃና አስታውቀዋል።

አምቦ ዩኒቨርስቲ በበኩሉ ጥቅምት 12 እና 13 ነባር ተማሪዎችን እንዲሁም ጥቅምት 19 እና 20 ደግሞ አዲስ ተማሪዎችን ለመቀበል ተዘጋጅቷል።

ዩኒቨርስቲው አውቶብሶቹን ወደ አዲስ አበባ በመላክ ከሰሜን፣ ደቡብ እና ምስራቅ የሀገሪቱ ክፍሎች ወደ አዲስ አበባ የሚመጡ ተማሪዎቹን ባዘጋጃጀው አውቶብሶች ወደ ወናው ካንፓስ እና ሌሎች ተጨማሪ ሶስት ካምፓሶቹ ለማጓጓዝ መዘጋጀቱን የዩኒቨርስቲው የህዝብ ግንኝነት አስተባባሪ አቶ ሙለታ ሩጉማ ተናግረዋል።

በተመሳሳይ የጅማ ዩኒቨርስቲ ተማሪዎችን ለመቀበል አስፈላጊውን ዝግጅት ማድረጉን የዩኒቨርስቲው የህዝብ ግንኝነት ሀላፊ ዶክተር አሸናፊ በላይ አስታውቀዋል።

ዶክተር አሸናፊ፥ ከአዲስ አበባ ወደ ዩንቨርስቲው የሚወስዱ የዩኒቨርስቲው ተሽከርካሪዎች እንደሚመደቡ ገልጸዋል። ዩኒቨርስቲው ጥቅምት 12 እና 13 ነባሮችን ጥቅምት 19 እና 20 ደግሞ አዲስ ተማሪዎችን ይቀበላል።

የትራንስፖርት እጥረትን ለመቅረፍ ከዚህ ቀደም የአጭር ርቀት ጉዞ ብቻ የተፈቀደላቸው ተሽከርካሪዎች በጊዜያዊነት የረጀም ርቀት እንዲፈቀድላቸው ከሚመከተው ተቋም ጋር እየተሰራ መሆኑን በትምህርት ሚንስቴር የከፍተኛ ትምህርት ተቋም ሚንሰትር ደኤታ ዶክተር ሳሙኤል አስታውቀዋል።

በባለስልጣኑ የየብስ ትራንስፖርት አገልግሎት አሰጣጥ ማረጋገጫ ዳይሬክተር አቶ ተስፋየ በላቸው፥ የተማሪዎችና የሸኝዎችን ችግር ግምት ውስጥ በማስገባት ከዚህ ቀደም የነበረው የኪሎ ሜትር ገደብ መነሳቱን ገልፀዋል።

ይህም የዩኒቨርስቲዎች ጥሪ ተጀምሮ እስከ ሚጠናቀቅበት ጊዜ ድረስ የሚቆይ ሲሆን፥ ተማሪዎችን ታሳቢ ተደርጎ የተጀመረ አዲስ አሰራር መሆኑን ነው አቶ ተስፋዬ የተናገሩት።

አሰራሩ በሶስቱም የርቀት ገደቦች ላይ ተግባራዊ የሚደረግ ሲሆን፥ በዚህም ከአዲስ አበባ ውጪ ያሉ የአገልግሎቱ ፈላጊዎች ወደ አዲስ አበባ ሳይመጡ ካሉበት ክልል በቀጥታ የከፍተኛ ትምህርት ተቋሙ ወደ ሚገኝበት ክልል አንዲጓዙ ያስችላል።

ምንጭ፦ ፋና ብሮድካስቲንግ
@tsegabwolde @tikvahethiopia

69.4K viewsTsegab Wolde, edited 12:51