#update ፌደራል ፖሊስ⬆️

የፌደራል ፖሊስ ኮሚሽን የሰው ሀይሉን ለማጠናከር ለ16ኛ ዙር ያሰለጠናቸውን ከ5ሺህ በላይ ምልምል ፖሊሶችን በዛሬው እለት አስመርቋል፡፡ የፌዴራል ፖሊስ ኮሚሽን ምክትል ኮሞሽነር ጀነራል ይደህጎ ስዩም ለተመራቂዎች መመረቃቸውን በማብሰር ወደተመደቡበት የስራ ቦታ ሲሄዱ ሀገራቸው የጣለችባቸውን አደራ በብቃት እንዲወጡ እና #የህግ_የበላይነት እንዲሰፍን ጠንክረው እንዲሰሩ ከአደራ ጭምር የስራ መመሪያ ሰጥተዋል፡፡

የፌደራል ፖሊስ ኮሚሽን የመደበኛና ልዩ ልዩ ሙያ ስልጠና ዳይሬክተር ኮማንደር ተስፋዬ ወንድሙ እነደገለጹት ምልምል ፖሊሶች ከመላ ሀገሪቱ የሚገኙ ወጣቶች መሀከል መስፈርቱን በማሟላት የተመለመሉ መሆናቸውን በማስታወስ ለተከታታይ 8 ወራት በፖለስ ሙያ የተለያዩ ስልጠናዎችን በብቃት የተወጡ መሆናቸውን ገልጸዋል፡፡

የስልጠና ሀላፊው እነደገለጹት የፌደራል ፖሊስ ኮሚሽን ሀላፊዎች እና ጥሪ የተደረገላቸው እንግዶቸች በተገኙበት በጦላይ ማሰልጠኛ መዕከል ስነስረአቱ ተከናወናል ብለዋል፡፡ ፖሊስ መኮነኑ አየይዘውም ከተመረቂዎች መሀከል 822 ምልምል የሴት ፖሊሶች መሆናቸውን ተናግረዋል፡፡

ምንጭ፦ የፌዴራል ፖሊስ ኮሚሽን
@tsegabwolde @tikvahethiopia

#udate ሳምንታዊ የመንግስት መግለጫ⬇️

በኢትዮጵያ #የህግ የበላይነትን ለማስከበር ከመቼውም ጊዜ በላይ ትኩረት ሰጥቶ እንደሚሰራ አስታወቀ።

የአገሪቷን ሰላም፣ ልማት እና ዴሞክራሲ ለማረጋገጥ የህግ የበላይነት መከበር እንዳለበት የመንግስት ኮሚዩኒኬሽን ጉዳዮች ጽህፈት ቤት ለኢትዮጵያ ዜና አገልግሎት በላከው ሳምንታዊ የመንግስት አቋም መግለጫው አመልክቷል።

በኢትዮጵያ እየተካሄደ ያለው ለውጥ ለህዝቦቿ ተስፋ ሰጪ ከመሆኑ በላይ ከአገር አልፎ ለአጎራባች የአፍሪካ አገሮች ጭምር ተምሳሌት መሆኑን የታወቁ የዓለም ፖለቲካ ተንታኞችና ተቋማት እየመሰከሩለት መሆኑን ጠቅሷል።

ይሁን እንጂ ለውጡን የማይደግፉ ቡድኖች አንዳንድ አደናቃፊ ተግባራትን ሲፈፅሙ እንደሚስተዋል አመልክቷል።

እነዚህ አካላት ከሰሞኑ በቡራዩ እና በአዲስ አበባ አንዳንድ አካባቢዎች ባስነሱት ግጭት የሰው ህይወት ጠፍቷል፤ “የዜጎች ጥሪትም ወድሟል” ሲል አመልክቷል።

“የንፁሃን ዜጎችን ደም ማፍሰስ፣ አካል ማጉደል እና ለዓመታት ለፍተውና ደክመው ያፈሩትን ሃብት በመዝረፍና በማውደም፤ ሁሉም የሚረባረብለትን የለውጥ ጉዞ ለማጠልሸት መስራት ለማንም ትርፍ አያስገኝም” በማለትም አስገንዝቧል።

በመሆኑም በደረሰው ጉዳት ህዝብ እና መንግስት አዝነዋል ያለው የመንግስት መግለጫ “ድርጊቱ የየትኛውንም ብሄር የማይወክል እና ክስተቱ ለውጡን የሚያፋጥን እንጂ ሊያደበዝዝ አይችልም” ብሏል።

በአዲሲቷ ኢትዮጵያ ከእንግዲህ ማሸነፍና ሥልጣን መያዝ የሚቻለው የተሻለ ሃሳብ በማቅረብ ተወዳድሮ በማሸነፍ እንጂ #በአመጽና በኃይል ሊሆን እንደማይችልም በመግለጫው ተመልክቷል።

የህግ የበላይነት ባልሰፈነበት ሁኔታ የአገሪቷን #ሰላም፣ ልማት እና ዴሞክራሲ ማረጋገጥ የማይቻል በመሆኑ መንግስት ኃላፊነቱን ለመወጣት ከመቼውም ጊዜ በላይ ለህግ የበላይነት #መከበር በትኩረት እንደሚሰራ አስታውቋል።

@tsegabwolde @tikvahethiopia