#update ሶማሌ ክልል⬇

የኢትዮጵያ ሶማሌ ክልል የቀድሞ ርእሰ መስተዳድር አቶ አብዲ መሃመድ ዑመር በተጨማሪ ሌሎች ያለመከሰስ መብታቸው የተነሳባቸው 6 የክልሉ ከፍተኛ አመራሮች በቁጥጥር ስር መዋላቸውን የፌዴራል ፖሊስ ኮሚሽን አስታውቋል።

የኢትዮጵያ ሶማሌ ክልል ምክር ቤት የቀድሞ የክልሉን ፕሬዝዳንት አብዲ መሃመድ ኡመርን ጨምሮ የ7 ከፍተኛ አመራሮችን #ያለመከሰስ መብት እሁድ እለት ባካሄደው አስቸኳይ ጉባኤው ማንሳቱ ይታወሳል።

በዚህም መሰረት የክልሉ ቁልፍ አመራሮች በቁጥጥር ስር መዋላቸውን የፌዴራል ፖሊስ ኮሚሽን ኮሚሽነር ጀነራል ዘይኑ ጀማል በተለይም ለFBC አስታውቀዋል።

በቁጥጥር ስር የዋሉት ተጠርጣሪዎች በፍጥነት ፍርድ ቤት እንደሚቀርቡና ሌሎች በቁጥጥር ስር ያልዋሉ ከጉዳዩ ጋር ቀጥተኛ ግንኙነት ያላቸው የክልሉ አመራሮችን በፍጥነት በቁጥጥር ስር ለማዋል እንደሚሰራም ኮሚሽነሩ ተናግረዋል።

ከክልሉ ከፍተኛ አመራሮች በተጨማሪ በአብዲ መሃመድ ዑመር እንደተቋቋመ የሚነገርለት “ሄጎ” የወጣት ቡድን አባላትና አመራሮች፤ እንደዚሁም ሌሎች ጉዳዩ የሚመለከታቸውን ሰዎች ዝርዝር በማዘጋጀት የመለየት ስራ መሰራቱንም ኮሚሽነር ዘይኑ አስታውቀዋል።

በቁጥጥር ስር የዋሉት የክልሉ የቀድሞ ርእሰ መስተዳድር አቶ አብዲ መሃመድ ዑመር በክልሉ ፈፅመውታል ተብለው የተጠረጠሩባቸውን ወንጀሎች በተመለከተ ላለፉት 15 ቀናት በክልሉ የኢሶህዴፓ አመራሮች፣ የክልሉ ምሁራን፣ የኃይማኖት አባቶችና የሀገር ሽማግሌዎች በተገኙበት ውይይት የተካሄደ ሲሆን፥ በአመራሩ መሪነት አሰቃቂ የሆነ የሰብዓዊ መብት ጥሰት መፈጸሙ በውይይቱ ጎልቶ ወጥቷል።

ከሰብዓዊ መብት ጥሰት ባለፈም አቶ አብዲ የህዝብን ሃብት ለግል ጥቅም በማዋል፣ በከፍተኛ ዝርፊያ፣ የመንግስት አሰራርን ወደ ጎን በመተው የህዝብ ሃብት በግለሰቦች እንዲዘረፍ በማድረግና በሌሎች በርካታ ወንጀሎች መጠርጠራቸውን ኮሚሽነር ዘይኑ ተናግረዋል።

የአብዲ መሃመድ ዑመር በቁጥጥር ስር መዋል ለኢትዮጵያ ብዙ ትርጉም እንዳለው የተናገሩት ኮሚሽነር #ዘይኑ_ጀማል፥ ህዝብን በድሎ፣ የሰብዓዊ መብትን ረግጦ፣ የህዝብን ስልጣን ለግል ጥቅምና ዝና ከማዋልም ባለፈ ሰውን #በመግደልና መስዋዕት በማድረግ በስልጣን እቆያለሁ ብሎ ማሰብ በኢትዮጵያ ውስጥ የማይቻል መሆኑን ያመላክታል ብለዋል።

ከዚያም ባለፈ የአቶ አብዲ መሃመድ በቁጥጥር ስር መዋል በኢትዮጵያ ውስጥ የህግ የበላይነት የማክበርና የማስከበር ጉዳይ ከጊዜ ወደጊዜ ለውጥ እያመጣ መሆኑን ከመጠቆሙም ባለፈ የህግ የበላይነት አይመለከተንም ብለው የሚያስቡ ሰዎች ቆም ብለው እንዲያስቡ የሚያደርግ መሆኑን ኮሚሽነሩ ገልጸዋል።

©ፋና ብሮድካስቲንግ
@tsegabwolde @tikvahethiopia

#update ፌደራል ፖሊስ⬇️

በሶማሌ ክልል በተከሰተው ቀውስ በአንድ ቀን 96 ሰዎች መገደላቸውን የፌዴራል ፖሊስ ኮሚሽን ኮሚሽነር ጄኔራል #ዘይኑ_ጀማል ለቢቢሲ ገልፀዋል።

ሰዎቹ የተገደሉት ቀውሱ በተነሳበት የመጀመርያው ቀን #ሐምሌ 27፣ 2010 ዓ. ም. ሲሆን፤ በሶማሌ ክልል ዋና ከተማ ጅግጅጋን ጨምሮ በክልሉ የተለያዩ ከተሞች #ግድያው መፈጸሙን ተናግረዋል።

ሰዎቹ የተገደሉት #በአሰቃቂ ሁኔታ መሆኑን ተናግረው፤ ሀይማኖትና ብሔርን ለይቶ የተሰነዘረ ጥቃት እንደሆነ አክለዋል።

"ከዘር #ጭፍጨፋ አይተናነስም" ብለዋል። መነሻው የክልሉ አመራሮች አቅደው፤ ተግባሩን የሚፈጽሙ ሰዎች አሰልጥነውና አሰማርተው መሆኑን ኮሚሽነሩ ገልጸዋል።

እስከ አሁን የክልሉን የቀድሞ ፕሬዘዳንት አቶ አብዲ ሞሀመድ ኡመርን ጨምሮ ሰባት ተጠርጣሪዎች በቁጥጥር ስር መዋላቸውን ተናግረዋል።

'ሄጎ' በመባል የሚታወቀው ቡድን በግድያው እጁ ስለመኖሩ ቢቢሲ ላቀረበላቸው ጥያቄ፤ "በዋናነት በግጭቱ ተሳትፈዋል የሚባሉት #ሄጎ በሚባለው ቡድን አባላት ናቸው። ሄጎ የሚባለውን #የፈጠሩ፣ እቅዱን ያቀነባበሩ የክልሉ የፖለቲካ #አመራሮች፣ የክልሉ የካቢኔ አባላትና ሌሎች የመንግስት ከፍተኛ #ባለስልጣኖችን በቁጥጥር ስር የማዋል ስራ እየሰራን ነው" ብለዋል።

ልዩ ፖሊስ በግድያው ተሳትፎ ስለመሆኑ ከቢቢሲ ለቀረበላቸው ጥያቄ "ማን በምን ደረጃ ተሳተፈ የሚለው ተጣርቶ ለህዝብ ይፋ ይደረጋል" ሲሉ ኮሚሽነሩ አስረድተዋል።

በጅግጅጋ የሚኖሩ የተለያዩ አካባቢዎች ተወላጆች ስጋት እንዳላቸው የሚናገሩት ጄኔራል ዘይኑ፤ የፌደራል ፖሊስና የመከላከያ ሰራዊት የክልልሉን ዋና ዋና ከተማዎች መቆጣጠሩ አንጻራዊ ሰላም ማስፈኑን ገልጸዋል።

በአሁን ወቅት አዲሱ የክልሉ ፕሬዘዳንት አቶ ሙስጠፋ ኡመር በተለያዩ አካባቢዎች እየተዘዋወሩ ህብረተሰቡን እየጎበኙ መሆኑን ተናግረዋል።

የተፈናቀሉ ሰዎችን ወደ አካባቢው መመለስ ቀጣዩ ስራ መሆኑን ተናግረው፤ በዚህ ረገድ የአካባቢው ማህበረሰብ እየተባበራቸው እንደሚገኝ ጠቁመዋል።

ምንጭ፦ ቢቢሲ
@tsegabwolde @tikvahethiopia

#update ኢንጂነር ስመኘው⬇️

ኢንጂነር ስመኘው በቀለ በሰው በደረሰባቸው ጉዳት ህይወታቸው እንዳላለፈና ራሳቸውን እንዳጠፉ የምርመራ ውጤቱ እንደሚያመላክት ፖሊስ ገለፀ።

ፖሊስ የኢንጂነር ስመኘውን አሟሟት በተመለከተ በሰጠው መግለጫ፥ ኢንጅነር ስመኘው ራሳቸውን ማጥፋታቸውን የተደረገው የምርመራ ውጤት ያመላክታል ብሏል።

ፖሊስ በመግለጫው ሞተው የተገኙበት መኪና ውስጥ የተገኘው ሽጉጥም በእርሳቸው ስም ተመዝግቦ የሚገኝ መሆኑን ገልጿል።

በፎረንሲክ ምርመራ በተገኘው ውጤት መሰረትም የሽጉጡ ቀልሃና የተገኘው እርሳስም የዚሁ ሽጉጥ መሆኑን ፖሊስ እንዳረጋገጠ አስታውቋል።

ኢንጅነር ስመኘው ከመሞታቸው ቀደም ብሎ ባለው ቀን ከትልቁ ልጃቸው ጋር የስንብት የሚመስል መልዕክት መለዋወጣቸውንም ነው ፖሊስ በመግለጫው ያነሳው።

ኢንጅነሩ ባደረጉት የስልክ ልውውጥም በአብዛኛው የስንብት ይዘት ያለው መልዕክትን ከልጃቸውና ፀሃፊያቸው ጋር ተለዋውጠዋልም ነው ፖሊስ።

ከዚህ ጋር ተያይዞም ለፀሃፊያቸው ልጀን አደራ የሚል መልክዕክት ማስተላለፋቸውን የፌደራል ፖሊስ ጀኔራል ኮሚሽነር #ዘይኑ_ጀማል ተናግረዋል።

በሞቱበት ዕለት ማለዳ ላይም ለአንደኛው ሾፌራቸው ፖስታ በመስጠት ለማን እንደሚያደርስላቸው እነግርሃለው ማለታቸውን እና ለሌላኛው ሾፌር ደግሞ ፖስታ መንግስት ኮሙዩኒኬሽን ጉዳዮች ጽህፈት ቤት እንዲያደርስላቸው መስጠታቸውም በመግለጫው ተነስቷል።

©fbc
@tsegabwolde @tikvahethiopia