#Amaharic #Russia

ከቀጣይ ሳምንት ጀምሮ በሞስኮ የሚገኙ ት/ቤቶች የአፍሪካ ቋንቋዎችን ማስተማር ይጀምራሉ ተባለ።

በዚህም የአማርኛ ቋንቋ አንዱ ሆኖ ይሰጣል።

የሞስኮ ትምህርትና ሳይንስ ክፍልን ዋቢ በማድረግ ስፑትኒክ እንደዘገበው ፤ ሩሲያ ባለፈው ግንቦት ወር ላይ ከመስከረም ወር ጀምሮ #አማርኛ እና #ስህዋህሊ ቋንቋዎችን በሞስኮ በሚገኙ በአራት ት/ቤቶች ማስተማር እንደምትጀምር ባሳወቀችው መሰረት ትምህርቱ መሰጠት ይጀምራል።

እንደ ዘገባው ከሆነ " 1517 " የተሰኘው የፔዳጎጂ ትምህርት ቤት ስዋህሊ ቋንቋን ሁለተኛው የውጭ ቋንቋ አድርጎ ያስተምራል።

" 1522 " የተሰኘው ትምህርት ቤት ደግሞ አማርኛ ቋንቋን እንደሚያስተምር ተገልጿል።

ሩሲያ የአፍሪካ እና ሞስኮን ወዳጅነት ለማጠናከር በሳምንት አንድ ወይም ሁለት የትምህርት ክፍለ ጊዜዎች ለአፍሪካ ቋንቋዎች ማስተማሪያ እንዲውሉ ይደረጋል ብላለች።

ሩሲያ በቀጣይ በምዕራብ አፍሪካ ሰፊ ተናጋሪ ያለው ዩርባ ቋንቋን ማስተማር እንደምትጀምር ገልጻለች።

በመቀጥልም #ሶማልኛ እና የዙሉ ቋንቋዎችን በሩሲያ ትምህርት ቤቶች ለማስተማር የሚያስችል ጥናት እየተካሄደ ነው።

ሌላኛዋ ሀገር ቻይና አማርኛ ቋንቋን በመጀመሪያ ድግሪ ደረጃ ማስተማር እንደምትጀምር ከዚህ ቀደም መግለጿ ይታወቃል።

አማርኛ ቋንቋ በቤጂንግ የውጭ ጥናት ዩኒቨርስቲ (BFSU) ከሚሰጡ 101 የውጭ ቋንቋ ትምህርቶች አንዱ ሆኖ ይሰጣል ተብሏል።

መረጃው የ #አልዓይን (ስፑትኒክ) ነው።

ስፑትኒክ አፍሪካ ፦ https://www.facebook.com/100091796831512/posts/pfbid02Zf2NYdkBuBFDA8UDxBbtf5ZBGbRVPjYGUWzgeLVL365qBrKQgthGS622GJqo2PNul/?app=fbl

@tikvahethiopia

#መቐለ

በወርሃ ጳጉሜን የተጠየቀው የተቋውሞ ሰላማዊ ሰልፍ ጥያቄ ማስተናገድ እንደማይችል የመቐለ ከተማ አስተዳደር አስታወቀ።

የከተማው አስተዳደር ይህንን ያስታወቀው በክልሉ የሚንቀሳቀሱ ሶስት የፓለቲካ ፓርቲዎች በጥምር ከጳጉሜ 2 አስከ 4 /2015 ዓ.ም በተከታታይ የአደባባይ የተቋወሞ ስልፍ እንዲካሄድ ላስተላለፉት ጥሪ በሰጠው ምላሽ ነው።

ሳልሳይ ወያነ ትግራይ፣ ብሄራዊ ባይቶ ዓባይ ትግራይ  (ባይቶና )  ውድብ ናፅነት ትግራይ የተባሉ የፓለቲካ ፓርቲዎች በጋራ ነሃሴ 23 /2015 ዓ.ም በሰጡት ጋዜጣዊ መግለጫ " መሰረታዊ ለውጥ " በሚል መሪ ቃል ሁሉም የህብረተሰበረ ክፍል የሚሳተፍበት የተቋውሞ ሰላማዊ ሰልፍ ጠርተዋል። 

የከተማው ዋና መንገዶች በመዞር ሮማናት በተባለው የመቐለ አደባባይ እንደሚጠናቀቅ በተገለፀው የተቋውሞ ሰልፍ  ፦
- የትግራይ ግዛት ማስከበር ፣
- የተፈናቃዮች ወደ ቄያቸው መመለስ የሚሉና ሌሎች ጉዳዮች እንደሚያነሱ በጋዜጣዊ መግለጫቸው ገልፀዋል ፓርቲዎቹ። 

የመቐለ ከተማ አስተዳደር የፓርቲዎቹን ጋዜጣዊ መግለጫ ተከትሎ  ነሃሴ 25/2015 ዓ.ም ባወጣው የፅሁፍ መግለጫ  ሰላማዊ ሰልፍ ማካሄድ በኢፌዴሪ አዋጅ ቁጥር  3/1991 የተቀመጠ መብት ቢሆንም የተመረጠው ጊዜ አዲስ አመትና ሃይማኖታዊ በዓላት የሚበዙበት በመሆኑ ለማስተናገድ እቸገራለሁ ብሏል።

የከተማው አስተዳደር ለተጠራው የተቋውሞ ሰልፍ ፀጥታ የማስከበር ግዴታና ሃላፊነት እንዳለበት በመጥቀስ ፤ ይሁን እንጂ በበዓሉ በሚኖረው የህዝብና የመኪና ሰፊ እንቅስቃሴ ምክንያት በሚፈጠር የስራ መደራረብ ምክንያት የቀረበውን ጥያቄ ማስፈፀም አልችልም ብሏል።

የተቋውሞ ሰልፉን የጠሩ ሶስቱ ፓርቲዎች የከተማ አስተዳደሩ ላወጣው መግለጫ ይፋዊ የመልስ መግለጫ ባይሰጡም በማህበራዊ የትስስር ገፃቸው ስልፉ እንደሚደረግ እየገፉበት ነው ሲል የቲክቫህ ኢትዮጵያ የመቐለ ቤተሰብ ዘግቧል።

More : @tikvahethiopiatigrigna

@tikvahethiopia

የኢትዮጵያ ሆቴል እና ቱሪዝም አሰሪዎች ፌዴሬሽን ዶ/ር ፍትህ ወልደሰንበትን በድጋሚ የፌዴሬሽኑ ፕሬዝዳንት አድርጎ መረጣቸው።

ከዚህ ቀደም የኢትዮጵያ ሆቴልና መሰል አገልግሎት ሰጪ አሰሪዎች ፌዴሬሽን በሚል ስያሜ የሀገሪቱ የሆቴል እና መሰል አገልግሎት ባለቤቶችን አባል አድርጎ ሲሰራ የነበረው  አሁን ስያሜውን የኢትዮጵያ ሆቴል እና ቱሪዝም አሰሪዎች ፌዴሬሽን በማለት ሰይሟል።

የፌዴሬሽኑ ጠቅላላ ጉባኤ ትላንት እና ዛሬ የተደረገ ሲሆን የፌዴሬሽኑ ጠቅላላ ጉባኤ ዶ/ር ፍትህ ወልደሰንበትን በድጋሚ የፌዴሬሽኑ ፕሬዝዳንት አድርጎ መረጧዋል፡፡

ፌዴሬሽኑ አስራ አንድ የቦድር አባላትንም የመረጠ ሲሆን ፦

- ዶ/ር ፍትህ ወልደሰንበት - ፕሬዝደንት - ከሀዋሳ

- አቶ ሙሉጌታ ቢያዝን - ተም/ ፕሬዝደንት - ከባህር ዳር

- አቶ ቴዎድሮስ ደበላ - ም/ ፕሬዝደንት - ከጅማ

- አቶ ዘውዱ በላይ - ዋና ጸሀፊ - ከቢሾፍቱ ሆነው ተመርጠዋል።

ከዚህ በተጨማኢ አቶ ወርቁ ታምራት (ከባህር ዳር) ፣ አቶ ሳሙኤል ታፈሰ (ከአዲስ አበባ) ፣ አቶ አየነው ሀብቴ (አርባምንጭ)፣ አቶ አለማየሁ ድንቁ (ከሀረር)፣ ኢንጂ መሀመድ አህመድ (ከጅማ) ፣ ወ/ሮ ሂሩት ጸጋዬ (ከድሬዳዋ) የቦርድ አመራር ሆነው ተመርጠዋል።

አቶ ዩሀንስ ወልደጊዮርጊሰ (ከላሊበላ) የሂሳብ ሹም ሆነዋል።

በፌዴሬሽኑ ህገ ደንብ መሰረት ለዘርፉ ባደረጉት አስተዋጽዎ እና በፈጠሩት የሥራ ዕድል የፌዴሬሽኑ የበላይ ጠባቂ እና የክብር አባላትንም ሰይሟል።

በዚህም ፦

👉 ሻለቃ ሀይሌ ገብረስላሴ - የበላይ ጠባቂ - ከሀይሌ ሆቴሎች
👉 አቶ ጀማል አህመድ - የክብር አባል - ከሸራተን ሆቴሎች
👉 አቶ ታዲዎስ ጌታቸው - የክብር አባል ከኩሪፍቱ ሆቴሎች
👉 አቶ በላይን ክንዴ - የክብር አባል - ከኢትዮጵያ ሆቴሎች
👉 ወ/ሮ ጸደይ አስራት - የክብር አባል - ከካልዲስ ካፌ እና ሬስቶራንት
👉 አቶ ትዕዛዙ ኮሬ - ከዮድ አቢሲኒያ የባህል ማዕከል እና ሆቴሎች
👉 አቶ በቀለ ሞላን (ቤተሰቦቻቸው) - የምግዜም የክብር አባል ያደረገ ሲሆን በትላንት ውሎውም የሀገሪቱ የሆቴል እና ቱሪዝም ዘርፍ ያለውን አቅም፤ ያለበትን ተግዳራቶች እንዲሁም ያሉትን መልካም አጋጣሚዎች ከሀገር አቀፍ ደረጃ በማስጠናት የቀረብ ሲሆን የፌዴሬሽኑም የቀጣይ አምስት አመታት የሚሰራበትን ስትራቴጂክ ፕላን ቀርቦ በመንግስት ከፍተኛ ሀላፊዎች በአባላቱ እና በባለድርሻ አካላት አስገምግሞ ጉባኤው አጽድቆታል፡፡

@tikvahethiopia

#Update

" ሰላማዊና ለውጥ ፈላጊውን ህዝባችን ይዘን በያዝነው የግዜ ሰሌዳ ሰልፉን እንደምናካሂደው ልናረጋግጥላችሁ እንወዳለን " - ሶስቱ ፓርቲዎች

ሳልሳይ ወያነ ትግራይ፣ ብሄራዊ ባይቶ ዓባይ ፣ ትግራይ ውድብ ናፅነት ትግራይ ለመቐለ ከተማ አስተዳደር ምላሽ ሰጡ።

ፓርቲዎቹ ፤ በቀን 24 ቀን 2015 ዓ.ም በትግራይ መሰረታዊ ለውጥ ለማምጣት " ኪዳን ንሱር ቦቆስ ለውጢ " በሚል መሪ ቃል ከጳጉሜን 2 እስከ 4 /2015 ዓ.ም በመቐለ ሮማናት አደባባይ ለሚያካሂዱት ሰላማዊ ሰልፍ የከተማ አስተዳደሩ እንዲያውቀውና አስፈላጊውን ፀጥታ የማስከበር ስራ እንዲሰራ ደብዳቤ ልከው እንደነበር አስታውሰዋል።

የከተማው አስተዳደር የተላከውን ጥያቄ አስመልክቶ የላከውን ደብዳቤ ደርሷቸው በሚገባ መመርመራቸውን ገልጸዋል።

ፓርቲዎቹ በደብዳቤው ላይ እንደተገለፀው " በሰልፉ የፀጥታ ስራ ማስከበር ተፈጥሮአዊ ግዴታችሁ መሆኑ መቀበላችሁ ወስደነዋል " ብለዋል።

" ይሁን እንጂ ሰላማዊ ሰልፉ በስመ በዓልና የፀጥታ አስከባሪ ቁጥር ማነስ ' ማስፈፀም አንችልም ' ማለታችሁ ውድቅና የማንቀበለው ነው " ሲሉ አሳውቀዋል።

ፓርቲዎቹ " ሰላማዊውና ለውጢ ፈላጊውን ህዝባችን ይዘን በያዝነው የግዜ ሰሌዳ እንደምናካሂደው ልናረጋግጥላችሁ " እንፈልጋለን ብለዋል።

አክለውም ፤ " በበኩላችን የበዓል ግዚያት ያላችሁት በተለምዶ ይሁን ብለን ፤ ህዝባችን የተለመደውን በዓል ማክበር ካቆመ ሦስት አመት እንደሆነው ፤ በዓል ማክበር ይቅርና በህልውና ጥያቄ ውስጥ እንደሚገኝ ፤ በማያባራ ጥፋት እንጂ  ፤ እንደ የስርአቱ ተጠቃሚ አካላት ተመችቶት እንዳልሆነ እንረዳለን " ሲሉ ገልጸዋል።

በመሆኑም "  የፀጥታ ስራ እንድታከናውኑና ትኩረታችሁን ደግሞ ከሰርአቱ ከሚሰነዝር ጥቃት ህዝቡ መታደግ መሆን እንዳለበት ደግመን እንገልፃለን " ብለዋል።

መረጃው የመቐለ ቲክቫህ ቤተሰብ አባል ነው።

Via @TikvahEthiopiaTigrigna

@tikvahethiopia

#Hawassa

በሀዋሳ የውርርድ / ቤቲንግ ቤቶች እየታሸጉ ነው ፤ ለምን ?

በሀዋሳ ከተማ የስፖርት ዉርርድ ወይም ቤቲንግ ቤቶች አየታሸጉ መሆኑ ተሰምቷል።

በከተማዉ ከቅርብ ጊዜ ወዲህ መበራከታቸዉ የሚነገርላቸዉ የስፖርት ዉርርድ ቤቶች ምንም እንኳን ህጋዊ ግብር ከፋይ ሆነዉ ወደስራ ቢገቡም ከሰሞኑ በሀዋሳ ከተማ የመታሸግ እጣ እንደገጠማቸው አሳውቀዋል።

ይህን ተከትሎ ቤታቸዉ የተዘጋባቸዉን ቅሬታ አቅራቢዎችና የከተማውን የጸጥታ አካላት  የቲክቫህ ኢትዮጵያ ሀዋሳ ቤተሰብ ሪፖርተር አነጋግሯል።

ቤታቸው ተዘግቶ ከስራ ዉጭ መሆናቸዉ አግባብ አለመሆኑንና ህጋዊ ንግድ ፈቃድ ያለዉን የንግድ ቤት መዝጋት አግባብ አለመሆኑን የገለፁት አስተያየታቸውን የገለጹልን አካላት ቤታቸው ለመዘጋቱ የቀረበላቸው ምክኒያት እርስበርስ እንደሚጋጭ ገልጸዋል።

በመጀመሪያ ቤቱን ሊዘጉ የመጡት አካላት " ስራችሁ ቁማር ነው " እንዳሏቸው የገለጹት አስተያየት ሰጭዎች ቆይቶ ላነሱት ጥያቄ ደግሞ " ጉዳዩ ከግብር ጋር የተያያዘ መሆኑንና የሲዳማ ክልል ገቢዎች ቢሮ ከፌዴራል ገቢዎች ጋር እያደረገ ያለዉን ንግግር ሲጨርስ ቤታችሁ ይከፈታል " መባሉን ገልጸዋል።

ከጉዳዩ ጋር በተያያዘ አስተያየታቸዉን እንዲሰጡን የጠየቅናቸው የሀዋሳ ከተማ ፖሊስ አዛዥ ኢንስፔክተር መልካሙ አየለ በበኩላቸዉ " ጉዳዩ ከግብር ባለፈ የጸጥታ ችግርን ከመቆጣጠር " ጋር የተያያዘ መሆኑን ገልጸዋል።

ከማህበረሰቡ ጋር በነበራቸዉ የዉይይት መድረክ የስፖርት ውርርድ ማካሄጃ አካባቢዎች የችግሮ ቀጠና እየሆኑ መምጣታቸዉ እንደተገለጸላቸው የሚናገሩት ኢንስፔክተሩ የሰሞኑ አሰሳም ህጋዊነታቸዉን ከማረጋገጥ በዘለለ የጸጥታ ችግሩን ለመቅረፍ ያለመ መሆኑን አመላክተዋል።

የቤቶቹ ህጋዊነትና የግብር ጉዳይ በፌደራልና ሲዳማ ክልል ገቢዎች ቢሮ በኩል ውይይት ተደርጎበት የታሸጉ ቤቶች በአንድ ሳምንት ጊዜ ውስጥ ወደስራ እንደሚመለሱ የፖሊስ አዛዡ መግለፃቸውን የቲክቫህ ኢትዮጵያ የሀዋሳ ቤተሰብ ዘግቧል።

@tikvahethiopia

#STEMpower #VISA #TikvahEthiopia

ስቴም ፓወር፣ ቪዛና ቲክቫህ ኢትዮጵያ በመተባበር ሲያዘጋጁት የነበረው ስልጠና ተጠናቀቀ።

ስቴም ፓወር (STEMpower) ፣ ቪዛ (Visa) እና ቲክቫህ ኢትዮጵያ (TIKVAH-ETH) በጋራ በመሆን ሲያዘጋጁት የቆዩትና በአስር ዙር የተሰጠው የስራ ፈጠራ እና መሰረታዊ የፋይናንስ ክህሎት ስልጠና ተገባዷል።

ላለፉት ሦስት ዓመታት በአስር ዙር ሲሰጥ በነበረው በዚህ ሥልጠና በቲክቫህ ኢትዮጵያ በኩል 16,400 ሰልጣኞች ስልጠናውን ለመውሰድ ተመዝግበዋል። ይህም በዘርፉ ያለውን ከፍተኛ ፍላጎት ያሳየ ነበር።

በዚህ ሥልጠና፥ 2,420 በሰልጣኞች ያሰለጠኑ ሲሆን ሥልጠናውን በአግባቡ ተከታትለው ከጨረሱ ሰልጣኞች ውስጥ ከ50 በላይ የሚሆኑት ጀማሪ ቢዝነሶችን በራሳቸው ጀምረው ወደ ሥራ ማስገባት ተችሏል።

በዚህ ፕሮጀክት ከሥልጠናው ባሻገር ነፃ የቢዝነስ ማማከር እና ለፕሮቶ ታይፕ መስሪያ የሚሆን የማሽነሪ እና ጥሬ እቃ ለሰልጣኞች ሲያቀርብ ቆይቷል።

በዚህ አጋጣሚ ወጣቶችን በስፋት ተጠቃሚ ባደረገውና ለውጥ መፍጠር በቻለው በዚህ ፕሮጀክት ላይ የተሳተፉ አጋር አካላትን ቲክቫህ ኢትዮጵያ ሊያመሰግን ይወዳል።

@tikvahethiopia