" እኛ የእናተ ባርያ ነን ? " - ጠ/ሚ ኢምራን ካሃን

ምዕራባውያን የአፍሪካ ሀገራትንና ሌሎችንም የዓለም ሀገራት ሩስያን እንዲያወግዙ ጥሪ እያቀረቡ ናቸው።

ከእነዚህ ሀገራት መካከል አንዷ ፓኪስታን ናት። በምዕራባውያኑ ፓኪስታን ሩስያን አውግዢ የሚል ጥያቄ ከቀናት በፊት ቀርቦላታል።

የአውሮፓ ህብረት አባል ሀገራትን ጨምሮ የ22 ዲፕሎማቲክ ሚሲዮኖች መሪዎች እኤአ መጋቢት 1 ፓኪስታን በተመድ ጠቅላላ ጉባኤ ሩሲያ በዩክሬን ላይ የምታደርገውን " ወረራ " የሚያወግዝ ውሳኔ ሀሳብ እንድትደግፍ በጋራ ድብዳቤ ፅፈው ነበር።

ፓኪስታን ግን በጉባኤው ገለልተኛ አቋም ይዛ ነበር የወጣችው።

ይህን ተከትሎ የፓኪስታን ጠ/ሚ ኢምራን ካን ሀገራቸው የሩስያን ድርጊት እንድታወግዝ ግፊት ለማድረግ የሞከሩትን የምዕራባውያን ልዑካንን አጥብቀው ተችተዋል።

ኢምራን ካሃን ፥ " ስለኛ ምንድነው የምታስቡት ? እኛ የእናተ ባርያ ነን ... አድርጉ ሁሉ የምትሉንን የምናደርግ ? " ሲሉ ጠይቀዋል።

አክለው " የአውሮፓ ህብረት አምባሳደሮችን መጠየቅ እፈልጋለሁ፤ ለህንድ እንዲህ አይነት ደብዳቤ ፅፋችኃል ? " ሲሉ ሌላ ጥያቄ አቅርበዋል።

ካሃን ህንድና ፓኪስታን ለሁለት ጊዜ ጦርነት በገቡበት በካሽሚር ጉዳይ የአውሮፓ ሀገራት ህንድ ያደረገችውን ድርጊት አልገሰፁም ሲሉም ኮንነዋል።

ጠቅለይ ሚኒስትሩ ፥ ፓኪስታን በአፍጋኒስታን የነበረውን የምእራቡ ህብረትን ኔቶ ስለደገፈች ተጎድታለች ፥ ከምስጋና ይልቅ ትችት ነው የገጠማት ብለዋል።

" ከሩሲያ ጋር ወዳጆች ነን፣ ከአሜሪካም ጋር ወዳጆች ነን፤ ከቻይና እና ከአውሮፓ ጋርም ወዳጆች ነን፤ በየትኛውም ካምፕ ውስጥ አይደለንም " ያሉት ኢምራን ካሃን ፓኪስታን ገለልተኛነቷን ይዛ ትቀጥላለች የዩክሬንን ጦርነት ለማስቆም ከሚሞክሩት ጋር ትሰራለች ብለዋል።

@tikvahethiopia

#ችሎት

ባልደራስ ለእውነተኛ ዴሞክራሲ ፓርቲ የታሰሩበት 33 አባላቱ ዛሬ ፍርድ ቤት መቅረባቸውን አስታወቀ።

ከ33ቱ መካከል ሁለቱ ለለ14 ቀን ሲቀጠሩ ቀሪዎቹ 31 አባላቱ ለሀሙስ መጋቢት 1 ተቀጥረዋል ብሏል።

ተከሳሾቹ ዛሬ ፍ/ቤት የቀረቡት ለሁለት ቡድን ተከፍለው ሲሆን 31ዱ እስረኞች ከልደታ 5ኛ ፖሊስ ጣቢያ አቅራቢያ በሚገኘው የመጀመሪያ ደረጃ ፍ/ቤት ነው የቀረቡት።

ሁለቱ ደግሞ ጊዮርጊስ የሚገኘው የመጀመሪያ ደረጃ ፍርድ ቤት ነው የቀረቡት።

ፖሊስ ለፍርድ ቤት ተጠርጣሪዎቹ የተያዙት በአድዋ እና ካራማራ ክብረ በዓላት ብጥብጥ እና ሁከት ለመፍጠር ሲንቀሳቀሱ በመገኘታቸው ነው ብሏል።

ያንብቡ ፦ telegra.ph/Balderas-03-07

@tikvahethiopia

#AddisAbaba📍

የአዲስ አበባ ከተማ አስተዳደር በጉለሌ ክፍለ ከተማ በሶስት መጋዘን አለአግባብ የተከማቸ የምግብ ዘይት በቁጥጥር ስር መዋሉን አስታወቀ።

አስተዳዳደሩ በዛሬው እለት በጉለሌ ክ/ከተማ ወረዳ 5 ልዩ ስሙ " ሙሉጌታ መናፈሻ " ተብሎ በሚጠራው አካባቢ በህብረተሰቡ ጥቆማ በሶስት መጋዘን በርካታ መጠን ያለው የምግብ ዘይት ክምችት በቁጥጥር ስር መዋሉን ገልጿል

በቁጥጥር ስር የዋለው የምግብ ዘይት በፎቶ አስደግፎ ለህዝብ አሰራጭቷል።

የተያዘው የምግብ ዘይት በመጠን ምን ያህል እንደሆነ ባይገለፅም በርካታ መጠን ነው ያለው ተብሏል። ነገር ግን የምግብ ዘይቱን ማን እንዳከማቸው ፤ ድርጅት ከሆነም የትኛው ድርጅት ይህን ድርጊት እንደፈፀመ ፤ በሶስቱም መጋዘን የተገኘው ክምችት የአንድ ድርጅት ወይ ግለሰብ ነው አይደለም ስለሚለው የተብራራ ነገር የለም።

የምግብ ዘይቱ በቁጥጥር ስር የዋለው አጠቃላይ የኑሮ ውድነት እንዲባባስ ሰው ሰራሽ የዋጋ ውድነት በመፍጠርና ምርቶችን በመደበቅ እየተንቀሳቀሱ የሚገኙ ህገወጥ ደላሎችንና ነጋዴዎችን ለመቆጣጠር በተቋቋመ ግብረ ሃይል ከህብረተሰቡ በደረሰ ጥቆማ መሆኑ ተገልጿል።

አሁንም የአ/አ ነዋሪዎች ጥቆማ በመስጠት ርብርብ እንዲያደርጉ የአዲስ አበባ ከተማ አስተዳደሩ ጥሪ ቀርቧል።

@tikvahethiopia

#Russia

ሩስያ በሀገሯ ፣ በኩባንያዎችና በህዝቧ ላይ " ወዳጃዊ ያልሆኑ " ድርጊቶችን የፈፀሙና እርምጃ የወሰዱ / ወዳጅ ያልሆኑ ሀገራትን እና ግዛቶችን ዝርዝር በዛሬው ዕለት ይፋ አድርጋለች።

እነዚህም ፦

🇺🇦 ዩክሬን
🇺🇸 አሜሪካ
🇬🇧 ዩናይትድ ኪንግደም
🇪🇺 የአውሮፓ ህብረት አባል ሀገራት
🇦🇺 አውስትራሊያ
🇨🇦 ካናዳ
🇮🇸 አይስላንድ
🇯🇵 ጃፓን
🇲🇨 ሞናኮ
🇲🇪 ሞንቴኔግሮ
🇳🇿 ኒውዚላንድ
🇳🇴 ኖርዌይ
🇹🇼 ታይዋን (ቻይና እንደ ተገንጣይ ግዛቷ የምትቆጥራት ሲሆን እሷ ግን ነፃ እና ሉዓላዊ ሀገር ነኝ በሚል እራሷን ችላ ነው የምትተዳደረው)
🇸🇲 ሳን ማሪኖ
🇸🇬 ሲንጋፖር
🇰🇷 ደቡብ ኮሪያ
🇨🇭 ስዊዘርላንድ
🇦🇱 አልባንያ
🇦🇩 አንዶራ
🇱🇮 ሌይቼንስቴይን
🇫🇲 ማክሮኔዢያ
🇲🇰 ሰሜን ሜቄዶንያ ናቸው።

ከላይ የተጠቀሱት ሀገራት እንዲሁም ግዛቶች በሩሲያ ላይ ማዕቀብ ጥለዋል ወይም በሚጣለው ማዕቀብ ላይ ተቀላቅለዋል የተባሉ ናቸው።

@tikvahethiopia

#Update

መንግስት 40 ሚሊየን ሊትር ዘይት በአጭር ጊዜ ወደ ሀገር ቤት አስገባለሁ አለ።

በዛሬው ዕለት የንግድ እና ቃጣናዊ ትስስር ሚኒስቴር በሰጠው መግለጫ 40 ሚሊየን ሊትር ዘይት በአጭር ጊዜ ውስጥ ወደ ሀገር ቤት ይገባል ብሏል።

ሚኒስቴሩ ከሰሞኑን በዘይት ምርቶች ላይ የተስተዋለው የዋጋ ጭማሪ የአለም አቀፍ ገበያው ላይ በመጣው ለውጥ ምክንያት ነው ብሏል።

በዚህም ለውጥ ምክንያት የተፈጠረውን የምርት እጥረት መነሻ በማድረግ በንግድ ማህበረሰብ ዘንድ የተፈጠረው ውዥንብር የዋጋ ጭማሪውን አባብሶታል ሲልም ገልጿል።

የአቅርቦት እጥረቱን ለማቃለል በአጭር ጊዜ መፍትሄ 40 ሚሊየን ሊትር ዘይት አስገባለሁኝ ብሏል።

በረዥም ጊዜ መፍትሄነት የምርት አቅርቦቱንና ፍላጎቱን ማጣጣም እንዲቻል የገበያ ሁኔታውን የሚያጠና ቡድን መዋቀሩን ሚኒስቴሩ መግለፁን ኤፍ .ቢ .ሲ . ዘግቧል

@tikvahethiopia

#AddisAbaba📍

የምግብ ዘይት በ #መፀዳጃ_ቤት ውስጥ ተከማችቶ ተገኘ።

በአዲስ አበባ ከተማ የለሚ ኩራ ክ/ከተማ በወረዳ 03 ያለአግባብ የተከማቸ የምግብ ዘይት በህዝብ ጥቆማ በቁጥጥር ስር ማዋሉን ገልጿል።

ክ/ከተማው በ11 ሱቆች ላይ ተደረገ ባለው ፍተሻ 442 ሊትር ዘይት በቁጥጥር ስር ሊውል መቻሉን አሳውቋል።

ፍተሻ የተደረገው በወቅታዊ የዋጋ ንረት ምክንያት ካሉ 6 ቀጠናዎች በ3ቱ ቀጠናዎች ላይ ብቻ መሆኑ ተጠቁሟል።

ክ/ከተማው በቁጥጥር ስር የዋለው የምግብ ዘይት ባልተገባ ቦታ መፀዳጃ ቤት ውስጥ ተደብቆ መገኘቱን የገለፀ ሲሆን ህብረተሰቡ እንደዚህ አይነት ድርጊት የሚፈፅሙትን "ሌባን ሌባ " ሲል እንዲያጋልጥ ጥሪ አቀርቧል።

በአግባቡ በስራቸው ላይ የሚገኙ ነጋዴዎች አሁን በያዙት ልክ ዘይትን ወደ ፊት በማምጣት መሸጥ ይኖረባቸዋል የተባለ ሲሆን ህገወጥ ስራዎችን በሚሰሩ ነጋዴዎች ላይ የንግድ ፍቃድ መሰረዝን ጨምሮ ጠበቅ ያሉ እርምጃዎች ይወሰዳል ሲል ክፍለ ከተማው አስጠንቅቋል።

@tikvahethiopia