#UPDATE

የወሎ ዩኒቨርሲቲ ከሶስት ወራት በኋላ ወደ መደበኛ መማር ማስተማር ስራ እንደሚመለስ የዩኒቨርሲቲው አስተዳደር ማስታወቁን ኢዜአ ዘግቧል።

ፎቶ : ፋይል

@tikvahethiopia

#ALERT🚨

የኮቪድ-19 ሪፖርት ፦

ባለፉት 24 ሰዓት ውስጥ ከተደረገው 13,409 የላብራቶሪ ምርመራ 4,899 ሰዎች ለቫይረሱ ተጋላጭ ሆነው ተገኝተዋል።

በተመሳሳይ በ24 ሰዓት የ11 ሰዎች ሞት ተመዝግቧል።

@tikvahethiopia

የኮቪድ-19 ቀውስ ዓለም አቀፍ መረጃ፦

🇨🇳 ሙሉ በመሉ የእንቅስቃሴ ገደብ በተጣለባት የቻይናዋ ዢያን ከተማ በኮቪድ-19 የሚያዙ ሰዎች እየጨመሩ መሆኑ ተነግሯል። ባለፉት 24 ሰዓት 174 ሰዎች በቫይረሱ መያዛቸው ታውቋል፤ከዚህ አንድ ቀን በፊት 161 ሰዎች በቫይረሱ መያዛቸድ ሪፖርት ተደርጎ ነበር። ዢያን 13 ሚሊዮን ነዋሪዎቿ ከቤት እንዳይወጡ ካዘዘች ዛሬ 11ኛ ቀኗን ይዛለች።

🇺🇬 ዩጋንዳ በኮቪድ-19 ወረርሽኝ ምክንያት ዘግታ የነበረውን ኢኮኖሚ ከ2 ዓመት በኃላ ክፍት ልታደርግ መሆኑ ተነግሯል። በህዝብ ትራንስፖርት ላይ የተጣለው ገደብ የተነሳ ሲሆን፣ ትምህርት ቤቶች ጥር 10 ይከፈታሉ፤ትምህርት ቤቶች ከተከፈቱ ከ2 ሳምንት በኃላ አርቲስቶች ዝግጅት ማቅረብ እንደሚችሉ፣ ባሮች፣ ሲኒማ ቤቶች ክፍት እንደሚደረጉ እንዲሁም ት/ቤቶች ከተከፈቱ በኃላ የሰዓት እላፊ ገደብ እንደሚነሳ ፕሬዜዳንት ዩዌሪ ሙሴቬኒ አሳውቀዋል።

🏴󠁧󠁢󠁥󠁮󠁧󠁿 በእንግሊዝ በኮቪድ-19 ምክንያት ከስራ ገበታቸው የራቁ የሆስፒታል ሰራተኞች በአንድ ወር ውስጥ በእጥፍ ጨምሯል። የታመሙ / እራሳቸውን ያገለሉ የሆስፒታል ሰራተኞች ቁጥር እኤአ ህዳር 29 ከነበረው 11,375 በታህሳስ 26 ላይ 24,362 ደርሷል እንደ NHS ሪፖርት።

🇹🇷 ቱርክ በአንድ ቀን ከ40 ሺህ በላይ ሰዎች በቫይረሱ መያዛቸው ሪፖርት አድርጋለች በዚህ ቁጥር ሪፖርት ሲደረግ ከ8 ወር በኃላ ለመጀመሪያ ጊዜ ነው። ባለፉት 24 ሰዓት 40,786 ሰዎች በቫይረሱ ሲያዙ 163 ሰዎች ሞተዋል።

🇪🇹 የኢትዮጵያ ጤና ሚኒስቴር በኢትዮጵያ አዲስ የኮቪድ-19 ወጀብ መከሰቱን አሳውቋል። ከባለፉት 2 ሳምንታት ጀምሮ በኮቪድ 19 ቫይረስ የመያዝ ምጣኔ በተከታታይ በከፍተኛ ሁኔታ እየጨመረ ከ2 ሳምንት በፊት ከነበረበት 5% ከትላንት በስቲያ ወደ36% አድጓል።

@tikvahethiopia

አብዱልዋሀብ መሐድ ከአሶሳ ማረሚያ ቤት አመለጠ።

የቤንሻጉል ሕዝቦች ነጻ አውጭ ንቅናቄ (ቤሕነን) የቀድሞ ሠራዊት መሪ አብዱልዋሀብ መሐድ ታሥሮ ከነበረበት አሶሳ ዞን ማረሚያ ቤት ማምለጡን አንድ ስማቸው ያልተገለፀ የክልሉ ከፍተኛ የሥራ ኃላፊ እንደነገሩት አዲስ ማለዳ ጋዜጣ አስነበበ።

የ9 ዓመት ዕሥር የተፈረደበት አብዱልዋሀብ ያመለጠው ታኅሣሥ 18/2014 መሆኑ ተገልጿል።

ግለሰቡ ከዚህ በፊትም እንዲሁ 2001 ዓ/ም የዕድሜ ልክ ዕሥራት ተፈርዶበት የነበረ ሲሆን፣ 2002 ላይ ከማረሚያ ቤት አምልጦ ወደ ኤርትራ በመግባት ኢትዮጵያን ከሚወጉ ኃይሎች ጋር ሲሠራ እንደነበር ተገልጿል።

ከዚያ በመቀጠል 2009 ዓ/ም ላይ የፌዴራሉ እና የክልሉ መንግሥት ግለሰቡ ከሚመራው ቡድን ጋር ባደረጉት የሠላም ድርድር ተስማምቶ ወደ ኢትዮጵያ በመግባት ሠላማዊ ኑሮ መምራት ጀምሮ ነበር።

ግለሰቡ ይመራቸው የነበሩ ታጣቂዎች ከመንግሥት 20 ሚሊዮን ብር መቋቋሚያ ተቀብለው ተበታትነው ከቆዩ በኋላ፣ ሰኔ 2010 ዳግም አሶሳ ላይ ጥቃት በፈጸሙበት ወቅት መሪው ራሱ ተሳታፊ በመሆን የሰው ነፍስ አጥፍቷል ተብሏል።

በዚህም ግለሰቡ ተከሶ ሲከራከር ከቆዬ በኋላ፣ በፌዴራል ከፍተኛ ፍርድ ቤት የ16 ዓመት ከስድስት ወር ዕሥራት ተፈርዶበት እንደነበር ታወቋል።

ይህ በእንዲህ እንዳለ፣ ፍርደኛው ለፌዴራል ጠቅላይ ዐቃቤ ሕግ ይግባኝ አቅርቦ ቅጣቱ ወደ ዘጠኝ ዓመት ዕሥር ዝቅ ተደርጎለት የነበረ ቢሆንም፣ ዐቃቤ ሕግ በቅጣት ውሳኔው ባለመስማማቱ በፍርድ ክርክር ሒደት ላይ ሳለ ግለሰቡ አምልጦ መጥፋቱ ነው የተነገረው።

ግለሰቡ ፍርድ የተሠጠው በፌዴራል ከፍተኛ ፍርድ ቤት ተዘዋዋሪ ችሎት ሆኖ ለቤተሰብ እንዲቀርብ በሚል ወደ አዲስ አበባ ሌሎች ፌዴራል ማ/ ቤቶች እንዳልተወሠደ ነው የተጠቆመው።

ታሳሪው በፌዴራልና በክልሉ መንግሥት በጥብቅ ሲፈለግ እና ከፍተኛ ክትትል ሲደረግብት የነበረ ከመሆኑም አንጻር፣ በርካታ ዕሥረኞች ካሉበት ማረሚያ ቤት ቀን ላይ በግልጽ ለኹለተኛ ጊዜ ማምለጡ፣ ሴራ ሳይኖርበት እንዳልቀረ ያመላክታል ሲሉ ስማቸው ያልተሀለፀድ ከፍተኛ የሥራ ኃላፊው ጠቁመዋል።

በአሁን ሰዓት የቤንሻንጉል ጉሙዝ ክልል ፀጥታ ኃይሎች እሥረኛውን እየፈለጉት ቢሆንም ቦታው ለሱዳን ካለው ቅርበት እንዲሁም ሰውዬው መውጫ እና መግቢያውን የሚያውቅ፣ በትግልም ለ20 ዓመት ገደማ የቆዬበት በመሆኑ በቀላሉ ሊገኝ ይችላል ተብሎ እንደማይታሰብ ነው የሥራ ኃላፊው የገለጹት።

ግለሰቡ ሱዳን ከገባ በኋላም እንደከዚህ ቀደሙ ወጣቶችን መልምሎ በማሠልጠን፣ በመተከልና አሶሳ ዞኖች ውስጥ በሚገኙ ወረዳዎች ላይ ተመሳሳይ የሆነ የሽብር ድርጊቱን ሊቀጥል እንደሚችል ነው የተመላከተው።

የአብዱልዋህብ አጋር የነበሩ ሰዎች ሱዳን ውስጥ በርካታ ወጣቶችን በማሰልጠን ክልሉ ውስጥ ረብሻ ሲፈጥሩ ቆይተዋል ያሉት ኃላፊ ፥ በዚህ የሰውዬው ከእስር ማምለጥ ለአካባቢው ሠላምና ደኅንነት አደገኛ ነው ብለውታል።

የአሶሳ ዞን ማረሚያ ቤቶች መምሪያ ኃላፊ ኮማንደር ሐሩን አብዱራማን ፥ አብዱልዋህብ ከተፈረደበት ከስድስት ወር በኋላ የፌዴራል ጠቅላይ ዐቃቤ ሕግ የተጣለበት ቅጣት ላይ ጥያቄ ማቅረቡ ስሜታዊ እንዳደረገው እና ለልማት ሥራ በሚል ከማረሚያ ቤት ሲወጣ በነበረበት ወቅት ላይ እንዳመለጠ ለጋዜጣው ተናግረዋል።

ከአብዱልዋህብ መሐድ ውጭ ከማረሚያ ቤቱ ያመለጠ ሌላ ታራሚ እንደሌለ የተናግሩት ኃላፊው ፣ እሱም በቅርብ ቀን በቁጥጥር ሥር ይውላል የሚል ግምት እንዳለቸው ተናገረዋል።

ግለሰቡ ወደ ሱዳን እንዳይወጣ ሁሉም ቦታዎች በፀጥታ ኃይሎች መዘጋታቸውን ገልጸው፣ እሥረኛው ወደ ሱዳን ከመሸሽ ይልቅ ተጸጽቶ ተመልሶ ይመጣል የሚል ዕምነት እንዳለቸው ተናግረዋል።

ያንብቡ : https://telegra.ph/Addis-Maleda-01-01

ምንጭ፦ #አዲስ_ማለዳ_ጋዜጣ