" በሀሰተኛ ገፆች እንዳትታለሉ " - ሳፋሪኮም ኢትዮጵያ

ሳፋሪኮም ኢትዮጵያ የማህበራዊ ሚዲያ ተጠቃሚዎች በሳፋሪኮም ስም ተመሳስለው በተከፈቱ ሀሰተኛ ገፆች እንዳይታለሉ በላከልን መልዕክት አሳውቋል።

የሳፋሪኮም ኢትዮጵያ ትክክለኛ የማህበራዊ ገጾች አድራሻ በትዊተር እና ፌስቡክ 𝐒𝐚𝐟𝐚𝐫𝐢𝐜𝐨𝐦𝐄𝐭 ሲሆን ሊንክዲን ላይ ደግሞ 𝐒𝐚𝐟𝐚𝐫𝐢𝐜𝐨𝐦 𝐓𝐞𝐥𝐞𝐜𝐨𝐦𝐦𝐮𝐧𝐢𝐜𝐚𝐭𝐢𝐨𝐧 𝐄𝐭𝐡𝐢𝐨𝐩𝐢𝐚 𝐏𝐋𝐂 ነው የሚለው።

ሳፋሪኮም ኢትዮጵያ ነን ለሚሉ ሌሎች የሐሰት ገጾች መረጃዎች አያጋሩ ሲልም አሳውቋል።

@tikvahethiopia

" ... ጥፋቱን ካደረሱ መካከል በዩኒቨርሲቲው የተማሩ ተማሪዎች አሉበት " - የወሎ ዩኒቨርሲቲ ፕሬዜዳንት

የወሎ ዩኒቨርሲቲን በአጭር ጊዜ ወደ መማር ማስተማር ስራ ለማስገባት እንደሚሰራ ተገልጿል።

ህወሓት ባደረሰው ዝርፊና ውድመት ወሎ ዩኒቨርሲቲ 10 ቢሊዮን ብር የሚገመት ጉዳት እንደደረሰበት ተገልጿል።

የወሎ ዩኒቨርሲቲ ፕሬዜዳንት ዶ/ር መንገሻ አየነ ለሸገር ኤፍ ኤም 102.1 በሰጡት ቃል ፥ " ህወሓት ተሳቢ መኪና አቅርቦ በዩኒቨርሲቲው ውስጥ ያሉትን ትልልቅ የቴክኖሎጂ ቁሳቁሶች ፣ ላብራቶሪ ቁሳቁሶች ፣ የወርክሾፕ፣ የኢንጂነሪንግ ፣ የቴክኖሎጂ ፣ የህክምናና ጤና ሳይንስ ፣ የተፈጥሮ ሳይንስ ፣ የግብርና ኮሌጅ ቁሳቁሶችን ነቅሎ ጭኖ ወስዷል " ብለዋል።

የዩኒቨርሲቲው ፕሬዜዳንት ዶ/ር መንገሻ ፥ " ይህ የጥፋት ኃይል ዩኒቨርሲቲው በሚሊዮን ሚቆጠር ገንዘብ አውጥቶ የገነባቸውንና በጣም የሚጠቅሙ ቁሳቁሶች ዘርፎ መውሰድ አይደለም የሚገርመው ፤ መውሰድ ያልቻለውን ኢንስታሌሽን ( የኤሌክትሪክ ፣ የኢንተርኔት ፣ የወርክሾፕ) በአጠቃላይ በጣጥሶ ከሱ ቁጥጥር ውጭ የሆኑትን / በቀላሉ ትራንስፖርት ማድረግ የማይችላቸውን ባሉበት እንዲወድሙና ተቋሙ ወደፊት እንዳይጠቀምበት አድርጎ ነው የሄደው " ብለዋል።

ወሎ ዩኒቨርሲቲ በሀገሪቱ እጅግ ዘመናዊ የሚባል የአይሲቲ መሰረተልማት ካሉት ተቋማት አንዱ ሲሆን ህወሓት ወደ ዳታ ማዕከል በመግባት የሚጠቅሙ ኮምፒዩተሮችና መነቀል የሚችሉትን ትልልቅ ባትሪዎችንና ቺፖችን ነቅሎ ወስዷል።

ኢንስታሌሽን ጋር የተገናኙ ትልልቅ ቁሳቁሶች ባሉበት ዳግም አገልግሎት እንዳይሰጡ አድርጎ ማውደሙን ዶ/ር መንገሻ ተናግረዋል።

በአጠቃላይ በሁሉም ካምፓሶች ብዙ ጉዳት የደረሰ ሲሆን በገንዘብ ሲተመን 10 ቢሊዮን ብር ይደርሳል።

ጥፋቱን ካደረሱ የህወሓት ቡድን አባላት መካከል በዛው በዩኒቨርሲቲው የተማሪ ተማሪዎች መኖራቸውን ፕሬዜዳንቱ ተናግረዋል።

ዶ/ር መንገሻ ፥ " በጣም የሚገርመው እኛው ተቋም የሰለጠኑ የተማሩ፣ የመጀመሪያ ፣ ሁለተኛ ዲግሪያቸውን የያዙ ተማሪዎች አሳብዶ እዚህ ቡድን ውስጥ አስገብቶ ይህን ተቋም በማፍረስ ሂደት ላይ አስተዋጽኦ እንደነበራቸው በአካባቢው የነበሩ እራሳቸው እኛ እዚህ ተምረናል እያሉ ለፀጥታ ኃይሎች ቃል በቃል እንደነገሯቸው የኛ የፀጥታ ኃይሎች ምስርክነታቸውን ነግረውናል።

በጣም ሰፋ ያለ ቡድን ጠመንጃ የያዘ ቡድን ፣ መፍቻ የያዘ ቡድን እንደገና ጀሌ ቡድን በወረፋ እየመጣ ትልልቅ ተሳቢ መኪናዎችን ይዞ እየገባ መካኒክ እሱ የሚፈታውን ወደተሳቢ መኪና የሚጭን ጀሌ ጉልበት ያለው ጫኝ ይሄ ሁሉ ተደራጅቶ የመጣ ኃይል መሆኑን ነው በአካባቢው የነበሩ የተቋሙ የፀጥታ አባላት የአይን ምስክር ሆነው የነገሩን " ብለዋል።

ወሎ ዩኒቨርሲቲ ወደ ቀደመው የመማር ማስተማር ስራ እንዲገባ ለማድረግ የመንግስት ፣ የክልል እና የአካባቢው አስተዳደር እንዲሁም ዓለም አቀፍ ተቋማት እደሚተባበሩን እርግጠኛ ነን ያሉት ዶ/ር መንገሻ " በእኛ ግምት መማር ማስተማሩን በአጭር ጊዜ ውስጥ መልሰን እናስጀምራለን" ብለዋል።

ወሎ ዩኒቨርሲቲ ከ30 ሺህ ላይ ተማሪዎችን ሲያስተምር የነበረ የ2ኛ ትውልድ ዩኒቨርሲቲ መሆኑን የዩኒቨርሲቲው ፕሬዜዳንት ለሬድዮ ጣቢያው በሰጡት ቃል ተናግረዋል።

@tikvahethiopia

#TechZone

ውፍረትን እና ቦርጭን መቀነስ ይፈልጋሉ? 0929088890
ያሉበት ድረስ ከነፃ ማድረሻ ጋር!              
ሙሉ ከወገብ በላይ(ቦዲ) - 899ብር
የቦርጭ ብቻ -599  ብር
ሙሉ በሙሉ ቦርጭን በአጭር ጊዜ የሚያጠፋ እና
ማራኪ-ቁመና የሚያላብስ ።
ተጨማሪ : የቴሌግራም አድራሻችን ይጎብኙ
( ክልል ከተሞች እንገኛለን ) @አ.አ = ቦሌ መዳሃንያለም

#DStv

አስኳላ-ምዕራፍ 2

በእውነተኛ ታሪክ ላይ የተመሰረተ ሲትኮም

ረቡዕ ማታ 01፡30 በድጋሚ 03:30 እንዲሁም ቅዳሜ ማታ 01:30 እና እሁድ ከሰዓት 10:00 ሰዓት ላይ ይቀርባል፡፡

በአቦል ቲቪ ቻናል ቁጥር (146) ላይ ብቻ ያገኙታል!

https://t.iss.one/DStvEthiopiaOfficial

#Update

በሀርቡ ከተማ ተቋርጦ የነበረውን የኤሌክትሪክ አገልግሎት ተመልሶ ተገናኝቷል።

በሀርቡ የኤሌክትሪክ አገልግሎት የተመለሰው ዛሬ ታህሳስ 4 ቀን 2014 ዓ.ም ነው።

የጃማ እና ወረኢሉ ከተሞችን ኃይል ለመስጠት በሚያስችል ደረጃ የጥገና ስራ የተጠናቀቀ መሆኑን ተነግሯል።

#EEU

@tikvahethiopia

ፊንላንድ 4.1 ሚሊዮን ዩሮ ድጋፍ አደርጋለሁ ብላለች።

ፊንላንድ በኢትዮጵያ 🇪🇹 ድጋፍ ለሚያስፈልጋቸው ወገኖች ለህይወት አድን የሰብዓዊ ድጋፍ የሚውል ተጨማሪ 4.1 ሚሊዮን ዩሮ ለዓለም የምግብ ፕሮግራም-ኢትዮጵያ እንደምትሰጥ አሳውቃለች።

ከዚህም ባለፈ ፊንላንድ በኢትዮጵያ የድርጅቱን የትምህርት ቤት የምግብ ፕሮግራም ለመደገፍ የ1 ሚሊዮን ዩሮ ድጋፍ እንደምትሰጥ ገልፃለች።

@tikvahethiopia

ጋዜጠኞቹ ታሰሩ።

የኢትዮጵየ ፌደራል ፖሊስ በህ/ተ/ም/ቤት አሸባሪ ተብሎ የተፈረጀው " ሸኔ " በዓለም አቀፍ ደረጃ አስተዋውቀዋል ያላቸውን የአሶሽየትድ ፕረስ ጋዜጠኞችን በቁጥጥር ስር ማዋሉን አስታወቀ።

በቁጥጥር ስር የዋሉት ተጠርጣሪዎች፦
- አሚር አማን፣
- ቶማስ እንግዳ እና አዲሱ ሙሉነህ ናቸው።

@tikvahethiopia

" አደጋውን ያደረሱት የሠራዊቱ አባላት አይቀጡም " - ፔንታገን

ባለፈው ነሃሴ ወር በአፍጋኒስታን በአሜሪካ ድሮን ለተገደሉ 10 ሰላማዊ ሰዎች የአሜሪካ መከላከያ ሚኒስቴር፣ ፔንታገን አደጋውን ያደረሱትን የሠራዊቱን አባላት እንደማይቀጣ አስታወቀ፡፡

ከዚህ ውሳኔ የተደረሰው የመከላከያ ሚኒስትሩ ሎይድ ኦስተን ከሁለት የበላይ አዛዦች የቀረበላቸውን አስተያየት ካጸደቁ በኋላ መሆኑ ተነግሯል፡፡

የፔንታገን ቃል አቀባይ ጆርን ከርቢ ለቪኦኤ ለቀረበላቸው ጥያቄ እንደተናገሩት የመከላከያ ሚኒስትሩ በጉዳይ ላይ ተጨማሪ የተጠያቂነት ምርመራ እንደማይፈቅዱ ማስታወቃቸውን ገልጸዋል፡፡

ፔንታገን ገለልተኛ መርማሪ መድቦ ሁኔታውን ካጣራ በኋላ እኤአ ነሀሴ 29 የተፈጸመው አደጋ “አስዛኝ ስህተት ነው” ብሏል፡፡

“ የተፈጸመው ስህተት የተሳሳተ መረጃን አምኖ ከመቀበል እንጂ ከንዝህላልነት ወንጀል የተከሰተ ነው ብሎ እንደማያምንም ” ፔንታገን አስታውቋል፡፡

በወቅቱ አንድ አጥፍቶ ጠፊ ከሀሚድ አውሮፕላን ማረፊያ አቅራቢያ 13 አሜሪካውያንን ጨምሮ 170 የአፍጋን ሰዎችን በገደለበት ማግስት በተካሄደ የድሮን ጥቃት ሰባት ህጻናትን ጨምሮ 10 ሰዎች መሞታቸው ይታወቃል፡፡ ~ ቪኦኤ

@tikvahethiopia