#WFP #USAID

USAID በኢትዮጵያ ውስጥ የሚያደርገውን እንቅስቃሴ አቁሞ ከአገሪቱ ሊወጣ ነው የተባለ ሐሰት ነው ሲል አስታወቀ።

ድርጅቱ ይህን ያሳወቀው ለቢቢሲ በሰጠው ቃል ነው።

USAID እየተካሄደ ባለው ጦርነት በሰሜኑ የአገሪቱ ክፍል ለሚገኙ ሰዎች የአስቸኳይ ጊዜ የሰብዓዊ አቅርቦቶችን ማቅረብ መቀጠሉን አስታውቋል።

የተቋሙ ቃል አቀባይ ሬቤካ ክሊፍ ፥ " የአሜሪካ ዜግነት ያላቸው ሠራተኞቻችን ከአገሪቱ ቢወጡም፤ በሰብዓዊ እርዳታ አቅርቦት ላይ ከሚሰሩ አጋር ድርጅቶች ጋር በቅርበት እየሰራን እንገኛለን " ብለዋል።

በሌላ በኩል ፦የዓለም ምግብ ፕሮግራም (WFP) በህወሓት ኃይሎች ቁጥጥር ስር በሚገኘው ኮምቦልቻ ውስጥ ያሉት የሰብዓዊ እርዳታ ማከማቻ መጋዘኖቹ መዘረፋቸውን ዛሬ ገልጿል።

የድርጅቱ ቃል አቀባይ ቶምሰን ፊሪ ፥ ባለፈው ሳምንት የዓለም ምግብ ድርጅት በአማራ ክልል ኮምቦልቻ የሰብዓዊ እርዳቃ እንዲያቀርብ ፍቃድ አግኝቷል ብለዋል።

ድርጅቱ ባደረገው ቅድመ ግምገማ መሠረት በርካታ ንብረቶቹ መውደማቸውን እና መጋዘኖች ውስጥ የነበረ እህልም መዘረፉን አሳይቷል ሲሉ ገልፀዋል።

@tikvahethiopia

#ETHIOPIA

አትሌት ሻለቃ ኃይሌ ገብረስላሴ ፤ በግንባር መሰለፍን ጨምሮ ለሕልውና ዘመቻው የሚጠበቅብኝን ሁሉ ለማድረግ ዝግጁ ነኝ አሉ።

አትሌት ሻለቃ ኃይሌ ገብረስላሴ ይህ ያሉት ለኢዜአ በሰጡት ቃል ነው።

" በኢትዮጵያ የተደቀነው አደጋ አፍሪካን የማንበርከክ ዓላማ ጭምር ያነገበ የእጅ አዙር ቅኝ ግዛት ሙከራ ነው " ያሉት አትሌት ሻለቃ ኃይሌ ፥ " " ኢትዮጵያ የጥቁር ሕዝቦች የነጻነት ምልክት ናት ፤ ኢትዮጵያን በማንበርከክ የጥቁር ሕዝቦችን አኩሪ ታሪክ ለመቀማት የተቀናጀ ዘመቻ በኢትዮጵያ ላይ እየተከናወነ ይገኛል" ብለዋል።

ከዚህ አኳያ ጠቅላይ ሚኒስትር ዶክተር ዐቢይ አህመድ ለኢትዮጵያ ክብር ወደ ግንባር መዝመታቸው አገሩን ከሚወድ መሪ የሚጠበቅ ተግባር መሆኑን እና አገር ወዳድ ኢትዮጵያዊ ሁሉ የእርሳቸውን ፈለግ እንዲከተል ጥሪ አቅርበዋል።

መላ አፍሪካዊያን ትግሉ የሁሉም ጥቁር ሕዝቦች መሆኑን በመገንዘብ ከኢትዮጵያ ጎን እንዲቆሙም ጥሪ አቅርበዋል።

አትሌት ኃይሌ ፦ "ኢትዮጵያን ብለን ተሸንፈን አናውቅም፤ ኢትዮጵያ ሁሌም አሸናፊ ናት" ሲሉ ነው የተናገሩት።

በአንድ ወቅት የጎበኟት የቱሪስት መናኸሪያ የነበረችውን የሶሪያዋ አሌፖ ከተማ በምዕራባውያን ጣልቃ ገብነት ምክንያት ወደ ፍርስራሽነት መቀየሯን ጠቅሰዋል።

"በመሆኑም እኛ ኢትዮጵያዊያን በአገራችን ላይ ይህን መፍቀድ የለብንም" ያሉት አትሌት ኃይሌ ፤ " ከዚህ አንጻር ከደጀንነት ባሻገር በግንባር በመሰለፍ ጭምር አገሬ በምትፈልገኝ ቦታ ለማገልግል ዝግጁ ነኝ " ብለዋል ለኢዜእ በሰጡት ቃላቸው።

@tikvahethiopia

#StateofEmergencySomalia

ሶማሊያ የአስቸኳይ ጊዜ አዋጅ አወጀች። ሀገሪቱ በከፍተኛ ድርቅ መጠቃቷን ተከትሎ የአስቸኳይ ጊዜ አዋጅ ያወጀችው።

እየተባባሰ በመጣው ወቅታዊ የድርቅ ሁኔታ ላይ የሃገሪቱን ካቢኔ ለአስቸኳይ ስብሰባ የጠሩት ጠቅላይ ሚኒስትር መሃመድ ሮብል አስቸኳይ ጊዜ አዋጁን አውጀዋል፡፡

“ሃገራችን በድንገተኛ ሰብዓዊ አደጋ ላይ ትገኛለች” ያሉት ጠቅላይ ሚኒስትሩ ያጋጠመውን አስከፊ ድርቅ ሰላባዎች እንዲያግዙ ጥሪ አቅርበዋል፡፡

ፕሬዘዳንታዊ ምርጫ ለማድረግ በዝግጅት ላይ ባለችው ጎረቤት አገር ሶማሊያ 2 ነጥብ 3 ሚሊዮን ገደማ ሰዎች ለከፋ ድርቅ ተጋልጠዋል፡፡

በርካቶች ለችግር መዳረጋቸውን የተመድ የአስቸኳይ ጊዜ ድጋፍ ማስተባበሪያ አስታውቋል፡፡

በሶማሊያ ባለፉት ሶስት የዝናብ ወቅቶች ዝናብ ያልዘነበ ሲሆን በተለይም ጁባ እና ሸበሌ ወንዞች የውሃ መጠናቸው በከፍተኛ ሁኔታ መቀነሱ የድርቁን ደረጃ እንዳባባሰው ድርጅቱ አክሏል፡፡

የድርቅ መጠኑ በተለይም ከቀጣዩ ታህሳስ ወር ጀምሮ እስከ መጋቢት ድረስ እንደሚባባስ የገለጸው ድርጅቱ ተጎጂዎችን ለመርዳት የተለያዩ ጥረቶችን በማድረግ ላይ መሆኑንም ጠቅሷል፡፡

Credit : Al AIN News

@tikvahethiopia

#NewsAlert

የኢዜማ ከፍተኛ አመራሮች ፣ አባላት እና ደጋፊዎች ወደ ግንባር ለመዝመት ውሳኔ አሳለፉ።

የኢዜማ ስራ አስፈፃሚ ኮሚቴ ህዳር 14/ 2014 ዓ.ም ባደረገው አስቸኳይ ስብሰባ አድርጓል።

ፓርቲው በአስቸኳይ ስብሰባው አሁን ላይ እንደሀገር ያለንበት ወቅት ሁሉን አቀፍ አርበኝነትን የሚጠይቅ መሆኑን ግምት ውስጥ በመክተት ከፍተኛ አመራሮችን ጨምሮ አባላትና ደጋፊዎቹ ግንባር ድረስ በመዝመት፣ የበጎ ፍቃድ አገልግሎት በመስጠትና ሌሎችንም ተግባራት በመከወን የሀገርን ህልውና የማረጋገጥ ስራ ለመስራት ውሳኔ አሳልፏል።

* የፓርቲው ሙሉ መግለጫ ከላይ ተያይዟል።

@tikvahethiopia

ፕሬዝዳንት ሳህለወርቅ ዘውዴ Jeune Afrique በተባለ የፈረሳይኛ መፅሄት እና የእንግሊዝኛ ትርጉሙ The Afirca Report ላይ እሳቸውን የተመለከቱ ፅሁፎች መውጣታቸውን መመልከታቸውን ገልፀዋል።

ፕሬዝዳንቷ ከጋዜጠኛው ጋር ተገናኝተው እንደማያውቁ አሳውቀዋል።

ፅሁፉ ዛሬ መውጣቱ የአጋጣሚ ጉዳይ አይመስለኝም ያሉት ፕሬዜዳንቷ " በዚህ ደረጃ በኃላፊዎች መካከል መከፋፈል ያለ ለማስመሰል የተደረገ ሙከራ ነው" ብለውታል።

ይህንን አስመልክተው ተከታዩን ብለዋል፦

"የተለያዩ አገሮች ከገጠማቸው የፖለቲካ ችግሮችና የእርስ በእርስ ጦርነቶች እንዲወጡ የሰራሁ በመሆኔ አገራችን ዛሬ ያለችበትን ሁኔታ በአግባቡ እረዳለሁ። እንደሁላችንም ልቤ ተሰብሯል። የእርስ በእርስ ጦርነት በጣም አስከፊ ነው።

ሌላው መታወቅ ያለበት ከእንደዚህ ያለ ሁኔታ ለመውጣት One size fits all የሚባል ነገር የለም። መላውን መፈለግ የእኛ ፋንታ ነው።

ኢትዮጵያ ካለችበት አስከፊ ሁኔታ ለማውጣት ከምንግዜውም በላይ ሁሉንም ልጆቿን ትሻለች። መንግስትን የሚመሩት ጠ/ሚ አቢይ አህመድ በመሆናቸው ያስቀመጡትን አቅጣጫ ተቀብለን በምናውቀው፣ በሰራንበት፣ በሙያችን እየተረባረብን እንገኛለን።

በግጭት አፈታት ላይ ሰላማዊ መፍትሄ ፍለጋ ሁሌም ያለጉዳይ ነው። በዚያኑ መጠን ሳይወዱ ጦርነት መግባትም እንዳለ መዘንጋት የለበትም። ዝርዝር ውስጥ ሳንገባ መንግስት ለንግግር ቅድመ ሁኔታዎችን ማስቀመጡ ይታወሳልና የሰላም ፍለጋው አካል መሆኑ ለእኛ እንግዳ አይደለም።

ብዙ አትናገሪም እባላለሁ። በየአጋጣሚው መናገሬ አልቀረም። ከወር በፊት ፓርላማን ስከፍት ያልኩትን ልድገም <<እጆቻችን በእሾህ ተወግተው እየደሙ ከሆነ ፅጌረዳዋ እሩቅ አይደለችም ማለት ነው>> እየደማን ነው። ፅጌረዳዋ እንዳትርቀን እንተባበር እንበርታ።"

@tikvahethiopia

#Germany #Ethiopia

ጀርመን በኢትዮጵያ የምታከናውነውን የልማትና የድጋፍ ትብብር አጠናክራ እንደምትቀጥል አስታወቀች።

የጀርመን የኢኮኖሚ ትብብርና የልማት ሚኒስቴር ቃል አቀባይ ዩርገን ሃርት ለዶይቼ ቨለ ሬድዮ በሰጡት ቃል ፥ በኢትዮጵያ በተፈጠረው ግጭት ምክንያት ድጋፍ የሚያስፈልገው ህዝብ ቁጥር አሻቅቧል ብለዋል።

በመሆኑም የጀርመን የኢኮኖሚ ትብብርና የልማት ሚኒስቴር ከለጋሽ አገራትና ከአውሮጳ ኅብረት ጋር በመቀናጀት በኢትዮጵያ የጀመረውን የልማት ትብብር የሚቀጥል ይሆናል ሲሉ ተናግረዋል።

ዮርገን ሃርት የጀርመን መንግሥት በኢትዮጵያ ለሚያከናውናቸው ሥራዎች የ100 ሚልዮን ዩሮ የልማት ትብብር በጀት መመደቡ አስታውሰው ፥ “አሁንም ዓላማችን የአገሪቱን ህዝብ በተቻለን መጠን ተንቀሳቅሰን መደገፍ ነው” ብለዋል።

አፍሪካና ጀርመንን በንግድ፣ ኢንቨስትመንትና በግሉ ኢኮኖሚ ዘርፍ የሚያስተሳስረው የ (Compact with Africa) መርሃ ግብር አባል የሆነችው ኢትዮጵያ የጀርመን የልማት ትብብር ከፍተኛ ተጠቃሚ አገር ናት።

ምንጭ፦ ዶቼ ቨለ/ENA

@tikvahethiopia

በአሜሪካ ላይ ጠንካራ ትችት የሰነዘሩት ሚኒስትር ፦

የኢትዮጵያ ኢኖቬሽን እና ቴክኖሎጂ ሚኒስትር ዶ/ር በለጠ ሞላ ፤ አሜሪካ በኢትዮጵያ ላይ ያላት የተሳሳተ የውጭ ጉዳይ ፖሊሲ የማተራመስ ሚና ብቻ ነው ያለው ብለዋል።

ዶ/ር በለጠ ፥ " አሜሪካ የተረጋጋች ኢትዮጵያን ለማየት እውነተኛ ፍላጎት ቢኖራት ኖሮ ትርጉም ያለው ሚና መጫወት ትችል ነበር " ያሉ ሲሆን " የሚያሳዝነው፣ በኢትዮጵያ ላይ ያላት የተሳሳተ የውጭ ጉዳይ ፖሊሲ የማተራመስ ሚና ብቻ ነው ያለው " ብለዋል።

በኢትዮጵያ በተለይም በአማራ ህዝብ ላይ ከደረሱት ውድመቶች ጀርባ TPLF ብቻውን እንዳልሆነ እንረዳለን ሲሉም በይፋዊ የማህበራዊ ትስስር ገፃቸው ላይ ፅፈዋል።

ሚኒስትሩ ይህንን ፅሁፍ የፃፉት እዚህ አዲስ አበባ የሚገኘው የአሜሪካ ኤምባሲ #ለአሜሪካ_ዜጎች በኢትዮጵያ የሽብር ጥቃት ሊደርስ ይችላል በሚል ያወጣውን መልዕክት አያይዘው ነው።

@tikvahethiopia