#Update

የUAE መሪዎች ዛሬ በድጋሚ የኢትዮጵያ ጠቅላይ ሚኒስትር ሆነው ለተሾሙት ዐቢይ አሕመድ (ዶ/ር) የደስታ መግለጫ ልከዋል።

የእንኳን ደስ አለዎት መልዕክት የላኩት የUAE ፕሬዝደንት ሼክ ክሃሊፋ ቢን ዛይድ አል ናህያን፣ የዩኤኢ ምክትል ፕሬዝደንት፤ ጠቅላይ ሚኒስትርና የዱባይ ገዥ ሼክ ሞሃመድ ቢን ራሺድ አል ማክቱም እንዲሁም የአቡዳቢ ዘውዳዊ ልዑል እና የመከላከያ ሰራዊት ምክትል ጠቅላይ አዛዥ ሞሃመድ ቢን ዛይድ አል ናህያን ናቸው።

መሪዎቹ፤ ዐብይ አህመድ (ዶ/ር) የኢትዮጵያ ጠቅላይ ሚኒስትር ሆነው በድጋሚ ስለተመረጡ ደስተኛ መሆናቸውን ገልጸዋል።

በሌላ በኩል የኤርትራው ፕሬዝዳንት፤ ለጠቅላይ ሚኒስትር ዐቢይ የደስታ መግለጫ ልከዋል።

ፕሬዝዳንት ኢሳያስ ፤ ዐቢይ አሕመድ (ዶ/ር) የኢትጵያ ጠቅላይ ሚኒስትር ሆነው ቃለ መሃላ በመፈጸማቸው በራሳቸው እና በሚመሩት ሕዝብ ስም መደሰታቸውን ገልጸዋል።

አዲስ አበባ እና አስመራ ባለፉት ሶስት ዓመታት ከግጭት እና ከፍጥጫ በመውጣት ሰላምና ወዳጅነትን መመስረታቸው ለአፍሪካ ቀንድ አወንታዊ ማመላከቻ መሆኑንም ፕሬዝዳንቱ ገልፀዋል።

Credit : አል ዓይን

@tikvahethiopia

ነፃነት እና እኩልነት ፓርቲ ለዶ/ር ዐቢይ አህመድ እና ለሚመሰርቱት መንግስታቸው ፣ ለህዝብ ተ/ም/ቤት እና የፌዴሬሽን ም/ቤት አዳዲስ አመራሮች በተጨማሪ በቅርቡ ለተቋቋሙ አዳዲስ የክልል መንግስታት አመራሮች መልካም የስራ ዘመን እንዲሆን መልካም ምኞቱን ገለፀ።

አዳዲሶቹ የፌዴራል እና የክልል መንግስታት በእውነተኛ የሀገር ፍቅር ስሜት መላው የሀገሪቱን ህዝብ በቅንነት እና ታማኝነት እንዲያገለግሉም ጥሪ አቅርቧል።

በከፍተኛ የሰላም እጦት ፣ ማህበራዊ፣ ምጣኔ ሀብታዊና ዲፕሎማሲያዊ ጫና ውስጥ ለምትገኘው ኢትዮጵያ ከአዲሱ መንግስት በርካታ አፋጣኝ ውሳኔዎችን ትጠብቃለችም ብሏል ነእፓ።

ፓርቲው ፦

- በጦርነት፣ በግጭት እና በፍትህ እጦት የሚንገላቱ በርካታ ዜጎች ከጠቅላይ ሚንስትሩ እና ከመንግስታቸው በሀገሪቱ ዘላቂ ሰላምና መረጋጋት እውን እንዲሆን ፈጣን ፖለቲካዊ እና አስተዳደራዊ ውሳኔዎች በጉጉት ይጠበቃሉ።

- በከፍተኛ ድህነት፣ የኑሮ ውድነት እና ስራ አጥነት አዙሪት ውስጥ ለሚሰቃዩ እልፍ አእላፍ ኢትዮጵያውያን ከአዲሶቹ የፌዴራልና የክልል መንግስታት ተጨባጭ የመፍትሄ እርምጃዎችን በታላቅ ተስፋ ይጠብቃሉ።

- በትግራይ፣ አማራ፣ አፋር እንዲሁም ሌሎች የሀገሪቱ ክልሎች በግጭት እና በጦርነት ምክንያት ከቤት ንብረታቸው የተፈናቀሉ ዜጎች በሀገራችን ሰላምና መረጋጋት ሰፍኖ ወደ ቀያቸው ተመልሰው የሰላም አየር የሚተነፍሱበት ሰዓት በጉጉት በመጠበቅ ላይ ይገኛሉ፤ በመሆኑም እነዚህ እና ሌሎች በርካታ የሀገሪቱ ዘመን ተሻጋሪ ውስብስብ ችግሮች የአዲሱን መንግስት አፋጣኝ ውሳኔ ይሻሉ ብሏል።

ነእፓ፥ " ዶ/ር ዐቢይ እና መንግስታቸው የሀገሪቱን እና የህዝቡን ድርብርብ ችግሮች ለመቅረፍ በሚያደርጉት እንቅስቃሴ መልካም የስራ ጊዜ እንዲሆንላቸው እንመኛለን " ሲል መልዕክቱን አስተላልፋል።

@tikvahethiopia

#Update

ከ6 ሰዓታት በላይ ተቋርጠው የቆዩት ፌስቡክ ፣ ዋትስአፕ ፣ ኢንስታግራም እንዲሁም ሜሴንጀር ወደ አገልግሎት ተመልሰዋል።

ፌስቡክ ለተፈጠረው ችግር ይቅርታ ከመጠየቅ ውጭ እስካሁን ችግሩ በምን ምክንያት እንደተፈጠረ ማብራሪያ አልሰጠም።

እንደብሉምበርግ ዘገባ ከሆነ በፌስቡክ መቋረጥ በ5 ሰዓታት ውስጥ ብቻ የማርክ ዙከርበርግ የግል ሃብት በ7 ቢሊዮን የአሜሪካ ዶላር ዝቅ ብሏል።

@tikvahethiopia

በመኪና አደጋ የ8 ሰዎች ህይወት ሲያልፍ 15 ሰዎች ከባድ እና ቀላል ጉዳት ደረሰባቸው።

መነሻዉን አርባ ምንጭ ያደረገ የሰሌዳ ቁጥሩ ኮድ-3 03348 የሆነ ቅጥቅጥ FSR 45 ተሳፋሪዎችን ጭኖ ትላንት ከጠዋቱ 2:30 አካባቢ ከአርባ ምንጭ መናኸሪያ ተነስቶ ወደ ጅንካ ሲጓዝ ከቀኑ 7:00 ሰዓት አካባቢ በደረሰው ከባድ አደጋ የስምንት ሰዎች ህይወት አልፏል።

አደጋው የተከሰተው መኪናው ባጋጠመዉ የፍሬን ችግር ምክንያት መሆኑ የተገለጸ ሲሆን ሕይወታቸውን ካጡ 8 ሰዎች በተጨማሪ በ6 ሰዎች ላይ ከባድ እንድሁም በ9 ሰዎች ላይ ቀላል ጉዳት መድረሱን የአሌ ልዩ ወረዳ ፖሊስ አሳውቋል።

@tikvahethmagazine

7ቱ የተመድ ሰራተኞች ከኢትዮጵያ ለቀው ወጥተዋል።

ኢትዮጵያ በተለያዩ ህገወጥ ተግባራት ላይ ተሳትፈዋል ያለቻቸውን 7 የተመድ ሰራተኞች በ72 ሰዓታት ውስጥ የኢትዮጵያን ምድር ለቀው እንዲወጡ ማዘዟ ይታወሳል።

ግለሰቦቹ በምን አይነት ህገወጥ የሆኑ ድርጊቶች ላይ ሲሳተፉ እንደነበረ በዝርዝር ይፋ መደረጉ አይዘነጋም።

እነዚህ ግለሰቦች እሁድ ዕለት ኢትዮጵያን ለቀው መውጣታቸውን የተመድ ምንጮቹን ዋቢ አድርጎ አጃንስ ፍራንስ ፕሬስ (AFP) በድረገፁ አስነብቧል።

7ቱ የተመድ ሰራተኞች ላይ ኢትዮጵያ ያሳለፈችውን ውሳኔ አሜሪካ፣ ጀርመን፣ ዩኬ እና የአውሮፓ ህብረት አውግዘው ነበር ፤ ከዚህ በተጨማሪ ተመድ የኢትዮጵያ መንግስት ባልደረቦቼን ከሀገር የማባረር መብት የለውም ማለቱ አይዘነጋም።

እንደ AFP ዘገባ ግን በ72 ሰዓት ከሀገር እንዲወጡ ቀጭን ትዕዛዝ የተሰጣቸው የተመድ ሰራተኞች እሁድ እለት ኢትዮጵያን ለቀው ወጥተዋል።

የተመድ ዋና ፀሃፊ አንቶኒዮ ጉተሬዝ ም/ቃል አቀባይ ፈርሃን ሀቅ ባለስልጣናቱ ከኢትዮጵያ መውጣታቸውን ተናግረዋል። ሃቅ ፥ "ደህንነታቸው ለማረጋገጥ ሲባል ከሀገሪቱ ወጥተዋል" ብለዋል።

በUN ስር ባሉ ኤጀንሲዎች ውስጥ ሲሰሩ የነበሩት 7ቱ የውጭ ሀገር ዜጎች ፦

• የUNICEF የኢትዮጵያ ተወካይ - አዴል ኮደር
• የUN ሰብአዊ መብት ከፍተኛ ኮሚሽነር ቢሮ ባልደረባ - ሶኒ ኦኒግ ቡላ
• የUN የሰላምና ልማት አማካሪ - ከውሲ ሳንቼሎቲ
• የUN የተራድኦ ምክትል አስተባባሪ - ግራንት ሊያቲ
• የUN የተራድኦ ምክትል አስተባባሪ ተወካይ - ጋዳ ኤልታሂር ሙዳዊ፣
• የUN የሰብአዊ ጉዳዮች ማስተባበሪያ ፅ/ቤት UNOCHA ምክትል አስተባባሪ - ሰኢድ መሀመድ ሀርሲ
• የUN የሰብአዊ ጉዳዮች ማስተባበሪያ ፅ/ቤት UNOCHA ኃላፊ - ማርሲ ቪጎዳ ናቸው።

@tikvahethiopia

#WFP : በአፋር እና አማራ ክልሎች ለሚገኙ ተፈናቃዮች፤ የመጀመርያ ዙር የምግብ እርዳታ ማዳረሱን የዓለም ምግብ ፕሮግራም አሳውቋል።

ድርጅቱ በግጭት ምክንያት እርዳታዎችን ማዳረስ ያልተቻለባቸው ቦታዎች ቢኖሩም 2,200 ሜትሪክ ቶን የሚገመት የምግብ እርዳታ ወደ ዋግኸምራ እና ሰሜን ወሎ ዞኖች ሊያድርስ መቻሉን ገልጿል።

በመጀመሪያው ዙር የእርዳታ ስርጭት 210 ሺ ሰዎች ለመርዳት እንደተቻለ ድርጅቱ አሳውቋል።

የዓለም ምግብ ፕሮግራም ፥ በአፋር ክልል 80 ሺ ሰዎች እርዳታ ማግኘታቸውን ገልፆ ካለው የችግሩ መጠን አንጻር በቀጣይ ዙር የሚረዱ ዜጎች ቁጥር ወደ 500 ሺ ሊያሻቅብ እንደሚችል ጠቁሟል።

እአአ ከነሃሴ 15 ወዲህ በአማራና አፋር ክልሎች ለሚገኙ 300 ሺ ተፈናቃዮች የሰብዓዊ እርዳታ መዳረሱንም ገልጿል።

ለትግራይ ክልል የሚደረገው እርዳታ በተመለከተ “በተለያዩ እንቅፋቶች፤ የሰብዓዊ እርዳታ ሰጪ ድርጅቶች እንደፈለጉ መንቀሳቀስ ባለመቻላቸው ምክንያት ወደ ኋላ ቀርቷል” ብሏል።

ከግንቦት 27 ወዲህ ከሰሜን ምዕራብ እና ደቡብ ትግራይ ተፈናቅለው በትግራይ ክልል ለሚገኙ ከ2 ነጥብ 4 ሚሊዮን በላይ ተፈናቃዮች እርዳታ ማዳረሱን ገልጿል፡፡

“እድሜያቸው ከ5 ዓመት በታች የሆኑ 200 ሺ ህጻናት እና እድሜያቸው ከ39 እስከ 71 የሆኑ ነፍሰጡር እና አጥቢ እናቶች” የተመጣጠነ የምግብ እርዳታን ካገኙ የትግራይ ተፈናቃዮች መካከል የሚጠቀሱ ናቸው።

የድርጅቱ የምስራቅ አፍሪካ ዳይሬክተር ሚካኤል ዱንፎርድ ፥ “ሪፖርቶች እንደሚያመክቱት ከሆነ ፤ባለው ሁኔታ በርካታ ቤተሰቦች ከቤታቸው እየሸሹ በመሆናቸው በሶስቱም ክልሎች ያለው የምግብ እጥረት ሁኔታ እየጨመረ ነው” ሲሉ ተናግረዋል፡፡

Credit : www.wfp.org / አል ዓይን

@tikvahethiopia