#SolianaShimeles

የኢትዮጵያ ብሄራዊ ምርጫ ቦርድ መስከረም 20 /2014 ዓ/ም ለሚያካሂደው ምርጫ አስፈላጊውን ዝግጅት ማጠናቀቁን ገልጿል።

የብሄራዊ ምርጫ ቦርድ የኮሙኒኬሽን አማካሪ ወ/ሪት ሶሊያና ሽመልስ ለኢፕድ በሰጡት ቃል ፥ ምርጫው በሶማሊ፣ ሐረሪ፣ የደቡብ ብሔር ብሔረሰቦች እና ሕዝቦች ክልል በተያዘለት መርሀ ግብር መስከረም 20/2014 ይካሄዳል ብለዋል።

አስፈላጊው ዝግጅትም ከወዲሁ ተጠናክሮ መቀጠሉን ገልፀዋል።

የደቡብ ምዕራብ ኢትዮጵያ የክልልነት ሕዝበ ውሳኔ በዕለቱ ከምርጫው ጋር ጎን ለጎን አብሮ እንደሚካሄድ ወ/ሪት ሶሊያና ገልፀዋል።

Credit : ኢፕድ
Photo : Tikvah Family

@tikvahethiopia

#Update

ባሕር ዳር ዩኒቨርሲቲ ለአቶ ኦባንግ ሜቶና ለጃፓናዊ ፕሮፌሰር አሱሺ ሱኔካዋ የክብር ዶክትሬት ሰጥቷል።

የባሕር ዳር ዩኒቨርሲቲ ዛሬ እያካሄደ በሚገኘው የ 2013 ዓ/ም የተማሪዎች ምረቃ ሥነ-ስርዓት ላይ ነው ለአቶ ኦባንግ ሜቶ እና ለጃፓናዊ ፕሮፌሰር አሱሺ ሱኔካዋ የክብር ዶክትሬት የሰጠው።

@tikvahuniversity

አሜሪካ ሰላማዊ ሰዎችን መግደሏን አምና ይቅርታ ጠየቀች።

አሜሪካ ባለፈው ወር በአፍጋኒስታን ካቡል በፈፀመች የድሮን ጥቃት ህፃናትን ጨምሮ 10 ሲቪል ሰዎች መገደላቸውን በመግለፅ ይቅርታ ጠይቃለች።

የአሜሪካ ጦር ትላንት አርብ ድርጊቱን "አሳዛኝ ስህተት" ሲል ገልጾ ይቅርታ ጠይቋል።

ጥቃቱ በተፈፀመበት ወቅት በርካታ መረጃዎች ሲቪሎች በግፍ መገደላቸውን ሲገልፁ የአሜሪካ ጦር ምናልባት በስህተት ሲቪሎች ተገድለው ሊሆን ይችላል ሲል ፤ አንድ ከፍተኛ የአሜሪካ ጄነራል ደግሞ ጥቃቱን ትክክለኛ ሲሉ ገልፀው ነበር።

ነገርግን በቅርቡ በጥቃቱ ዙሪያ በተደረገ ዝርዝር ጥናት እና ምርመራ የአሜሪካ ጦር ታጣቂዎችን ሳይሆን ሰላማዊ ሰዎችን እንደመታ ለማወቅ ተችሏል።

አሜሪካ በፈፀመችው የድሮን ድብደባ 9 የአንድ ቤተሰብ አባላትን (6ቱ ህፃናት ናቸው) ጨምሮ 10 ሰላማዊ ሰዎች መገደላቸው መግለፁ አይዘነጋም።

@tikvahethiopia

* Congratulations !

በዛሬው ዕለት ብቻ ከተለያዩት ከፍተኛ የትምህርት ተቋማት ትምህርታቸውን ሲከታተሉ የቆዩ ከ30,192 በላይ ተማሪዎች ተመርቀዋል።

የትኞቹ ዩኒቨርሲቲዎች ምን ያህል ተማሪ ? በምን ደረጃ እና የትምህርት ዘረፍ አስመረቁ ? ለጥያቄዎቹ መልስ ይህን አጭር ቁጥራዊ መረጃ አስቀምጠናል።

#HawassaUniversity

- አጠቃላይ 6 ሺህ 793 ተማሪዎችን አስመርቋል።
- ከጠቅላላ ተመራቂዎቹ 2 ሺህ 158ቱ ወይም 32 በመቶ ሴቶች ናቸው።
- ተመራቂዎቹ በመጀመሪያ፣ በ2ኛ እና በ3ኛ ዲግሪ በመደበኛና ተከታታይ መርሃ ግብሮች ትምህርታቸውን ተከታትለው ያጠናቀቁ ናቸው።

#BahirdarUniversity

- አጠቃላይ 5 ሺህ 586 ተማሪዎች አስመርቋል።
- ከተመራቂዎቹ 1 ሺህ 714ቱ ሴቶች ናቸው።
- በመጀመሪያ፣ በ2ኛ እና በ3ኛ ዲግሪ ትምህርታቸውን ተከታትለው ያጠናሰቁ ናቸው።

#JimmaUniversity

- አጠቃላይ 696 ተማሪዎች አሰመርቋል።
- 450 ወንድ እና 246 ሴት ተማሪዎች ናቸው።
- በቅድመ ምረቃና በድህረ ምረቃ መርሃ ግብሮች ትምህርታቸውን የተከታተሉ ናቸው።
- ከተመራቂዎቹ 252 ተማሪዎች በአጠቃላይ ሕክምናና በጥርስ ሕክምና የሰለጠኑ ናቸው።
- ጅማ ዩኒቨርሲቲ በሶማሊላንድ ሀርጌሳ ካምፓሱ በ 'ኒውትሬሽን' የትምህርት ዘርፍ ያስተማራቸውን 19 የ2ኛ ዲግሪ ተማሪዎችንም አስመርቋል።

#AdamaScience_and_TechnologyUniversity (ASTU)

- አጠቃላይ 1 ሺህ 298 ተማሪዎች አስመርቋል።
- ሰባቱ በሦሥተኛ ዲግሪ (ፒኤችዲ) ተመራቂዎች ናቸው።
- 215ቱ በሁለተኛ ዲግሪ የተመረቁ ናቸው።
- 1 ሺህ 76 ተማሪዎች በመጀመረያ ዲግሪ የተመረቁ ናቸው።

#MettuUniversity

- አጠቃላይ 2 ሺህ 262 ተማሪዎች አስመርቋል።
- 116ቱ በሁለተኛ ዲግሪ ትምህርታቸውን የተከታተሉ ናቸው።
- ተመራቂዎቹ በመደበኛ እና በተከታታይ መርሃ ግብሮች በመቱ እና በበደሌ ካምፓሶች ትምህርታቸውን የተከታተሉ ናቸው።

#ArsiUniversity

- አጠቃላይ 831 ተማሪዎችን አስመርቋል።
- በበቆጂ ካምፓስ የሰለጠኑ ናቸው።
- ተመራቂዎቹ በማህበራዊ ሳይንስ ዘርፍ በመደበኛና በተከታታይ መርሃ ግብሮች ትምህርታቸውን የተከታተሉ ናቸው።
- በመጀመሪያ እና በ2ኛ ዲግሪ ከተመረቁት መካከል 392ቱ ሴቶች ናቸው።

#AmboUniversity

- አጠቃላይ 4 ሺህ 524 ተማሪዎች አስመርቋል።
- በመጀመሪያ እና በሁለተኛ ዲግሪ የሰለጠኑ ናቸው።
- ከተመራቂዎቹ 1 ሺህ 980ዎቹ ሴት ተማሪዎች ናቸው።
- ከጠቅላላ ተመራቂዎቹ 450 የሚሆኑት የሁለተኛ ዲግሪ ተመራቂ ሲሆኑ 11 የደቡብ ሱዳን ስደተኛ ተማሪዎች ይገኙበታል።

#JigjigaUniversity

- አጠቃላይ 1 ሺህ 202 ተማሪዎችን አስመርቋል።
- ከጠቅላላ ተመራቂዎቹ 336ቱ ሴት ተማሪዎች ናቸው።
- 233ቱ በሁለተኛ ዲግሪ ትምህርታቸውን ያጠናቀቁ ሲሆን ቀሪዎቹ 969ኙ በመጀመሪያ ዲግሪ ትምህርታቸውን የተከታተሉ ናቸው።

* ከግል ከፍተኛ ትምህርት ተቋማት መካከል #AdmasUniversity ፦

- አጠቃላይ ከ10 ሺህ በላይ ተማሪዎችን አስመርቋል።
- ከተመራቂዎቹ 67 በመቶ ሴቶች ናቸው።
- በቴክኒክና ሙያ፣ በመጀመሪያ ዲግሪ እና 2ኛ ድግሪ በቀንና በማታ ትምህርታቸውን የተከታተሉ ናቸው።
- ከተመራቂዎቹ መካከል 1 ሺህ 532ቱ በ2ኛ ዲግሪ የተመረቁ ናቸው።

የከፍተኛ ትምህርት ተቋማት ጉዳዮችን በ @tikvahuniversity ተከታተሉ።

@tikvahethiopia

" ዓለም አቀፉ ማህበረሰብ አሜሪካን ተጠያቂ ማድረግ አለበት " - የኢራን ውጭ ጉዳይ ሚኒስቴር

አሜሪካ በካቡል በፈፀመችው ጥቃት ህፃናትን ጨምሮ 10 ሲቪሎችን መግደሏን ማመኗ ፤ ድርጊቱንም "አሳዛኝ ስህተት" ስትል ገልፃ ይቅርታ መጠየቋ ይታወቃል።

የኢራን የውጭ ጉዳይ ሚኒስቴር ከዚሁ ጉዳይ ጋር በተያያዘ 7 ህፃናትን ጨምሮ 10 ሲቪሎች በአሜሪካ ጦር መገደላቸውን በመግለፅ ፥ አሜሪካ እንዲህ ዓይነቱን ተደጋጋሚ ግፍ “ስህተቶች” እና ተጎጂዎችንም እንደ “ኮላተራል ዳሜጅ /የእግረ መንገድ ጥፋት/” እያለች በመግለጽ እራሷን ነፃ ማድረግ አትችልም ብሏል።

ሚኒስቴሩ ፥ የዓለም አቀፉ ማህበረሰብ አሜሪካ ለዓመታት በፈፀመችው ወረራ እና ሁከት ተጠያቂ ሊያደርጋት ይገባል ሲል ገልጿል።

ሚኒስቴሩ በአሜሪካ የድሮን ድብደባ በግፍ ሰለባ ከሆኑት ንፁሃን መካከል የህፃናቱን ፎቶ በማያያዝ ነው መልዕክቱን ያሰራጨው።

@tikvahethiopia

#ETHIOPIA😷

ሀገራችን ኢትዮጵያ 🇪🇹 ተጨማሪ 25 ዜጎችን በኮቪድ-19 ሳቢያ አጥታለች።

የኢ.ፌ.ዴ.ሪ የጤና ሚኒስቴር ይፋ ባደረገው ሪፖርት ባለፉት 24 ሰዓት ውስጥ 25 ሰዎች ሲሞቱ ከተደረገው 9,464 የላብራቶሪ ምርመራ ደግሞ 1,509 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 800 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia