በሆሮ ጉድሩ ወለጋ ዞን፤ አሙሩ ወረዳ የሚገኙ የአማራ ተወላጆች በሚደርስባቸው ''ዛቻና ማስፈራሪያ'' ወፌና ኢላሞ ከሚባሉ የገጠር ከተሞች ተሰደው በአጋምሳ ከተማ በሚገኝ ት/ቤት ውስጥ ተጠልለው እንደሚገኙ ገልጸውልናል።

* የድምፅ ፋይሉን ያዳምጡ።

@tikvahethiopia

#ኢትዮጵያ

ትግራይ ክልልን ከአማራ እና አፋር ክልል በሚያዋስኑ አካባቢዎች ግጭቶች መቀጠላቸውን የሚያመላክቱ ጥቆማዎች እየወጡ ነው።

በአካባቢው ስላለው ሁኔታ ተጨባጭ የሆነ መረጃ ማግኘት አዳጋች ሆኗል ፤ ዝርዝር መረጃም ማግኘት አልተቻለም።

በግጭቱ ግን በሺዎች የሚቆጠሩ ዜጎች እየተፈናቀሉ ናቸው።

ከቀናት በፊት የአፋር ክልል ርዕሰ መስተዳደር አወል አርባ ፥ "ህወሓት" በአፋር ላይ ክፍቶታል ያሉትን ጥቃት የክልሉ ሕዝብ ተጥቅ አንግቦ ራሱን እንዲከላከል ጥሪ አቅርበው ነበር።

ርዕሰ መስተዳዳሩ ማንኛውም አፋር ባለው የጦር መሳርያ ምድሩን ያስጠብቅ ዘንድ ነው ጥሪ አቅርበው የነበረው፤ ይህም በአለም አቀፍ ሚዲያዎች ተዘግቦ ነበር።

ዛሬ ደግሞ የአማራ ክልል ር/መስተዳደር የሆኑት አቶ አገኘሁ ተሻገር በክልሉ ውስጥ የማንኛውም የመንግሥትን መሳሪያ የታጠቀ፣ የግል መሣሪያ የታጠቀ፣ ለግዳጅ ብቁ የሆነ ወጣት ሁሉ ከነገ ጀምሮ ለህልውናው ዘመቻ እንዲዘምት የክተት ጥሪ አስተላልፈዋል።

አቶ አገኘሁ ከተናጠለ ተኩስ አቁሙ በኃላ የህወሓት ቡድን በራያ፣ በወልቃት ፣ በዋግ እንዲሁም በጠለምት ግንባሮች ጥቃት መክፈቱን የገለፁ ሲሆን ሀገር መከላከያ ሰራዊት እና የክልል ልዩ ኃይሎች በጥምረት በወሰዱት የማጥቃት እርምጃ በቡድኑ ላይ ከፍተኛ ኪሳራ እያደረሱበት እንደሆነ ተናግረዋል።

በትግራይ ክልል የነበረው ግጭት በጀመረበት ወቅት ክልሉን ሲያስተዳድር የነበረው እና በህ/ተ/ም/ቤት ሽብርተኛ ተብሎ የተፈረጀው የ ''ህወሓት ቡድን" የትግራይ ህዝብ ባለው የጦር መሳሪያ ሁሉ ወጥቶ እንዲታገል ጥሪ ሲያቀርብ እንደነበር አይዘነጋም፤ አሁን ላይ ደግሞ የአፋር እና አማራ ክልል መሪዎች ለህዝባቸው የክተት አዋጅ አውጀዋል።

@tikvahethiopia

#Ethiopia

'MIND ETHIOPIA' በኢትዮጵያ ሁሉን አካታች ሀገራዊ ምክክር እንዲኖር በቅርቡ ሀገራዊ የውይይት መድረክ እንደሚያዘጋጅ ማስታውቋል።

MIND ETHIOPIA የሰላም ሚኒስቴርን ጨምሮ 8 የሀገር ዓቀፍ ድርጅቶች ጥምረት ነው።

ሀገሪቱ አሁን ካለችበት ሁኔታ አንጻር ሀገራዊ ምክክር በ1 ቀን ተደርጎ የሚቆም ሳይሆን ሒደት እና ቀጣይነት ያለው መሆኑን MIND ETHIOPIA ገልጿል፡፡

የዴስቲኒ ኢትዮጵያ አስተባባሪና የMIND ETHIOPIA አባል የሆኑት አቶ ንጉሱ አክሊሉ ፥ "ኢትዮጵያ ተለዋዋጭ የፖለቲካ ሁኔታ ያላት በመሆኑ ሁሉን አካታች ሀገራዊ የምክክር መድረክ ለማድረግ ጠንካራ ሒደቶች እና ሕዝባዊ ድጋፍ ያስፈልጋል፤ ለዚህም ከሀገር ውስጥ እስከ ዴያስፖራው ማሕበረሰብ ድረስ በመነጋገር ዝግጅቶች እየተደረጉ ነው" ብለዋል።

አቶ ንጉሱ አክለው ፥ ኢትዮጵያ ባለፉት ሶስት ዓመታት የገጠሟት የማንነት ፤ የድንበር፤ የሕገ መንግስት ብሎም የታሪክ እና ፖለቲካዊ ጉዳዮች በጠረጴዛ ዙሪያ መፈታት እንዳለባቸው ገልጸው ለዚህም ከወር በኋላ ትልቅ ሀገራዊ የምክክር መድረክ እንደሚኖር አስታውቀዋል፡፡

ሀገራዊ ምክክርን ' በሕግ አግባብ ' ከሚፈቱ ግጭቶች መለየት እንደሚገባ አስገንዝበዋል አቶ ንጉሱ ስለማስገንዝበባቸው አሀዱ ሬድዮ በድረገፁ ላይ አስነብቧል።

@tikvahethiopia

#Ethiopia

በአሜሪካ የውጭ ጉዳይ ሚንስቴር መ/ቤት የአፍሪካ ጉዳዮች ቢሮ 'MIND ETHIOPIA ' ኢትዮጵያ ውስጥ ፖለቲካዊ ንግግር እና እርቅ እንዲፈጠር እያደረገ ያለው ጥረት ደግፋለሁ ብሏል።

በአፍሪካ ቀንድ የአሜሪካ ልዩ መልዕክተኛ የሆኑት ጄፍሪ ፊልትማን ፣ በኢትዮጵያ የአሜሪካ ኤምባሲ እና የUSAID ተወካዮች ከ 'MIND ETHIOPIA' ጋር መወያየታቸው ታውቋል።

ውይይቱ የነበረው 'MIND ETHIOPIA' በኢትዮጵያ ውስጥ የፖለቲካ ንግግር እንዲጀመር እና በብሄራዊ እርቅ እንዲሰፍን በሚያደርገው እንቅስቃሴ ዙሪያ እንደነበር ተሰምቷል።

@tikvahethiopia

#ItsMyDam🇪🇹

Mygerd.com ይፋ መደረጉ በተለያዩ የዓለም ክፍሎች ያሉ ኢትዮጵያውያን፣ ትውልደ ኢትዮጵያውያንና የኢትዮጵያ ወዳጆች ህዳሴ ግድብን በገንዘብ እንዲደግፉና አሻራቸውን ዕድል ፈጥሯል።

እስካሁን 291 ሰዎች ባደረጉት ስጋፍ 23,410 የአሜሪካ ዶላር ተሰብስቧል፡፡ 28 ሰዎች ደግሞ ለሌሎች በማስተዋወቅ ዘመቻውን ተቀላቅለዋል፡፡

ድጋፉ ቀጥሏል፡፡ ግድቡም ይጠናቀቃል።

#የኢኤኃ

@tikvahethiopia

#Amhara

የአማራ ክልል ህዝብ ትክክለኛ መረጃዎችን ከትክክለኛው የመንግስት አካል እንዲወስድ የክልሉ ርዕሰ መስተዳደር አቶ አገኘሁ ተሻገር አሳሰቡ።

አቶ አገኘው ይህን ማሳሰቢያ ያስተላለፉት ዛሬ ለአማራ ክልል ህዝብ የክተት አዋጅ ባወጁበት ወቅት ነው።

ኅብረተሰቡ መረጃ እንደሚያስፈልገው እናውቃለን ያሉት አቶ አገኘሁ ፥ ነገር ግን ሁሉም የጦርነት መረጃ አይሰጥም ብለዋል። "በዚህ በኩል እያጠቃን ነው፤ በዚህ በኩን እየተጠቃን ነው ፤ በዚህ በኩል እንዲህ አይነት ወታደራዊ መሬት ይዘናል ተብሎ መረጃ አይሰጥም" ሲሉ አስገንዝበዋል።

አንዳንዱ #በፌስቡክ ጦርነት ሊመራ ይፈልጋል ይህ ተገቢ አይደለም መታረም አለበት ብለዋል።

አስፈላጊው መረጃ በፌዴራል እና በክልል መንግሥታት የሚዲያ ተቋማት እንዲሁም በሀገር መከላከያ ሰራዊት ይሰጣል ያሉ ሲሆን ህዝቡ መረጃዎችን ከትክክለኛው አካል መውሰድ እንደሚገባው አሳስበዋል።

ትግራይ ክልልን በሚያዋስኑት የአማራ ክልል እና በአፋር ክልል አካባቢዎች ወታደራዊ ግጭቶች መቀጠላቸውን የሚገልፁ ሪፖርቶች ቢኖሩም መሬት ላይ ስላለው ሁኔታ ለማወቅ ፍፁም አዳጋች ሆኗል።

ትክክለኛ መረጃ ባለመኖሩም ህዝቡ ለፕሮፖጋንዳ እና ለሀሰተኛ መረጃዎች ፣ እንዲሁም ለአክቲቪስቶች ያልተጨበጠ ወሬ እንዲጋለጥ ማድረጉን በርካቶች እያነሱ ነው።

@tikvahethiopia

#ምርጫ2013

በምርጫ ላይ 2013 በምርጫ አስፈፃሚነት ሀገራቸውን ያገለገሉ ዜጎች ክፍያ እንደዘገየባቸው ጠቁመዋል።

የምርጫ አስፈፃሚዎች " ክፍያ ዘገየብን ፤ ለመዘግየቱ ምክንያት ምንድነው ? መቼ ነውስ ክፍያው የሚፈፀምልን ?" ሲሉ ጥያቄያቸውን ለቲክቫህ ኢትዮጵያ ልከዋል።

ከጉዳዩ ጋር በተያያዘ ምላሽ የጠየቅናቸው የኢትዮጵያ ብሄራዊ ምርጫ ቦርድ የኮሚኒኬሽ አማካሪ የሆኑት ወይዘሪት ሶሊያና ሽመልስ ክፍያው የዘገየው ፥
- ንብረት ርክክብ መጠናቀቅ ስላለበት፣
- የበጀት መዝጊያ ስለሆነም መልሶ መከፈት ስላለበት፣
- የመጨረሻው ክፍያ ስለሆነ
- በድምፅ መስጫ ቀን ሰው ስለተጨመረ ቁጥሩ ብዙ በመሆኑ ነው ብለዋል።

ወ/ሪት ሶሊያና ፥ የምርጫ አስፈፃሚዎች ክፍያ እንደተለመደው እንደሚከፈል የገለፁልን ሲሆን መታገስ እንደሚያስፈልግም ተናግረዋል።

@tikvahethiopia

#Tokyo2020

ታዳጊዋ ለሀገሯ ወርቅ አስገኘች !

የ13 ዓመቷ ጃፓናዊት የ #SkateBoard ተወዳዳሪ ሞሚጂ ኒሺያ ለሀገሯ ጃፓን በውድድር ዘርፉ የመጀመሪያውን ወርቅ አስገኝታለች።

ሞሚጂ ኒሺያ በ ታሪክ ለ ሀገሯ ወርቅ ያስገኘች በ እድሜ ትንሿ ተወዳዳሪም ለመሆን በቅታለች ።

@tikvahethsport