'ሺዎች ታድመውታል የተባለው ኢፍጣር ስነስርዓት በቃሉ ወረዳ '

ዛሬ በአማራ ክልል ደቡብ ወሎ ዞን በቃሉ ወረዳ ገርባ ከተማ እና በሃርቡ ከተማ የተፈናቀሉና ድጋፍ የሚሹ ወገኖቻችንን ያሳተፈው የጎዳና ላይ ኢፍጣር ስነስርዓት ተካሂድል።

ስነስርዓቱ በተሳካ መልኩ በሰላም መጠናቀቁን ከወረዳው ኮሚኒኬሽን የደረሰን መረጃ ያስረዳል።

ወረዳው ፥ "ከቅድመ ዝግጅት ጀምሮ ከሃብት ማሰባሰብ፣ ከፅዳትና ከማስተባበር እስከ ፕሮግራሙ ማጠናቀቂያ ድረስ በአንድነትና በአብሮነነት በማከናወን መላው ሙስሊም ማህበረሰብ ከእምነት ባሻገር የነበረውን የወሎየነት እሴት፣ ወግና ባህል ያንፀባረቀ ፕሮግራም እንደነበረ በተግባር ታይቷል" ብሏል።

አጭር መረጃ ስለገርባ ከተማ ኢፍጣር ፦

- ከ4,000 በላይ ፆመኞችን፣ የተፈናቀሉና ድጋፍ የሚሹ የህብረተሰብ ክፍሎችን ያሳተፈ ነበር።

- የአፍጢር ፕሮግራሙ በዋናነት አንድነትንና አብሮነትን ለመግለፅ ያለመ ነበር።

- ከሀገሪቱ የተለያዩ አካባቢዎች ከአፋር ክልል አዳይቱ፣ ከኦሮሚያ ክልል ወለጋ ፣ ከደቡብ ክልል ጉራፈርዳና ቤንች ሸኮ፣ ከቤኒሻንጊል ጉምዝ ክልል መተከልና ከኦሮሞ ብሄረሰብ ዞን አጣዬና አካባቢው ተፈናቅለው በገርባ ከተማና በቻይና ካምፕ ተጠልለው የሚገኙ እና ድጋፍ የሚሹ የህብረተሰብ ክፍሎችን ያሳተፈ ነበር።

@tikvahethiopia

የመስቀል አደባባይ 'ኢፍጣር' እና የመንግስት መግለጫ !

ቀደም ሲል በሰጠነው መረጃ ላለፉት በርከታ ቀናት ሰፊ የሆነ ዝግጅት ሲደረግበት ነበር የተባለው የአ/አ መስቀል አደባባይ ኢፍጣር ስነስርዓት አዘጋጆቹ እንዳሉት 'ተገደው' ሊሰረዙት ችለዋል።

ምዕመኑ ግን ወደስፍራው በብዛት የሄደ ቢሆንም የከተማው የፀጥታ ኃይሎች ወደቦታው እንዳይገቡ አድርገዋቸዋል።

በተላኩልን የፎቶ ማስረጃዎችም በርካታ የፀጣታ ኃይሎች አካባቢው ላይ ሰፍረው ሰዎችን ሲመልሱ ታይተዋል።

የአስለቃሽ ጭስ መተኮሱንም በስፍራው የነበሩ አባላት ገልፀዋል።

በተለይም ምዕመኑ እንዲሁም የሃይማኖት መምህራን ሁኔታው ወደሌላ እንዳይሄድ በማድረግ ፤ የነበረው ሁኔታ ረግቦ ሁሉም ምዕመን ወደ ቤቱ ሄዷል ተብለናል።

ስነስርዓቱ መከልከሉ በርካቶችን ያስቆጣ ነበር።

የአ/አ ከተማ ስለጉዳዩ ምን አለ?

የአ/አ አስተዳደር ባወጣው መግለጫ ለእስልምና እምነት ተከታዮች ባሰራጨው መልዕክት አብሮ አንድ ማዕድ በጋራ የተቋደሰ አደባባይ የኔ ያንተ ብሎ አይጣላም ሲል ገልጿል።

በአንድ በኩል የአደባባዩ የመጨረሻ የግንባታ ሥራዎች አለመጠናቀቁ ፤ ከሥነ - ሥርዓቱ መከናወን ጋር ተያይዞ ተገቢ ያልሆነ የደብዳቤ ልዉዉጥ ካደረጉት አካላት ጋር በመወያየት በጋራ ግንዛቤና በመተሳሰብ ላይ የተመሰረተና ያለንበትን አጠቃላይ ሀገራዊ ሁኔታ ከግምት ባስገባ መልኩ ፕሮግራሙ በታቀደዉ መሠረት የኢፍጣር ቦታዉ ስፋቱ እና ርዝመቱ እንዲያሳትፈዉ ከታሰበዉ የታዳሚ ብዘት አንጻር እንቅፋት እንዳይፈጠር እዛዉ በዉስን አካባቢ እንዲካሔድ እንደመፍትሔ ተወስዶ ነበር ብሏል።

አዘጋጆቹ የኢፍጣር ቦታዉ ስፋቱና ርዝመቱ ውስንነት ላይ ስላልተሰሙ የመሰረዝ አማራጭን ወስደዋል ሲል ገልጿል።

ሙሉ መግለጫው: telegra.ph/AAPS-05-09

@tikvahethiopia

ጋዜጠኛ ሲሳይ ፊዳ ተገደለ።

የኦቢኤን ጋዜጠኛ ሲሳይ ፊዳ ትናንት ከቀኑ 11፡30 ላይ ከሰርግ ቤት ሲመለስ በመኖሪያ ቤቱ አካባቢ በሁለት ታጣቂዎች መገደሉን በቄለም ወለጋ ዞን ፖሊስ መምሪያ የአካባቢ ሰላም አስከባሪ ምክትል ዳይሬክተር ኢኒስፔክተር አህመድ ያሲን ገለፁ።

ኢኒስፔክተር አህመድ ፥ ግድያውን የፈፀሙት የ 'ሸኔ' ታጣቂዎች ናቸው ብለዋል።

የወንጀሉ ፈፃሚዎች ማንነት እንደተደረሰበትና ክትልል እየተደረገባቸው መሆኑን ኢንፔክተሩ ጨምረው ገልፀዋል፡፡

ኦቢኤን (OBN) ፥ "ጋዜጠኛ ሲሳይ ፊዳ ህዝባዊ ወገንተኝነትን እንዲሁም መልካም ስነ-ምግባርን የተላበሰ ጠንካራ ጋዜጠኛ ነበር" ሲል ገልጿል።

@tikvahethiopia @tikvahethiopiaBOT

ም/ከንቲባ አዳነች አቤቤ ይቅርታ ጠይቁ !

ትላንት በአዲስ አበባ ከተማ 'መስቀል አደባባይ" የኢፍጣር ስነስርዓት መስተጓጎሉ መግለፁ ይታወሳል።

ወደስፍራው ሰዎች እንዳይሄዱም የፀጣታ ኃይሎች ክልከላ ሲያደረጉ እንደነበረም ሲገለፅ ነበር።

የአ/አ ከተማ መግለጫ አውጥቶ የተፈጠረው ሁኔታ ላይ ማብራሪያ መስጠቱ አይዘነጋም።

ዛሬ ጥዋት የአዲስ አበባ ምክትል ከንቲባ አዳነች አቤቤ የሙስሊም ማህበረሰብን በይፋ ይቅርታ ጠይቀዋል።

ም/ከንቲባዋ ለሙስሊም ወገኖች ባሰራጩት የይቅርታ መልዕክት ላይ "የኢትዮጵያ አደባባዮች የሁሉም ኢትዮጵያዊን ናቸው" ብለዋል።

አብሮ አንድ ማዕድ በጋራ የተቋደሰ፤ አደባባይ "የኔ፣ ያንተ" ብሎ አይጣላም ሲሉም አክለዋል።

ትላንት በጎዳና ላይ ሊካሄድ ታስቦ የነበረው የአፍጥር ስነስርአት መስተጓጎሉን በተመለከተ ተከታዩን ብለዋል ፦

"ይህ የሆነው ወቅታዊ የደህንነትና የጸጥታ ሁኔታን ከግምት በማስገባት የቦታው ስፋት እና ርዝመት ዉስን እንዲሆን ባቀረብነው ሀሳብ አዘጋጅ ኮሚቴው ባለማመኑ ብቻ መሆኑ ግልጽ እንዲሆን እንፈልጋለን።

የትላንት ምሽት ሁኔታ የሁላችንም ሰላም እና ደህንነት እንዲጠበቅ አስፈላጊ ጥንቃቄ ለማድረግ የጸጥታ አካላት ጥበቃ ለማድረግ ብቻ የተንቀሳቀሱት እንጂ በፍፁም የአፍጥር ክልከላ አይደለም።

በተለያዩ የከተማ አካባቢዎች የአፍጥር ስነስርዓት መካሄዱን አይተናል።

ይሁን እንጂ አንዳንድ ሃላፊነት የማይሰማቸው አካላት ይህን ጉዳይ ወዳልተፈለገ አቅጣጫ ለመዉሰድ በማህበራዊ ሚዲያ ሊያራግቡት ሞክረዋል።

በዚህ ሁኔታ ላይ ሙስሊሙ ማህበረሰብ የተሰማውን ቅሬታ የገለጸበት መንገድ ጨዋነት የተሞላበት እና ሰላማዊ መሆኑ ሊደነቅ ይገባል።"

ም/ከንቲባዋ ትላንት ለተፈጠረው ነገር በራሳቸውና በከተማ ስተዳደሩ ስም ይቅርታ ጠይቀዋል

@tikvahethiopia

ፊልትማን ኢትዮጵያ ናቸው።

ከሰሞኑን በግብፅ ፣ በሱዳን እና በኤርትራ ቆይታ የነበራቸው የአሜሪካ የአፍሪካ ቀንድ ልዩ መልዕክተኛ አምባሳደር ጀፍሪ ፊልትማን ኢትዮጵያ (አዲስ አበባ) ይገኛሉ።

የውሃ መስኖና ኢነርጅ ሚኒስትር ዶክተር ኢንጂነር ስለሺ በቀለ ከጀፍሪ ፊልትማን ጋር ተወያይተዋል፡፡

በውይይቱ ላይ በኢትዮጵያ በኩል የታላቁ የህዳሴ ግድብ ተደራዳሪዎች ተገኝተዋል፡፡

ለልዩ መልዕክተኛው በግድቡ ግንባታ እና የሶስትዮሽ ድርድር ዙሪያ በሚኒስትሩ ገለጻ ተደርጎላቸዋል።

ምንጭ፦ ኤፍ ቢ ሲ
@tikvahethiopia @tikvahethiopiaBOT

"... ብጹዕ ወቅዱስ አቡነ ማትያስ የተገሩት መልዕክት ሲኖዶሱን አይወክልም" - የሲኖዶስ ዋና ፀሀፊ ብፁዕ አቡነ ዮሴፍ

ከቀናት በፊት ብፁዕ ወቅዱስ አቡነ ማትያስ ቀዳማዊ ፓትርያርክ 15 ደቂቃ በሚረዝም የቪድዮ ንግግር በኢትዮጵያ ስላለው ሁኔታ ሃሳባቸውን ሰጥተው ነበር።

ብፁዕነታቸው በቪድዮው፥ በኦሮሚያ፣ ቤኒሻንጉል ጉሙዝ፣ በሸዋሮቢት በሌሎችም ቦታዎች ችግር እንዳለ ገልፀው የትግራይ ግን እጅግ የከፋ ፣ ጭካኔ የተሞላበት መሆኑን ተናግረው ነበር።

ትግራይ ውስጥ ይሰራል ያሉት አረመኒያዊ ስራ እንዲቆም ያቀረቡት ጥይቄ አለመሳካቱን ፤ ፍቃድም እንዳልተሰጠ ገልፀው፤ የሚናገሩት ሁሉ በተደጋጋሚ እንደሚመለስ እና ፍቃድ እንዳላገኙ ተናግረው ነበር።

በተጨማሪ ያሉበትን ሁኔታ እሳቸው ብቻ እንደሚያውቁ በመናገር በትግራይ እየተፈፀመነው ያሉትን አረመኒያዊ ስራ ለመቃወም ብዙ ጊዜ እነደሞከሩ ነገር ግን ስላልተፈቀደ "እየታፈነ" እየቀረ መሆኑን አስረድተው ነበር።

ሚያዚያ 7 ቀን 2013 ያደረጉት ቃለምልልስም ታግዶ መቀረቱን በወቅቱ ገልፀው የትግራይ ግጭት አሁን ላይ 6 ወር እንደሆነውና እስካሁን ግድያ/ግፍ መቀጠሉን በመናገረ ይህን ሁኔታ እግዚአብሔር እንዴት እንደሚመልሰው የራሱ ዳኝነት አለው ሲሉ ተደምጠውም ነበር።

ከብፁዕ ወቅዱስ አቡነ ማትያስ ቀዳማዊ ፓትርያርክ የቪድዮ ንግግር ጋር በተያያዘ ዛሬ ቅዱስ ሲኖዶስ እኔን አይወክለኝም ሲል መግለጫ ሰጥቷል።

የቤተክርስትያኒቱ ሲኖዶስ ዋና ፀሀፊ የሆኑት ብጹዕ አቡነ ዮሴፍ በሰጡት መግለጫ እንዳስታወቁት የትኛውም መልዕክት ከመተላለፉ በፊት በሲኖዶስ በሚደረግ ስብሰባ ውሳኔ ሊሰጠው ይገባል ሲሉ ገልፀዋል።

በመሆኑም ፓትሪያኩ ያስተላለፉት የግል አቋም እንጂ የሲኖዶሱ ውሳኔ አይደለም ብለዋል።

@tikvahethiopia @tikvahethiopiaBOT

ሠርግ ላይ በተተኮሰ ጥይት የ9 አመት ልጅ በጥይት ተመቶ ቆሰለ።

በደብረ ማርቆስ ቀበሌ 07 ልዩ ቦታው ዳሊጋው ጊዮርጊስ እየተባለ ከሚጠራው ስፍራ በነበረው የሠርግ ፕሮግራም ላይ የወንድሙን ሽጉጥ ሰርጉ ላይ አምጥቶ ሲተኮስ የ9 አመት ልጅ አቁስሏል።

ህብረተሰቡም ለፖሊስ በሰጠው ጥቆማ መሠረት ተጠርጣሪው በቁጥጥር ስር ውሎ አስፈላጊው የምርመራ ስራ እየተጣራ መሆኑ ተገልጿል።

መረጀውን ይፋ ያደረጉት የ2ኛ ፖሊስ ጣቢያ የማህበረሰብ አቀፍ የፖሊስ አገልግሎት ክፍል ሀላፊ ኮማንደር ገናነው ፥ እንደገለጹት ከቅርብ ግዜ ወዲህ በሰርግ ፕሮግራሞች ላይ ሮኬት በማፈንዳት እና አስመስለው ጥይት በመተኮስ የአካባቢያቸውን ሠላም እና ጸጥታ ከማደፍረስ አልፎ የሠው ህይወት መጥፋት እና የአካል ማጉደል ወንጀል እንደሚፈጸም አስረድተዋል።

ኮማንደሩ አክለው ፥ "ህብረተሰቡ እንደዚህ አይነት ፕሮግራሞች ላይ ከተያዘላቸው አላማውጭ በህገወጥ መንገድ አጉል ጀብደኝነትን ለመፍጠር እንዲሁም በሰፈር መሀል እታታይ የሚሉ እና ዛፍ በሌለበት እንቧጮ አድባር ነው እንደሚባለው በሠርግ ላይ ተኩሶ ጀግናነኝ ለማለት የሚደረጉ ህገ ወጥ ድርጊቶች ማህበረሰቡንም ሆነ ጥይት ተኳሹን ዋጋ የሚያስከፍሉ በመሆኑ አስፈላጊውን ጥንቃቄ እንዲያደርጉ" ሲሉ አሳስበዋል።

በተጨማሪ ኮማንደሩ የመሣሪያ ፍቃድ ያላቸው ግለሠቦች ለማንም ሰው አሳልፈው መስጠት የማይቻል መሆኑን ተገንዝበው ይህ ሆኖ ሲገኝ ፖሊስ ለህዝብ ሠላም እና ደህንነት ሲል አስፈላጊውን ህጋዊ እርምጃ እንደሚወስድን አስጠንቅቀዋል።

@tikvahethiopiaBOT @tikvahethiopia