ውድ አባላት ያለውን ሁኔታ እየተረዳችሁ መልዕክት ለሌሎች እየላካችሁ ስለሆነ ልትመሰገኑ ይገባል።

ከቅርብ ጊዜ ወዲህ የመጡት በመቶ ሺዎች የሚቆጠሩ አዳዲስ አባላት የተሳሳተ እይታ እንዳይኖራቸው። እንዴት መረጃ መለዋወጥ እንደሚችሉ እንደሚከተለው በአጭሩ እንገልፃለን።

- ቲክቫህ የሚመራውም ሆነ ባለቤቶቹም አባላቱ ብቻ ናቸው፤ መልዕቶችን ለማደራጀት እና ለሌሎች ለመላክ እንዲሁም ሚዲያዎች ለመዳሰስ ካሉ አስተባባሪዎች ውጭ ሌላ አካል የለውም።

- ቲክቫህ ቋሚ የመደበኛ ሚዲያዎች ይዘት የለውም (እንደዛ አስፈላጊ ከሆነ በአባላት ምክክር ወደፊት ይደረግ ይሆናል)

- ቲክቫህ ውስጥ የገባ እንደ የቤተሰቡ አንድ አባል/አካል/ባለቤት ነው የሚቆጠረው።

- የቲክቫህ አባላት ጋዜጠኞች፣ አመራሮች፣ የሚዲያ ባለቤቶች፣ ስራ ፈጣሪዎች፣ ተማሪዎች፣ በተለያየ የስራ መስክ ያሉ ፣ የመንግስት ሹማምንት፣ የተቃዋሚ አመራሮች ያሉበት ነው።

- ለአባላት በስልካቸው በቴሌግራም የሚላክላቸው መልዕክት የትኛውንም ወገን የሚወግን ፣ የፖለቲካ ትርፍ ሆነ አላማ የሌለው ነገር ግን በየአቅጣጫው ያለውን ሁኔታ አባላት እንዲያውቁት የሚያደርግ ነው።

- በየአባላት ስልክ በቴሌግራም በኩል የሚላከው መልዕክት ለጋዜጠኞች ፣ ለሚዲያዎች ግብዓት እንዲሆን እነሱም ለሌላው እንዲያሳውቁ የሚያደርጉ ናቸው።

- አባላት በቻሉት አቅም ግጭት የማያባብስ ፣ ለሌሎች ጉዳት መንስኤ የማይሆን፣ እሳት የማይሎክስ መረጃ ለሌሎች መካፈል ይችላሉ።

- አባላት መረጃቸውን ይፋ ሲያወጡ፥ ኃላፊነት በሚሰማው መልኩ ነው፤ ምላሽ መስጥ የሚፈልግ አካልም በተቀመጠው ስልክ ወይም አድራሻ ምላሽ መስጠት ይችላል።

- ሁሉም አባል የመጀመሪያ ምንጭ በመሆን መልዕክቱን ለሌሎች መላክ (ቲክቫህ ውስጥ ላሉ የውጭ እና የሀገር ውስጥ ጋዜጠኞች) መላክ ይችላል።

3/4

- አባላት መረጃ ስታካፍሉ ከማህበራዊ ሚዲያ እየወሰዳችሁ ሳይሆን በቀጥታ ጉዳዩን የምትከታተሉ ሊሆኑ ይገባል፤ ይህ ለምን እንደሆነ ለናተ የሚጠፋ አይደለም።

- እንደሚታወቀው ከቅርብ ጊዜ ወዲህ የሀገራችን ሚዲያዎች በተካረረው የብሄር ግዳይ እና በፖለቲካ ውስጥ ገብተው ቦታ ቦታቸውን ይዘው ስላለ ሚዲያዎችን ዋቢ ስታድርጉ በጥንቃቄ ይሁን።

- በቲክቫህ ውስጥ የሚያስተባብሩ ደግሞ ሚዲያዎችን እየተከታተሉ ፣ ከአባላት የተላኩትን መልዕክቶች እያደራጁ ኃላፊነት ባለው መልኩ፣ በሁሉም አቅጣጫ ለሌሎች ያደርሳሉ።

- አባላት መረጃ ለሰዎችን ለመላክ ስትፈልጉ እውነተኛ ያልተደበቀ ማንነት ሊኖራችሁ ግድ ነው፤ አስፈላጊ ከሆነ ስልክ፣ ተጎጂዎችን አነጋግራችሁ ከሆነም የተጎጂዎችን አድራሻ ማያያዝ አለባችሁ። በተደበቀ ማንነት የሚላኩ መልዕክቶች በቀጥታ ለአባላት ለመላክ አይቻልም።

- የፀጥታ ስጋት እንዳለ በማንኛውም ጊዜ ስትጠቁሙ /ለአባላት ስትልኩ፤ ትክክለኛ መሆኑን እና እዛው ሊፈታ እንደማይችል ስታምኑበት መሆን አለበት።

- በየቦታው ካለው ውጥረት ጋር በተያያዘ ጥቆማ ስታካፍሉ ኃላፊነት ባለው መልኩ ሌላ ቦታ ችግር በማይፈጥር መልኩ መሆን አለበት።

ከዚህ በተጨማሪ የቲክቫህ አባላት ይህ ፕላትፎርም የናተው የመረጃ መለዋወጫ ስለሆነ አሁን ካለው እና ከተባባሰው ቀውስ እንድንወጣ በየአካባቢው ያሉ ችግሮችን በኃላፊነት ለሌሎች አጋሩ።

እንደአንድ ዜጋ መፍትሄ የምትሉትን በውስጣችሁ ያየዛችሁትን ሃሳብ ካለ እያካፍሉ።

ምናልባት ስለቲክቫህ ቤተሰባዊ ግንኙነት በቅጡ ሳትረዱ የመጣችሁ/የራሳችሁን ዓላማ ለማስፈፀም የምትፈልጉ አካላት የተሳሳተ ቦታ እንደመጣችሁ ለማሳወቅ እንወዳለን።

መልዕክት ማስቀመጫ ፥ @tikvahethiopiaBOT / 0919743630 /

ፈጣሪ ሀገራችንን ሰላም ያድርግልን።
ቲክቫህ "ተስፋ" ኢትዮጵያ

"... በሲቪል ሰዎች ላይ የሚደርሱ ጥቃቶች ተደጋጋሚነት እና መስፋፋት የፀጥታ መዋቅሩ የመከላከልና ዝግጁነት አቅም ከፍተኛ መሻሻል ሊደረግበት እንደሚገባ ሚጠቁም ነው" - ኢሰመኮ

ኢሰመኮ በጅማ ሊሙ ኮሳ ወረዳ ፣ ቀጮ ክርክራ እና ጋሌ ቀበሌ ሚያዚያ 15 ቀን 2013 ዓ/ም በታጠቁ ኃይሎች ጥቃት መድረሱን ገልጾ ክትትል በማድረግ ላይ መሆኑን አሳውቋል።

በተመሳሳይ በደቡብ ክልል አማሮ ልዩ ወረዳ ፣ ዳኖ ቀበሌ በሚያዚያ 14 ታጣቂዎች 6 ሰዎች እንደገደሉ የአካባቢው አስተዳደር ማሳወቁን ገልጿል።

በኮሳ ወረዳ የደረሰውን አደጋ ተከትሎም በእለቱ የክልል እና የፌዴራል ፀጥታ ኃይሎች ወደ አካባቢው መሰማራታቸውን ኢሰመኮ መረዳቱን አሳውቋል።

ኢሰመኮ ከሚመለከታቸው የፌዴራል እና ክልል አካላት ተገቢውን አፋጣኝ ምላሽ እንዲሰጡ በቅርበት እናት ነጋጋረ መሆኑ ገልጾ ፤ የክትትል ተግባሩን እንደሚቀጥል ገልጿል።

ኮሚሽኑ ፥ ነዋሪዎች ላይ ተጨማሪ ጉዳትና የሰዎች ሞት ለመከላከል አፋጣኝ እርምጃ እንዲወሰድ ያሳሰበ ሲሆን በሲቪል ሰዎች ላይ የሚደርሱ ጥቃቶች ተደጋጋሚነት እና መስፋፋት የፀጥታ መዋቅሩ የመከላከል እና ዝግጁነት አቅም ከፍተኛ መሻሻል ሊደረግበት እንደሚገባ የሚጠቁም ነው ብሏል።

@tikvahethiopiaBOT @tikvahethiopia

#update

መንግሥት የቴሌኮሙዩኒኬሽን ዘርፉን ለውድድር ክፍት ለማድረግ ያሳለፈውን ውሳኔ ተከትሎ የኢትዮጵያ ኮሙዩኒኬሽን ባለሥልጣን ባወጣው ዓለም አቀፍ ጨረታ ከተሳተፉ የውጭ ኩባንያዎች መካከል አሸናፊ የሆኑ ሁለት ኩባንያዎች፣ ነገ ሚያዚያ 18 ቀን 2013 ዓ.ም. ይፋ እንደሚደረጉ ተገልጿል።

መንግሥት ለውድድር ክፍት ያደረገውን የቴሌኮሙዩኒኬሽን ገበያ እንዲመራና እንዲቆጣጠር ያቋቋመው፣ የኢትዮጵያ ቴሌኮሙዩኒኬሽን ባለሥልጣን ለሁለት የግል የቴሌኮም ኩባንያዎች ለአገሪቱ የመጀመሪያ የሆነውን የግል የቴሌኮሙዩኒኬሽን አገልግሎት ፈቃድ ለመስጠት፣ በኅዳር ወር 2013 ዓ.ም. ዓለም አቀፍ ጨረታ ማውጣቱ የሚታወቅ ነው።

ዓለም አቀፍ ጨረታው ከመውጣቱ አስቀድሞ የኢትዮጵያ ቴሌኮሙዩኒኬሽን ባለሥልጣን ወደ ኢትዮጵያ የቴሌኮሙኒኬሽን ገበያ መግባት የሚፈልጉ ዓለም አቀፍ ኩባንያዎች የፍላጎት መግለጫ እንዲያስገቡ በይፋ ባቀረበው ጥሪ መሠረት፣ 12 ዓለም አቀፍ ኩባንያዎች ፍላጎታቸውን መግለጻቸው ይታወሳል።
 
ከ12 ኩባንያዎች መካከል በቴሌኮሙዩኒኬሽን አግልግሎት ለመሳተፍ ፍላጎት ያሳዩት ዘጠኝ ኩባንያዎች ሲሆኑ፣ ከእነዚህ መካከል ዓለም አቀፍ ጥምረት ለኢትዮጵያ ቴሌኮም አገልግሎት በሚል አንድ ጥላ ሥር ሆነው ፍላጎታቸውን የገለጹት ቮዳፎን፣ ቮዳኮምና ሳፋሪኮም የተባሉት እህትማማች ድርጅቶች አንድ ተብለው የሚጠቀሱ ናቸው፡፡በርካታ የዘርፉ ተንታኞች የማሸነፍም ቀዳሚ ግምት ለሦስቱ ኩባንያዎች ጥምረት ሰጥተዋል።

ከእነዚህ በተጨማሪ ኢቴሳልት፣ ኤዢያን፣ ኤምቲኤን፣ ኦሬንጅ፣ ሳዑዲ ቴሌኮም፣ ቴልኮም፣ ስኔል ሞባይልና ካንዱ ግሎባል ፍላጎታቸውን የገለጹ ታዋቂ ኩባንያዎች ናቸው።

ያንብቡ : telegra.ph/Reporter-Newspaper-04-25 [ሪፖርተር]

@tikvahethiopiaBOT

#Update

በሞቃዲሾ የተቃዋሚ ደጋፊ በሆኑት እና የመንግስት ወታደሮች መካከል በነበረው ከባድ ግጭት የሰው ህይወት ማለፉ ተነግሯል።

እንደአካባቢው ሚዲያዎች መረጃ በፋጋህ እና ሳንአ አካባቢዎች በነበረው ከባድ ግጭት ቢያንስ ሁለት ሰዎች ሲገደሉ፥ በርካቶች ቆስለዋል።

አለመረጋጋት በተፈጠረባቸው አካባቢዎች ላይ የንግድ ተቋማት ተዘግተዋል፣እንቅስቃሴ ቋሟል፤ ሰዎች ሰላምን ፍለጋ ሸሽተዋል።

የአፍሪካ ህብረት የሰላምና ፀጥታ ምክርቤት በሶማሊያ ባለው ወቅታዊ የፖለቲካ እና ፀጥታ ሁኔታ ላይ ከቀናት በፊት ስብሰባ አድርጎ ነበር ፥ የሶማሊያ የፖለቲካ መሪዎች በሀገሪቱ ውጥረትን ከሚያባብሱ ተግባራት በመቆጠብ በአስቸኳይ ወደ ውይይት እንዲመለሱ ጥሪ አቅርቦ ነበር።

የሶማሊያ ፓርላማ ከ10 ቀን በፊት ሌሎች የፖለቲካ ሀይሎችን ባገለለ መልኩ የሀገሪቱን ፕሬዝደንትና የፓርላማውን የስልጣን ቆይታ ጊዜ ለማራዘም ያሳለፈው ውሳኔ እንዳሳሰበውም ምክር ቤቱ አስታውቋል።

የሶማሊያ ፓርላማ ያሳለፈው ውሳኔ በአውሮፓውያኑ መስከረም 2020 የሀገሪቱ የፖለቲካ ኃይሎች ምርጫ እንዲደረግ የደረሱትን ስምምነት የሚጥስ ነው ብሎታል።

የፓርላማው ውሳኔ በከፍተኛ መስዋእትነት በመክፈል የተገኘውን አንጻራዊ ሰላም እና ፀጥታን አደጋ ላይ የሚጥል መሆኑን እና የሀገሪቱን አንድነትና መረጋጋት እንዲሁም አዲስ የተጀመረውን ዴሞክራሲያዊ እና ህገ-መንግስታዊ ሂደቶች የሚጎዳ ነው ሲል ም/ቤት ስጋቱን አስቅምጦ ነበር።

በተጨማሪም አሁን ያለው የፖለቲካ ሁኔታ የሶማሊያ ፌዴሬሽንና የሀገሪቱን የፀጥታ አካላት አንድነትን ሊጎዳ ይችላል ያለው ምክር ቤቱ ፣ አልሸባብን ለማዳከም የሚሰራውን ስራም ሊያስተጓጉል እንደሚችል አሳስቦ ነበር።

መረጃው በሶማሊያ ካሉ ሚዲያዎችና ከአል ዓይን የተውጣጣ ነው።

@tikvahethiopia

ወ/ሮ ኑሪያ የሱፍ በኮቪድ-19 ህይወታቸው አለፈ።

ወ/ሮ ኑሪያ የሱፍ በኢትዮጵያ የሕብረተሰብ ጤና ኢንስቲትዩት የሴቶች ህፃናት እና ወጣቶች ዳይሬክቶሬት በዳይሬክተርነት እና በብሔራዊ የሕብረተሰብ ጤና አደጋ ማስተባበሪያ ማዕከል የኮቪድ - 19 ምላሽ ማስተባበሪያ ስር ልዩ ድጋፍ ለሚሹ የማሕበረሰብ ክፍሎች በኮቪድ -19 ዙሪያ የተለያዩ ግንዛቤ ማስጨበጫና የድጋፍ ስራዎችን ለሀገራቸውና ለማሕበረሰባቸው በመስራት ላይ እያሉ በኮቪድ - 19 ቫይረስ ተይዘው የሕክምና እርዳታ እየተደረገላቸው ሕይወታቸው አልፏል።

ወ/ሮ ኑሪያ የሱፍ በጤና ዘርፍ የላቀ አስተዋፅኦ ስላበረከቱም ከጤና ሚኒስትር ዶ/ር ሊያ ታደሰ እውቅና አግኝተው ነበር ።

የኢትዮጵያ የሕብረተሰብ ጤና ኢንስቲትዩት በወ/ሮ ኑሪያ የሱፍ ህልፈት ሀዘንኑን ገልጿል።

@tikvahethiopiaBOT

#Ethiopia😷

ባለፉት 24 ሰዓት 20 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 6,299 የላብራቶሪ ምርመራ 1,324 ሰዎች በቫይረሱ መያዛቸው ተረጋግጧል።

ትላንት 2,734 ሰዎች ከበሽታው አገግመዋል።

በአጠቃላይ 252,279 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,551 ሰዎች ህይወታቸው አልፏል፤ 192,747 ሰዎች አገግመዋል።

አሁን ላይ 1,010 ሰዎች በፅኑ ታመዋል።

#Purpose
@tikvahethiopia