የአብን እጩ ተገደሉ።

በቤንሻንጉል ጉሙዝ ክልል መተከል ዞን ወንበራ ወረዳ ለክልል ምክር ቤት እጩ የነበሩት የአማራ ብሄራዊ ንቅናቄ ፓርቲ (አብን) አባል አቶ በሪሁን አስፈራው በመተከል ዞን በለስ ልዩ ቦታው ካርባር ግድያ እንደተፈፀመባቸው ፓርቲው አስታውቋል።

አቶ በሪሁን ግድያ የተፈፀመባቸው ከቻግኒ ወደ በለስ ጉዞ ላይ እያሉ ልዩ ቦታው "ካርባር" በሚባል ቦታ ላይ መሆኑ ተገልጿል።

ፓርቲው በተፈፀመው ግድያ መሪር ሀዘን እንደተሰማው ገልጿል።

አብን ፓርቲ ባወጣው መግለጫ ላይ፥ ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ማድረጋቸውን ነገር ግን በምርጫ ቦርድ ትብብር ምዝገባው ሊከናወን መቻሉን አስታውሷል።

በተጨማሪም የምርጫ ተወዳዳሪ እጩዎች ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቹ ላይ አላስፈላጊ ጫና ለማሳረፍ መኩራ መደረጉን አስታውሷል።

አብን የእጩ ተወዳዳሪ አቶ በሪሁን ግድያ ፖለቲካዊ መሰረት ያለው እና ንቅናቄው በቤኒሻንጉል ጉምዝ ክልል ውስጥ የሚያደርገውን እንቅስቃሴ ለመገደብ "ሆነ ተብሎ" የተደረገ እንደሆነ እንደሚያምን ገልጿል።

ፓርቲው መንግስት በምርጫ እጩ አባሉ ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ ጠይቋል።

ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ አስገንዝቧል።

* አብን ያወጣው መግለጫ ከላይ ተያይዟል።

@tikvahethiopia @tikvahethiopiaBOT

#ማስተካከያ

ትላንት ይፋ በተደረገው የከፍተኛ ትምህርት ተቋም የመቁረጫ ነጥብ ላይ የተደረገ ማስተካከያ (መስማት ለተሳናቸው እና ለአይነስውራን) እንደሚከተለው ቀርቧል።

ተፈጥሮ ሳይንስ ፦

- መስማት ለተሳናቸው ወንድ ተማሪዎች 275 እና ከዚያ በላይ ያስመዘገቡ

- መስማት ለተሳናቸው ሴት ተማሪዎች 270 እና ከዚያ በላይ ያስመዘገቡ

ማህበራዊ ሳይንስ ፦

- መስማት ለተሳናቸው ወንድ ተማሪዎች 270 እና ከዚያ በላይ ያስመዘገቡ

- መስማት ለተሳናቸው ሴት ተማሪዎች 265 እና ከዚያ በላይ ያስመዘገቡ

- ለአይነስውራን ወንድ ተማሪዎች 240 እና ከዚያ በላይ ያስመዘገቡ

- ለአይነስውራን ሴት ተማሪዎች 235 እና ከዚያ በላይ ያስመዘገቡ

መረጀውን ያገኘነው ከ #MoSHE ነው።

@tikvahethiopiaBOT @tikvahethiopia

#GERD🇪🇹

የውኃ፣ መስኖ እና ኢነርጂ ሚኒስትር ዶ/ር ኢ/ር ስለሺ በቀለ ኢትዮጵያ በመጪው ክረምት ለምታከናውነው የውሃ ሙሌት ሀገራቱ የግድብ ባለሙያዎችን ኢንዲመድቡ በይፋ ጋብዘዋል።

ሚኒስትሩ ለሱዳን የውሃ ጉዳይ ሚኒስቴር እና ለግብፅ ውሃ ሚኒስቴር በላኩት ድባዳቤ ነው ሁለቱ ሀገራት የፊታችን ሐምሌ እና ነሃሴ ወር ላይ የሚከናወነውን የውሃ ሙሌት በተመለከተ የመረጃ ልውውጥ ለማድረግ የሚያስችል ባለሙያን እንዲመድቡ የጋበዘዋቸዋል።

በሚኒስትሩ ደብዳቤ መሠረት ግብዣው የ3ቱ ሀገራት ብሄራዊ ገለልተኛ የሳይንስ ምርምር ቡድን (NISRG) ባቀረበው የሙሌት የጊዜ ሰሌዳ ላይ በተደረሰው መግባባት ላይ በመመርኮዝ የቀረበ መሆኑ እና በዚህም መሰረት ሙሌቱ በሐምሌ እና ነሐሴ ወር ውስጥ እንደሚከናወን ፤ በወቀቱ በሚኖር የውሃ መጠን ላይ በመመርኮዝ እስከ መስከረም ወር ሊራዘም እንደሚችል ተመላክቷል።

የግድቡ ግንባታ የደረሰበትን ሁኔታና የዝናብ ወቅት መድረሱን የጠቀሱት ሚኒስትሩ ተግባራዊና አስፈላጊ የሆነ የንግግር መድረክ ማመቻቸት ያስፈልጋል ብለዋል፡፡

መረጃ የሚለዋወጥ ሰው መመደብ ትክክለኛ የሆነ የመረጃ ልውውጥ ያፋጥናል፤ በአፍሪካ ህብረት ስር የሚደረገው የግድቡ ድርድር እስከሚጠናቀቅ ድረስ በሶስቱ ሀገራት መካከል መተማማን ይፈጥራል ብሏል መግለጫው፡፡

መግልጫው እንደጠቀሰው ሚኒስትሩ በጻፉት ደብዳቤ ላይ ካርቱም ውስጥ በፈረንጆቹ 2015 በሱዳን በሶስቱ ሀገራት በተፈረመው “የመርሆች ስምምነት መሰረት” በመጀመሪያው የግድቡ ሙሌት ህጎችና መመሪያዎች ላይ ስምምነት ላይ መድረስ እንደሚያስፈልግ ገልጸዋል፡፡

ሚኒስትሩ ኢትዮጵያ የመጀመሪያውን መረጃ የሚለዋወጡ ሰዎቸ ስብሰባ ለማካሄድ ፍላጎት አላት ብለዋል፡፡ [Al AIN News]

@tikvahethiopia @tikvahethiopiaBOT

ግዜያዊ ውጤት : ኢስማኤል ኦመር ጌሌ ከ98% በላይ ድምፅ አገኝተዋል።

ጊዜያዊ ውጤቶች እንዳመለከቱት ፕሬዜዳንት ኢስማኤል ኦመር ጌሌ ከ98% በላይ ድምፅ አግኝተው ለ5ኛ ጊዜ የጅቡቲን ፕሬዜዳንታዊ ምርጫ አሸንፈዋል።

ዋነኛዎቹ ተፎካካሪዎች ምርጫው "ነፃ እና ፍትሃዊ" አይደለም ብለው እራሳቸውን ባገለሉበት የጅቡቲ ፕሬዜዳንታዊ ምርጫ ከ21 ዓመት በላይ በሥልጣን ላይ የሚገኙት የ73 ዓመቱ ፕሬዜዳንት ኢስማኤል ኦመር ጌሌ ከ98% በላይ ድምፅ አግኝተዋል ተብሏል።

ይህ ጊዜያዊ ውጤት የተገለፀው ትላንት ለሊት ነው።

@tikvahethiopia @tikvahethiopiaBOT

#HawassaUniversity

ዛሬ የሀዋሳ ዩኒቨርሲቲ የህክምናና ጤና ሳይንስ ኮሌጅ 270 የህክምና ዶክተሮችን አስመርቋል።

ከተመራቂዎቹ መካከል 48ቱ በተለያዩ የህክምና ስፔሻሊቲ ፕሮግራም የሰለጠኑ ናቸው።

የሀዋሳ ዩኒቨርሲቲ ዶክተሮችን ሲያስመርቅ የዛሬው ለ12ኛ ጊዜ ነው።

በሌላ በኩል ፦ ከ12ኛ ዙር ተመራቂዎች መካከል ዶክተር ዮናስ ንጉሴ 3 ነጥብ 87 ውጤት በማምጣት የወርቅ ሜዳሊያ ተሻላሚ መሆን ችሏል።

በሀዋሳ ዩኒቨርስቲ የህክምና ትምህርት ክፍል እስካሁን ከተመዘገቡ ውጤቶች ውስጥ ከፍተኛው በመሆንም ክብረወሰን ሆኖ ተመዝግቧል።

ምንጭ፦ SRTA
@tikvahethiopia @tikvahethiopiaBOT