የኢትዮጵየ መንግስት ከህወሓት ቡድን ጋር ይተባበራሉ ላላቸው አካላት #የመጨረሻ ማሳሰቢያ ዛሬ ሰጠ።

ከመግለጫው ላይ የተወሰደ፦

"...በወንጀል ተግባራት ጉልህ ተሳትፎ አላቸው ተብለው ከተጠረጠሩ እና በዚህም መናሻ የፍርድ ቤት መያዣ ከወጣባቸው ከፍተኛ የህወሓት ወታደራዊ እና ፖለቲካ አመራሮች በስተቀር ሌሎች ዜጎች ያለ ስጋት ወደ ቀደመው ሰላማዊ ኑሯቸው እንዲመለሱ ፤ ይህንንም እውን ለማድረግ በአንድ ሳምንት ጊዜ ውስጥ ወደቀያቸው እና መኖሪያቸው በመመለስ ማህበረሰቡን እንዲቀላቀሉ ጥሪ ያቀርባል። በዚህ መንገድ ከአጥፊው ቡድን ተለይተው ወደሰላማዊ ኑሯቸው የሚመለሱ የክልሉ ተወላጆች ዜጎች፣ የትኛውም የህግ ተጠያቂነት ሳይኖርባቸው ፣ ከአጥፊ ተግባራት ተቆጥበው ወደ ስራቸው እና ኑሯቸው በሰላም መሰማራት ይችላሉ፤ እነዚህን ዜጎች በመልካም ሁኔታ ለመቀበል እንዲተባበሩ እና የተቻላቸውን ድጋፍ እንዲያደርጉላቸው ለየሚመለከታቸው የፀጥታ፣ የአስዳደር እና ህግ አስከባሪ ተቋማት አስፈላጊው መመሪያ ተሰጥቷቸዋል" - የጠ/ሚ ፅ/ቤት

@tikvahethiopia

የዓለም አገራት ህዝቦች የደስተኝነት ደረጃ ፤ የኢትዮጵያ ስንተኛ ?

በተመድ በሚደገፈው በዓመታዊ የዓለም አገራት ሕዝቦችን ደስተኝነት በሚለካው ጥናት ፤ ከ149 አገራት ሕዝቦችን የደስተኝነት ደረጃ #ኢትዮጵያ 133ኛ ደረጃ ላይ ተቀምጣለች።

ከዓለም አገራት በተለያዩ መለኪያዎች ደስተኛ ሕዝብ ያላት ቀዳሚዋ አገር ፊንላንድ ስትሆን ዴንማርክ ሁለተኛ ፣ ስዊትዘርላንድ ሦስተኛ ፣ አይስላንድ አራተኛ እና ኔዘርላንድስ አምስተኛ በመሆን ተከትለዋታል።

ከአንደኛ እስከ አስረኛ ደረጃ ከያዙት አገራት ውስጥ አውሮፓዊ አገር ያልሆነችው ኒውዚላንድ ብቻ ናት።

ይህ ውጤት የተገኘው ጋሉፕ በተባለው የመረጃ ተንታኝ አማካይነት ደስተኛነታቸውን ለማወቅ ከ149 የዓለም አገራት በተሰበሰበ መረጃ መሠረት ነው።

ይህ የሰዎች የደስተኝነት ሁኔታ የተለካው የሚያገኙት ማኅበራዊ ድጋፍ፣ ግለሰባዊ ነጻነት፣ ጠቅላላ አገራዊ ምርት (ጂዲፒ) እና በአገራቱ ውስጥ ባለው የሙስና መጠንን ጨምሮ ሌሎችንም መመዘኛዎች በመመልከት ነው።

በዚህ ዓመቱ ጥናት ከዓለም አገራት ውስጥ ደስተኛ ያልሆኑ ሕዝቦች ይኖሩባቸዋል የተባሉት አፍጋኒስታን፣ ሌሶቶ፣ ሩዋንዳ እና ዚምባብዌ ናቸው።

የጥናቱ አዘጋጆች እንዳሉት ዓለምን ባጠቃት የኮሮናቫይረስ ወረርሽኝ ሰበብ አንድ ሦስተኛ በሚሆኑ አገራት ውስጥ "አሉታዊ የሆኑ ስሜቶች በተደጋጋሚ የመከሰታቸው ሁኔታ ከፍተኛ ነበር" ብለዋል።

የእስያ አገራት ባለፈው ዓመት ከነበራቸው ደረጃ መሻሻልን ሲያሳዩ ቻይና ቀደም ባለው ዓመት ከነበራት የ94ኛ ደረጃ ወደ 84ኛ ከፍ ብላለች።

Via BBC
@tikvahethiopia

አጣዬ አካባቢ ከትላንት ምሽት ጀምሮ የፀጥታ መደፍረስ ተከስቷል።

ስለደረሰው ጉዳት እስካሁን በዝርዝር ማወቅ አልተቻለም።

የቲክቫህ አጣዬ አባላት ከትላንት ምሽት ጀምሮ አካባቢው በተኩስ እሩምታ ሲናጥ እንደነበር ገልፀው የሚመለከተው አካል እጅግ አስቸኳይ መፍትሄ እንዲፈልግ ጥሪ አቅርበዋል።

ዛሬም በአካባቢው ያለው ሁኔታ ያልተረጋጋ ሲሆን ወደ ደሴ የሚሄዱ ተሽከርካሪዎች እና መንገደኞች መንገድ ላይ ለመቆም ተገደዋል።

በአካባቢው ለፀጥታው መደፍረስ ሁኔታ የተለያዩ ምክንያቶች የሚቀርቡ ሲሆን በጣዬ የሚኖሩ የቲክቫህ አባላት እንዲሁም የሚመለከታቸው አካላት የሚሰጡትን መረጃ አቀናጅተን ወደበኃላ የምናቀርብ ይሆናል።

አሁን ላይ ህዝቡ በሰላም መደፍረስ ከፍተኛ ችግር ላይ ሰለወደቀ አካባቢውን የማረጋጋት ስራ እንዲሰራ አባላቶቻችን ጠየቀዋል።

ከላይ በፎቶው ላይ የምትመለከቱት አጣዬ አካባቢ በተፈጠረው የፀጥታ መደፍረስ ምክንያት ከአዲስ አበባ ወደ ደሴ የሚሄዱ መኪናዎች ደብረ ሲና ላይ መቆማቸውን የሚያሳይ ነው።

@tikvahethiopiaBot @tikvahethiopia

በአጣዬ እና አካባቢው አለመረጋጋት የሰው ህይወት አልፏል።

ከትላንት አርብ ምሽት ጀምሮ በተኩስ እሩምታ ስትናጥ በነበረው አጣዬ የሰዎች ህይወት አልፏል።

ትላንት አርብ ምሽት በነበረው ተኩስ አንድ ሰው ሲሞት 2 ሰው መቁሰሉ ተሰምቷል።

የኤፍራታና ግድም ወረዳ የሠላምና የሕዝብ ደኅንነት ጽ/ቤት ኃላፊ እና ምክትል አስተዳዳሪ አቶ ሰለሞን አልታየ እስከ ረፋድ ድረስ የ4 ሰዎችን ሞት መመልከታቸውን ለቢቢሲ አሳውቀዋል።

የተከፈተውን ተኩስ ተከትሎ የአጣዬ ከተማ የ01 ቀበሌ "ሙሉ በሙሉ በታጣቂዎች መያዙን" ለቢቢሲ ገልፀዋል።

ከለሊት ጀምሮ ደግሞ በማጀቴ የታጠቁ ኃይሎች ተኩስ ከፍተው ሰዎች መጎዳታቸውን ነዋሪዎች ገልፀዋል። የተጎጂዎች ቁጥር በውል አይታወቅም።

አሁንም በአካባቢው ያለው ሁኔታ ያልተረጋጋ ሲሆን ተጨማሪ የፌዴራል/ክልል ኃይል ወደ አካባቢው እንዲገባ እና አስተማማኝ ሰላም እንዲያረጋግጥ እየተጠየቀ ነው።

የባንኮች እና የሰዎች ንብረት ተዘርፏል።

በሰላም መደፍረስ ምክንያት ተሸከርካሪዎች አሁንም በመንገድ ላይ እንደቆሙ ይገኛሉ። መንገደኞችም በሁሉም አቅጣጫ እየተንገላቱ ነው።

ለአካባቢው የፀጥታ መደፍረስ እና የሰላም እጦት መነሻ አሁንም በተለያዩ ወገኖች የተለያዩ ምክንያቶች እየቀረቡ ነው።

የክልሉ መንግስት እስካሁን ይፋዊ መግለጫ አልሰጠም።

ከዚህ ቀደምም በተለያየ ጊዜ በአጣዬ እና አካባቢው በፀጥታ መደፍረስ ምክንያት የሰዎች ህይወት እንዳለፈ/ንብረት እንደወደመ የሚዘነጋ አይደለም።

PHOTO : MUSI (Tikvah-Family Dbersina)
@tikvahethiopia @tikvahethiopiaBOT

በደቡብ ጎንደር ህገ ወጥ የጦር መሳሪያ ሲያዘዋውሩ የነበሩ ግለሰቦች በቁጥጥር ስር ዋሉ፡፡

ህገ ወጥ የጦር መሳሪያዎችን እና የመገበያያ ገንዘቦችን የያዙ ግለሰቦች በተደረገ የፖሊስ ፍተሻ አንዳቤት ከተማ ላይ በቁጥጥር ስር መዋላቸውን የአንዳቤት ወረዳ ፖሊስ ጽ/ቤት ገልጿል።

ግለሠቦቹ ከጎንደር ጭነው ሲመጡ መጋቢት 10/2013 ዓ.ም ከምሽቱ 3፡00 ሰዓት አንዳቤት ከተማ ላይ በተደረገ ፍተሻ ፦

- ከ1 ሽህ 500 በላይ ጥይቶች፣
- 3 ክላሽንኮቭ መሳሪያ ፣
- 1 ካዝናና 37 ሽህ700 ብር በቁጥጥር ስር እንደዋለ ፖሊስ አሳውቋል።

መሳሪያውን ሲያዘዋውሩ የተያዙት 3 ግለሰቦች እና የመኪና አሽከርካሪው በቁጥጥር ስር ውለው የማጣራት ስራ እየተሰራ ነው።

ግለሰቦቹ የሃሰት መረጃ በመያዝ ለማጭበርበር ሙከራ አድርገዋል ተብሏል።

የአንዳቤት ወረዳ የሰላምና ደህንነት ጽህፈት ቤት ሃላፊ አቶ ሲሳይ እንየው ግለሰቦቹ የያዙት ህገ ወጥ ጥይት #ከመንግስት_ካዝና ጭምር የወጡ እንደሆነ መረጃው የሚያመላክት መሆኑን በመጥቀስ ግለሰቦቹም ህጋዊ ነን በማለት ለማጭበርበር ሙከራ አድርገዋል ብለዋል፡፡

መንግስት እንደዚህ አይነት ተግባር በሚፈፅሙ ግለሰቦች ላይ አስተማሪ የሆነ ርምጃ መውሰድ እንዳለበት የተጠቆመ ሲሆን
የሚመለከተው አካል የፍተሻና የቁጥጥር ስራውን አጠናክሮ መቀጠል አለበት ተብሏል።

አሽከርካሪዎች የሚጭኑትን እቃ በደንብ በመፈተሸ ከተጠያቂነትና ከህገ ወጥ ስራዎች ራሳቸውን መቆጠብ አለባቸው ተብሏል።

መረጃውን ከአንዳቤት ወረዳ ኮሙዩኒኬሽን ነው ያገኘነው።

@tikvahethiopia @tikvahethiopiaBot