ከ3,500 በላይ ኢትዮጵያውያን ከሱዳን ተመለሱ።

ከ3500 በላይ የሚሆኑ ኢትዮጵያውያን ከሱዳን ወደኢትዮጵያ መግባታቸውን የመተማ ዮሐንስ አካባቢ የመንግስት ኃላፊዎች እና የኢሚግሬሽን ቅርንጫፍ ፅ/ቤት ማስታወቁን ናሁ ቴሌቪዥን ዘግቧል።

የመተማ ከተማ አስተዳደር የኮሚኒኬሽን ባለሞያ የሆኑት አቶ ስጦታው ጫኔ ፥ ኢትዮጵያውያኑ ሱዳን ውስጥ በተፈጠረው የኢኮኖሚ ቀውስ ምክንያት መመለሳቸውን ገልፀዋል።

ሱዳን (ገዳሪፍ አካባቢ) በግብርና እና በቀን ስራ ይተዳደሩ የነበሩ ኢትዮጵያውያን ይገኙበታል ብለዋል።

ከ80% በላይ የሚሆኑት ከካርቱም ነው ወደ ኢትዮጵያ የተመለሱት።

ከሰሞኑ በኢትዮ-ሱዳን ድንበር አካባቢ በነበረው ውጥረት እና በሱዳን ባለው የኢኮኖሚ ቀውስ ኢትዮጵያውያኑ መመለሳቸውን ገልፀል።

አሁንም ከሱዳን ወደኢትዮጵያ የሚመለሱ ዜጎች ቁጥር ሊጨምር እንደሚችል የኮሚኒኬሽን ባለሞያው ጠቁመዋል።

ከጥቅምት መጨረሻ ጀምሮ የሱዳን ጦር ምዕራብ ጎንደር አካባቢዎች የፈፀመውን ትንኮሳ የከትሎ አካባቢው ውጥረት ስፍኖበት መቆየቱን ቴሌቪዥን ጣቢያው በዘገባው አስታውሷል።

@tikvahethiopiaBot @tikvahethiopia

👆ኢትዮጵያ ፣ ሱዳን እና ግብፅ የሶስትዮሽ ስብሰባ የፕሬስ መግለጫ።

የኢትዮጵያ፣ ግብጽ እና ሱዳን የውጭ ጉዳይ እና የውሃ ጉዳይ ሚኒስትሮች በዛሬው ዕለት በበይነ-መረብ ስብሰባ አካሂደዋል።

ሱዳን የባለሙያዎቹ የተጨማሪ ሃላፊነት ቢጋር ካልተዘጋጀ በቀር ውይይት መካሄድ አይችልም የሚል አቋም መያዟ ተገልጿል።

ኢትዮጵያ የሱዳንን ጥያቄዎች ለመመለስ እንዲቻል በግድብ ደህንነት ፣ በመረጃ ልውውጥ እንዲሁም በሌሎች ቴክኒካዊ ጉዳዮች ላይ መፍትሄ ለመስጠት ዝግጁነቷን ገልጣለች።

* ዝርዝር መረጃውን ከላይ ከተያያዘው መግለጫ ይመልከቱ።

Via Ministry of Water,Irrigation and Energy - Ethiopia
@tikvahethiopiaBot @tikvahethiopia

#COVID19Ethiopia

የባለፉት 24 ሰዓት የኮቪድ-19 ሪፖርት :

• የተደረገ የላብራቶሪ ምርመራ - 5,381
• በበሽታው የተያዙ - 524
• ህይወታቸው ያለፈ - 9
• ከበሽታው ያገገሙ - 79

አጠቃላይ 128,316 ሰዎች በበሽታው መያዛቸው ሲረጋገጥ ፤ የ1,994 ሰዎች ህይወት አልፏል፤ 113,374 ሰዎች ደግሞ ከበሽታው አገግመዋል።

202 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

ተጨማሪ የህወሓት አመራሮች በቁጥጥር ስር ዋሉ።

በሰራዊቱ ላይ ጥቃት እንዲፈጸም ያደረጉ ከመከላከያ የከዱ አመራሮችም እርምጃ እንደተወሰደባቸው መከላከያ ሰራዊት አሳውቋል።

በዚሁ መሰረት እርምጃ የተወሰደባቸው፡-

1ኛ- ሜጀር ጄኔራል ኢብራሂም አብዱልጀሊል ፡- ቀደም ሲል የመከላከያ ሎጂስቲክ ሃላፊ የነበሩና አሁን የህወሓት ሎጂስቲክ ሃላፊ

2ኛ- ብርጋዴል ጄኔራል ገብረኪዳን ገብረማርያም ፡- የመከላከያ ኢንዶክትሪኔሽን ሃላፊ የነበሩና በጡረታ ከተሰናበቱ በኋላ ህወሓትን የተቀላቀሉ

3ኛ- አስር ከፍተኛ መኮንኖች

4ኛ - ሁለት መስመራዊ መኮንኖች

5ኛ- አንድ የክልሉ ረዳት ኮሚሽነር የነበሩና ከፖሊስ ከድተው ወደ ህወሓት የተቀላቀሉ ናቸው።

በተጨማሪም የክልሉ ከፍተኛ ባለስልጣን የነበሩ የህወሓት አመራሮች በቁጥጥር ስር መዋላቸውን ሰራዊቱ ማምሻውን ገልጿል።

እነዚህም ፦

1ኛ- አቶ አባይ ወልዱ፡- የቀድሞ የክልሉ ፕሬዚዳንት የነበሩ

2ኛ- ዶክተር አብርሃም ተከስተ- የክልሉ ምክትል ፕሬዚዳንት የነበሩ

3ኛ- ዶክተር ረዳኢ በርሄ፡- የክልሉ ኦዲተር ሃላፊ የነበሩ

4ኛ ዶክተር ሙሉጌታ ይርጋ፡- የክልሉ ስታትስቲክስ ኤጀንሲ ሃላፊ የነበሩ

5ኛ- አቶ ዕቁባይ በርሄ- የሃይማኖት ጉዳይ ክትትል ሃላፊ የነበሩ

6ኛ- አቶ ጌታቸው ተፈሪ፡- የክልሉ ፕሬዚዳንት ፅህፈት ቤትና የሠላምና ደህንነት ሃላፊ የነበሩ

7ኛ- ወይዘሮ ኪሮስ ሃጎስ፡- የክልሉ ማህበራዊ ጉዳይ ሃላፊ የነበሩ በቁጥጥር ስር ውለዋል።

በተጨማሪም ሁለት ከሀገር መከላከያ ከድተው ህወሓትን የተቀላቀሉ ከፍተኛ መኮንኖች በቁጥጥር ስር የዋሉ ሲሆን እነሱም ኮሎኔል ገብረእግዚአብሄር አምባዬና ኮሎኔል ትርፏ አሰፋ ናቸው። ~ ENA

@tikvahethiopia @tikvahethiopiaBOT

" ...ፈተናዉ ተሰርቋል" - ፈተና የወሰዱ ሃኪሞች

ባለፈው ሳምንት ሰኞ ዕለት ለትምህርት ዕድል የደረጃ እድገት መለያ ፈተና ከወሰዱ እና በመንግሥት ተቀጥረው ከሚሰሩ ጠቅላላ ሐኪሞች መካከል የተወሰኑ ሃኪሞች ፈተናው ቀድሞ ወጥቷል የሚል ቅሬታ እያቀረቡ ይገኛሉ።

በመጀመርያ ዲግሪ በህክምና ትምህርት ትምህርታቸውን ተከታትለው ተመርቀው በመንግሥት የህክምና ተቋማት ላይ በመላው ኢትዮጵያ እየሠሩ የሚገኙ ወደ 5 ሺህ የሚሆኑት ጠቅላላ ሐኪሞች በትምህርት ዕድል መልክ የሚሰጥ የደረጃ እድገት ለማግኘት በአቅራቢያቸው የሚገኙ የከፍተኛ ትምህርት ተቋማትን በመምረጥ በ20 ዩኒቨርሲቲዎች ለምዘና ተቀምጠው ነበር።

ሆኖም #በቴሌግራም ፈተናው ቀድሞ በመውጣቱ ቅሬታ አድሮብናል በማለት ሐኪሞቹ ለጀርመን ድምፅ ሬድዮ ጣቢያ ሲናገሩ ተደምጠዋል።

አንድ ቅሬታ አቅራቢ ፈተናው እሁድ ዕለት ቀድሞ ወጥቶ ተፈታኞች ይዘው ገብተው ነበር ብሏል።

ባለፈዉ ሳምንት ሰኞ ሙሉ ቀን ሁለት መቶ (200) ጥያቄዎች ለመመዘኛነት ቀርበው መፈተናቸውን የገለፀው ፈተናችንን ጨርሰን እንደወጣን ጥያቄዎቹ ቀድመው እንደወጡ ማወቅ ችለናል ሲል ለሬድዬ ጣቢያው ተናግሯል።

ሃኪሞቹ ጉዳዩ ዳግም እንዲታይ ሲሉ ጠይቀዋል።

በጉዳዩ ዙሪያ ሬድዮ ጣቢያው ከኢ.ፌ.ዴ.ሪ. ጤና ሚኒስቴር ምላሽ እንዲሰጥ ለማድረግ ያደረገው ሙከራ እንዳልተሳካለት አሳውቋል።

@tikvahethiopia @tikvahethiopiaBOT