#UPDATE

የኦሮሚያ ፖሊስ ኮሚሽን በጉሊሶ ወረዳ በተፈፀመው ጥቃት የሞቱ ሰዎች ቁጥር 32 ነው ሲል አሳውቋል።

ጥቃት የተፈጸመበት ቀበሌ ከወረዳ ከተማ በ75 ኪሎ ሜትር የሚርቅ መሆኑን ገልጿል።

ኮሚሽኑ ለኢትዮጵያ ቴሌቪዥን እንደተናገረው በጥቃቱ 32 ሰዎች (23 ወንድ እና 9 ሴት) ሲገደሉ ፤ 10 ሰዎች ቆስለዋል ብሏል።

ከጥቃቱ ጋር ተያይዞ 200 ሰዎች ተፈናቅለዋል ያለ ሲሆን እነሱን የማረጋጋት ስራ እየተሰራ ነው ሲል ገልጿል።

በጥቃቱ መኖሪያ ቤቶች እና አንድ ትምህርት ቤት ተቃጥሏል።

ጄኔራል አራርሳ መርዳሳ ፥ "ጥቃቱን የፈጸመው አካል ኦነግ ሸኔ ነው፤ ከጀርባ በመሆን ህወሃት እየደገፈው ይገኛል" ብለዋል።

በሌላ በኩል ኢሰመኮ ስለጉሊሶ ወረዳው ጥቃት ፦

የኢትዮጵያ ሰብአዊ መብት ኮሚሽን የፌዴራል ሰራዊት ከአካባቢው ለቀው መውጣታቸውን ተከትሎ የታጠቁና ያልታጠቁ በቁጥር 60 የሚሆኑ ቡድኖች 32 የሚሆኑ ሰላማዊ ዜጎችን ማንነታቸውን መሰረት በማድረግ ግድያ መፈፀማቸውን ገልጿል።

የሰብአዊ መብት ኮሚሽነር ዶክተር ዳንኤል በቀለ በሰላማዊ ዜጎች ላይ የተፈጸመ ጥቃት ከሰብአዊነት ያፈነገጠ ነው ብለዋል፡፡

ዜጎቹ ከቤታቸው ወደ ትምህርት ቤት ተወስደው ግድያ እንደተፈጸመባቸው ኮሚሽነሩ ገልጸዋል፡፡

የጥቃቱ አድራሾች ለፍርድ እንዲቀርቡም ኮሚሽነሩ ጠይቀዋል፡፡

የፌዴራል መንግስት አመራሮች ጥቃቱን የፈጸሙት የኦነግ ሰራዊት እንደሆኑ መናገራቸው የገለጸው ኮሚሽኑ፣ ሴቶችና ሕፃናት የጥቃቱ ሰለባ መሆናቸውን ጠቅሷል፡፡

የፌዴራል መንግስትና የክልል ባለስልጣናት ግድያው #በገለልተኛ_ቡድን እንዲጣራ እንዲያደርጉ እና የሰላማዊ ዜጎች ደህንነት እንዲጠበቅ አስፋላጊውን እርምጃ እንዲወስዱ ጥሪ አቅርቧል።

@tikvahethiopiaBOT @tikvahethiopia

"...ለተፈፀመው ጥቃት መንግስት ተጠያቂ ነው" - የአማራ ምሁራን መማክርት

በምዕራብ ወለጋ ጉሊሶ ወረዳ ውስጥ በአማራዎች ላይ በተፈፀመው ጥቃት መንግስት ተጠያቂ ነው ሲል የአማራ ምሁራን መማክርት በሰጠው መግለጫ ገልጿል።

የምሁራን መማክርቱ እንዳለው ጥቃቱን ማንም ይፈፅመው ማን መንግስት የማስቆም ግዴታ አለበት።

በአማራ ላይ የተቃጠውን ጥቃት መንግስት ማስቆም ካልቻለ ኢትዮጵያን ወደ ማትመለስበት ችግር ይከታታልም ብሏል።

"መንግስት የህዝቦችን ደህንነትን የመጠበቅ ግዴታ እንዳለበት ቢያውቅም ችላ በማለቱ በተለይም በአማራ ላይ ያነጣጠሩ ጥቃቶች ቀጥለዋል። ይሄም የአማራን ህዝብ በከፍተኛ ደረጃ አስቆጥቷል፤ መንግስት ጉዳዩን በውል ሊረዳው ይገባል" ሲል ገልጿል።

መንግስት የአማራን ህዝብ ይቅርታ መጠየቅ ብቻ ሳይሆን በቀጣይ ተመሳሳይ ችግር እንዳይፈጠር ተጨባጭ ሥራ ሰርቶ ማሳየት ይገባዋል ተብሏል።

አማራ ኢትዮጵያን በመገንባት ሂደት የአንበሳው ድርሻ እንደተጫዎተ ቢታወቅም አሁን ላይ አንገቱን ቀና እንዳይደረግ ከሁለተኛም ዜጋ ባነሰ ሁኔታ እንዲሆን እያደረገ ነው፤ ይሄ ኢትዮጵያን ያፈርሳል፤ መላ የኢትዮጵያ ህዝብ ችግሩን ከማውገዝ ባለፈ ሊከላከል ይገባልም ብሏል፡፡

ችግሩ ሰፍቶ ሁላችንም ወደማያባራ እልቂት ከመዳረጉ በፊት ሊታሰብበት እነደሚገባ አመላክቷል፡፡

የፌድራል መንግስት ድርጊቱ የዘር ማጥፋት ወንጀል እንደሆነ በማመን እርምጃ መውሰድ እንዳለበት የምሁራን መማክርቱ ገልጿል። (AMMA)

@tikvahethiopiaBot @tikvahethiopia

"የኢትዮጵያ ሁኔታ አሳስቦኛል" - አውሮፓ ህብረት

የአውሮፓ ሕብረት ኢትዮጵያ ውስጥ አሁን ያለው ሁኔታ እንዳሳሰበው #BBC ዘግቧል።

የሕብረቱ ምክትል ፕሬዝደንትና የውጭ ጉዳይ ከፍተኛ ተወካይ የሆኑት ጆሴፍ ቦሬል ባወጡት መግለጫ ነው የሕብረቱን አቋም ያንፀባረቁት።

"ኢትዮጵያ ውስጥ አሁን ያለው ሁኔታ አሳሳቢ ነው" ያለው መግለጫው ፤ ኢትዮጵያ ውስጥ ያሉ ፓርቲዎች እና ጎረቤት አገራት ውጥረት ለመቀነስ መጣር እንዳለባቸው አሳስቧል።

ሁሉም ቡድኖች "ግጭት ቀስቃሽ ቃላት" መጠቀም ማቆም እንዳለባቸውና ወታደራዊ እንቅስቃሴዎችን መግታት እንዳለባቸው አሳስቧል። "ይህ መሆን ካልቻለ ግን ጉዳቱ ለኢትዮጵያ ብቻ ሳይሆን ለቀጣናውም ነው" ብሏል።

መግለጫው ብሔራዊ መግባባት ለመፍጠር አገር አቀፍ ውይይቶች እንደሚያስፈልጉ አትቷል። በዚህ ውይይት ላይ ሁሉም የፖለቲካ ተዋናዮች ተሳታፊ እንዲሆኑ ጥሪ አቅርቧል።

ለኢትዮጵያ ሕዝብ መፃዒ ተስፋና ብልፅግና ብሔራዊ መግባባት እንጂ ግጭት መፍትሄ ሊሆን እንደማይችል ምክትል ፕሬዝደንቱ በመግለጫቸው ገለፀዋል።

@tikvahethiopiaBot @tikvahethiopia

አምነስቲ ኢንተርናሽናል በጉሊሶ ወረዳ የተፈፀመውን ጥቃት አውግዟል።

ድርጅቱ መንግሥት ለዜጎች ጥበቃ እንዲያደርግ እና ወንጀለኞችን ለፍርድ እንዲያቀርብ ጠይቋል።

አምነስቲ የሰብዓዊ ጉዳይ ተመልካቾችን እና የዓይን እማኞችን ጠቅሶ እንደዘገበዉ ብሔር ተኮር በሆነዉ በጉሊሶዉ ግድያ ቢያንስ 54 ሰዎች ሕይወታቸዉን አጥተዋል ብሏል።

ባለፈዉ እሁድ አካባቢዉ ላይ የነበረዉ የመንግሥት መከላከያ ሰራዊት ለቆ ከወጣ በኃላ አምነስቲ የኦሮሞ ነጻነት ሠራዊት (OLA) ሲል የገለፀዉ ታጣቂ ቡድን ጥቃቱን በንፁሐን ላይ መፈፀሙን የዓይን እማኞችን ገልጾ አስቀምጦአል።

በጥቃቱ ሕጻናት ሴቶች፤ እና አባወራዎች ተገድለዋል፤ መኖርያ ሕንጻዎች መገልገያ ቁሳቁሶች መቃጠላቸውን ገልጿል።

Via Amnesty International (DW)
@tikvahethiopiaBot @tikvahethiopia

#MoussaFaki

የአፍሪካ ህብረት ሊቀ መንበር ሙሳ ፋኪ ማሓመት በኢትዮጵያ ውስጥ በንፁሃን ዜጎች ላይ የተፈፀመው ግድያ አውግዘዋል።

ሊቀ መንበሩ ለተጎጂ ቤተሰቦች ሀዘናቸው ገልፀው የቆሰሉትም ፈጥነው እንዲያገግሙ ተመኝተዋል።

ወንጀል ፈፃሚዎቹን መንግስት ተከታትሎ ተጠያቂ እንዲያደርግ ጥሪ አቅርበዋል።

ሊቀመንበሩ ሁሉም ወገኖች ግጭቶችን ከማባባስ እንዲቆጠቡ ውጥረቱን እንዲያረግቡ ጠይቀዋል።

በተጨማሪ ሁሉን አካታች የሆነ ብሄራዊ ንግግር በፖለቲከኞች መካከል በማካሄድ ቁልፍ በሆኑ ሀገራዊ ጉዳዮች ላይ ብሄራዊ ስምምነት መድረስ ይገባል ብለዋል።

ይህ ካልሆነ ችግሩ በኢትዮጵያ ሳይወሰን ከፍተኛ አሉታዊ ተፅእኖ በቀጠናው ላይ ያስከትላል ሲሉ አሳስበዋል።

Via Moussa Faki (Addis Maleda)

@tikvahethiopiaBOT @tikvahethiopia

የኦሮሚያ ፖሊስ ኮሚሽን ዛሬ በሰጠው መረጃ በጉሊሶ ወረዳው ጥቃት ጉዳት ደርሶባቸው የነበሩ 2 ሰዎች ህይወታቸው ያለፈ መሆኑን ገልጿል።

ኮሚሽኑ በአጠቃላይ በጥቃቱ የሞቱ ሰዎች ቁጥር 34 ደርሷል ብሏል።

12 ሰዎች ደግሞ የደረሱበት አለመታወቁ ተገልጿል።

ከ50 እስከ 60 የሚደርሱ ቤቶች መቃጠላቸው፤ እና አንድ ት/ቤት መቃጠሉ ተገልጿል።

ጄኔራል አራርሳ ፥ “በዜጎች ላይ ጥቃቱን ያደረሰው አካል ኦነግ ሸኔ መሆኑ ተረጋግጧል፤ ከጀርባ ህወሃት መኖሩን የሚያሳዩ መረጃዎች ተገኝተዋል" ብለዋል።

በሌላ በኩል ፦

በጥቅምት 22/2013 ጉጂ ዞን ጉሚ ኤልዳሎ ወረዳ መሸጋገሪያ ድልድይ እየሰሩ በነበሩ ሰዎች ላይ "የኦነግ ሸኔ" አባላት በፈፀሙት ጥቃት 4 ሰዎች ሞተዋል ፣ በ3ቱ ላይ ከባድ ጉዳት ደርሷል ሲል የዞኑ አስተዳዳሪ አቶ ታደለ ኡዶ አስታውቀዋል፡፡

በንጹሐን ዜጎች ላይ ጥቃት ፈፅመዋል የተባሉ አስራ አንድ (11) "የኦነግ ሸኔ" አባላት በቁጥጥር ስር ማዋል መቻሉን የጉጂ ዞን የፀጥታ እና አስተዳደር ጽህፈት ቤት ኃላፊ አቶ ወልዴ ዱጎ ለOBN ገልፀዋል።

@tikvahethiopiaBot @tikvahethiopia