ቲክቫህ ኢትዮጵያ ይፋ በሚያደርገው ድረገፅ ፦

- አባላት እስከ ወረዳ ደረጃ ምዝገባ ያከናውናሉ።

- እያንዳንዱ አባል በድረገፁ ላይ ማንነቱ ሳይታይ ስላለበት ክልል እና ወረዳ በራሱ መረጃ ያሰራጫል።

- አንድ ሰው ፖስት የሚያደርገው ያለበት ወረዳ ነዋሪዎች ብቻ ያዩታል። እነሱም ስለጉዳዩ መረጃ ይሰጣሉ፣ እውነታውን ይፈትሻሉ፣ ያረጋግጣሉ። ከነሱ ወረዳ ውጭ መልዕክቱ አይታይም።

- መረጃ የሚሰጡት በወረዳቸው ስላሉ ጉዳዮች ብቻ ይሆናል (ይህ የተሳሳተ መልዕክት ለመለየት እና ለራሳቸው የፖለቲካ ትርፍ ሲሉ ከሌላ አካባቢ ፣ ወይም ከውጭ ሆነው በሀሰተኛ አካውንት ተፅኖ የሚፈጥሩትን ይከላከላል)

- ሆን ተብሎ ከሚሰሩ የማህበራዊ ሚዲያ ዘመቻዎች የፀዳ ይሆናል። የአንዱ ወረዳ ነዋሪ የሌላው መረጃ ላይ በዘመቻ ተፅእኖ የመፍጠር አቅም የለውም።

- በሶሻል ሚዲያ የሚስራጩ ሀሰተኛ መረጃዎች እራሳቸው አባላት ባሉበት አካባቢ ምላሽ ይሰጡበታል።

- የከፍተኛ ትምህርት ተቋማት ተማሪዎችም በልዩ ሁኔታ ስላሉበት ሁኔታ እንዲያሳውቁ ነፃ መድረክ ይሆናል።

- ድረገፁ የዜጎች ድምፅ የሚሰማበት ፣ የመብት ጥሰቶች ሲኖሩ የሚገለፁበት፣ በየአካባቢው ያሉ ችግሮች ይፋ የሚወጡበት፣ የፀጥታ ችግሮች የሚጠቆሙበት ፣ ለህዝብ ጥያቄም የሚመለከታቸው አካላት ምላሽ እንዲሰጡበት ግፊት የሚደረግበት ይሆናል።

- የወጣቶች ጥያቄ በቀጥታ በወጣቶቹ ይቀርባል፤ ለዚህም ምላሽ እንዲሰጥ ግፊት ያደርጋል።

- ድረገፁ ላይ አባላት መልዕክት ከማሰራጨት ባለፈ የተደራጁ መረጃዎችን በየዕለቱ ያገኙበታል።

- ዋናው ቻናል ላይ እስከ ወረዳ የተጣሩ መረጃዎች ከድረገፁ ተወስደው ይቀርቡበታል።

- የበጎ አድራጎት ስራዎችም በዞን እና ወረዳ ደረጃ ይሰራሉ።

- ለወጣት አባላቶች የስራ እድል ለማመቻቸት በቂ መረጃ ይሰበሰብበታል።

@tikvahethiopia

በጉሊሶ ወረዳ ጭካኔ በተሞላበት ሁኔታ ሰዎች ተገደሉ !

ትላንት ጥቅምት 22 በኦሮሚያ ክልል ግንቢ ዞን ጉሊሶ ወረዳ ጋዋ ቃናቱ በተባለ ቀበሌ እስካሁን ቁጥራቸው ያልታወቀ ሰዎች ጭካኔ በተሞላበት ሁኔታ በታጣቂዎች መገደላቸውን የቲክቫህ አባላት ገልፀዋል።

ጥቃት የፈፀሙት ታጣቂዎች በቁጥር ከሃምሳ (50) እስከ ስልሳ (60) የሚደርሱ መሆናቸውን ከሞት የተረፉ ሰዎች ተናግረዋል።

ላለፉት 3 ወራት ሰፍሮ የቆየው የመከላከያ ሰራዊት ከረፋዱ 6 ሰዓት አካባቢው ለቆ እንደወጣም ነዋሪዎች ገልፀዋል።

መከላከያው ከወጣ በኃላ የኦነግ ሸኔ ታጣቂዎች የመከላከያ ካምፕን በመቆጣጠር ከፍተኛ ጥይት ሲተኩሱ መዋላቸውን ነዋሪዎች አሳውቀዋል።

በሌላ በኩል በፅሁፍ መልዕክታቸውን ያስቀመጡ የቲክቫህ አባላት እንደገለፁት ጥቃቱ በከባድ መሳሪያዎች ጭምር የተፈፀመ ነው።

የኦሮሚያ ክልል መንግስት ይህን ጭካኔ የተሞላበት ጥቃት የፈፀመው ኦነግ ሸኔ ነው ብሏል ፤ የገቡብት ገብተን እርምጃ እንወስዳለን ሲል ዝቷል።

ቲክቫህ ኢትዮጵያ የአካባቢውን አባላትና ከጥቃቱ የተረፉትን ሰዎች እያነጋገረ ነው ተጨማሪ መረጃ ይዘን እንመሳለን።

በተጨማሪ የጥቃቱ ሰለባ የሆኑ ሰዎች ለተለያዩ ሚዲያዎች የሰጧቸው አስተያየቶች እያሰባሰብን ነው ፤ አደራጅተን እናሳውቃለን።

በርካቶች እየተደጋገመ የመጣውን ጥቃት እና የንፁሀን ሞት በከፍተኛ ሁኔታ እያወገዙ ይገኛሉ ፤ ቁጣቸውንም እየገለፁ ይገኛሉ።

@tikvahethiopiaBOT

#UPDATE

የኦሮሚያ ክልል ቃል አቀባይ አቶ ጌታቸው ባልቻ በምዕራብ ወለጋ ትናንት የተገደሉት ሰዎች ለስብሰባ በተጠሩበት ስፍራ መሆኑን #ለBBC አረጋግጠዋል።

አቶ ጌታቸው እንደተናገሩት ከሆነ በሐሰተኛ መልኩ ነዋሪዎች ለስብሰባ ከተሰበሰቡ በኋላ በተወረወረባቸው ቦምብ ጉዳት ደርሶባቸዋል።

"በ ኦነግ ሸኔ ስም የሚንቀሳቀስው ቡድን ትናንት በስበሰባ ስም ሰዎችን ከሰበሰቡ በኋላ ቦምብ ወርውረውባቸው ጉዳት መድረሱን የሚጠቁም መረጃ ነው ያለን" ሲሉ ተናግረዋል።

አቶ ጌታቸው ፥ በጥቃቱ ጉዳት የደረሰባቸው ሰዎች ቁጥር ከፍተኛ መሆኑን ጠቅሰው መረጃ አጣርቶ የሚልክ ቡድን ወደ ሥፍራው ተልኳል ብለዋል።

በጥቃቱ የተገደሉ ሰዎች አሃዝ ከመጥቀስ ተቆጥበዋል።

@tikvahethiopiaBOT @tikvahethiopia

#Guliso

ጠ/ሚ ዶ/ር አብይ አህመድ፥ "የጸጥታ አካላት ትላንት ጥቃት ወደተፈጸመበት አካባቢ ተሰማርተዋል ፤ እርምጃም እየወሰዱ ነው" ብለዋል።

በቀጣይም መንግስት የሕዝቡን ደኅንነት የመንግሥትነቱን ሥራ ይሠራል ሲሉ ገልፃዋል።

ጠ/ሚ ዶ/ር አብይ፥ "ሕዝቡ ፣ የፖለቲካ ፓርቲዎች ፣ የጸጥታ አካላት፣ ምሁራንና ሌሎችም መንግሥት ችግሩን ከምንጩ ለማድረቅ የሚወስደውን ርምጃ በመደገፍ የሚጠበቅባቸውን እንዲያደርጉ ጥሪ አቀርባለሁ" ብለዋል።

በሌላ በኩል ፦

ዜጎች በማህበራዊ ሚዲያዎች ላይ በንፁሃን ላይ #ማንነትን መሰረት እያደረገ በሚፈፀመው ተደጋጋሚ ጥቃት ሀዘናቸውን እና ቁጣቸውን እየገለፁ ይገኛሉ።

የኢትዮጵያ መንግስት በየጊዜው ንፁሃን ሞት በኃላ መግለጫ ከማውጣትና አዘንኩ ከማለት በቅድሚያ የዜጎችን ደህንነት ማስጠበቅ እንዳለበት በጥብቅ እያሳሳቡ ይገኛሉ።

@tikvahethiopiaBOT @tikvahethiopia

#1

አብመድ : ጥቃቱ ሲፈፀም የፀጥታ አካል አልነበረም ? ፖሊስ ፣ መከላከያ ሰራዊት ፣ ሌላ የአስተዳደርና ፀጥታ መዋቅር ?

የአካባቢው ነዋሪ : "የለም፤ ኮማንድ ፖስት ነበር 3 ቀን እና 4 ቀን ይበልጠዋል ተነስቷል። እንዴት እንደተነሳ ግራ ገብቶናል ተነስቶ ሲሄድ ነው ይኼኛው ይገባው።"

#2

የአካባቢው ነዋሪ : "መከላከያው ጥዋት ወጥቶ ከሰዓት እነዛ 'ኦነግ ሸኔ' ጨፍረው ገቡ። ከገቡ በኃላ 11 ሰዓት አካባቢ የሚፈልጉትን ነገር አደረጉ።"

@tikvahethiopiaBot @tikvahethiopia

ነገ ጥቅምት 24/2013 አሜሪካውያን ቀጣይ መሪያቸውን የሚመርጡበት ወሳኝ ቀን።

ዶናልድ ትራምፕ ሥልጣናቸውን አሳልፈው ይሰጣሉ ? ወይስ ይቀጥላሉ ? የሚለው የሚለይበት ቀን።

ሪፐብሊካን ፓርቲ ወክለው ከዴሞክራቱ ጆ ባይደን ጋር አንገት ለአንገት የተናነቁት ፕሬዝደንት ዶናልድ ትራምፕ ቁርጣቸውን የሚያውቁት ነገ ጥቅምት 24/2013 ነው።

@tikvahethiopiaBot @tikvahethiopia

#COVID19Ethiopia

የባለፉት 24 ሰዓት የኮቪድ-19 ሪፖርት ፦

• የተደረገ የላብራቶሪ ምርመራ - 5,726
• በበሽታው የተያዙ - 359
• ህይወታቸው ያለፈ - 11
• ከበሽታው ያገገሙ - 953

በአጠቃላይ በሀገራችን 96,942 ሰዎች በቫይረሱ መያዛቸው ሲረጋገጥ ፤ የ1,489 ሰዎች ህይወት አልፏል ፤ 54,405 ከበሽታው አገግመዋል።

353 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

#UPDATE

ፍርድ ቤት አቶ ልደቱ አያሌው ህክምና እንዲያገኙ ዛሬ ትዕዛዝ ሰጥቷል።

ይህንን ተከትሎ አቶ ልደቱ ነገ ህክምና እንደሚያገኙ የኢዴፓ ፕሬዝዳንት አቶ አዳነ ታደሰ ለBBC አማርኛ ክፍል ተናግረዋል።

አቶ አዳነ ስለ አቶ ልደቱ የጤና ሁኔታ ተከታዩን ብለዋል ፦

"በእውነት ምንም ሳልደብቅ መናገር የምፈልገው ነገር ቢኖር ከሌላው ጊዜ በተለየ ሁኔታ የህመም ስሜት ይታይባቸዋል። ሰውነታቸው ትንሽም ቢሆን ቀነስ ብሏል።

በእርሳቸው ህመም ሰው እንዲጨነቅ ስለማይፈልጉ በጣም ካልባሰባቸው በስተቀር ህመማቸውን እና ስቃያቸውን ለሰው መናገር አይፈልጉም።

በዚህ ሳምንት በሶስቱ (3) ቀናት ያየነው ነገር ግልጽ ህመም እየተሰማቸው እንደሆነ ፤ በህይወታቸውም ላይ አደጋ እንዳይደርስ እየሰጉ እንደሚተኙ ነው። ከዚያ በፊት ህመም አይሰማኝም አታስቡ አትጨቁ ነበር የሚሉት።"

@tikvahethiopiaBOT @tikvahethiopia