#UPDATE

ህወሓት ከዛሬ ጀምሮ በፌዴራል ደረጃ ኃላፊነቶች እና ውክልና የነበራቸው የድርጅቱ አመራር እና የፌደራል ፓርላማ አባላት ሀላፊነታቸው በማስቆም ወደ ድርጅታቸው (ህወሓት) ሪፖርት እንዲያደርጉ ውሳኔ ማሳለፉ ይታወቃል።

ያላቸውን ኃላፊነት በማስቆም ሪፖርት እንዲያደርጉ የተባሉት በፌዴራል ደረጃ ህወሓትን ወክለው ሲሰሩ የነበሩ አመራሮችና የፓርላማ አባላት ስም ዝርዝር ከጥቂት ደቂቃዎች በፊት ፓርቲው በይፋዊ የፌስቡክ ገፁ ላይ አውጥቷል፤ ከላይ መመልከት ትችላላችሁ።

በነገራችን ላይ የፌዴራል ኃላፊነታቸውን በማስቆም ወደ ድርጅቱ (ህወሓት) ሪፖርት እንዲያደርጉ ትዕዛዝ ካስተላለፈላቸው አመራሮች መካከል ዶ/ር አርከበ እቁባይ ይገኙበታል።

ዶ/ር አርከበ እቁባይ የህወሓት ነባር ታጋይ እንዲሁም የጠቅላይ ሚኒስትር ዶክተር አብይ አህመድ አማካሪ ናቸው።

@tikvahethiopiaBot @tikvahethiopia

ሼህ ሀጅ ሙሀመድ ጌታ በ102 ዓመታቸው አረፉ!

በወሎ እና አካባቢው ከፍተኛ ተሰሚነት የነበራቸው ሼህ ሀጅ ሙሀመድ ጌታ በ102 ዓመታቸው አርፈዋል።

ሼህ ሀጅ ሙሀመድ ከሃይማኖት አባትነታቸው ባሻገር ከተለያዩ የሀገሪቱ ክፍሎች ለሚመጡ ሕሙማን በሚሰጡት የባህል ሕክምና ታዋቂ ነበሩ፡፡

መስጅዶችን ማስገንባታቸው ፣ የተቸገሩ መርዳታቸው ፣ በተለይ በሃይማኖቶች መካከል መከባበር እንዲኖር ያለመሰልቸት መሥራታቸው በጉልህ ይጠቀስላቸዋል፡፡

ሀጅ ሙሀመድ ጌታ ወዳጅ ዘመዶቻቸው፣ የፌዴራልና የአማራ ክልል እስልምና ጉዳዮች ከፍተኛ ምክር ቤት የሃይማኖት አባቶች በተገኙበት የቀብር ሥነ ሥርዓታቸው መፈፀሙን ከአብመድ ያገኘነው መረጃ ያሳያል።

@tikvahethiopiaBOT @tikvahethiopia

ክፍት የስራ ቦታ በአዲስ አበባ አስተዳደር ትምህርት ቢሮ !

የአ/አ ከተማ አስተዳደር ትምህርት ቢሮ ለ 2013 ዓ/ም የትምህርት ዘመን በክፍት የስራ መደቦች ላይ መምህራንን አወዳድሮ መቅጠር ይፈልጋል። ዝርዝር መረጃው ከላይ ባሉት ፎቶዎች ተመልከቱ።

ማሳሰቢያ ፦

• ማስታወቂያው የሚቆይበት ጊዜ - ማስታወቂያው ከወጣበት ቀን ጀምሮ ለ10 ተከታታይ ቀናት

• ምዝገባው የሚካሄደው ማስታወቂያው ከወጣበት ቀን ጀምሮ እስከ ሚጠናቀቅበት ድረስ ከጥዋቱ 2:30 - 11:30 ሰዓት

• የትምህርት ማስረጃ እና የስራ ልምድ ዋናውና የማይመለስ ኮፒ

• የግል፣ የቤተክህነት እና የሚሲዮን ትምህርት ቤቶች የስራ ልምድ ተቀባይነት አይኖረም

• ከግል የትምህርት ተቋም የሚቀርብ የትምህርት ማስረጃ ቀድሞ በወጣው የሰራተኞች የቅጥር መመሪያ መሰረት ይሆናል

• የስራ ቦታው አዲስ አበባ (10ሩም ክፍለ ከተሞች)

ለተጨማሪ መረጃ : 011-869-83-76

@tikvahethiopiaBot @tikvahethiopia

ከ80 ሺህ ብር በላይ ሀሰተኛ የብር ኖት ሊያሰራጩ የነበሩ 2 ግለሰቦች በቁጥጥር ስር ዋሉ !

በምዕራብ ጎጃም ዞን ወምበርማ ሽንዲ ከተማ ከ80 ሺህ ብር በላይ ሀሰተኛ የብር ኖት ሊያሰራጩ የነበሩ ሁለት ግለሰቦች በቁጥጥር ስር መዋላቸውን የወረዳው ፖሊስ ጽህፈት ቤት አስታውቋል።

አድራሻቸው ከሰከላ ወረዳ እና ከቡሬ ከተማ የሆኑ 2 ግለሰቦች በወምበርማ ወረዳ በሚገኙ ለንግድ ተቋማትና ለህብረተሰቡ ሀሰተኛ የብር ኖት ሊያሰራጩ ሲሉ ነው በቁጥጥር ስር የዋሉት።

2ቱ ተጠርጣሪዎች ሀሰተኛ የብር ኖቱን ከባህር ዳር እንዳመጡት ፖሊስ ገልጿል። ብሩን በወምበርማ ወረዳ ሊያሰራጩትም ነበር ተብሏል።

የጸጥታ ሃይል ክትትል እንዳለ ሲያውቁ ወደ ቡሬ ከተማ ተመልሰው በመሄድ ለማሰራጨት ሲሞክሩ ፖሊስ ወደ ቡሬ አብሮ በመሄድና ክትትል በማድረግ በህግ ቁጥጥር ስር እንዲውሉ እንዳደረጋቸው ተገልጿል።

የወረዳው ፖሊስ ፅ/ቤት በክትትል እና ስምሪት ላይ ለነበሩት የፖሊስ አባላቱ ምስጋና አቅርቧል።

ምንጭ፦ የወምበርማ ወረዳ ኮሚኒኬሽን ቢሮ
@tikvahethiopiaBot @tikvahethiopia