የአስቸኳይ ጊዜ አዋጁ መጠናቀቅ #4

የአዲስ አበባ ከተማ ትራንስፖርት ባለስልጣን የቤት መኪኖች እንዲሁም የሜትር ታክሲ አገልግሎት ሰጪዎች በወንበር ልክ እንዲጭኑ መወሰኑን ለኢትዮ ኤፍ ኤም 107.8 አሳውቋል።

@tikvahethiopiaBot @tikvahethiopia

የእነ አቶ ጀዋር መሃመድ የዋስትና ጥያቄ ውድቅ ተደረገ!

የፌደራል የመጀመሪያ ደረጃ ፍርድ ቤት አራዳ ምድብ ተረኛ ችሎት በዛሬው ዕለት የእነ አቶ ጀዋር መሃመድን የዋስትና ጥያቄ ውድቅ አደረገ፡፡

አቶ ጀዋር መሃመድና አቶ በቀለ ገርባን ጨምሮ አስር (10) ተጠርጣሪዎች ላይ አቃቤ ሕግ መስከረም 8 በከፍተኛ ፍርድ ቤት ክስ እንዲመሰርት ችሎቱ ውሳኔ ማሳለፉን ኢብኮ ዘግቧል።

በተጨማሪ ፍርድ ቤት ከአስራ አንደኛ እስከ አስራ አራተኛ ያሉ ተጠርጣሪዎች ላይ በ5 ቀን ውስጥ ክስ እንዲመሰርትባቸው ትእዛዝ ሰጥቷል።

@tikvahethiopiaBot @tikvahethiopia

የኢትዮጵያ መንግስት ለ2 ዓለም አቀፍ የቴሌኮም ኩባንያዎች የኦፕሬተርነት ፍቃድ ወስደው እንዲሰሩ ውሳኔ ማሳለፉ ተገልጿል።

የኢትዮ ቴሌኮም 40 በመቶ ድርሻ ለተመረጡት ኩባንያዎች የሚተላለፍ ሲሆን 5 በመቶ ድርሻ ደግሞ ለኢትዮጵያውያን ይሸጣል።

የ5 በመቶ አክስዮን ሽያጭም በጥቂት ግለሰቦች የሚያዝ ሳይሆን ሁሉም ዜጋ አቅሙ በፈቀደ መጠን የሚሳተፍበት መሆኑ ታውቋል።

የማሻሻያ ስራዎቹን በተመለከተ ዛሬ ጠቅላይ ሚኒስትር ዶ/ር ዐቢይ አህመድ በተገኙበት የባለድርሻ አካላት ወይይት መደረጉን ኢዜአ ዘግቧል።

@tikvahethiopiaBot @tikvahethiopia

በፓኪስታን ትምህርት ቤቶች ሊከፈቱ ነው!

በፓኪስታን በኮቪድ-19 ወረርሽኝ ምክንያት የተዘጉ ሁሉም ትምህርት ቤቶች ከመስከረም 5/2013 ዓ.ም ጀምሮ ሊከፈቱ እንደሆነ ተሰምቷል።

የሀገሪቱ መንግስት እዚህ ውሳኔ ላይ የደረሰው በኮቪድ-19 የሚያዙ እንዲሁም የሚሞቱ ሰዎች ቁጥር በመቀነሱ መሆኑ ተነግሯል።

@tikvahethiopiaBot @tikvahethiopia

ጳጉሜ 2/2012 ዓ/ም

የኢትዮጵያ የኮቪድ-19 መረጃዎች #1፦

#Somali

በሱማሌ ክልል ባለፉት 24 ሰዓት 684 የላብራቶሪ ምርመራ ተደርጎ 12 ሰዎች በኮቪድ-19 መያቸው ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 690 የላብራቶሪ ምርመራ ተደርጎ 28 ሰዎች በኮሮና ቫይረስ መያዛቸው ተረጋግጧል።

በቫይረሱ የተያዙት፦
- 9 ከመንጌ ወረዳ
- 5 ከሸርቆሌ ወረዳ
- 4 ከሆሞሻ ወረዳ
- 1 ከአሶሳ ወረዳ
- 9 ከበሎ (ምዥጋ ወረዳ)

#Harari

በሀረሪ ክልል ባለፉት 24 ሰዓት 521 የላብራቶሪ ምርመራ ተደርጎ 17 ሰዎች በኮቪድ-19 መያዛቸው ተረጋግጧል።

#Amhara

በአማራ ክልል ባለፉት 24 ሰዓት 4,947 የላብራቶሪ ምርመራ ተደርጎ 61 ሰዎች በኮሮና ቫይረስ መያዛቸው ተረጋግጧል። የአንድ ሰው ህይወት አልፏል (ከደ/ብርሃን የኮሮና ህክምና ማዕከል)

በቫይረሱ ከተያዙት መካከል፦
- 20 ከሰ/ሸዋ ዞን
- 14 ከሰ/ወሎ ዞን
- 14 ከጎንደር ከተማ ይገኙበታል።

#Oromia

በኦሮሚያ ክልል ባለፉት 24 ሰዓት ውስጥ 3,367 የላብራቶሪ ምርመራ የተደረገ ሲሆን 346 ሰዎች በቫይረሱ መያዛቸው ተረጋግጧል።

በቫይረሱ ከተያዙት መካከል ፦
- 212 ከምስራቅ ሸዋ
- 31 ከምዕራብ ወለጋ
- 28 ከቢሾፍቱ ከተማ
- 14 ከጅማ ከተማ
- 12 ከሰበታ ከተማ
- 9 ከአርሲ ዞን ይገኙበታል።

@tikvahethiopiaBOT

#COVID19Ethiopia

ባለፉት 24 ሰዓት በተደረገው 19,449 የላብራቶሪ ምርመራ 976 ሰዎች በቫይረሱ መያዛቸው ሲረጋገጥ የ15 ሰዎች ህይወት አልፏል። በተጨማሪ በትላንትናው ዕለት 482 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 59,648 የደረሱ ሲሆን የሟቾች ቁጥር 933 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 21,789 ደርሷል።

@tikvahethiopiaBot @tikvahethiopia

ጳጉሜ 2/2012 ዓ/ም

የኢትዮጵያ የኮቪድ-19 መረጃዎች #2፦

#SNNPRS

በደቡብ ክልል ባለፉት 24 ሰዓት ውስጥ በተደረገው 2,356 የላብራቶሪ ምርመራ ስልሳ ስድስት (66) ሰዎች በቫይረሱ መያዛቸው ተረጋግጧል።

ቫይረሱ የተያዙት፦
- ከወላይታ ዞን 17 (7 ከሶዶ ዙሪያ፣ 7 ከዱጉና ፋንጎ፣ 1 ከሶዶ፣ 1 ዳሞት ሶሬ እና 1 ከቦሎሶ ሶሬ) ፣
- ከደቡብ ኦሞ ዞን 12 ( 6 ከሳላማጎ እና 6 ከማሌ)፣
- ከቤንች ሸኮ ዞን 8 (8ቱም ከሚዛን ከተማ )፣
- ከሃዲያ ዞን 7(3 ከጊምቢቹ፣ 3 ከምስራቅ ባደዋቾ እና 1 ከሾኔ)፣
- ከደራሼ ልዩ ወረዳ 4፣
- ከጋሞ ዞን 3 (1 ከአርባምንጭ ፣ 1 ከዲታ እና 1 ከጨንቻ)፣
- ከዳውሮ ዞን 3 (3ቱም ከማረቃ)፣
- ከጉራጌ ዞን 3 (3ቱም ከምሁር አክሊል)፣
- ከአሌ ልዩ ወረዳ 2፣
- ከስልጤ ዞን 2 (1 ከጦራ እና 1 ከወራቤ ከተማ)፣
- ከጌዴኦ ዞን 2 (1 ከጨለለቅቱ እና 1 ከወናጎ)፣
- ከቡርጂ ልዩ ወረዳ 1፣
- ከከምባታ ጠምባሮ ዞን 1 ( ከዱራሜ ከተማ)፣
- ከሃላባ ዞን 1 (ዌራዲጆ) ናቸው።

#DireDawa

ድሬዳዋ ከተማ ባለፉት 24 ሰዓት 195 የላብራቶሪ ምርመራ ተደርጎ 26 ሰዎች በኮቪድ-19 መያዛቸው ተረጋግጧል።

#Tigray

በትግራይ ክልል ባለፉት 24 ሰዓት ውስጥ 1,142 የላብራቶሪ ምርመራ ተደርጎ 107 ሰዎች በኮሮና ቫይረስ መያዛቸው ተረጋግጧል። በቫይረሱ ከተያዙት መካከል ሰማንያ ሰባት ሰዎች ከማህበረሰቡ የተገኙ ናቸው።

@tikvahethiopiaBOT

በኢትዮጵያ ትምህርት ለማስጀመር ጥናት ተደረገ!

ለኮሮና ቫይረስ ወረርሽኝ ሊያጋልጥ በማይችል እና ጥንቃቄ በተሞላበት መልኩ የመማር ማስተማር ሂደቱን በአዲሱ ዓመት ለማስጀመር ጥናት መደረጉን ትምህርት ሚኒስቴር አስታወቀ። 

ሚኒስቴሩ እንዳለው በአንድ ክፍል የሚማሩ ተማሪዎችን ቁጥር በመመጠንና ሌሎች አማራጮችን በመጠቀም ትምህርት ማስጀመር በሚቻልበት መንገድ ላይ ጥናት ተደርጓል። 

የትምህርት ሚኒስቴር ዴኤታ አቶ ሚሊዮን ማቲዮስ ባለፈው የመማር ማስተማር ሂደት በአማካይ ከ60 እስከ 80 ተማሪዎች በአንድ ክፍል ውስጥ ይማሩ የነበረበት ሁኔታ አስታውሰዋል።

በቀጣይ ትምህርት ሲከፈት በቅድመ መደበኛ 14 በመቶ የሚሆኑትን ትምህርት ቤቶች ከ20 እስከ 25 ተማሪዎችን ብቻ በአንድ ክፍል እንዲያስተምሩና አንድ ተማሪ በአንድ ዴስክ ብቻ እንዲቀመጥ ለማድረግ መታቀዱን አስረድተዋል።

አቶ ሚሊዮን እንዳሉት ቀሪዎቹ 80 በመቶ ተማሪዎች በፈረቃ እንዲማሩና 6 በመቶ የሚሆኑ ተማሪዎች ደግሞ ትምህርት ቤት በመገንባትና አማራጭ ማህበራዊ ተቋማትን በመጠቀም ለማስተማር ታቅዷል።

በአንደኛ ደረጃ ትምህርት ቤቶች 24 በመቶ ወይም ከ20 እስከ 25 ተማሪዎች በአንድ ከፍል ውስጥ እንዲማሩ ፣ 56 በመቶ በፈረቃ እንዲሁም 20 በመቶ ተጨማሪ ክፍል በመገንባት እንዲማሩ ተወስኗል።

በሁለተኛ ደረጃ ትምህርት ቤቶች 19 በመቶ ተማሪዎች ወይም ከ20 እስከ 25 የሚሆኑት በአንድ ክፍል ውስጥ እንዲማሩ እንዲሁም 50 በመቶ የሚሆኑት ደግሞ በፈረቃ የሚማሩ ይሆናል።

ሌሎች 31 በመቶ ተጨማሪ ክፍሎችን በመገንባትና አማራጭ ማህበራዊ ተቋማትን በመጠቀም ለማስተማር መታቀዱንም አመልክተዋል https://telegra.ph/ENA-09-07

@tikvahethiopiaBOT @TikvaahEthiopia

በአዲስ አበባ ከተማ የተደረገ የዳሰሳ ጥናት!

በአዲስ አበባ ከተማ አስተዳደር በአስሩም ክፍለ ከተሞች በተደረገ ከቤት ውጭ የአፍና አፍንጫ መሸፈኛ የመጠቀም የዳሰሳ ጥናት በጥናቱ ከተካተቱት 14,836 ሰዎች ውስጥ 11,119 ሰዎች ይኸውም 74.9% የሚሆኑት ብቻ በአግባቡ የአፍና አፍንጫ መሸፈኛ ጭንብል የተጠቀሙ ናቸው።

በማህበረሰቡ ውስጥ በተለይ አፍ እና አፍንጫን በአግባቡ ከመሸፈን ፣ ርቀትን ከመጠበቅ እንዲሁም እጅን በአግባቡ እና በየጊዜው ከመታጠብ አንፃር ከፍተኛ የሆነ ጥንቃቄ የሚያስፈልግበት ወቅት ላይ መደረሱን የአዲስ አበባ ከተማ አስተዳደር ጤና ቢሮ አሳውቋል።

@tikvahethiopiaBot @tikvahethiopia

በአሥራት ጋዜጠኞች ላይ የቀረበው ይግባኝ ውድቅ ተደረገ!

የልደታ ከፍተኛ ፍርድ ቤት አንደኛ ይግባኝ የወንጀል ችሎት ፖሊስ በአሥራት ጋዜጠኞች ላይ ያቀረበውን የይግባኝ ጥያቄ ውድቅ አድርጎታል።

ፖሊስ የአሥራት ጋዜጠኞች በዋስትና ከእስር ቢፈቱ መረጃ ያጠፉብኛል ቢልም ፍርድ ቤቱ ይግባኙን አልተቀበለውም።

ፖሊስ ከአራቱ የአሥራት ጋዜጠኞች መካከል በበላይ ማናዬ፣ ሙሉጌታ አንበርብርና ምስጋናው ከፈለኝ ላይ ይግባኝ ጠይቆ የነበር ሲሆን በዋነኛነት ከኢመድኤ / INSA ፣ ከሆስፒታል እና ከብሮድካስት ባለስልጣን መረጃ እንደሚያመጣ ጠቅሶ ከእስር ከወጡ ተፅዕኖ ፈጣሪ ስለሆኑ መረጃ ያጠፉብኛል ብሏል።

ይሁንና ፍርድ ቤቱ መረጃ ይመጣባቸዋል ከሚባሉት ተቋማት መረጃ ማጥፋት ሆነ ማዛባት እንደማይቻል ገልፆ የእስር ፍርድ ቤቱ በተደጋጋሚ ፖሊስ መረጃ እንዲያቀርብ ቀጠሮ ከሰጠ በኋላ ጋዜጠኞቹ በዋስትና እንዲለቀቁ ማድረጉ ትክክለኛ ውሳኔ ነው ብሎታል።

ምንጭ፦ አስራት ቴሌቪዥን
@tikvahethiopiaBot @tikvahethiopia