ህወሓት ወደ አዲስ አበባ ሽማግሌ ልኳል ?

ከሰሞኑን በአንዳንድ ማህበራዊ ሚዲያዎች ላይ በፌደራል መንግስቱና በትግራይ ክልል መንግስት መካከል ያለውን አለመግባባት ለመፍታት ህወሓት ለሽምግልና በዶ/ር አዲስአለም ባሌማ የተመራ ቡድን ወደ አዲስ አበባ ልኳል ተብሎ ሲነገር ነበር።

በዚህ ጉዳይ የቀድሞ የፌደሬሽን ምክር ቤት አፈ ጉባኤ የነበሩት የህወሓት ከፍተኛ አመራር ወ/ሮ ኬሪያ ኢብራሂም '#አባይ' ከተባለ ሚዲያ ስለጉዳዩ እውነትነት ጥያቄ ቀርቦላቸው 'ሲናፈስ የነበረው ነጭ ውሸት ነው፣ ህወሓት ሽማግሌ አላከም፣ ሊልክም አይችልም' ሲሉ መልስ ሰጥተዋል።

በሌላ በኩል ወ/ሮ ኪሪያ ህወሓት አሁንም ለውይይት ዝግጁ መሆኑን ነገር ግን አሁን ያለው ችግር ሀገራዊ ስለሆነ ጉዳዩን የህወሓት እና የብልፅግና ፓርቲ ብቻ አድርጎ መወሰድ እንደሌለበት ፤ ሁሉንም ወገን ያካተት፣ ሁሉም የፖለቲካ ፓርቲዎች የሚሳተፉበት የውይይት መድረክ ከተዘጋጀ ፓርቲው እንደማንኛው ፓርቲ ለመሳተፍ ዝግጁ እንደሆነ አሳውቀዋል።

ወ/ሮ ኪሪያ 'በህወሓት እና በብልፅግና ፓርቲ መካከል ብቻ የሚደረግ የውይይት መድረክ ሊሆን አይችልም ፤ ከዚህ ቀደም ወደ መቐለ መጥተው ለነበሩት የሃይማኖት አባቶችና የሀገር ሽማግሌዎች የተሰጠው ሀሳብም ይኸው ነው ፤ አሁንም የያዝነው አቋም ይህ ነው' ብለዋል።

@tikvahethiopiaBot @tikvahethiopia

ጆሃንስበርግ አቅራቢያ የሚገኘው የወል መቃብር!

የኮሮና ቫይረስ በሽታ/ኮቪድ-19 ከተስፋፋባቸው የዓለማችን እንዲሁም የአፍሪካ ሀገራት ውስጥ ደቡብ አፍሪካ አንዷ ናት።

ከቪኦኤ እንደተገኘው መረጃ የሀገሪቱ ባለሥልጣናቱ የወል የቀብር ስፍራ አዘጋጅተዋል። እስካሁን ደቡብ አፍሪካ ውስጥ በኮቪድ-19 ምክንያት ከ9,900 በላይ ሰዎች ሞተዋል።

ከላይ በፎቶው የምትመለከቱ የወል መቃብር ሥፍራ ደቡብ አፍሪካ ውስጥ ጆሃንስበርግ ከተማ አቅራቢያ የሚገኝ ነው።

በደቡብ አፍሪካ እስከዛሬ 545,476 ሰዎች በኮሮና ቫይስ መያዛቸው ሲረጋገጥ ከ394,000 በላይ ሰዎች አገገመዋል።

@tikvahethiopiaBot @tikvahethiopia

በአማራ ክልል በኮሮና የተያዙ ሰዎች ከ700 ሲያልፉ፤ በኦሮሚያ ክልል በቫይረሱ የተያዙ ከ2,000 አልፈዋል!

አማራ ክልል ባለፉት 24 ሰዓት ከተደረገው 2,542 የላብራቶሪ ምርመራ 24 ሰዎች በቫይረሱ መያዛቸው ተረጋግጧል። ከነዚህ መካከል 4 ከደሴ ፣ 3 ከባህር ዳር ፣ 6 ከደ/ወሎ ዞን ፣ 4 ከሰ/ሸዋ ዞን፣ 5 ከኦሮሞ ብ/ሰብ ዞን፣ 1 ከአዊ ብ/ሰብ ዞን፣ 1 ከሰ/ወሎ ዞን ይገኙበታል።

በአጠቃላይ በአማራ ክልል አጠቃላይ በኮሮና ቫይረስ የተያዙ ሰዎች 703 ደርሰዋል፤ 489 ሰዎች ከበሽታው አገግመዋል፤ 7 ሰዎች ህወታቸው አልፏል።

በሌላ በኩል በኦሮሚያ ክልል በኮሮና ቫይረስ የተያዙ ሰዎች 2,010 ደርሰዋል ፤ ባለፉት 24 ሰዓት ከ976 የላብራቶሪ ምርመራ 78 ሰዎች በቫይረሱ መያዛቸው ተረጋግጧል።

ከሰባ ስምንቱ (78) መካከል 36 ሰዎች ከምስራቅ ሸዋ፣ 11 ሰዎች ከቡራዩ ፣ 8 ሰዎች ከለገጣፎ ፣ 8 ሰዎች ከነቀምቴ፣ 4 ሰዎች ከዱከም ፣ 3 ሰዎች ከሆለታ ይገኙበታል።

ትዊተር የምትጠቀሙ TIKVAH-ETHIOPIA : https://twitter.com/tikvahethiopia?s=09 (@tikvahethiopia):

@tikvahethiopiaBot @tikvahethiopia

ዛሬ በወላይታ ሶዶ ከተማ አለመረጋጋት መፈጠሩን የቲክቫህ ኢትዮጵያ ወላይታ ሶዶ አባላት በቪድዮ እና በፎቶ አስደግፈው በላኩት መረጃ አሳውቀዋል።

በከተማው የተለያዩ ቦታዎች ላይ መንገዶች ተዘግተው እንደነበረ የመከላከያ ሰራዊት ወደ ከተማው በመግባት ሁኔታዎችን ለመቆጣጠርና፣ መንገዶችን ለመክፈት እየሞከረ እንደሆነ ሰምተናል።

በድምፅ መልዕክታቸውን ያስቀመጡ የቲክቫህ አባላት በከተማይቱ ተደጋጋሚ የተኩስ ድምፅ እየሰሙ እንደሆነም ገልፀዋል።

የከተማይቱ የቲክቫህ ኢትዮጵያ አባላት እንደሚናገሩት መነሻው በስብሰባ ላይ የነበሩ ከፍተኛ አመራሮች እና ተሳታፊዎች መታሰራቸው በመሰማቱ ነው ብለዋል።

@tikvahethiopiaBot @tikvahethiopia

#UPDATE

የወላይታ ዞን ዋና አስተዳዳሪ አቶ ዳጋቶ ኮምቤን ጨምሮ የዞኑ ከፍተኛ አመራሮች ዛሬ በመከላከያ ሰራዊት መያዛቸውን አል ዓይን አረጋግጧል፤ አመራሮቹ ስብሰባ ላይ ከነበሩበት የተያዙ ሲሆን ከዚሁ ጋር በተያያዘ በከተማው ሁከት መከሰቱም ገልጿል።

የዞኑ አመራሮች ክልል ጥያቄ ጋር በተያያዘ ከፌዴራል እና ከደቡብ ክልል መንግስት ጋር ቅራኔ ውስጥ መግባታቸው ይታወቃል።

የዞኑ ክልል የመሆን ጥያቄ በደቡብ ክልል መንግስት ተገቢው ምላሽ አልተሰጠውም በሚል ተቃውሞ በክልሉ ምክር ቤት የዞኑ ተወካዮች ራሳቸውን ከምክር ቤት አባልነት ራሳቸውን ካገለሉ ከ6 በላይ ሳምንታት ተቆጥረዋል።

የዞኑ ተወካዮች ወደ ም/ቤት እንዲመለሱ በክልሉ የቀረበላቸውን ጥያቄ እስካሁን አልተቀበሉም። የዎላይታ ዞን ምክር ቤት በራሱ ጊዜ ዞኑን በክልል ለማደራጀት ወስኖ ይህን ስራ የሚያስፈጽም ምክር ቤት ማቋቋሙ ይታወሳል።

Via AlAin

@tikvahethiopiaBot @tikvahethiopia