በሪያድ ከተማ ማንፋሐ እና ነሲም ተብለው በሚታወቁ አካባቢዎች ባለፉት 15 ውስጥ ቀናት የሳዐዲ ፀጥታ ኃይሎች ከሌላው ጊዜ በተለየ መልኩ የኢትዮጵያውያን መኖሪያ ቤቶች ውስጥ በመግባት ፍተሻ ሲያካሄዱ እንደነበር በወቅቱ በአካባቢው የነበሩ ሰዎች በሪያድ ለሚገኘው የኢትዮጵያ ኤምባሲ መረጃ ማድረሳቸው ተገልጿል።

በፀጥታ ኃይሎች በተካሄደው ፍተሻ ህጋዊ የመኖሪያ ፍቃድ ወይም ዕቃማ ያላቸውን ሆነ የሌላቸውን አንድ ላይ ወደ ማረፍያ ተወስደው እንደነበረና ዕቃማ ያላቸውን ዕቃማቸው ተቀምቶ ከእስር ቤት የተለቀቁ ሰዎች መኖራቸውን ኤምባሲው መረጃ እንደደረሰው አሳውቋል።

በዚህ መሰረት ባለፉት ቀናት የሳዑዲ ፀጥታ ኃይሎች ቤት ለቤት ፍተሻ ባካሄዱበት ወቅት የሳዑዲን ህግ በመጣስ የተለያዩ የመብት ጥሰት ድርጊቶች ተፈፅመውብናል / ጉዳት ደርሶብናል የሚሉ የኢትዮጵያ ዜጎች የደረሰባቸውን የመብት ጥሰት / ጉዳት በማስረጃ በማስደገፍ ከእሁድ ነሐሴ 3 ጀምሮ ኤምባሲው ድረስ በአካል በመቅረብ የተሟላ መረጃ እንዲሰጡ ጥሪ ቀርቧል።

@tikvahethiopiaBot @tikvahethiopia

አቶ በቀለ ገርባ ዛሬ ፍርድ ቤት ይቀርባሉ!

የኦሮሞ ፌደራሊስት ኮንግረስ (ኦፌኮ) አመራራ የሆኑት አቶ በቀለ ገርባ በዛሬው ዕለት (ሐምሌ 28/2012 ዓ/ም) ከቀኑ በ8:00 ሰዓት ፍርድ ቤት ይቀርባሉ።

@tikvahethiopiaBot @tikvahethiopia

ሹመት!

የአዲስ አበባ ከተማ አስተዳደር ምክር ቤት 7ኛ ዓመት የስራ ዘመን 3ኛ መደበኛ ጉባኤውን እያካሄደ ይገኛል። በዛሬ ውሎው በኢ/ር ታከለ ኡማ የቀረበለትን የሁለት ቢሮ ሃላፊዎችን ሹመት አፅድቋል።

በዚህ መሰረት:-

1. ወ/ሪት ፋይዛ መሐመድ ኡመር- የባህል ቱሪዝም እና ኪነጥበብ ቢሮ ኃላፊ

2. ወ/ሪት ሓዳስ ኪዱ ትዓራ - የሴቶች እና ህፃናት ቢሮ ሃላፊ ሆነው ተሹመዋል - #AMN

@tikvahethiopiaBot @tikvahethiopia

#ATTENTION

ይህ ከላይ በፎቶ የምትመለከቱት ሰልፍ 'የካ ክፍለ ከተማ' አነስተኛ ግብር ከፉዮች ጽህፈት ቤት ነው።

በቦታው የሚገኙ ተገልጋዮች 'አካላዊ ርቀታቸውን' ሳይጠብቁ ለኮሮና ቫይረስ (ኮቪድ-19) ተጋላጭነት በሚጨምር መልኩ እጅግ ተጠጋግተው ተሰልፈዋል።

በስፍራው የሚገኘው የቲክቫህ አባል ባለጉዳዮች ሀምሌ 30 አልፎ ላለመቀጣት በሚል እራሳቸውን ለቫይረሱ አጋልጠው እየተገለገሉ ነው ብሏል።

ጉዳዮ የሚመለከታችሁ አካላት የኮቪድ-19 በአዲስ አበባ ከተማ ያለበትን እጅግ አደገኛ ደረጃ በመረዳት መፍትሄ ብታፈላልጉ የተሻለ ነው።

ሌሎች ቦታዎች ላይም ተመሳሳይ ሁኔታ ካለ ተከታትሎ ማስተካከያ ቢደረግ መልካም ነው። ነገን የተሻለ ለማድረግ በሁሉም ቦታዎች ከፍተኛ ጥንቃቄ ማድረግ ብቸኛው አማራጭ ነው።

@tikvahethiopiaBot @tikvahethiopia

#AtoLidetuAyalew

ኢዴፓ ለብሄራዊ ምርጫ ቦርድ እና ለሰብዓዊ መብት ኮሚሽን በላከው ደብዳቤ አቶ ልደቱ አያሌው የአስም እና የልብ ህመም እንዳለባቸው በመግለፅ ፍፁም ለጤናቸው #አስጊ በሆነ ሁኔታ በቢሾፍቱ እስር ቤት ውስጥ መታሰራቸውን አሳውቋል።

ኢዴፓ የአቶ ልደቱ መርማሪን ጨምሮ አምስት (5) ፖሊሶች በእስር ቤቱ በኮሮና ቫይረስ መያዛቸውን አቶ ልደቱ እራሳቸው አረጋግጠውልኛል ብሏል።

ይህ ሁኔታ ከአቶ ልደቱ የጤና ሁኔታ አንፃር ለኮቪድ-19 ይበልጥ ተጋላጭ የሚያደርጋቸው ቢሆንም ምንም አይነት ጥንቃቄ በማይደረግበት እስር ቤት ውስጥ አሁንም እንዲታሰሩ በመደረጉ ህይወታቸው አደጋ ላይ ወድቋል ሲል አስታውቋል።

ፓርቲው ከተመሰረተበት ጊዜ ጀምሮ ከሰላማዊ የትግል መስመር ውጭ ለአንድም ቀን ተንቀሳቅሶ እንደማያውቅና በአመፅና በነውጥ ዘላቂ የሆነ ዴሞክራሲያዊ ስርዓት ይገነባል ብሎ እንደማያምን በደብዳቤው ገልጿል።

ነገር ግን መንግስት በህግ ማስከበር ስም ከሁከትና ብጥብጥ ጋር ግንኙነት የሌለውን የተለየ ሃሳብ በማራመዱ የፓርቲውን የብሄራዊ ምክር ቤት አባል አቶ ልደቱን በግፍ አስሮታል ብሏል።

ኢዴፓ ለብሄራዊ ምርጫ ቦርድ እና ለሰብዓዊ መብት ኮሚሽን የፃፈውን ደብዳቤ መሉ ሃሳብ ከላይ ባሉት ምስሎች ማንበብ ትችላላችሁ።

#TikvahEthiopia
@tikvahethiopiaBot @tikvahethiopia