በኮቪድ-19 የተያዙ ሰዎች ከ17 ሚሊዮን አለፉ!

በዓለም አቀፍ ደረጃ በኮሮና ቫይረስ የተያዙ አጠቃላይ ሰዎች ቁጥር 17,036,211 ደርሷል፤ ከነዚህ መካከል 666,132 ሰዎች ህይወታቸው ሲያልፍ 10,562,467 ሰዎች ከበሽታው አገግመዋል።

@tikvahethiopiaBot @tikvahethiopia

የአቶ ጃዋር መሃመድ የፍርድ ቤት ውሎ ዝርዝር ፦

መርማሪ ፖሊስ ባለፉት 13 ቀናት ሰራው ያለው አዲስ ስራ ለፍርድ ቤት አቅርቧል ፦

• በአቶ ጃዋር ቤት በድጋሚ በተደረገው ፍተሻ የቴሌኮም መሳሪያዎች፣በግለሰብ እጅ የማይገኙ የኤሌክትሮኒክስና የሳተላይት ጨምሮ ሌሎችንም አግኝቷል።

• በዕለቱ አቶ ጃዋር በOMN ተጠቅመው ብሄርን ከብሄር፣ ሃይማኖትን ከሃይማኖት ግጭት እንዲነሳ ባስተላለፉት ጥሪና ትዕዛዝ በርካታ ጉዳት ደርሷል።

አቶ ጃዋር መሃመድ በዛሬው የፍርድ ቤት ብሎ የሰጧቸው ምላሾችና ያነሷቻቸው ጥያቄዎች መካከል በጥቂቱ፦

• የችሎት ውሎውን የምንፈልገው ሚዲያ እንዲዘግቡልን ይደረግ የመንግስት ሚዲያዎች ብቻ ነው እየዘገቡ ያሉት እነሱም የፖሊስ ምርመራ ብቻ ነው የሚያቀርቡት ሚዛናዊ አይደለም ስለዚህ እኛ የምንፈልጋቸው ይዘግቡልን ሁሉም ይፈቀድ አልያም ሁሉም ይከልከሉልን ሲሉ ጠይቀዋል።

• ከኤሌክትሮኒክስ እቃ ጋር በተያያዘ የተነሳው በጉሙሩክ በኩል አስፈላጊው ቀረጥ ከፍዬ ያስገባሁት ነው።

• የሃይማኖት ግጭት ፈጠረ ስለተባለው እናቴ ኦርቶዶክስ ናት ፣ ባለቤቴ ፕሮቴስታንት ናት፣ ከእኔ ጋር የተያዙት በተለይ አጃቢዎቼ ግማሹ ኦርቶዶክስ ግማሹ ደግሞ ፕሮቴስታንቶች ናቸው።

ይህ የፖለቲካ ጉዳይ ነው የፖለቲካ ችግርን ደግሞ በፖለቲካ መድረክ መፍታት እንጂ በዚህ ልክ ሊሆን አይገባም፤ እኔንም ሌሎችንም ከምርጫ ለማስቀረት ታስቦ ነው የታሰርኩት፤ እኔን የፖለቲካ ማስፈፀሚያ ከማድረግ የጠበቆችን ጊዜም ማባከን አይገባም እኔና እስክንድር ነጋ የተለያየ አመለካከት ነው ያለን ነገር ግን በአንድ አይነት ክስ ላይ ነው እየተከሰስን ያለነው ይህ ተገቢነት የለውም። ዝርዝር የችሎት ውሎ: https://telegra.ph/JawarMohammed-07-29

@tikvahethiopiaBot @tikvahethiopia

የአቶ እስክንድር ነጋ የፍርድ ቤት ውሎ ዝርዝር ፦

(DW)

የዛሬው (ሃምሌ 22/2012 ዓ/ም) መዝገብ የተቀጠረበት ጉዳይ ፖሊስ ምርመራ አልጨረስኩም ብሎ ፍርድ ቤትን በማስፈቀዱ የደረሰበትን የምርመራ ደረጃ ለማየት ነበር።

መርማሪ ፖሊስ ፦

• አሁንም ምስክሮችን እየሰማሁ ነው፤ በአዲስ አበባ ከተማ የደረሰውን ጉዳት የ6 ክፍለ ከተማ ነው የመጣልኝ የሌሎች ክፍለ ከተሞች እየተጣራ በመሆኑ እስካሁን አልደረሰልኝም።

• አሁንም የምንይዛቸው አባሪዎች አሉን ፣ የኤሌክትሮኒክስ ማስረጃዎችን ለሚመለከታቸው አካላት ልከናል።

• አቶ እስክንድር ነጋ በሚያዝበት ጊዜ ላፕቶፕ እንዲሁም ዴስክቶፕ ኮምፒዩተሮቻቸውን ልንይዝ አልቻልንም ይህ አፈላልገን ለመያዝ የጊዜ ቀጠሮ ያስፈልገናል።

የአቶ እስክንድር ነጋ ጠበቆች ፦

• ፖሊስ ፍርድ ቤቱን ተጨማሪ ጊዜ ይሰጠን ብሎ የጠየቃቸው ምክንያቶች በሙሉ በመጀመሪያው ቀን የቀረቡ ናቸው። ስለዚህ ፖሊስ ስራውን እየሰራ አይደለም። በዚህ መካከል አቶ እስክንድር አላግባብ ታስረዋል ብለዋል።

• ከመንግስት እና ለመንግስት ቅርበት ካላቸው ሚዲያዎች ውጭ ችሎት እንዳይገቡ መደረጉ ተገቢ አይደለም ብለዋል።

ፍርድ ቤቱ ሚዲያዎችን በሚመለከት የአቶ እስክንድር ጠበቆች አቤት ያሉትን ተመልክቶ ፍርድ ቤቱ ይህ ትክክል አይደለም ፤ ፖሊስ ሁሉንም ጋዜጠኞች ማስገባት አለበት ሲል ትዕዛዝ ሰጥቷል።

አቶ እስክንድር ነጋ በዚህ ጉዳይ እኛ የምንፈልገው የህዝብ ፍትህ ስለሆነ ጋዜጠኞች በነፃነት ገብተው መዘገብ አለባቸው ብለዋል።

ፍርድ ቤት ፦

ፍርድ ቤቱ ግራና ቀኙን ተመልክቶ ፖሊስ የጠየቀውን የ14 ቀን ጊዜ ውድቅ በማድረግ 9 ቀን ፈቅዶ ለነሃሴ 1/2012 ዓ/ም ተለዋጭ ቀጠሮ ሰጥቷል።

@tikvahethiopia @tikvahethiopiaBot

ከምንጊዜውም በላይ ለኮቪድ-19 ተጋላጭ ነን!

- ሰዎች በተሰበሰቡበት ቦታዎች አይገኙ

- አፍዎን፣ አፍንጫዎንና አይንዎን ባልታጠቡ እጆችዎ አይንኩ

- እጆን ባገኙት አጋጣሚ ሁሉ በሳሙና ለ20 ሰከንድ ይታጠቡ

- ከሰዎች ጋር ንክኪ ያላቸውን እቃዎች ወይም ቦታዎች በተገቢው መልኩ ያፅዱ

በየትኛድም ቦታና ጊዜ ከማንኛውም ሰው የኮሮና ቫይረስ ሊይዘን ስለሚችል ተገቢውን ጥንቃቄ እናድርግ!

ይህ መልዕክት በቲክቫህ ኢትዮጵያ (TIKVAH-ETH) እና በመብቶችና ዴሞክራሲ ዕድገት ማዕከል /CARD ትብብር የተዘጋጀ ነው።

@tikvahethiopiaBot @tikvahethiopia

#UPDATE

ሐምሌ 20/2012 በቤንሻንጉል ጉሙዝ ክልል መተከል ዞን ጉባ ወረዳ ጥቃት የፈጸሙ 20 ታጣቂዎች በቁጥጥር ሥር መዋለቸውን BBC ዘገበ።

የቤንሻንጉል ጉሙዝ ክልላዊ መንግሥት ሠላም ግንባታ እና ጸጥታ ቢሮ ምክትል ቢሮ ኃላፊ አቶ አብዱላዚዝ መሃመድ እንደገለጹት ግለሰቦቹ በቁጥጥር ሥር የዋሉት በትላንትናው ዕለት ነው።

እንደ ምክትል ቢሮ ኃላፊው ገለፀ ከሆነ ታጣቂዎቹ ጥቃቱን ከመፈጸማቸው በፊት የመንግሥት የጸጥታ ኃይል እርምጃ እየወሰደባቸው ነበር።

እርምጃውን ተከትሎ ተበታትነው በመንቀሳቀስ 13 ሰዎች ላይ ግድያ መፈጸማቸውን ጠቁመዋል።

ከጥቃቱ በኋላ በተደረገ የክትትልና የቁጥጥር ሥራ 20 ሰዎች ትናንት መያዛቸውን አቶ አብዱላዚዝ አስታውቀዋል። ግለሰቦቹ ሲጠቀሙባቸው የነበሩ 12 መሣሪያዎችም መያዙን ነው የተናገሩት - #BBC

@tikvahethiopiaBot @tikvahethiopia

የኢትዮጵያ አየር መንገድ ወደ ሚላን በረራ ጀመረ!

የኢትዮጵያ አየር መንገድ በኮቪድ -19 ወረርሽኝ ምክንያት ወደ ጣልያን ሚላን ከተማ አቋርጦ የነበረውን በረራ አስፈላጊውን ጥንቃቄ ሁሉ በማድረግ መጀመሩን ገልጿል።

@tikvahethiopiaBot @tikvahethiopia

በኢትዮጵያ በአንድ ቀን 805 ሰዎች በኮቪድ-19 ተያዙ!

ባለፉት 24 ሰዓት በተደረገው 9,786 የላብራቶሪ ምርመራ 805 ሰዎች በቫይረሱ መያዛቸው ሲረጋገጥ የ10 ሰዎች ህይወት አልፏል። በተጨማሪ በትላንትናው ዕለት 78 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 16,615 የደረሱ ሲሆን የሟቾች ቁጥር 263 ደርሷል ፤ ከበሽታው ያገገሙ ሰዎች 6,763 ናቸው።

@tikvahethiopiaBot @tikvahethiopia

ዒድ ሙባረክ!

ቲክቫህ ኢትዮጵያ (Tikvah-Ethiopia) እንኳን ለ1441ኛው ለታላቁ የዒድ አል-አድሐ (ዓረፋ) በዓል በሰላም አደረሰን ፤ አደረሳችሁ ለማለት ይወዳል።

በዓሉ የሰላም፣ የፍቅር ፣ የአብሮነት እና የመተሳሰብ ይሆንልን ዘንድ ከልብ እንመኛለን!

በዚህ አጋጣሚ በዓሉን ስናከብር የኮሮና ቫይረስ (ኮቪድ-19) ወረርሽኝ የመከላከያ መንገዶችን መተግበር #እንዳንዘነጋ ልናስታውሳችሁ እንወዳለን።

@tikvahethiopia @tikvahethiopiaBot

በኢትዮጵያ በአንድ ቀን 915 ሰዎች በኮቪድ-19 ተያዙ!

ባለፉት 24 ሰዓት በተደረገው 8,957 የላብራቶሪ ምርመራ 915 ሰዎች በቫይረሱ መያዛቸው ሲረጋገጥ የ11 ሰዎች ህይወት አልፏል። በተጨማሪ በትላንትናው ዕለት 187 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 17,530 የደረሱ ሲሆን የሟቾች ቁጥር 274 ደርሷል ፤ ከበሽታው ያገገሙ ሰዎች 6,950 ናቸው።

@tikvahethiopiaBot @tikvahethiopia

#ATTENTION

በአማራ ክልል ከዛሬ ሐምሌ 24 ጀምሮ በሁሉም አካባቢዎች የአፍና አፍንጫ መሸፈኛ ማድረግ ግዴታ መሆኑን የኮቪድ-19 መከላከልና መቆጣጠሪያ ግብረ ኃይል አስታውቋል።

በክልሉ የአፍና አፍንጫ መሸፈኛ በማያደርጉ ግለሰቦች ላይ እርምጃ እንደሚወሰድ ተገልጿል።

የእምነት ተቋማት ፣ መስሪያ ቤቶች እንዲሁም ማህበረሰቡ የአፍና አፍንጫ መሸፈኛ ማድረግ እና ሌሎች የጥንቃቄ እርምጃዎችን ተግባራዊ ማድረግ እንዳለባቸው ማሳስቢያ ተሰጥቷል።

@tikvahethiopiaBot @tikvahethiopia

መልዕክት ለወጣቶች!

"ከዚህ በፊትም ተናግረናል አሁንም እንደገና እንናገራለን ፥ ወጣቶች በበሽታው (COVID-19) የማይበገሩ አይደሉም ፤ ወጣቶች በበሽታው ሊጠቁ ፣ ሊያስተላልፉና ሊሞቱ ይችላሉ" - ዶክተር ቴድሮስ አድሃኖም (የWHO ዋና ዳይሬክተር)

Via Doctor Lia Tadesse
@tikvahethiopiaBot @tikvahethiopia

Congratulations!

የኮተቤ ሜትሮፖሊታን ዩኒቨርሲቲ በመጀመሪያ እና በሁለተኛ ዲግሪ ያሰተማራቸውን ከ1 ሺህ በላይ የ2012 ዓ.ም ተመራቂ ተማሪዎቹን በኢንተርኔት በተካሄደ የቀጥታ ሥርጭት (በቨርቹዋል) ዛሬ ሐምሌ 25/2012 ዓ/ም አስመርቋል።

@tikvahethiopiaBot @tikvahethiopia

#ASTU

አዳማ ሳይንሳና ቴክኖሎጂ ዩኒቨርሲቲ በታሪኩ #ለመጀመሪያ ጊዜ ለሁለት መምህራንና ተመራማሪዎች የሙሉ ፕሮፌሰርነት ማዕረግ ሰጠ።

ዩኒቨርሲቲው የፕሮፌሰርነት ማዕረግ የሰጠው ለፕሮፌሰር አሰፋ አባሁና እና ለፕሮፌሰር አማን ደቀቦ መሆኑን ከኤፍ ቢ ሲ ያገኘነው መረጃ ይጠቁማል።

@tikvahethiopiaBot @tikvahethiopia

የ2012 የዩኒቨርሲቲ ተመራቂ ተማሪዎች ለ2 ወራት ተምረው እንዲመረቁ አቅጣጫ ተቀመጠ!

በኮሮና ቫይረስ (COVID-19) ወረርሽኝ ምክንያት ትምህርት አቋርጠው በቤታቸው የሚገኙ የመጀመሪያ ዲግሪ የከፍተኛ ትምህርት ተቋማት ተመራቂ ተማሪዎችን ያቋረጡትን ትምህርት ከ45 ቀን እስከ 2 ወር በሆነ ጊዜ ውስጥ ተምረው በማጠናቀቅ እንዲመረቁ አቅጣጫ መቀመጡን 'አዲስ ማለዳ ጋዜጣ' በዛሬው ዕትሙ መረጃውን ይዞ ወጥቷል።

የኢፌዴሪ ሳይንስና ከፍተኛ ትምህርት ሚኒስቴር እንደገለፀው ከተመራቂ ተማሪዎች በተጨማሪ ሌሎች በየደረጃው ያሉ ተማሪዎች በተቀመጠው ጊዜ ያለፋቸውን ትምህርት አጠናቀው ወደ 2013 የትምህርት ዘመን እንዲሸጋገሩ ውሳኔ ላይ መደረሱን ለማወቅ ተችሏል።

በሀገር አቀፍ ደረጃ የተቀመጠው አቅጣጫ ተማሪዎች መቼ ወደ ዩኒቨርሲቲዎች እንደሚመለሱ ቀን እንዳልተቆረጠለት ተመላክቷል። ይህ የሆነበት ምክንያት ተማሪዎቹ መቼ ወደ ዩኒቨርሲቲ መመለስ እንዳለባቸው ኮቪድ-19 ያለበትን ደረጃ ያገናዘበ የመንግስትን ውሳኔ የሚፈልግ ጉዳይ በመሆኑ ነው ተብሏል።

@tikvahethiopiaBot @tikvahethiopia

በኢትዮጵያ ተጨማሪ 469 ሰዎች በኮቪድ-19 ተያዙ!

ባለፉት 24 ሰዓት በተደረገው 7,358 የላብራቶሪ ምርመራ 469 ሰዎች በቫይረሱ መያዛቸው ሲረጋገጥ የ10 ሰዎች ህይወት አልፏል። በተጨማሪ በትላንትናው ዕለት 245 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 17,999 የደረሱ ሲሆን የሟቾች ቁጥር 284 ደርሷል ፤ ከበሽታው ያገገሙ ሰዎች 7,195 ናቸው።

@tikvahethiopiaBot @tikvahethiopia

‘ማንም’ የተሰኘ አገር አቀፍ የኮቪድ-19 መከላከል ንቅናቄና የምርመራ ዘመቻ በይፋ ተጀመረ!

‘ማንም’ የተሰኘ አገር አቀፍ የኮቪድ-19 መከላከል ንቅናቄ እና ምርመራ ዘመቻ በይፋ መጀመሩን ኢዜአ ዘግቧል።

በዘመቻው በነሃሴ የመጀመሪያዎቹ ሁለት (2) ሳምንታት 200 ሺህ ሰዎችን የመመርመር ዕቅድ ተይዟል።

የብሄራዊ ኮሮና ቫይረስ (ኮቪድ-19) መከላከል ሚኒስትሮች ኮሚቴ የኮቪድ-19 ወቅታዊ ሁኔታ አስመልክቶ ዛሬ ውይይት አካሂዷል።

ኮሚቴውን የሚመሩት ጠ/ሚ ዶ/ር አብይ አህመድ ዘመቻው ከነገ ጀምሮ በይፋ እንደሚጀመር ተናግረዋል።

@tikvahethiopiaBot @tikvahethiopia

በኢትዮጵያና ጎረቤት ሀገራት የኮቪድ-19 ስርጭት!

በኢትዮጵያ፣ ኬንያ፣ ሱማሊያ፣ ጅቡቲ፣ ሱዳን፣ ደቡብ ሱዳን እና ኤርትራ በአጠቃላይ 61,997 ሰዎች በኮሮና ቫይረስ ተይዘዋል።

ከኤርትራ ውጭ በስድስቱ ሀገራት የ1,597 ሰዎች ህይወት አልፏል ፤ በአጠቃላይ 29,712 ሰዎች በተደረገላቸው ህክምና ከበሽታው አገግመዋል።

በኢትዮጵያና በጎረቤት ሀገራት ያለውን የኮቪድ-19 ወቅታዊ መረጃ ከ CARD ጋር በመተባበር ባዘጋጀነው ምስል ከላይ መመልከት ትችላላችሁ።

@tikvahethiopiaBot @tikvahethiopia

'One Voice for Our Dam'

ለግድባችን ያለንን ድጋፍ ነገ እሁድ ሐምሌ 26/2012 ከቀኑ 10:00 ሰዓት ሁላችንም በአንድ ላይ ባማረና በደመቀ ሁኔታ በያለንበት ሆነን በዓለም አቀፍ ደረጃ ድምፃችንን እናሰማለን!

@tikvahethiopia @tikvahethiopiaBot

ለሚመለከተው አካል!

ለኮቪድ-19 ፈጣን ምላሽ በኮንትራት ተቀጥረው እየሰሩ ከሚገኙ የጤና ባለሙያዎች የተላከ መልዕክት ፦

"ለህዝባችን ስንል ነፍሳችን ሁሉ ከመስጠት ወደኃላ ሳንል ፣ ቀንና ሌሊት ፣ ሰንበትን ጨምሮ የዓመት በዓላት ለህዝባችን ስንል እየሰራን ነዉ። ሞትን እየተጋፈጥን ቢሆንም ስራዉን በአግባቡ እየሰራን እንገኛለን።

ነገር ግን ከ70% በላይ ስራ የሚሰራዉ ኮንትራት ተቀጣሪ ሆኖ ሳለ የተጋላጭነት ክፍያ ፣ የማበረታቻ አበል ፣ የመኖሪያ ቤት ተጠቃሚ የሚሆኑት ቋሚ ተቀጣሪዎች ናቸዉ።

የራስ መጠበቂያ ቁሳቁስ (mask,sanitizer...) እራሱ ባግባቡ እየተሰጠን አይደለም። ምንድነዉ ችግራችሁ የሚለን ባለስልጣንም የለም። ለህዝብ እንዲሁም ለመንግስት ድምጻችን ሊያሰማ የሚችል ሚድያም አጥተናል። ነፍስ ለሰጠ ምላሹ ይህ ነዉ ወይ ?"

እናመሠግናለን!

@tikvahethiopiaBot @tikvahethiopia