አጫጭር መረጃዎች ፦

- በስፔን ባለፉት 24 ሰዓት ውስጥ የ185 ሰዎች ሞት ተመዝግቧል፤ አጠቃላይ የሟቾች ቁጥር 25,613 ደርሷል።

- በአሜሪካ የሟቾች ቁጥር ከ71,000 በላይ ሆኗል። በቫይረሱ የተያዙ ሰዎች ቁጥር ከ1.2 ሚሊዮን በልጧል።

- በኳታር በአንድ ቀን 951 ሰዎች በቫይረሱ መያዛቸው ተረጋግጧል (እስካሁን ከተመዘገበው ከፍተኛው ነው) ፤ አጠቃላይ በቫይረሱ የተያዙ ሰዎች ከ17,000 በላይ ሆኗል።

- በጣልያን ባለፉት 24 ሰዓት 1,075 ሰዎች በቫይረሱ ተይዘዋል፤ የ236 ሰዎች ሞትም ተመዝግቧል።

- በኢራን በኮሮና ቫይረስ የተያዙ ሰዎች ወደ 100,000 እየተጠጋ ነው፤ ባለፉት 24 ሰዓት የ1,323 ሰዎች ኬዝ በመመዝገቡ አጠቃላይ በቫይረሱ የተያዙ ሰዎች 99,970 ደርሷል።

- በፈረንሳይ በአንድ ቀን የ330 ሰዎች ሞት ተመዝግቧል ፤ ከሚያዚያ 21 በኃላ የተመዘገበ ከፍተኛው ቁጥር ነው።

- በUK በአንድ ቀን 693 ሰዎች መሞታቸው ሪፖርት ተደርጓል። አጠቃላይ የሟቾች ቁጥር 29,427 ደርሷል፤ UK ጣልያንን በመብለጥ ከአውሮፓ ቀዳሚዋ ሆናለች።

@tikvahethiopiaBot @tikvahethiopia

#UPDATE

(ሀላባ ቁሊቶ ከተማ አስተዳደር)

በሞያሌ የአስገዳጅ ማቆያ የኮቪድ-19 ምርመራ ተደርጎለት #ፖዘቲቭ መሆኑ የተረጋገጠና ከእሱ ጋር ንኪኪ የነበራቸው 7 ተጠርጣሪዎች ማቆያ ውስጥ እንዲገቡ የተደረገ መሆኑ ይታወሳል።

ከእነዚህ ተጠርጣሪዎች ውስጥ የ3ቱ የምርመራ ውጤት #ኔጌቲቭ ሆኗል። የተጠርጣሪዎቹ የናሙና ውጤት በአሁኑ ምርመራ ኔጌቲቭ ቢሆንም የጤና ሚኒስቴር ያስቀመጠውን ዝቅተኛውን ስታንዳርድ 14 ቀን መጠበቁ የግድ በመሆኑ 14 ቀን እስኪሆናቸው ድረስ በአስገዳጅ ለይቶ ማቆያ ይቆያሉ።

የሀላባ ቁሊቶ ከተማ አስተዳደር የከተማው ነዋሪ በዚህ መልካም ዜና #ሳይዘናጋ አካላዊ ርቀትን በመጠበቅና አስፈላጊውን ጥንቃቄ በማድረግ ወረርሽኙ እስኪጠፋ ድረስ ኃላፊነት በተሞላ መልኩ የመከላከል ተግባሩን አጠናክሮ እንዲቀጥል ጥሪ አቅርቧል።

@tikvahethiopiaBot @tikvahethiopia

በኤርትራ ተጨማሪ 4 ሰዎች አገግሙ!

በኤርትራ ባለፉት 24 ሰዓት ተጨማሪ 4 ሰዎች ከኮቪድ-19 ማገገማቸው ተገልጿል ፤ አጠቃላይ ከበሽታው ያገገሙ ሰዎች ቁጥር 30 ደርሷል። በሀገሪቱ በኮቪድ-19 መያዛቸው የተረጋገጠ አጠቃላይ ሰዎች 39 ናቸው።

ምንጭ፦ የኤርትራ ጤና ሚኒስቴር
@tikvahethiopiaBot @tikvahethiopia

#COVID19

የኢትዮጵያና የአጎራባች ሀገራት የኮሮና ቫይረስ (ኮቪድ-19) ወቅታዊ መረጃ ፦

- ጅቡቲ በቫይረሱ የተያዙ 1,120 ፣ ሞት 2 ፣ ያገገሙ 745

- ኬንያ በቫይረሱ የተያዙ 535 ፣ ሞት 24 ፣ ያገገሙ 182

- ሶማሊያ በቫይረሱ የተያዙ 835 ፣ ሞት 38 ፣ ያገገሙ 75

- ሱዳን በቫይረሱ የተያዙ 778 ፣ ሞት 45 ፣ ያገገሙ 70

- ኢትዮጵያ በቫይረሱ የተያዙ 145 ፣ ሞት 4 ፣ ያገገሙ 91

- ደቡብ ሱዳን በቫይረሱ የተያዙ 52 ፣ ሞት 0፣ ያገገሙ 2

- ኤርትራ በቫይረሱ የተያዙ 39 ፣ ሞት 0 ፣ ያገገሙ 30

@tikvahethiopiaBot @tikvahethiopia

(ከቤኒሻንጉል ጉሙዝ ክልል ጤና ጥበቃ ቢሮ)

በቤኒሻንጉል ጉሙዝ ክልል በአሶሳ የኒቨርሲቲ በአስገዳጅ ለይቶ ማቆያ ከነበሩትት ውስጥ ለ83 ሰዎች የላብራቶሪ ምርመራ ተደርጎ ሁሉም ነፃ በመሆናቸው ወደ መጡበት አከባቢ መመለሳቸውን የክልሉ ጤና ጥበቃ ቢሮ ገልጿል፡፡

በቤኒሻንጉል ጉሙዝ ክልል 263 ሰዎች በአሶሳ ዩኒቨርሲቲ በአስገዳጅ ማቆያ ገብተው እንደነበር ነው የክልሉ ጤና ጥበቃ ቢሮ ያስታወቀው።

በዩኒቨርሲቲው አስገዳጅ ማቆያ ከነበሩት ውስጥ 87 ሴቶች ፣ 176 ወንዶች ፣ 30 ዕድሜያቸው ከ5 አመት በታች የሆኑ ህፃናት እና 1 ነፍሰ-ጡር እናት ሲሆኑ፣ ከእነዚህ ውስጥ 150 ኢትዮጵያውያን ናቸው፣ 133 ደግሞ ሱዳናውያን መሆናቸው ተገልጿል።

በአስገዳጅ ማቆያ ከነበሩትት ውስጥ ለ83 ሰዎች የላብራቶሪ ምርመራ ተደርጎ ሁሉም ከቫይረሱ ነፃ በመሆናቸው ወደ መጡበት አከባቢ መመለሳቸውን ቢሮ አስታውቋል።

እስከ ትናትና 12:00 ሰዓት ባለዉ መረጃ በአስገዳጅ ማቆያው ያሉ 91 ኢትዮጵያውያን እና 90 ሱዳናውያን ስሆን የ63 ሰዎች ናሙና ተወስዶ ወደ ኢትዮጵያ የህብረሰብ ጤና ኢንስትቲዩት ለመላክ መዝጋጅቱን የቢሮው የህብረሰብ ጤና አደጋዎች ቁጥጥር ገልጿል።

@tikvahethiopiaBot @tikvahethiopia

#COVID19

የሱማሌ ክልል ሞያሌ ወረዳ ሰራተኞች ተመርመሮ ኮሮና ቫይረስ እንደያዘው የታወቀን ግለሰብ ከለይቶ ማቆያ መልቀቃቸው አግባብ አይደለም ሲሉ የቦረና ዞን የጤና ቢሮ ኃላፊዎች ተችተዋል።

ግለሰቡ የምርመራ ውጤቱ ከተላከበት ሳይመለስ ተለቋል ሲሉ የቦረና ዞን የጤና መምሪያ ኃላፊ አቶ ሮባ ዴንጌ ለቪኦኤ ተናግረዋል።

የሱማሌ ክልል የሞያሌ ወረዳ የጤና ክትትል ኃላፊ ግለሰቡ የተለቀቀው #በስህተት ነው ሲሉ ምላሻቸውን ለሬድዮ ጣቢያው ሰጥተዋል።

@tikvahethiopiaBot @tikvahethiopia

"ልጆቹ በስህተት ነው የተለቀቁት፤ እየታወቀ አይደለም!" - አቶ አይዛክ ሀሰን (የሞያሌ ወረዳ የጤና ቢሮ ክትትል ሂደት መሪ)

(በአሜሪካ ድምፅ ሬድዮ ጣቢያ)

ከሞያሌ ለይቶ ማቆያ የተለቀቀው ግለሰብ ከወር በፊት ነበር ከኬንያ ወደ ኢትዮጵያ የተመለሰው። በቦረና ዞን የሞያሌ ወረዳ የጤና ቢሮ ባልደረባ አቶ አብዱዋ ዋቆ ግለሰቡን ከሌሎች 40 ሰዎች ጋር ወደ ለይቶ ማቆያ ያስገቡት የሱማሌ ክልል የጤና ባለሞያዎች ናቸው ሲሉ ለቪኦኤ ተናግረዋል።

ያኔ ከገቡት 40 ሰዎች በበሽታው የተጠረጠሩ 4 ሰዎች ናሙና ለምርመራ የተላከ ቢሆንም የሱማሌ ክልል የጤና ባለሞያዎች ውጤቱ ሳይመለስ ሰዎቹን ለሳምንታት አቆይተዋቸው አርብ ዕለት ወደ ሀዋሳ እንደመለሷቸው ተናግረዋል።

የቦረና ዞን የጤና መምሪያ ኃላፊ አቶ ሮባ ዴንጌ ሰዎቹ የተሳፈሩባቸው የህዝብ አውቶብሶች መለየታቸው፤ ያቤሎ ሲደርሱ ያረፉበት ሆቴል ፀረ ተባይ መድሃኒት መረጨቱን ለሬድዮ ጣቢያው ተናግረዋል።

አቶ ሮባ በኮቪድ-19 ከተያዘው ግለሰብ ጋር ወደ #ሀዋሳ ያመሩት 40 ሰዎች፣ በዞኑ የተገናኙት ሌሎች ሰዎች በሙሉ ተለይተዋል ብለዋል።

በሱማሌ ክልል የሞያሌ ወረዳ የጤና ቢሮ ክትትል ሂደት መሪ አቶ አይዛክ ሀሰን "ልጆቹ #ተሳስተው ነው የተለቀቁት፤ እየታወቀ አይደለም ፤ ኳረንቲን 14 ቀን ቢሆንም ልጆቹ 18 ቀን ነበር የቆዩት ፤ ውጤቱ ስለዘገየ ነው። ልጆቹ የተለቀቁት እየታወቀ አይደለም፤ በስህተት ነው" ብለዋል።

አቶ አይዛክ አንድ ላይ ከነበሩት መካከል የ4 ሰዎች ናሙና ለምርመራ የተላከ መሆኑን ገልፀው አሁን ሁሉም በደቡብ ክልል በለይቶ ማቆያ እንደሚገኙ ተናግረዋል።

በሞያሌ በነበሩበት ወቅት 2 የፖሊስ አባላትን ጨምሮ እነሱን ሲንከባከቡ የነበሩ አጠቃላይ 9 ሰዎች ለይቶ ማቆያ እንደገቡ መደረጉን አስረድተዋል።

@tikvahethiopiaBot

በአወዳይ ከተማ የቤት ለቤት ልየታ ስራ ተጀምሯል!

(ሕይወት ፋና ሆስፒታል)

በሐረማያ ዩኒቨርሲቲ የሕይወት ፋና ስፔሻላይዝድ ዩኒቨርስቲ ሆስፒታል አስተባባሪነት 40 የሚሆኑ ጠቅላላ እና ስፔሻሊስት ሐኪሞች በአወዳይ ከተማ የቤት ለቤት የኮሮና ቫይረስ ልየታ (Screening) ስራ ተጀምሯል።

አወዳይ ከተማን ከኮሮና ቫይረስ ስርጭት ለመከላከል እና በሁሉም አቅጣጫ ሞዴል ዲስትሪክት ለማድረግ በማሰብ ነው የቤት ለቤት የኮሮና ቫይረስ ልየታ (Screening) ስራው የተጀመረው።

@tikvahethiopiaBot @tikvahethiopia

#HARGEISA

በሶማሊላንድ ሁለተኛ (2) ሰው በኮቪድ-19 መሞቱ ሪፖርት ተደረገ ፤ በዛሬው ዕለት ህይወታቸው እንዳለፈ የተገለፀው ግለሰብ የሀርጌሳ ነዋሪ ሲሆኑ ምንም አይነት የጉዞ ታሪክ እንደሌላቸው ሆርን ዲፕሎማት ዘግቧል።

@tikvahethiopia @tikvahethiopiaBot

#DrLiaTadesse

የታማሚዎች ዝርዝር ሁኔታ ፦

ታማሚ 1 - የ27 ዓመት ኢትዮጵያዊ የአ/አ ነዋሪ፤ የውጭ ሀገር የጉዞ ታሪክ የለውም፤ የስራው ባህሪ ተጋላጭነት ያለው።

ታማሚ 2 - የ20 ዓመት ኢትዮጵያዊ ፤ ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 3 - የ25 ዓመት ኢትዮጵያዊ ፤ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 4 - የ14 ዓመት ኢትዮጵያዊ ፤ ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 5 - የ26 ዓመት ኢትዮጵያዊ ፤ ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 6 - የ65 ዓመት ኢትዮጵያዊ ፤ ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 7 - የ28 ዓመት ኢትዮጵያዊት የአ/አ ነዋሪ ፤ የውጭ ሀገር የጉዞ ታሪክ የላትም፤ በበሽታው ከተያዘ ሰው ጋር ግንኙነት ያላት።

ታማሚ 8 - የ39 ዓመት ኢትዮጵያዊ የመኖሪያ ቦታ አፋር (የተገኘው አ/አ) ፤ የውጭ ሀገር የጉዞ ታሪክ #የለውም፤ በበሽታው ከተያዘ ሰው ጋር ያለው ግንኙነት በመጣራት ላይ ነው።

ታማሚ 9 - የ50 ዓመት ኢትዮጵያዊ ፤ ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 10 - የ30 ዓመት ኢትዮጵያዊ ፤ ከጅቡቲ የተመለሰና በአፋር አስገዳጅ ለይቶ ማቆያ ውስጥ ያለ።

ታማሚ 11 - የ53 ዓመት ኢትዮጵያዊት የአ/አ ነዋሪ ፤ የውጭ ሀገር የጉዞ ታሪክ የላቸውም፤ በበሽታው ከተያዘ ሰው ጋር ግንኙነት ያላቸው።

ታማሚ 12 - የ23 ዓመት ኢትዮጵያዊ ፤ ከሱማሊያ የተመለሰና በሶማሌ ክልል አስገዳጅ ለይቶ ማቆያ ውስጥ ያለ።

ታማሚ 13 - የ24 ዓመት ኢትዮጵያዊ ፤ከሱማሊያ የተመለሰና በሶማሌ ክልል አስገዳጅ ለይቶ ማቆያ ውስጥ ያለ።

ታማሚ 14 - የ27 ዓመት ኢትዮጵያዊ ፤ ከሱማሊያ የተመለሰና በሶማሌ ክልል አስገዳጅ ለይቶ ማቆያ ውስጥ ያለ።

ታማሚ 15 - የ20 ዓመት ኢትዮጵያዊ ፤ ከሱማሊያ የተመለሰና በሶማሌ ክልል አስገዳጅ ለይቶ ማቆያ ውስጥ ያለ።

ታማሚ 16 - የ22 ዓመት ኢትዮጵያዊ ፤ ከሱማሊያ የተመለሰና በሶማሌ ክልል አስገዳጅ ለይቶ ማቆያ ውስጥ ያለ።

ታማሚ 17 - የ41 ዓመት ኢትዮጵያዊ ፤ ከሱማሊያ የተመለሰና በሶማሌ ክልል አስገዳጅ ለይቶ ማቆያ ውስጥ ያለ።

@tikvahethiopiaBot @tikvahethiopia

#DrLiaTadesse

በትላንትናው ዕለት ሁለት (2) ሰዎች ከአዲስ አበባ ከበሽታው ያገገሙ ሲሆን በአጠቃላይ በሀገራችን ከበሽታው ያገገሙ ሰዎች ቁጥር ዘጠና ሶስት (93) ደርሷል።

@tikvahethiopiaBot @tikvahethiopia

#COVID19

በአዲስ አበባ ከመጭው ዓርብ (ሚያዚያ 30/2012 ዓ/ም) ጀምሮ የሚኒባስ ተጠቃሚዎች የአፍ እና አፍንጫ መሸፈኛ ጭምብሎችን #በአስገዳጅነት እንዲጠቀሙ ሊደረግ መሆኑ ተገልጿል።

የአዲስ አበባ ትራንስፖርት ባለስልጣን እንዳለው ተሳፋሪዎች የትራንስፖርት አገልግሎት ለመጠቀም ሲንቀሳቀሱ ጭምብሎችን መጠቀም ይኖርባቸዋል ብሏል። ባለስልጣኑ ተሳፋሪዎች ያለ አፍ መሸፈኛ ጭምብል ታክሲ መጠቀም አይችሉም ሲል ገልጿል - #FBC

@tikvahethiopiaBot @tikvahethiopia

#DrLiaTadesse

በሀገራችን የኮሮና ቫይረስ ሁኔታ መግለጫ ፦

• አጠቃላይ የተከናወነ የላብራቶሪ ምርመራ - 26,517
• በ24 ሰዓት የተከናወነ ላብራቶሪ ምርመራ - 1,382
• ዛሬ በበሽታው መያዛቸው የተረጋገጠ - 17
• በቫይረሱ ተይዘው በለይቶ ህክምና ውስጥ ያሉ - 63
• በፅኑ ህክምና ላይ ያሉ - 0
• አዲስ ያገገሙ - 2
• አጠቃላይ ያገገሙ - 93
• በበሽታው ህይወታቸው ያለፈ - 4
• ወደሀገራቸው የተመለሱ - 2
• እስካሁን በበሽታው የተያዙ - 162

@tikvahethiopiaBot @tikvahethiopia

ለግብር ከፋዮች የግብር ዕዳ ስረዛ ተደረገ!

(ኤፍ ቢ ሲ፣ የገቢዎች ሚኒስቴር)

የገቢዎች ሚኒስቴር የኮሮና ቫይረስ ወረርሽኝ የሚያመጣውን ተጽዕኖ ግምት ውስጥ በማስገባት ለግብር ከፋዮች የግብር ዕዳ ስረዛ አደረገ።

እዳው የተሰረዘላቸው የሚኒስትሮች ምክር ቤት ሚያዚያ 16 ቀን 2012 ዓ.ም ምህረት እንዲደረግላቸው መወሰኑን ተከትሎ ነው።

በዚህ መሰረት እስከ 2007 ዓ.ም ድረስ እዳ ያለባቸው እንዲሁም ከ2008 እስከ 2011 ዓ.ም ሂሳባቸውን የሚዘጉ የውሳኔው ተጠቃሚ ይሆናሉ ተብሏል።

እስከ 2007 ዓ.ም ድረስ ፍሬ ግብር ፣ መቀጫ እና ወለድ ያለባቸው ተቋማት ዕዳ ሙሉ ለሙሉ መሰረዙም ነው የተገለጸው።

ከዚህ ባለፈም ከ 2008 እስከ 2011 ዓ.ም ዕዳ ያለባቸው ተቋማት 25 በመቶ በአንድ ወር ለሚከፍሉ ወለድ እና እንደሚነሠሳላቸው ተገልጿል።

በተጨማሪም በአንድ ወር ሙሉ በሙሉ እዳቸውን ለሚከፍሉ ደግሞ 10 በመቶ ከፍሬ ግብሩ ተቀናሽ የሚደረግላቸው ሲሆን ውሳኔው ከዛሬ ጀምሮ ተግባራዊ ይደረጋል ነው የተባለው።

@tikvahethiopiaBot @tikvahethiopia