#COVID19

የተባበሩት መንግሥታት 'የሰብዓዊ መብቶች' ከፍተኛ ኮሚሽነር በምዕራብ ኦሮሚያ ያለው የኢንተርኔት መቋረጥ እንደሚያሳስበው ገለፀ።

ለረዥም ጊዜ ኢንተርኔትና ስልክ ማቋረጥ በተለይ ደግሞ እንደ ኮቪድ-19 ያለ ወረርሽኝ ባለበት ሰዓት ስለበሽታው የሚሰጡ መረጃዎችን ዜጎች እንዳያገኙ ያደርጋል በማለት ባለስልጣናት እንዲሁም የሕክምና ባለሙያዎች ትክክለኛ መረጃዎችን ለመስጠት እንዲችሉ አገልግሎቶቹ ክፍት እንዲሆኑ ጠይቋል።

ኮሚሽኑ በድረገፁ ላይ ባወጣው መግለጫ እንዳለው ኢትዮጵያ ከታህሳስ 28/2012 ዓ/ም አንስቶ በምዕራብ ኦሮሚያ ከተሞች ከደህንነት እና ፀጥታ ጋር በተገናኘ የኢንተርኔትና የስልክ አገልግሎት መቋረጡን በመግለጽ፤ ይህም በአካባቢው የሚኖሩ ዜጎች መረጃ እንዳያገኙ፣ እንዲሁም ከወዳጅ ዘመዶቻቸው ጋር እንዳይገናኙ ማድረጉን ገልጿል።

መግለጫው ኢንተርኔት የምታቋርጠው ኢትዮጵያ ብቻ አለመሆኗን በመጥቀስ ሁሉም አገራት በፍጥነት ኢንተርኔትና ስልክ ማቋረጣቸውን እንዲያቆሙ ጥሪ አቅርቧል።

ምንጭ፦ ቢቢሲ
@tikvahethiopiaBot @tikvahethiopia

#UPDATE

በመላው ዓለም የኮሮና ቫይረስ ተጠቂዎች ቁጥር 607,239 ደርሷል። 27,674 ሰዎች በቫይረሱ እንደሞቱ የተመዘገበ ሲሆን 134,288 ሰዎች ደግሞ አገግመው ከሆስፒታል ወጥተዋል።

ከፍተኛ የተጠቂ እና ሟቾች የተመዘገበባቸው፦

• አሜሪካ
- 104,256 ተጠቂዎች
- 1,704 ሟቾች

• ጣልያን
-86,498 ተጠቂዎች
- 9,134 ሟቾች

• ቻይና
- 81,394 ተጠቂዎች
- 3,295 ሟቾች

• ስፔን
- 65,719 ተጠቂዎች
- 5,138 ሟቾች

@tikvahethiopiaBot @tikvahethiopia

#AFRICA

በአፍሪካ 46 ሀገራት የኮሮና ቫይረስ [ኮቪድ-19] ተጠቂዎች ቁጥር 3,778 ደርሷል። 109 ሰዎች በቫይረሱ ሞተዋል። በተጠቂዎች ቁጥር ደቡብ አፍሪካ የቀዳሚውን ስፍራ ይዛለች በሀገሯ 1,170 ደርሷል።

@tikvahethiopiaBot @tikvahethiopia

በስፔን ተጨማሪ 832 ሰዎች ሞቱ!

ስፔን በ24 ሰዓት ውስጥ በኮሮና ቫይረስ [ኮቪድ-19] 832 ሰዎች መሞታቸውን ሪፖርት አድርጋለች። አጠቃላይ የሟቾች ቁጥርም 5,690 ደርሷል። በተጨማሪ በ24 ሰዓት 6,529 ሰዎች በቫይረሱ መጠቃታቸውን ተከትሎ 72,248 ደርሰዋል።

ምንጭ፦ የስፔን ጤና ሚኒስቴር
@tikvahethiopiaBot @tikvahethiopia

ዛሬ 'ከቂሊንጦ ማረሚያ ቤት' የተወሰኑ የህግ ታራሚዎች ለማምለጥ ያደረጉት ሙከራ መክሸፉን የፌዴራል ማረሚያ ቤት ኮሚሽን ገለጸ።

የፌዴራል ማረሚያ ቤት ኮሚሽን እንዳስታወቀው፤ ከቂሊንጦ ማረሚያ ቤት ለማምለጥ ሙከራ ያደረጉ የህግ ታራሚዎች ሁከት ለመፍጠር ሞክረዋል።

በዚህም ማረሚያ ቤቱ ቅጥር ግቢ ውስጥ ባለ አንድ ዞን እሳት ተነስቶ የነበረ ሲሆን በማረሚያ ፖሊስ ሃይሎች በቁጥጥር ስር ውሏል። የማምለጥ ሙከራ ያደረጉት የህግ ታራሚዎች በህግ የሚጠየቁ መሆኑንም ኮሚሽኑ ገልጿል።

#ENA
@tikvahethiopiaBot @tikvahethiopia

በኮቪድ-19 የተጠቃችው የ10 ዓመት ታዳጊ...

ኢኳቶሪያል ጊኒ ውስጥ የ10 ዓመት ታዳጊ በቫይረሱ መያዟ ተነግሯል። ይህች ታዳጊ የጉዞ ታሪኳ እንደሚያሳየው እንደ አውሮፓውያኑ አቆጣጠር ማርች 13 ነበር ከስፔን ወደ ኢኳቶሪያል ጊኒ የተመለስችው። ታዳጊዋ በዋና ከተማዋ በሚገኝ ሆቴል ተለይታ እንድትቀመጥ የተደረገ ሲሆን አሁን ላይ በሐገሪቱ ቫይረሱ የተገኘባቸው ሰዎች ብዛት 13 ደርሷል፡፡

ምንጭ፦ ሸገር ኤፍ ኤም 102.1
@tikvahethiopiaBot @tikvahethiopia

#DrLiaTadesse

አንድ (1) ሰው ከኮሮና ቫይረሱ ማገገሙን የጤና ሚንስቴር ሚኒስትር ዶክተር ሊያ ታደሰ በይፋዊ የትዊተር ገፃቸው ላይ ባወጡት መረጃ አሳውቀዋል።

የኢትዮጵያ የኮሮና ቫይረስ ወቅታዊ ሁኔታ፦

• የላብራቶሪ ምርመራ የተደረገላቸው - 797
• በአሁን ሰዓት በለይቶ ማቆያ ያሉ - 13
• ፅኑ ህሙማን - 0
• ከበሽታው ሙሉ በሙሉ ያገገሙ - 1
• በቫይረሱ የተያዙ ሰዎች ድምር - 16

@tikvahethiopiaBot @tikvahethiopia

አንድ ሰው ከኮሮና ቫይረስ አገገመ የሚባለው መቼ ነው?

አንድ ታማሚ ከኮሮና ቫይረስ [ኮቪድ-19] በሽታ ሙሉ ለሙሉ አገገመ የሚባለው ለሶስት (3) ተከታታይ ቀናት ምንም አይነት ምልክት ሳይኖረው ሲቆይ እና በሚደረግለት ሁለት ተከታታይ የላብራቶሪ ምርመራ ነጻ ሆኖ ሲገኝ ነው፡፡

ምንጭ፦ የህብረተሰብ ጤና ኢንስቲትዩት
@tikvahethiopiaBot @tikvahethiopia

የቻይና የጤና ባለሞያዎች ወደ UK አቀኑ!

የቻይና 15 የጤና ባለሞያዎች የህክምና ቁሳቁሶችን በመያዝ ወደUK አምርተዋል። የጤና ባለሞያዎቹ በUK የኮሮና ቫይረስ ስርጭትን ለመግታት የሚደረገውን ጥረት እንደሚያግዙ ነው የተነገረው።

@tikvahethiopiaBot @tikvahethiopia

በለይቶ ማቆያ የነበሩ 3 ሰዎች ነጻ ሆነዋል!

ከጅቡቲ ከተመለሱ 814 #ኢትዮጵያዊያን መካከል በኮሮና ቫይረስ [ኮቪድ-19] ተጠርጥረው በለይቶ ማቆያ የነበሩ 3 ሰዎች ነጻ መሆናቸው መረጋገጡን የድሬዳዋ ጤና ቢሮ ኃላፊ መናገራቸውን ኢዜአ ዘግቧል። የቢሮ ኃላፊ ዶክተር ፉአድ ከድር የኮሮና ቫይረስን ለመከላከል አዋሳኝ ከሆነው የሶማሌ ክልል ሲቲ ዞን ጋር በተቀናጀ መንገድ እየተሰራ እንደሚገኝ ገልፀዋል።

@tikvahethiopiaBot @tikvahethiopia

#NIGERIA

81 ሰዎች በCOVID-19 በተጠቁባት ናይጄሪያ (ሌጎስ ከተማ) ህመምተኞችን ለማከም ስቴዲየም ውስጥ ይህ የህክምና ማዕከል እየተገነባ ይገኛል።

#BINI #EMMANUEL
@tikvahethiopiaBot @tikvahethiopia

ጥቂት ስለቲክቫህ ቤተሰብ አባላት፦

- እዚህ ገፅ ውስጥ የተቀላቀላ ግለሰብ የቤተሰቡ አንድ አባል ተደርጎ ነው የሚቆጠረው። አባል ብቻ ሳይሆን የዚህ ገፅ ባለቤት ነው። የጎደለውን መሙላት፣ ጣፋቶችን ማረም፣ ስህተቶችን ማስተካከል ይጠበቅበታል።

- ቲክቫህ ኢትዮጵያ መደበኛ ሚዲያ ወይም ዜና ማሰራጫ ሳይሆን ለቲክቫህ ቤተሰቦች አንድም ከአባላቱ በሌላ በኩል ከመገናኛ ብዙሃን መረጃ አሰባስቦ ያስቀምጣል፤ ያከማቻል፣ ለዓለም አቀፍ መገናኛ ብዙሃን፣ ለሀገር ውስጥ ጋዜጠኞች፣ እንዲሁም እንዚህ ፅሁፍ ላይ ለማንገልፃቸው አካላት ቀጥታ ጥቆማ ያደርሳል።

- ዜና ማሰራጫዎች በማህበራዊ ሚዲያ ስፍር ቁጥር የላቸውም ፣ ከአንዱ እየተወሰደ የአንዱን ፣ የአንዱን አሰራር እየተከታተሉና እየኮረጁ ብዙ ገፆች ተፈጥረዋል። በተጨማሪ መረጃ መከታተያ የቴሌቪዥን እና ሬድዮ ጣቢያዎች በርካታ ናቸው። የቤተሰባችን አባላት የመረጃ እጥረት ችግር የለባቸውም!

- የኛ ኃላፊነት ይህን ቤተሰብ መጠብቅ ነው። የቤተሰቡ አባል የምንጠብቀው ከሀሰተኛ መረጃዎች ፣ ከጥላቻ ፣ ከአሉታዊ አስተሰቦች፣ በስውር ተፅእኖዎች፣ የአንድ ሀገር ዜጋ ሆኖ ከመከፋፈል፣...ወዘተ ነው። አባላቱ በማህበራዊ ሚዲያ ላይ የሚያጠፉትን ጊዜ መቆጠብ ደግሞ ትልቁ ኃላፊነታችን ነው።

- ለቤተሰባችን አባላት አስፈላጊ የሆኑ በሁሉም እድሜ ክልል፣ በሁሉም አቅጣጫ፣ በሁሉም ሙያ፣ የሚሰራጩ መረጃዎችን ከመገናኛ ብዙሃን አሰባስበን በአንድ ቦታ እናስቀምጣለን። በሀገራችን ጉዳይ ማሳሰቢያ፣ ማስጠንቀቂያ፣ ጥቆማ፣ ትኩረት የሚፈልጉ ጉዳዮችን እንገልፃለን።

የዚህ ገፅ ባለቤት አንተ፣ እኔ፣ አንቺ፣ እኛ ነን!
@tikvahethiopia @tikvahethiopiaBot

ከቅዱስ ጳውሎስ ሆስፒታል ፦

በትናትናው ዕለት በኦሮሚያ ክልል ምዕራብ ሸዋ ዞን አካባቢ በደረሰ የመኪና አደጋ ሀያ የሚደርሱ ሰዎች ሕይወታቸው አልፏል፡፡

አስከሬናቸውም ወደ ኮሌጃችን ፎረንሲክ እና ቶክሲኮሎጂ ዲፓርትመንት (Forensic Medicine and Toxicology) መጥቶ ምርመራ ተደርጉለት ለቤተሰባቸው ተሰጥቷል፡፡

ይሁን እንጂ አንዳንድ ሐላፊነት የጎደላቸው ግለሰቦች በማህበራዊ ገጻቸው ከእውነት የራቀ ዜና ጽፈዋል፡፡ እውነታው ግን በአስከፊው የመኪና አደጋ ሳቢያ የተከሰተ እንደሆነ ለመግለጽ እንወዳለን፡፡

@tikvahethiopiaBot @tikvahethiopia

BGI 3.5 ሚሊዮን ብር እገዛ አደረገ!

ቢጂ.አ.ይ ኢትዮጵያ በላከልን መልዕክት የኮሮና ቫይረስን ለመከላከል የሚደረገውን ጥረት ለማገዝ እንዲረዳ በማሰብ 3.5 ሚሊዮን ብር በቀን መጋቢት 18, 2012 ለኮሮና ሚቲጌሽን ትረስት ፈንድ ገቢ እንዳደረገ አሳውቆናል።

@tikvahethiopiaBot @tikvahethiopia