በምስራቅ ሸዋ ዞን ዱግዳ ወረዳ በደረሰ የተሽከርካሪ አደጋ የአራት ሰዎች ሕይወት ማለፉን የዞኑ ፖሊስ መምሪያ ገለጸ!

የምስራቅ ሸዋ ዞን ፖሊስ መምሪያ የህዝብ ግንኙነት ኃላፊ ኮማንደር አስቻለው አለሙ እንዳሉት አደጋው ትናንት ከምሽቱ 12፡20 ላይ የደረሰው በዱግዳ ወረዳ ገርቢ ቆርኬ ቀበሌ ገበሬ ማህበር ውስጥ ነው።

ከባቱ ወደመቂ ከተማ ሲጓዝ የነበረ የሰሌዳ ቁጥሩ (ኮድ 3-81008 አ.አ) የሆነ አይሱዚ የጭነት መኪና ከመቂ ወደባቱ ይጓዝ ከነበረ (ኮድ 1-61506 ኦ.ሮ) ባጃጅ ተሽከርካሪ ጋር በመጋጨቱ አደጋው መከሰቱን ግልጸዋል።

በአደጋው የባጃጁ አሽከርካሪን ጨምሮ በውስጡ የነበሩ አራት ሰዎች ሕይወታቸው ወዲያውኑ ሲያልፍ ሌሎች ሦስት የባጃጁ ተሳፋሪዎች ላይ ከባድ የአካል ጉዳት መድረሱን ተናግረዋል።

ኮማንደር አስቻለው እንዳሉት በአደጋው ሕይወታቸው ካለፈው ሰዎች ውስጥ ሁለቱ ሴቶች ናቸው። ከባድ የመቁሰል አደጋ የደረሰባቸው ሦስቱ ግለሰቦችም በባቱ ሆስፒታል የህክምና እርዳታ እየተደረገላቸው መሆኑን አመልክተዋል።

ባጃጁ ከአቅም በላይ ሰባት ሰዎችን አሳፍሮ መጓዙ እና የጭነት መኪናው ከፍጥነት በላይ በማሽከርከር በተፈጠረ የጥንቃቄ ጉድለት አደጋው ሊከሰት መቻሉን ኮማንደር አስቻለው አስረድተዋል። በአሁኑ ወቅት ያልተጠበቀ ዝናብ እየጣለ በመሆኑ አሽከርካሪዎች የመኪና ፍሬንና የዝናብ መጥረጊያ  በአግባቡ መስራቱን ከማረጋገጥ ባለፈ በጥንቃቄ መጓዝ እንዳለባቸው ኮማንደር አስቻለው አስገንዝበዋል።

(ENA)

@tsegabwolde @tikvahethiopia

ሌላ አሳዛኝ ዜና...

"ከአዲስ አበባ ወደ አምቦ እየሄደ የነበረ ሚኒባስ ከከባድ መኪና ጋር ከወልመራ አለፍ ብሎ ያለ ገደላማ ቦታ ተጋጭተው የሰዎች ህይወት አልፏል። በቦታው ነበርኩ መንገድም ለ1 ሰአት ያክል ተዘግቶ ነበር።" የቲክቫህ ቤተሰብ አባል(YEDU)

ተጨማሪ መረጃዎች ይኖሩናል!
@tikvahethiopiaBot @tikvahethiopia

#UPDATE

በትግራይ የሚካሄዱ የተፈጥሮና የአካባቢ ጥበቃ ልማት ስራዎችን ከስዊድን ዘላቂ ልማት ማህበር ጋር በጋራ ለመስራት የሚያስችል የመግባቢያ ስምምነት ተደርጓል። ስምምነቱን የፈረሙት የትግራይ ክልል ግብርናና ገጠር ልማት ቢሮ ኃላፊ ዶክተር አትንኩት መዝገቦ እና  የልማት ማህበሩ ፕሬዚዳንት ሚስተር ተርብጆርን ላህቲ ናቸው፡፡

@tikvahethiopiaBot @tikvahethiopia

189 የቱርክ ሽጉጥ በቁጥጥር ስር ዋለ!

በማዕከላዊ ጎንደር ዞን ታች አርማጭሆ ወረዳ የአማራ ልዩ ሃይል እና የሳንጃ ግምሩክ ባለሙያዎች በጋራ ባደረጉት ፍተሻ 189 ስምንት ጎራሽ የቱርክ ሽጉጥና 40 መሰል የሽጉጥ ጥይት በቁጥጥር ስር መዋሉ ተገልጿል፡፡

የአማራ ልዩ ሃይል ረዳት ሳጅን ወርቁ ሙሃባው እንደገለፁት ኮድ ሁለት አአ B44463 የሆነ ተሸከርካሪ መነሻውን ከምዕራብ ጎንደር ዞን ምዕራብ አርማጭሆ ወረዳ በማድረግ ወደ ጎንደር ከተማ ለማድረስ በሳንጃ ከተማ ሳንጃ ኬላ ላይ በተደረገ ፍተሻ መያዙን ተናግረዋል፡፡

በወቅቱ የተያዘው ሞትባይኖር ደምል የተባለው አሽከርካሪ እንዳለው ‹ደላላ በ1,500 ብር ከአብርሃጅራ ጎንደር አድርስ ብሎኝ ነው፤ ተሽከርካሪው ምን እንደያዘና የማን እንደሆነ አላውቅም›› የሚል ቃል የሰጠ ሲሆን በቁጥጥር ስር ውሎ ለወረዳው ፖሊስ ተላልፎ ተሰጥቷል፡፡

በግምሩክ ባለሙያዎች እና በልዩ ሃይል አባላት ጥብቅ ፍተሻ ህገ ወጥ የጦር መሳርያው እንደተያዘ የተናገሩት ረ/ሳጅኑ ህብረተሰቡ እንዲህ አይነት ነገሮች ሲመለከት ጥቆማ እንዲያደርግና ከጎናቸው እንዲሆን ጥሪያቸውን አቅርበዋል፡፡

(የታች አርማጭሆ ኮሙዩኒኬሽን)

@tikvahethiopia @tikvahethiopiaBot

ማንኛውም ዜጋ የፓስፖርት አገልግሎት ለማግኘት ከቀበሌ መታወቂያ በተጨማሪ የልደት ምስክር ወረቀት ማቅረብ አለበት!

የልደት ምስክር ወረቀት ከየት ይወጣል?

• ለህፃናት የልደት ምስክር ወረቀት ለማውጣት ከወላጆች አንዱ በነዋሪነት የተመዘገበቡበት ቀበሌ ሁለቱም ወላጆች ህፃኑ/ኗን ይዘው በመቅረብ ማውጣት ይችላሉ፡፡

• ከ18 አመት በላይ የሆነ ሰው ለተለያዩ አገልግሎቶች የልደት ምስክር ወረቀት በሚፈልግበት ጊዜ በነዋሪነት ወደተመዘገበበት እና መታወቂያ ወደተሰጠበት ቀበሌ የወሳኝ ኩነት ምዝገባ ፅ/ቤት በመሄድ ተመዝግቦ የልደት ምስክር ወረቀት ማግኘት ይችላል፡፡

የልደት ምስክር ወረቀት መቼ ማውጣት ይቻላል?

• ለለህፃናት ከተወለዱበት ቀን ጀምሮ እስከ 90 ቀናት ድረስ በመደበኛ የምዝገባ ጊዜ ውስጥ ተመዝግበው ቢያወጡ እንደሃገር ለሚሰበሰበው መረጃ ከፍተኛ ጠቀሜታን ይሰጣል፡፡

• አዋቂዎች በማንኛውም ጊዜ በቀበሌ የስራ ቀን እና ሰአት በመሄድ ማውጣት ይቻላል

በገጠሪቱ የሃገሪቱ ክፍል የልደት ምስክር ወረቀት እንዴት ይገኛል?

ከላይ እንደተገለፀው በማንኛውም የሃገሪቱ ክፍል ባሉ ቀበሌዎች የወሳኝ ኩነት ምዝገባ ስራ በማከናወን ላይ ስለሚገኙ በነዋሪነት ወደተመዘገቡበት ቀበሌ በመሄድ የልደት ምስክር ወረቀት ማግኘት ይቻላል፡፡

ማስታወሻ፡- ማንኛውም ዜጋ ፓስፖርት አገልግሎት ለማግኘት ከቀበሌ መታወቂያ በተጨማሪ የልደት ምስክር ወረቀት ማቅረብ አለበት

(FDRE Immigration Nationality And Vital Events Agency)

@tikvahethiopia @tsegabwolde

የአሊባባ መስራችና ባለቤት ጃክ ማ አዲሰ አበባ ገብተዋል!

ጃክ ማ አዲስ አበባ ሲደርሱ ጠቅላይ ሚኒስትር ዶክተር አቢይ አህመድ እና ኢንጂነር ታከለ ኡማ እንዲሁም የኢኖቬሽንና ቴክኖሎጂ ሚኒስትሩ ዶ/ር ኢንጂኒየር ጌታሁን መኩሪያ ተቀብለዋቸዋል፡፡

(Mayor Office Of AA)

@tikvahethiopia @tikvahethiopiaBot

የ“ፀለምት ቀዳሚት” 45ተኛ አመት መታሰቢያ በአንድነት ፓርክ!

ሕዳር 14፤ 1967 ዓ.ም በደርግ መንግሥት የተገደሉትንና በተለምዶ ስድሳዎቹ ተብለው የሚጠሩትን በንጉሳዊው ሥርዓት ጠቅላይ ሚንስትሮች፣ ሚንስትሮች፣ ጄኔራሎች፣ መሣፍንትና መኳንንት ለነበሩት በዛሬው ዕለት በአንድነት ፓርክ የመታሰቢያ ጉብኝት ተካሄደ፡፡ በጉብኝቱ ወቅትም ከ50 በላይ የሚሆኑ በዕለቱ ህይወታቸውን ያጡ ግለሰቦች የቤተሰብ አባላት እና በዙፋን ቤት ምድር ቤት በሚገኘው እስር ቤት ታስረው የነበሩ ግለሰቦች ተገኝተዋል። አቶ አሸናፊ ሽፈራው (የገንዘብ ሚኒስቴር ምክትል ሚኒስትር የነበሩ) ለጎብኚዎች ገለፃ አድርገዋል።

(Unity Park Ethiopia)

@tikvahethiopia @tikvahethiopiaBot

በዛሬው ዕለት የአማራና ኦሮሞ ወጣቶች የሰላም ኮንፍረንስ ተሳታፊ የሆኑ 721 ወጣቶች አንድነት ፓርክን ጎብኝተዋል።

#unityparkethiopia #አንድነትፓርክ #paarkiitokkummaa

(Unity Park Ethiopia)

@tikvahethiopiaBot @tikvahethiopia

የአዲስ አበባ ከተማ ዋንጫ ፍፃሜ በአለም አቀፍ ሚዲያዎች!

ቲኪቫህ ስፖርት በማህበራዊ ድህረ ገፆች የአፍሪካ እግር ኳሶች ላይ በመስራት ከሚታወቀው AFRICAN SOCCER UPDATES ጋር ባደረግው ግኑኝነት የዛሬውን የፍፃሜ ጨዋታ በምስሉ ላይ እነደሚታየው ዘግቦታል። ቲኪቫህ ስፖርት ወደ ፊትም የሀገራችንን ስፖርት በበጎ መልኩ ለማስጠራት ይሰራል!

@tikvahethsport የቲክቫህ ኢትዮጵያ ስፖርት ቤተሰብ አንዱ አካል መሆን ከፈለጉ👇
https://t.iss.one/joinchat/AAAAAFb8M0pNEZTiGM68rg

(ቲክቫህ ኢትዮጵያ-ዩኒቨርሲቲ)
ህዳር 14/03/2012 ዓ.ም

-የጅማ ዩኒቨርሲቲ(JU) የተማሪዎች ዳግም ምዝገባ መከናወኑን ገልጿል። በሁሉም ቦታዎች የፀጥታ ኃይሎች ጥብቅ ቁጥጥር እያደረጉ እንደሚገኙም አሳውቋል።

በተደጋጋሚ የሃሰት ወሬ እያሰራጩ ተማሪዎችን ከትምህርት ሊያስተጓጉሉ የሚሞክሩትን አካላት ዩኒቨርሲቲዉ በቅርበት እየተከታተለ እንደሚገኝ ገልጾ፣ ከነገ ሰኞ ጀምሮ ከዚህ በፊት በወጣው የትምህርት ፕሮግራም መሰረት ተማሪዎች ትምህርታቸውን እንዲከታተሉ በድጋሚ እሳስቧል። ተማሪዎች አጠራጣሪ ሁኔታዎችን ስታስተዉሉ በቅርባቸው ላሉ አካላትም እንዲጠቁሙ መልዕክት አስተላልፏል።

መደ ወላቡ ዩኒቨርሲቲ በበኩሉ ተማሪዎች ከነገ ጀምሮ ትምህርት ገበታቸው ላይ እንዲገኙ አሳስቧል። በዩኒቨርሲቲው ለሁለት ሳምንታት ትምህርት ተቋርጧል። ተማሪዎች ለቲክቫህ ኢትዮጵያ እንደገለፁት አሁንም ያሉበት ሁኔታ በዘላቂነት መፍትሄ ያልተገኘለት መሆኑ ገልፀዋል።

ሀረማያ ዩኒቨርሲቲ የሚማሩ ተማሪዎች በበኩላቸው በተቋማቸው ውስጥ በበራሪ ወረቀቶች እየደረሳቸው ያለው የዛቻ መልዕክቶች፣በማህበራዊ ሚዲያዎች እየተሰራጩ ያሉት የማስፈራሪያ ፅሁፎች ወደ ትምህርት ገበታቸው ሙሉ በሙሉ እንዳይመለሱ እያደረጋቸው እንደሆነ አሳውቀዋል።

ሀረማያ ዩኒቨርሲቲ ትላንት ባስተላለፈው መልዕክት በአሁኑ ወቅት በዩኒቨርሲቲው ፍፁም ሰላም በመኖሩ ሁሉም ተማሪዎች ወደ ትምህርት ገበታችው ያለምንም ስጋት መመለስ እንደሚችሉ አሳውቋል። በግቢ ውስጥም ሆነ በቅርብ ርቀት ላይ የምትገኙ ተማሪዎች ከሰኞ ህዳር 15 ቀን 2012 ዓ.ም ጀምሮ በትምህርት ገበታቸው እንዲገኙ ጥሪ አቅርቧል።

የሌሎችም ዩኒቨርሲቲዎች ሁኔታ በዛሬው የህዳር 14/03/2012 ዓ/ም ማጠቃለያ ላይ ታገኛላችሁ👇 https://telegra.ph/TIKVAH-11-24

@tikvahethiopiaBot

ደብረ ታቦር ዩኒቨርስቲ ዛሬ ለቲክቫህ ኢትዮጵያ በላከው መልዕክት፦ ተማሪዎች በየክልሉ ያሉ ዩኒቨርስቲዎች ቢሄዱ እንደሚቀበሏቸው ተደረጎ የሚሰራጨው የሀሰት ወሬ በመሆኑ ተረጋግተው ትምህርታቸውን እንድትቀጥሉ ያሳስቧል።

@tikvahethiopiaBot @tikvahethiopia

#BHU

ቡሌ ሆራ ዩኒቨርሲቲ ደግሞ እጅግ ጥሩ የሚባል ጊዜ ከተማሪዎቹ ጋር አሳልፏል። ዛሬ ለተማሪዎች የምሳ ግብዣ ተደርጎላቸው ነበር። ግብዣው ተማሪዎች ላሳዩት ሰለማዊ የመማር ማስተማር እንቅስቃሴ እንዲሁም ለሌሎች ዩኒቨርሲቲዎች አርዓያ የሚሆን ተግባር ለማበራታት ነው። ሙሉ መረጃው ማጠቃለየ ውስጥ ተካቷል👇
https://telegra.ph/TIKVAH-11-24

(ህዳር 14/03/2012 ዓ/ም

@tikvahethiopiaBot @tikvahethiopia

ጎንደር ዩኒቨርሲቲ ያሰራጨው መረጃ!

በቅርቡ በዩኒቨርሲቲያችን ተከስቶ በነበረው መጠነኛ ግጭት የህይወት መጥፋት፣ የአካል መጉደል እና ከፍተኛ የንብረት መውደም ባይደርስም በግጭቱ የተጠረጠሩ 40 ተማሪዎች፣ ሰራተኛ እና የዩኒቨርሲቲያችን ማህበረሰብ አባል ያልሆነ የውጭ ግለሰብ በቁጥጥር ስር ውለው ነበር።

የተጠረጠሩበት ወንጀል ቀላልና በምክር ይታለፉ የተባሉ 21 ተማሪዎች የተለቀቁ ሲሆን ቀሪዎቹ ተጨማሪ ምርመራ እየተደረገባቸው ይገኛል።

የተጠረጠሩባቸው ወንጀሎችም፦

1. በድንገተኛ ፍተሻ ወቅት ከ40,500 እስከ 157,774 ብር የተገኘባቸው 2 የመጀመሪያ ዲግሪ ተማሪዎች፣

2. ተማሪዎችን በማደራጀት ችግር በመፍጠር የተጠረጠሩ 2 ተማሪዎች፣

3. ተማሪዎችን በማደራጀት ችግር በመፍጠርና በድንገተኛ ፍተሻ ወቅት በሁለት ስም 4 የቀበሌ መታወቂያ ይዞ የተገኘ 1 ተማሪ፣

4. ተማሪዎች ክፍል እንዳይገቡ መንገድ ላይ ሲከለክሉ የተያዙ 7 ተማሪዎች፣

5. ተማሪዎችን በመምታት የተጠረጠሩ 2 ተማሪዎች፣

6. በአንድ ሴት ተማሪ መታወቂያ በር ላይ ሊገባ ሲል የተያዘ የዩኒቨርሲቲው ማህበረሰብ አባል ያልሆነ አንድ ግለሰብ፣

7. ቃጠሎው ከመከሰቱ ከትንሽ ደቂቃወች በፊት ቃጠሎ ከደረሰበት ህንጻ ሲወጡ በደህንነት ካሜራ የታዩና በቃጠሎ የተጠረጠሩ 3 ተማሪዎች እና

8. ኃላፊነትን በአግባቡ ባለመወጣት እና በቃጠሎ የተጠረጠሩ አንድ የዩኒቨርሲቲው ሠራተኛ በድምሩ 19 ሰዎች ተጨማሪ ምርመራ እየተደረገባቸው ይገኛል።

ምርመራውን በፍጥነት እና በጥራት የሚያካሂድ ልዩ ግብረ ኃይል ተቋቁሞ በማጣራት ላይ ይገኛል። ውጤቱ እንደተጠናቀቀ ለህዝብና ለመንግስት እናሳውቃለን።

የሕዝብ ሀብትን የሚያቃጥል የሕዝብ ጠላት ነው!!
ፈጣሪ ኢትዮጵያንና ሕዝቦቿን ይጠብቅልን!!

(ጎንደር ዩኒቨርሲቲ)

@tikvahethiopia

(የሳይንስና ከፍተኛ ትምህርት ሚኒስቴር)

በተደጋጋሚ ጊዜ እንደተገለፀው ከአንድ ዩኒቨርስቲ ወደ ሌላ ዩኒቨርስቲ መዘዋወር እንደሚቻል አድርገው ለተማሪዎች የተሳሳተ መረጃ የሚሰጡ ወገኖች መኖራቸው ተደርሶበታል። ሆኖም ተማሪዎች በእንዲህ ያለ ሀሰተኛ መረጃ ሳይታለሉ እና ከተመደቡበት ዩኒቨርስቲ ውጪ በማንኛውም ምክንያት ዝውውር እንደማይፈፀም አውቀው ባሉበት የትምህርት ተቋም በመሆን ትምህርታቸው ላይ ብቻ እንዲያተኩሩ እናስገነዝባለን።

(የሳይንስና ከፍተኛ ትምህርት ሚኒስቴር)

@tikvahethiopia @tikvahethiopiaBot

#Ubuntu

"ለመኖሬ ምክንያቱ አንተ ነህ፤ ላንተም መኖር እኔ” - ኡቡንቱ

ሰውነትን በግብር ካሳዩን ከጋሞ አባቶች የቀሰምነውን ትምህርት አርዓያ አድርገን በአርባምንጭ ከተማ ባሉ ት/ቤቶችና በአርባምንጭ ዩኒቨርሲቲ ለሳምንት የሚቆይ የግንዛቤ ማስጨበጫ እንዲሁም የመዝጊያ ዝግጅት በሀይሌ ሪዞርት ተጋቦዥ እንግዶች በተገኙበት የግንዛቤ ማስጨበጫና የባህል አልባሳት ፋሽን ሾው ይካሄዳል፡፡

ለበለጠ መረጃ፦

☎️ +251949142388
☎️ +251925114045
☎️ +251913134524

አዘጋጆች፦

ፒስ ሞዴል ኢቨንት እና ቲክቫህ ኢትዮጵያ ከጋሞ ዞን አስተዳደር ጋር በመተባበር የተዘጋጀ!

በደብረ ታቦር ዩኒቨርስቲ የመማር ማስተማር ስራው በተያዘው መርሐግብር  መሰረት ተጀመረ!

በደብረ ታቦር ዩኒቨርስቲ በተማሪዎች መካከል ተፈጥሮ በነበረው አለመግባባት ተቋርጦ የነበረው የመማር ማስተማር ስራው በተያዘው መርሐግብር መሰረት ዛሬ ሰኞ ህዳር 15/2012 ዓ.ም  በተረጋጋ ሁኔታ መጀመሩን ዩኒቨርሲቲው አስታውቋል።

@tikvahethiopiaBot @tikvahethiopia

በኦሮሚያ ክልል ትናንት በደረሱ የትራፊክ አደጋዎች የ49 ሰዎች ህይወት አለፈ!

የትራፊክ አደጋዎቹ ከአዲስ አበባ ወደ አምቦ፣ ከመቱ ወደ አዲስ አበባ እና ከቢሾፍቱ ወደ አዳማ ከተማ ሲጓዙ በነበሩ ተሽከርካሪዎች ላይ የደረሱ ናቸው።

በዚህም ከአዲስ አበባ ወደ አምቦ 20 ሰዎችን አሳፍሮ ሲጓዝ የነበረ በተለምዶ ሀይሩፍ በመባል የሚጠራ ተሽከርካሪ በኤጄሬና ሆለታ ከተሞች መካከል ከሲኖ ትራክ ጋር ተጋጭቶ አደጋ ደርሷል። በትራፊክ አደጋው የ17 ሰዎች ህይወት ወዲያውኑ ያለፈ ሲሆን፥ በሌሎች 3 ሰዎች ላይ ደግሞ የተለያየ መጠን ያለው የአካል ጉዳት መድረሱን የአምቦ ከተማ የመንግስት ኮሙዩኒኬሽን ጉዳዮች ጽህፈት ቤት መረጃ ያመላክታል።

በተመሳሳይ በትናንትናው እለት ከመቱ ከተማ ወደ አዲስ አበባ ሲጓዝ የነበረ የህዝብ ማመላለሻ ኦዳ ባስ ላይ በደረሰ የትራፊክ አደጋም የበርካታ ሰዎች ህይወት አልፏል። አውቶብሱ ገተማ ተብሎ በሚጠራ አካባቢ የተገለበጠ ሲሆን፥ በአደጋው የ17 ሰዎች ህይወት ማለፉ ነው የተገለፀው። እንዲሁም ትናንት ምሽት ከቢሾፍቱ ከተማ ወደ አዳማ ከተማ ሲጓዝ በነበረ ተሽከርካሪ ላይ በደረሰ የትራፊክ አደጋ የ15 ሰዎች ህይወት አልፏል።

(FBC)

@tikvahethiopiaBot @tikvahethiopia

"በአሁኑ ሰዓት በICT Park ጠቅላይ ሚኒስትር ዶ/ር አቢይ አህመድ እና የአሊባባ መስራች እና ሊቀመንበር ጃክ ማ ባሉበት የ Electronic World Trade Platform (eWTP) እየተመረቀ ይገኛል፡፡ በኢትዮዽያ መንግስት እና በAlibaba መካከልም የስምምነት ፊርማ ተካሂዷል፡፡

(Eskinder - Hahu Jobs)

@tikvahethiopiaBot @tikvahethiopia