#Wollega

ዛሬ በሁሉም የቄለም ወለጋ ዞን ወረዳዎች ትምህርት ቤቶችና ሌሎችም የመንግስት ተቋማትና የግል አገልግሎት ሰጪዎች መደበኛ ስራቸውን ሲያከናውኑ ነው የዋሉት። በምዕራብ ወለጋ ዞንም ዛሬ በተመሳሳይ ያጋጠመ ችግር አልነበረም ሰላም ነው የዋለው። በምስራቅና ሆሮ ጉዱሩ ወለጋ ዞኖችም እንዲሁ ዛሬ ሰላም ነው የዋለው።

Via ENA
@tsegabwolde @tikvahethiopia

#FICHE | በዛሬው ዕለት በፍቼ ከተማ የተቃውሞ ሰልፍ መካሄዱን ተከትሎ የንግድ ሱቆች፣ መንገድና የመንግስት መስሪያ ቤቶች አገልግሎታቸውን ለተወሰኑ ሰዓታት አቋርጠው ነበር። በሂደቱም በሰውና ንብረት ላይ የደረሰ ጉዳት እንደሌለ በኦሮሚያ ክልል የሰሜን ሸዋ ዞን ፖሊስ አዛዥ ከማንደር ካሳዬ ነጋሽ ገልጸዋል።

@tsegabwolde @tikvahethiopia

በገብረ ጉረቻ አለልቱና ሃቢሶ ከተሞች ዛሬ ዕለት የተቃውሞ ሰልፎች ተካሂደዋል። ሰልፎቹ በሰላም መጠናቀቃቸው እንዲሁም በአሁኑ ወቅት የከተሞቹ እንቅስቃሴ ወደ ቀድሞ መረጋጋት መመለሱን ለመስማት ተችሏል።

@tsegabwolde @tikvahethiopia

•ሁለት ሰው ሞቷል
•ከ50 በላይ ሰዎች የአካል ጉዳት ደርሶባቸዋል

በአዳማ ከተማ ዛሬ በተከሰተው የፀጥታ ችግር የ2 ሰዎች ህይወት ማለፉንና በ50 ሰዎች ላይ ደግሞ የአካል ጉዳት መድረሱን ፖሊስ አስታውቋል። የአዳማ ከተማ ፖሊስ አዛዥ ኮማንደር ደረጀ ሙለታ ለኢዜአ እንዳሉት በከተማዋ ዛሬ ጠዋት ላይ ምክንያቱ ባልታወቀ ሁኔታ ከተለያዩ አቅጣጫዎች የተሽከርካሪ መተላለፊያ መንገድ ሲዘጋ ነበር።

በዚህም ተሳትፎ የነበራቸው ግለሰቦች ድንጋይ መወርወር፣ ንብረት ላይ ጉዳት ማድረስና የተለያዩ የንግድ ተቋማትን የመዝጋት ችግር እንደፈጠሩ ተናግረዋል። የከተማው ፖሊስ አባላት የሰው ህይወት እንዳይጠፋና ንብረት እንዳይወድም ለመከላከል ጥረት ማድረጋቸውን አስረድተዋል።

ሆኖም ከተከሰተው የጸጥታ ችግር ተያይዞ በተፈጠረው ግርግር የሁለት ሰዎች ህይወት ማለፉን ኮማንደሩ አስታውቀዋል። 50 ሰዎች ደግሞ የአካል ጉዳት ደርሶባቸው በአዳማ ሪፈራል ሆስፒታልና ሜዲካል ኮሌጅ የህክምና እርዳታ እየተደረገላቸው መሆኑን አመልከተዋል።

“በአሁኑ ወቅት ከተማዋን የፀጥታው ሁኔታ ወደ ነበረበት ለመመለስ የተለያዩ የፀጥታ አካላት ገብተው በጋራ እየሰሩ ነው “ብለዋል።

“ሁሉም ዜጋ ለሰላም፣ ዘብ መቆም አለበት ያሉት ኮማንደሩ ማንኛውም ጥያቄ ቢኖር በሰላማዊ መንገድ ብቻ በመጠየቅ የከተማዋን መልካም ስም ለማስጠበቅ ነዋሪው የድርሻውን እንዲወጣም ጠይቀዋል።

ምንጭ፦ ኢዜአ
@tsegabwolde @tikvahethiopia

•በሀረር ከተማ 3 ሰዎች ሞተዋል
•ከ50 የሚበልጡ ሰዎች ቆስለዋል

በሀረር ከተማ በነበረው #የተቃውሞ_ሰልፍ ላይ ከአጎራባች የምስራቅ ሃረርጌ ወረዳዎች ወደ ከተማዋ የመጡ ወጣቶች የጥቃቱ ሰለባ መሆናቸውን አንዲት የአይን እማኝ ለጀርመን ድምፅ ራድዮ ጣቢያ አስረድተዋል። በጥቃቱም ሶስት ሰዎች ተገድለው ከሃምሳ የሚልቁት መቁሰላቸውን በአይኔ አይቻለሁ ብለዋል። 

«ልጆች ሰልፍ ወጥተው ተሰልፈው እየሄዱ ነበር፤ በኮምቦልቻ ወረዳ በኩል የገቡት ተመተዋል፤ ከፈዲስ ወረዳ በኩል የመጡትም ተመተዋል፤ ሶስት ሰዎች ሞተዋል።

በአጠቃላይ በኦፕሬሽን ውስጥ ያሉና እና በአይናችን ያየናቸው ወጣት ወንዶችና ሴቶች ሃምሳ ይሆናሉ። አሁን እንግዲህ ወጣቶቹን አንድ በአንድ ለመያዝ እየሞከሩ ነው፤ ወደ እስር ቤት ያስገቧቸውም አሉ። ጉዳት ደርሶባቸው አሁንም ወደ ሃኪም ቤት እየመጡ ያሉ አሉ። በዱላ እየደበደቧቸው ነዉ፤ የቦምብ ውርወራም ነበር።» 

የሀረሪ ክልል አስተዳደርና ጸጥታ ቢሮ ሃላፊ አቶ ናስር ዩያ በከተማዋ ከጥዋት ጀምሮ ሲካሄድ በነበረው የተቃዉሞ ሰልፍ በተፈጠረ ግጭት የሁለት ሰዎች ህይወት ማለፉንና አራት ሰዎች መቁሰላቸውን ለጀርመን ድምፅ ራድዮ አረጋግጠዋል። ተጨማሪ የማጣራት ስራዎችንም እየሰሩ ስለመሆኑ አስረድተዋል። 

«ጥዋት ላይ ሰላም ነበር ፤ ነገር ግን በአንድ ቀበሌ በተፈጠረ ግጭት ሶስት ሰዎች ተዳክመዋል። ከእነርሱ ውስጥ ሁለቱ ሞተዋል። ነገሩን አሁን እግር በእግር እየተከታተልነው ነው። ጥበቃ ላይ የነበሩ የመከላከያ ወታደሮች ናቸው የሚሉ አሉ። በእኛ በኩል ያሰማራነው የጸጥታ አካል የለንም ። ህዝቡ በሰላም ድምጹን አሰምቶ እንዲመለስ ነበር ፍላጎታችን፤ ለምን ይህ እንደሆነ እያየን ነው።» ብለዋል።

Via የጀርመን ድምፅ ራድዮ
@tsegabwolde @tikvahethiopia

#UPDATE ኢትዮጵያ የአለም የንግድ ድርጅት አባል ለመሆን በምታደርገው ሂደት አሜሪካ እንደምትደግፍ በአሜሪካ የአለም የንግድ ድርጅት የንግድና የባለብዙ ወገን ጉዳዮች ምክትል ተወካይ አረጋገጡ፡፡

የፋይናንስ ሚኒስትሩ አቶ አህመድ ሽዴ በአሜሪካ የአለም የንግድ ድርጅት የንግድና የባለብዙ ወገን ጉዳዮች ምክትል ተወካይ ካራ ሞሮው ጋር ተወያይተዋል፡፡

የሁለቱን አገራት የንግድና ኢንቨስትመንት በሚያሳድጉ ጉዳዮች ላይ ጠቃሚ ሃሰቦችን ተለዋውጠዋል። ኢትዮጵያ እያካሄደች ያለችውን ለውጦች በተለይም የኢኮኖሚ ዘርፉ ላይ በማተኮር ሚኒስትሩ ለምክትል ኃላፊዋ ገለጻ አድርገውላቸዋል።

ምክትል ሃላፊ ካራ ሞሮው በበኩላቸው ኢትዮጵያ ውስጥ እየተካሄደ ያለውን ለውጥ እንደሚያደንቁ በመግለጽ ጠቅላይ ሚኒስትር ዶ/ር አብይ አህመድ የ2019 የኖቤል ተሸላሚ በመሆናቸውም ለሚኒስትሩ ደስታቸውን ገልዋል። ኢትዮጵያ የአለም የንግድ ድርጅት አባል ለመሆን በምታደርገው ሂደት አሜሪካ ድጋፍ እንደምታደርግም ም/ሀላፊው አረጋግጠዋል፡፡

ምንጭ፡- በዋሽንግተን የኢትዮጵያ ኤምባሲ
@tsegabwolde @tikvahethiopia

ዛሬም ለሁለተኛ ቀን በሻሸመኔና ሆለታ ከተሞች መንገዶች እንደተዘጉ ነው። በቢሾፍቱ ከተማም ውጥረቱ ሙሉ በሙሉ አረገበም። አዳማ ከተማ ከትላንት የተሻለ የተረጋጋ ሁኔታ አለ ነገር ግን ጥዋት በገንብ ገበያ አካባቢ የእሳት አደጋ ተነስቶ እንደነበርና መቆጣጠርም እንደተቻለ ቤተሰቦቻችን ጠቁመዋል።

@tsegabwolde @tikvahethiopia

#ADAMA

በአዳማ ከተማ የገበያ ማዕከል የተነሳ የእሳት ቃጠሎ በንብረት ላይ ጉዳት አደረሰ። በከተማዋ በተለምዶ ፍራንኮ ተብሎ በሚጠራው አካባቢ በሚገኝ የገበያ ማዕከል ላይ ዛሬ ንጋት ላይ የተነሳ የእሳት ቃጠሎ 30 በላይ አነስተኛ ሱቆች ላይ ጉዳት አደረሰ። የከተማ አስተዳደሩ የእሳትና ድንገተኛ አደጋዎች መከላከል ኃላፊ አቶ ጉታ ኃይሌ እንደገለጹት ዛሬ ንጋት ላይ በደረሰው የእሳት ቃጠሎ 24 አነስተኛ ሱቆች ሙሉ በሙሉ የወደሙ ሲሆን 10 የሚሆኑት ደግሞ መጠነኛ ጉዳት ደርሶባቸዋል።

እንደ ኢዜአ ዘገባ የአደጋውን መከሰት ተከትሎ ሁለት የእሳት አደጋ መከላከያ ተሽከርካሪዎች ተሰማርተው በአካባቢው ከሚገኙ የጸጥታ አካላትና ከህብረተሰቡ ጋር በመተባበር ቃጠሎውን በቁጥጥር ስር ማዋላቸውን አስረድተዋል። አደጋው በሰዎች ላይ ምንም ጉዳት እንዳላስከተለ የገለጹት ኃላፊው በንብረት ላይ የደረሰው የጉዳት መጠንና የቃጠሎው ምክንያት እየተጣራ መሆኑን ጠቁመዋል።

Via ኢዜአ
@tsegabwolde @tikvahethiopia

#attention

በዶዶላ ከተማ ትላንት የጀመረው አለመረጋጋት ዛሬም መቀጠሉን የቲክቫህ ዶዶላ ቤተሰቦች ገልፀዋል። ሁኔታዎች ወደከፋ ሁኔታ እየሄዱ ነው መንግስት ልዩ ትኩረት ይስጠው ብለዋል።

@tsegabwolde @tikvahethiopia

የኤሌክትሪክ አገልግሎት ዋጋ ጭማሪ ቅሬታ!

የኢትዮጵያ ኤሌክትሪክ አገልግሎት ይፋ ያደረገው የአገልግሎት ዋጋ ተመን ማሻሻያ የሕብረተሰቡን የኑሮ ደረጃና አቅም ያገናዘበ አይደለም ሲሉ ተጠቃሚዎች ቅሬታ አቀረቡ።

መንግሥት በኤሌክትሪክ አገልግሎት ተመን ላይ ለአራት አመት የሚቆይ የታሪፍ ማሻሻያን በ2011 ይፋ ማድረጉና በየዓመቱ እየጨመረ የሚሔድ መሆኑን መግለፁ ይታወሳል፡፡

ይህን ተከትሎም በአገልግሎቱ ቅሬታ የሚበዛበት ተቋሙ ሁለተኛው ዙር የዋጋ ጭማሪን ከታኅሣሥ 2012 ጀምሮ እንደሚተገብር መናገሩ አይዘነጋም፡፡

ይሁንና ከአገልግሎቱ መቆራረጥ ባሻገር የኑሮ ውድነቱ ጫና ውስጥ ያስገባቸው የኤሌክትሪክ አገልግሎቱ ደንበኞች ጭማሪው የህብረተሰቡን የኑሮ ደረጃና አቅም ያገናዘበ አይደለም ሲሉ ቅሬታቸው ያሰማሉ።

የዋጋ ተመን ማሻሻያው ቀደም ሲል ይከፍሉት ከነበረው ታሪፍ እስከ ሶስት እጥፍ እንዲከፍሉ ማድረጉንም ይጠቅሳሉ፡፡

የኢትዮጵያ ኤሌክትሪክ አገልግሎት በበኩሉ አገራዊ የኤሌክትሪክ ኃይል ፍላጎትና የደንበኞች ብዛት እንዲሁም ካለው ከፍተኛ የኢንቨስትመንት ፍላጎት አንጻር ጥራት ያለው አገልግሎት ለመስጠትና ለማስፋፋት የሚያስችል ገቢ ማግኝት ባለመቻሉ የታሪፍ ጭማሪው ማስፈለጉን ያስረዳል፡፡

ምንጭ፦ አሐዱ ቴቪ
@tsegabwolde @tikvahethiopia

#DODOLA

በባሌ ዶዶላ ዛሬ በነበረ ግጭት አራት ሰዎች ሞተው ወደ ዶዶላ አጠቃላይ ሆስፒታል መምጣታቸውን የሆስፒታሉ ሜዲካል ዳይሬክተር ዶክተር ቶላ ቢዮ ለቢቢሲ ተናገሩ። ትናንት በአካባቢው ከጠዋት ጀምሮ ሠልፍ እንደነበር የተናገሩት ሜዲካል ዳይሬክተሩ ከሰዓት በኋላ ግን ይህ ሠልፍ መልኩን መቀየሩን ይናገራሉ። በአካባቢው ነዋሪ የሆኑ ግለሰብ ለቢቢሲ እንደገለፁት የዛሬው ግጭት ሊቀሰቀስ የቻለው "ከሁለት ወር በፊት አንድ ወጣት መሳሪያ በመተኮሱ ለእርሱ በቀል ነው" ሲሉ ይናገራሉ።

ተጨማሪ ያንብቡ👇
https://telegra.ph/ETH-10-24

Via BBC
@tsegabwolde @tikvahethiopia

#attention

በድሬዳዋ ከተማ ትላንት ጀምሮ የተፈጠረው አለመራጋጋት ዛሬም በአንዳንድ አካባቢዎች ቀጥሏል። የደረሱ ጉዳቶችን እያጣራን ነው። የሀገር መከላከያ ሰራዊት ችግሩን ለመቆጣጠር ጥረት እያደረገ ይገኛል።

@tsegabwolde @tikvahethiopia

የቅዱስ ሲኖዶስ የሰላም ጥሪና ፀሎተ ምህላ አዋጅ!

የኢትዮጵያ ኦርቶዶክስ ተዋኅዶ ቤተክርስቲያን ቅዱስ ሲኖዶስ ለኢትዮጵያዊያን የሰላም ጥሪ አቀረበ። ቅዱስ ሲኖዶስ በጥቅምት 13 ቀን 2012 አስቸኳይ መገለጫው ኢትዮጵያዊያን የአገራቸው ሰላም እንዲያስጠብቁ ጥሪ አቅርቧል፡፡

ሲኖዶሱ ከጥቅምት 13 ጀምሮ ለ3 ቀናት የጾምና ጸሎት ምህላን አውጇል፡፡ በዚህም መላው ኢትዮጵያዊያዊያን እንደየእምነታቸው ስለ አገራቸው ሰላም በጾም፣ በጸሎትና በሀዘን በአንድ ልብ ሆነው ጥሪያቸውን ለፈጣሪ እንዲያቀርቡ ጠይቋል፡፡

Via AHDU RADIO
@tsegabwolde @tikvahethiopia

#attention

በድሬዳዋ ከተማ ያለው ሁኔታ መልኩን እየቀየረ እንደመጣ የድሬዳዌ ቲክቫህ ቤተሰቦች ገልፀዋል። መንግስት ሁኔታዎች ወደከፋ ደረጃ ሳይደርሱ መፍትሄ እንዲፈልግ ጥሩ ቀርቧል።

@tsegabwolde @tikvahethioia

#attention

"አዳማ ላይ አሁን ችግር አለ፤ ይህ 11 ቀበሌ ያለ መንገድ ነው። ሌሎች አከባቢ ላይም ተመሳሳይ የመሣሪያ ትኩስ እና መንገድ መዝጋት አለ። ሰው እንቅስቃሴ ከማድረግ በፊት ጥጥንቃቄ ያድርጉ።" ኢብሮ/ቲክቫህ ቤተሰብ አዳማ/

@tsegabwolde @tikvahethiopia

#attention | ወለቴ አካባቢ ያለው አለመረጋጋት በዛሬው ዕለትም ቀጥሏል። ሁኔታዎች ወደከፋ ደረጃ እንዳይደርሱ አስገላጊው ትኩረት ሊሰጥ እንደሚገባ የወለቴ ቲክቫህ ቤተሰቦች አሳስበዋል።

@tsegabwolde @tikvahethiopia

#NewsAlert

ግብፅ በህዳሴው ግድብ ዙሪያ ከኢትዮጵያ ጋር ያላትን ልዩነት በውይይት ለመፍታት ተስማማች!

ግብፅና ኢትዮጵያ በህዳሴው ግድብ ዙሪያ ያላቸውን ልዩነት በንግግር ለመፍታት መስማማታቸውን ጠቅላይ ሚንስትር ዶ/ር ዐቢይ አህመድ አስታወቁ፡፡ የኢፌዴሪ ጠቅላይ ሚነስትርና የግብፁ ፕሬዝዳንት አብዱል ፈታህ አልሲሲ በሩሲያ ሶቹ ከተማ ተገናኝተው ውይይት አድርገዋል፡፡

ግብፅ ከዚህ ቀደም በተለያዩ ደረጃዎች ኢትዮጵያና ሱዳን ያሉበትን በታላቁ የኢትዮጵያ ህዳሴ ግድብ ዙሪያ ሲደረግ የነበረውን ድርድር ማቋረጧን ተከትሎ ኢትዮጵያም ከንግግር ውጭ የውስጥ ጥቅሜን አሳልፌ አልሰጥም ማለቷ ይታወቃል፡፡ ግብፅም በአደራዳሪነት ሶስተኛ ወገን እንነጋገር የሚለውን ሀሳብ በኢትዮጵያም በኩል ተቀባይነት ሳያገኝ ቀርቷል፡፡

ሁለቱ መሪዎች ታዲያ ከሩሲያ- አፍሪካው የጋራ የኢኮኖሚ ፎረም የጎንዮሽ መድረክ ላይ ዛሬ ረፋድ ባደረጉት ውይይት ግብፅ ወደ ቀድሞው የድርድር መድረክ እንደምትመለስ ፕሬዝዳንት ሲሲ እንዳረጋገጡላቸው ጠቅላይ ሚኒስትር ዶ/ር ዐቢይ አህመድ ለኢቲቪ ተናግረዋል፡፡ የአገራቱን ግንኙነት እያሻከረ ያለው የግብፅ ሚዲያዎች ዘገባ በመሆኑ ሁለቱ መሪዎች በጉዳዩ ላይም መክረውበታል፡፡

የታላቁ ኢትዮጵያ ህዳሴ ግድብ ግንባታ ላይ ከዚህ ቀደም የነበረው የሶስቱ አገራት ቴክኒካል ኮሚቴ መድረክም ተጠናክሮ እንዲቀጥልና ፖለቲካዊ መፍትሄ የሚያሻቸው ጉዳዮችን ደግሞ በፖለቲካዊ ውይይት ለመፍታት ከስምምነት መድረሳቸውን መሪዎቹ ተናግረዋል፡፡ ሁለቱ አገራት የአባይን ወንዝ በፍትሃዊነትና በአስተማማኝ ሁኔታ ለመጠቀም የአካባቢ ጥበቃ ስራዎችን አጠናክሮ ለመስራትም ከስምምነት ደርሰዋል፡፡

Via EBC
@tsegabwolde @tikvahethiopia

የኢትዮጵያና ኤርትራ ግንኙነት እየቀዘቀዘ መምጣቱ ተነገረ!

ከሃያ አመታት በኋላ ወደ ወዳጅነት ተመልሶ የነበረው የኢትዮጵያና ኤርትራ ግንኙነት ከአራት ወራት በላይ ሳይዘልቅ እየተቀዛቀዘ መምጣቱን ምሁራን ተናገሩ፡፡ ዛሬ በአዘማን ሆቴል “ፎረም ፎር ሶሻል ስተዲስ” ባዘጋጀው የውይይት መድረክ ላይ ጥናታቸውን ካቀረቡት ምሁራን አንዱ የሆኑት አምባሳደር ህሩይ አማኑኤል የቅርብና አስቸጋሪ የሆነው የኢትዮጵያ እና ኤርትራ ግንኙነት ከአራት ወራት በላይ መጀመሪያ በነበረው ስሜት መቀጠል አልቻለም ብለዋል፡፡

ይህ እንዲሆን ካደረጉ ምክንያቶች ውስጥ የኢጋድ ጉባኤ ላይ አለመሳተፏ፣ የቀይ ባህር ፎረም ላይ የኢትዮጵያ ሚና አለመለየቱ፣ የድንበር አከፋፈት ላይ ስምምነት አለመኖሩና በሱዳን ጉዳይ ላይ ተመሳሳይ አቋም አለመያዝ የሚጠቀሱ እንደሆኑ ተናግረዋል፡፡

https://telegra.ph/ETH-10-24-2

Via Sheger FM
@tsegabwolde @tikvahethiopia

#Attention

በባሌ ሮቤ ከተማ ያለው ሁኔታ አሳሳቢ በመሆኑ ትኩረት እንዲሰጠው በከተማው የሚኖሩ የቲክቫህ ቤተሰቦች ጠቁመዋል። በሌላ በኩል በነጌሌ አርሲ ያለው ሁኔታ ልዩ ትኩረት ሊሰጠው እንደሚገባ በከተማይቱ የሚገኙ የቤተሰባችን አባላት አሳስበዋል።

ዛሬ በበርካታ አካባቢዎች መንገዶች እንደተዘጉ ነው!
@tsegabwolde @tikvahethiopia

#Attention

በባሌ ጎባ ውጥረት አለ፤ የንግድ እንቅስቃሴ ተቋርጧል መንገድም እንደተዘጋ ነው። የአዲስ አበባ ባስ ሳይወጣ ሁለት ቀን ቀርቷል። ተማሪ ወደ ተመደበበት ሀገር ሊሄድ አልቻለም። ነገሮች እየተባባሱ ወደ ከረረ ነገር እየሄደ ነው ስለሆነ መንግስት ልዩ ትኩረት ሊሰጠው ይገባል።

@tsegabwolde @tikvahethiopia