#update ቱርክ ለዓለም ገበያ ምታቀርባቸውን ምርቶች በተመረጡ 17 አገራት ላይ በአምስት ዘርፍ የምትልካቸውን ምርቶች እጥፍ ለማድረግ ዝግጅቷን እንዳጠናቀቀች ይፋ አድርጋለች። ከተመረጡት አገራት ኢትዮጵያ አንዷ ስትሆን ከአፍሪካ ውስጥ ደቡብ አፍሪካን እና ኬንያን ጨምሮ ሦስት አገራት መሆናቸው ታውቋል።

ምንጭ፦ አዲስ ማለዳ ጋዜጣ
@tsegabwolde @tikvahethiopia

ዳቦ ቤቶች የ1 ብር ከ30 ሳንቲም ዳቦን በ3 ብር፤ የ550 ብር ስንዴን በ2 ሺህ ብር በህገወጥ መንገድ እስከ መሸጥ መድረሳቸው ተነገረ!

የንግድና ኢንዱስትሪ ሚኒስቴር ከንግዱ ማህበራት ጋር እያካሄደው ባለው የውይይት መድረክ ላይ በከተማዋ ያሉ ዳቦ ቤቶች በህገወጥ መንገድ የ1 ብር ከ30 ሳንቲም ዳቦን በ3 ብር፤ የ550 ብር ስንዴን በ2 ሺህ ብር በመሸጥ ላይ እንደሚገኙ ተገልጿል፡፡

በመድረኩ ለውይይት በወቀረበው ሰነድ ላይ እንደተገለፀው መንግስት ለህዝብ በተመጣጣኝ ዋጋ እንዲቀርቡ ሲል የአንድ ዳቦ ዋጋ በ1 ብር 30 ሳንቲም ተምኖ ለዚህ የሚውል ስንዴን በድጎማ በ550 ብር እያቀረበ ይገኛል፡፡

ሆኖም ዳቦ ቤቶች ስንዴውን ገበያ በማውጣትና ‘ልዩ ስንዴ’ በማለት በ2 ሺህ ብር እየሸጡ 1 ብር 30 ሳንቲም የነበረ የዳቦ ዋጋ 3 ብር ድረስ ሲሸጥ እንደተደረሰበት በሰነዱ ላይ ቀርቧል፡፡

ከዚህ ባለፈ ዳቦ ቤቶች የተፈቀደላቸው ዳቦ እንዲያቀርቡ ቢሆንም ኩኪስ፣ዶናት፣ ኬክና መሰል ምርቶችን በድጎማው ስንዴ አምርተው በመሸጥ ላይ እንደሚገኙም በመድረኩ ላይ ተገልጿል፡፡

በዚህ መሰረት ቁጥጥር ሲደረግ በተቀመጠላቸው ዋጋ መሰረት ሲሰሩ የነበሩ ዳቦ ቤቶች አርበኞች፤ ሮዛ፤አፍሪካ እና ምስራቅ ዳቦ ቤቶች ብቻ መሆናቸውም ተያይዞ ተገልጿል፡፡

Via #EPA
@tsegabwolde @tikvahethiopia

#update ከሰኔ 15 የመፈንቅለ መንግስት ሙከራ ጋር በተያያዘ የብ/ጀ አሳምነው ፅጌ ባለቤት የሆኑት ወ/ሮ ደስታ አሰፋ እና ጋዜጠኛ ኤልያስ ገብሩ በተጠረጠሩበት የሽብር ወንጀል መዝገብ ችሎቱ ተጨማሪ 28 ቀን ለፖሊስ ምርመራ ፈቅዷል፡፡

ዛሬ ፖሊስ በዚህ መዝገብ የተካተቱ 7 ተጠርጣሪዎችን ከዚህ በፊት ጠርጥሪያለው ብሎ ከነበረበት የመፈንቅለ መንግስት ሙከራ ተሳትፎ ባለፈ በቤንሻንጉል መተከል ከተፈጠረው ግድያ ጋር በተያያዘም እጃቸው እንዳለበት ጠርጥሪያለው ሲል ለችሎቱ አስረድቷል።

የብ/ጀ አሳምነው ፅጌ ሚስት የታሰሩት የእሱ ሚስት በመሆናቸው ብቻ መሆኑን ጠበቃቸው ለችሎቱ ያስረዱ ቢሆንም ፖሊስ ከመኖርያ ቤታቸው ያገኘው 60 ጥይት እንዳገኘ በመግለፅ ለምርመራ ጊዜ ያስፈልገኛል ብሏል።

ጠበቃቸው ግን ሟች መንግስት ያስታጠቃቸውን መሳሪያ በመኖሪያ ቤታቸው ማስቀመጣቸው ባለቤታቸውን ከመፈንቅለ መንግስቱ ሙከራ ጋር ያገናኛቸዋል ማለት አይደለም ሲሉ ተቃውመዋል።

Via ሳምራዊት
@tsegabwolde @tikvahethiopia

አሳዛኝ ዜና!

በትግራይ ክልል ላዕላይ ማይጨው ወረዳ ዱራ በተባለው አከባቢ በደረሰ የትራፊክ አደጋ የሶስት ሰዎች ሕይወት አለፈ። በትራፊክ አደጋው ሕይወታቸው ካለፈው ሶስት ሰዎች በተጨማሪ ስምንት ሰዎች ላይም ከፍተኛ ጉዳት መድረሱ ነው የተገለጸው።

አደጋው ከሽረ ወደ መቐለ ከተማ ተሳፋሪዎችን ጭኖ ሲጓዝ የነበረ ሃይሩፍ ተሸከርካሪ ከሲኖትራክ ጋር በመጋጨቱ የደረሰ መሆኑን የላዕላይ ማይጨው ወረዳ ትራፊክ ፖሊስ ጽህፈት ቤት አስታውቋል። አደጋው ከሚጠበቀው ፍጥነት በላይ በማሽከርከር የተከሰተ እንደሆነም የፖሊስ መረጃ ያመላክታል።

አሽካርካሪዎች ከዚህ አደጋ ትምህርት በመውሰድ ፍጥነት በመቀነስ በሰው ህይወት እና ንብራት ላይ የሚደርሰውን ጉዳት እንዲቀነሱ የላዕላይ ማይጨው ወረዳ ትራፊክ ፖሊስ ጽህፈት ቤት መልዕክቱን አስተላልፏል።

Via #FBC
@tsegabwolde @tikvahethiopia

በቺክቭ የተጠቁ ሰዎች 20 ሺህ ደርሷል!

በድሬዳዋ በችኩንጉኒያ ወረርሽኝ የተጠቁ ሰዎች ቁጥር ወደ 20 ሺህ ማሻቀቡ ተገለጸ፡፡ ችኩንጉኒያ ወረርሽኝ ኤደስ በምትባል ትንኝ ንክሻ ወደ ሰው የሚተላለፍ በሽታ ሲሆን ችኩንጉኒያ በሚባል ቫይረስ የሚመጣ ህመም ነው፡፡

የችኩንጉኒያ ወረርሽኝ ከሀምሌ ወር ጀምሮ በድሬዳዋ ከተማ የተከሰቱ ሲሆን የተጠቂዎች ቁጥር ባሳለፍነው ሳምንት ከደረሰበት 15 ሺህ አሁን ላይ ወደ 20 ሺህ ከፍ ማለቱን የኢትዮጵያ ህብረትሰብ ጤና ኢንስቲትዩት ለኢትዮ ኤፍ ኤም አስታውቋል፡፡ በወረሽኙ እስከ አሁን ድረስ የሞተ ሰው አለመኖሩንም ኢንስቲትዩቱ ገልጿል።

እስካሁን በተደረገ የቤት ለቤት አሰሳ 86 በመቶ የሚሆኑት ቤቶች ወረርሽኙን የሚያስተላልፈው ትንኝ እጭ እንደተገኝባቸው ኢንስቲትዩቱ አስታውቃል፡፡ ወረርሽኙን ለመቆጣጠር ከድሬዳዋ አስተዳደር፣ከኢትዮጵያ ሕብረተሰብ ጤና ኢንስቲትዩት እንዲሁም ከአጋር ድርጅቶች የተውጣጣ ፈጣን ምላሽ ሰጪ ቡድን በቦታው በመገኘት የተቀናጀ ምላሽ በመስጠት ላይ እንደሚገኝ ነው የተገለጸው፡፡

ወረርሽኙን ባጭር ጊዜ ውስጥ ለመቆጣጠር በከንቲባ ፅ/ቤት የሚመራ ግብረሃል ተቋቁሞ በቅንጅት እየተሰራ የሚገኝ ሲሆን ከእነዚህም ዉስጥ የቤት ለቤት ርጭት፣ የቅኝት እና አሰሳ ስራዎች፣ የማህበረሰብ ንቅናቄ፣ የህክምና አገልግሎት በሁሉም ጤና ተቋማቶች እየተከናወኑ እንደሆነ ተገልጿል።

Via #EthioFM
@tsegabwolde @tikvahethiopia

ቺኩንጉንያ ቫይረስ ምንድነው? ቺኩንጉንያ ቫይረስ (ቺክቭ) በትንኞች አማካኝነት ወደ ሰዎች ይተላለፋል። ቺክቭ ከፍተኛ የሆነ ትኩሳትና ድንገት የሚከሰት የመገጣጠሚያ ህምምን ያስከትላል። ቺክቭ አብዛኛው ጊዜ ሞትን አያስከትልም፣ ነገር ግን የሚወልዳቸው የጤና እክሎች ነገሮችን ከመስራት እስከማገድ የሚደርሱ ሆነው በተወሰኑ ሰዎች ላይ ደግሞ ለከባድ ተጨማሪ በሽታ ሊዳርጉ ይችላሉ። ቫይረሱን እና ኢንፈክሽኑ የምንከላከልባቸው መንገዶችን የተመለከተ እውቀት መጨበጥ ወሳኝ ነው። የሚወስዷቸው ጥንቃቄዎች ከሌሎች በትንኞች የሚመጡ በሽታዎችም ይከላከልልዎታል።

#DCSSH
@tsegabwolde @tikvahethiopia

የቺክቭ ምልክቶች ምንድናቸው? አንድ ሰው በተለከፈ ትንኝ ከተነከሰ በኋላ ከ 3 እስከ 7 ቀናቶች ውስጥ ምልክቶች ይታዩበታል። የቺክቭ ምልክቶች ከሰው ወደ ሰው የሚለያዩ ሲሆን፣ የሚከተሉትን ያጠቃልላሉ፦
 በድንገት የሚከሰት ከፍተኛ ትኩሳት (>102°F）
 ከባድ የሆነ የመገጣጠሚያ ህመም በተለይ በክንዶች ወይም እግሮች ላይ
 ራስ ምታት
 የጡንቻ ህመም
 የጀርባ ህመም
 ሽፍታ (~50% ተጠቂዎች ላይ የሚያጋጥም）

በብዛት በሚከተሉት ሰዎች ላይ ይስተዋላሉ፦
 ህጻናት (<1 ዓመት)
 አረጋውያን (>65 ዓመት)
 እንደ ስኳር በሽታ፣ ከፍተኛ የደም ግፊት ወዘተ በመሳሰሉ ስር የሰደዱ በሽታዎች የተጠቁ ሰዎች።

*ከላይ የተጠቀሱት ሰዎች በትንኝ እንዳይነከሱ ከሌሎች የበለጠ ጥንቃቄ ማድረግ ይኖርባቸዋል።*

ቺክቭ እንዴት ነው የሚታከመው? ቺክቭ ለማከም የሚውል ተለይቶ የታወቀ መድሀኒትም ይሁን ክትባት #የለም።

#DCSSH

#share #ሼር
@tsegabwolde @tikvahethiopia

የቺክቭ ምልክቶች ምንድናቸው? አንድ ሰው በተለከፈ ትንኝ ከተነከሰ በኋላ ከ 3 እስከ 7 ቀናቶች ውስጥ ምልክቶች ይታዩበታል። የቺክቭ ምልክቶች ከሰው ወደ ሰው የሚለያዩ ሲሆን፣ የሚከተሉትን ያጠቃልላሉ፦
 በድንገት የሚከሰት ከፍተኛ ትኩሳት (>102°F）
 ከባድ የሆነ የመገጣጠሚያ ህመም በተለይ በክንዶች ወይም እግሮች ላይ
 ራስ ምታት
 የጡንቻ ህመም
 የጀርባ ህመም
 ሽፍታ (~50% ተጠቂዎች ላይ የሚያጋጥም）

በብዛት በሚከተሉት ሰዎች ላይ ይስተዋላሉ፦
 ህጻናት (<1 ዓመት)
 አረጋውያን (>65 ዓመት)
 እንደ ስኳር በሽታ፣ ከፍተኛ የደም ግፊት ወዘተ በመሳሰሉ ስር የሰደዱ በሽታዎች የተጠቁ ሰዎች።

*ከላይ የተጠቀሱት ሰዎች በትንኝ እንዳይነከሱ ከሌሎች የበለጠ ጥንቃቄ ማድረግ ይኖርባቸዋል።*

ቺክቭ እንዴት ነው የሚታከመው? ቺክቭ ለማከም የሚውል ተለይቶ የታወቀ መድሀኒትም ይሁን ክትባት #የለም።

#DCSSH

#share #ሼር
@tsegabwolde @tikvahethiopia

በቺክቭ ተጠቂቻለሁ የሚል ጥርጣሬ ካደረብኝ ምን ማድረግ አለብኝ? ትኩሳት እና የመገጣጠሚያ ህመም ለመቀነስ መድሀኒቶችን መጠቀም ጥቅም ሊኖረው ይችላል። ሐኪም ያማክሩ።

ቺክቭ ይዞኝ ሉሆን ይችላል የሚል ጥርጣሬ ካደረብዎ፦
 የታይብዎ ምልክቶችን መዝግበው በመያዝ ወደ ሐኪም ይሂዱ።
 ራስዎን ተጨማሪ በትንኝ ከመነከስ ይከላከሉ።
 በቺክቭ ከተያዙ በሽታው ወደ ሌሎች ሰዎች ላለማስተላለፍ እራስዎን ከትንኝ ንክሻ መከላከል ይኖርብዎታል።

ምን ማድረግ አለብኝ?

#ይልበሱ
ረዥም፣ ቀለል ያለ እና ቀላል ቀለም ያለው ልብስ ይልበሱ።

#ፈሳሽ_ማድረቅ
እቤት ውስጥም ከቤት ውጪም ያለ ማንኛውም ያቆረ ውሃ ያስወግዱ።

#ማታ እና #ጠዋት
ማታና ጠዋት ትንኞች በብዛት የሚንቀሳቅሱበት ጊዜ በመሆኑ በተቻለ መጠን ከቤት አይውጡ።

#DCSSH

#share #ሼር

@tsegabwolde @tikvahethiopia

ስለ ፓልም ዘይት በሚዲያ የተሰራጨው መረጃ ተገቢ አይደለም ተባለ!

የፓልም ዘይት በህብረተሰቡ ላይ ጤና ላይ ጉዳት ያመጣል በሚል በሚዲያዎች የተሰራጨው መረጃ ተገቢ ያልሆነና በህዝቡ ዘንድ ውዥንብር እየፈጠረ መሆኑን የንግድና ኢንዱስትሪ ሚኒስቴር ገለፀ፡፡

የንግድና ኢንዱስትሪ ሚኒስቴር ከንግዱ ማህበራት ጋር እያካሄደው ባለው የውይይት መድረክ የሚኒስቴሩ ሚኒስትር ወ/ሮ ፈትለወርቅ ገ/እግዚያብሄር እንደተናገሩት የፓልም ዘይት በተገቢው ደረጃ እየተፈተሸ ወደ ሀገር ውስጥ እንዲገባ የሚደረግ፤ ህብረተሰቡም እንደ ልቡ ገዝቶ እንዲጠቀም የሚደረግ ነው ብለዋል፡፡

ሚኒስተሯ እንዳሉት ዘይቱ ወደ ሀገር ውስጥ ሲገባ ተገቢው ቁጥጥር ስለሚደረግበት እንደተባለው በሰው ላይ ጉዳት አያደርስም፡፡ እንደ ወ/ሮ ፈትለወርቅ ገለፃ የትኛውም ዘይት እኩል ደረጃ የለውም፤እኩል ለጤናም ጠቃሚም አይደለም፡፡

የፓልም ዘይትም የራሱ ደረጃዎች ያሉትና ህብረተሰቡም እንደ አቅሙ ገዝቶ ሊጠቀመው የሚችል ነው፡፡በመሆኑም የተሰራጨው መረጃ ተገቢ ያልሆነና ህብረተሰቡን ውዥንብር ውስጥ የከተተና ወደ አላስፈላጊ ነገር ውስጥ የሚያስገባም ነው ሲሉ ሚኒስትሯ ተናግረዋል፡፡

ምንጭ፦ ኢፕድ
@tsegabwolde @tikvahethiopia

የኮሌራ በሽታ በሶስት ክልሎች ላይ በድጋሚ ተከስቷል ተባለ!

በሀገሪቱ ተከስቶ የነበረውን የኮሌራ ወረርሽኝ በአብዛኛው ሙሉ በሙሉ መቆጣጠር የተቻለ ቢሆንም በአሁኑ ሰዓት በሶስት ክልሎች ላይ በሽታው ተከስቷል ተባለ፡፡ በአሁን ወቅት ወረርሽኙ በኦሮሚያ ክልል በሻሸመኔ ወረዳ 15 ሰዎች በፈዲስ ወረዳ 20 ሰዎች፣ ሀረሪ ክልል በ6 ወረዳዎች 15 ሰዎች ተይዘዋል ተብሏል።

እንዲሁም በደቡብ ክልል በሃዋሳ ከተማ 14 ሰዎች በበሽታው መያዛቸው ተገልጿል። በወረርሽኙ የተያዙ ሰዎች የህክምና አገልግሎት እያገኙ እንደሆነ የኢትዮጵያ ህብረተሰብ ጤና ኢንስቲትዩት ለኢትዮ ኤፍ ኤም አስታውቋል፡፡

በኢትዮጵያ ከወራት በፊት በተከሰተው የኮሌራ ወረርሽኝ 19 ሰዎች መሞታቸው ይታወሳል። የበሽታው ስርጭት በከፍተኛ ሁኔታ የቀነሰ ቢሆንም ማህበረሰቡ በዚህ ሳይዘናጋ አሁንም አስፈላጊውን ጥንቃቄ እንዲያደርግ ኢንስቲትዩቱ አስጠንቅቋል፡፡

ምንጭ፦ ኢትዮ ኤፍ ኤም
@tsegabwolde @tikvahethiopia

በፋሲል ከነማ ደጋፊዎች እና በነቂያ የበጎ አድራጎት ማህበር ትብብር የተዘጋጀት የበጎት ዘመቻ እየተካሄደ ይገኛል። "ህፃናት ይማሩ፤ ሀገር ይረከቡ!" በሚል መሪቃል በዛሬው ዕለት 40 ደርዘን ደብተር ለህፃናት አበርክተዋል።

@tsegabwolde @tikvahethiopia

#update ኖርዌይ አዲስ አበባ የሚጓዙ ዜጎቿን በመርካቶ፣ ጊዮን ሆቴል፣ ብሔራዊና ቦሌ አካባቢዎች ኪስ አውላቂዎች እንደሚያሰጉ አስጠነቀቀች። የአገሪቱ መንግሥት ከ2017 ጀምሮ በከተማዋ ኪስ ማውለቅና ዘረፋን የመሰሉ አነስተኛ ወንጀሎች መጨመራቸውን ገልጿል። ጋምቤላና ቤኒሻንጉል ጉሙዝ አካባቢዎች ውጥረት ይታያል፤ በደቡብ ክልል የጸጥታ ሁኔታው ፈታኝ ነው ያለው የኖርዌይ መንግሥት ኢትዮጵያ አሁንም ለአገር ጎብኚዎች አስተማማኝ አይደለችም፤ የትራፊክ አደጋም ያሰጋቸዋል ብሏል።

Via #EsheteBekele
@tsegabwolde @tikvahethiopia

#update የተለያዩ 17 የዓለም አገራት ዜግነት ያላቸው 80 የአደንዛዥ ዕፅ አዘዋዋሪዎች በ2011 በጀት ዓመት በኢትዮጵያ በቁጥጥር ሥር መያዛቸውን የፌደራል ፖሊስ የፀረ አደንዛዥ ዕፅ ዝውውር ግብረ ኃይል አስታውቋል።

Via #ADDISMALEDA
@tsegabwolde @tikvahethiopia

ማር ሲል ቴሌቪዥን በ2012 መስከረም ወር ላይ ትምህርት ለሚጀምሩ ተማሪዎች የመማሪያ ቁሳቁስ ድጋፍ አደረገ። ድጋፉ የተደረገው ለምዕራብ አርሲ ዞን አርሲ ነገሌ ወረዳ አስተዳደር ጽህፈት ቤት ሲሆን አገልጋይ ዮናታን አክሊሉ፣ የአዲስ ኪዳን ካህናት ቤተክርስቲያን አገልጋዮች እና የማር ሲል ቴሌቪዥን የሚዲያ አባላት ትናንት በአርሲ ነገሌ ከተማ አርሲ ነገሌ ወረዳ አስተዳደር ጽህፈት ቤት በመገኘት የመማሪያ ቁሳቁሱን አበርክተዋል። የመማሪያ ቁሳቁሱም የተሰበሰበው በመልካም ወጣት 2011 በሰባቱም ዙር ከተሳተፉ መልካም ወጣቶች ነው። ማር ሲል ቴሌቪዥን በ2012 ዓ.ም ትምህርት ለሚጀምሩ ተማሪዎችም መልካም የትምህርት ዘመን እንዲሆን ተመኝቷል።

Via #MarcilTV
@tsegabwolde @tikvahethiopia

በሽብር ወንጀል በተጠረጠሩ ሰባት ሰዎች ላይ ተጨማሪ የምርመራ ጊዜ ተፈቀደ!

የፌዴራሉ መጀመሪያ ደረጃ ፍርድ ቤት ከባለስልጣናት ግድያ ጋር በተያያዘ ጋዜጠኛ ኤልያስ ገብሩን ጨምሮ በሽብር ወንጀል የተጠረጠሩ ሰባት ሰዎች ላይ ፖሊስ የጠየቀውን ተጨማሪ የ28 ቀናት የምርመራ ጊዜ ፈቀደ።

በአዲስ አበባና ባሕርዳር ከተሞች ሰኔ 15 ቀን 2011 ዓ.ም ከተፈፀመው የባለስልጣናት ግድያ ጋር በተያያዘ በቁጥጥር ስር የዋሉት ተጠርጣሪዎች ዛሬ በፌዴራሉ መጀመሪያ ደረጃ ፍርድ ቤት አራዳ ምድብ 2ኛ ወንጀል ችሎት ቀርበዋል።

ተጨማሪ ያንብቡ👇
https://telegra.ph/eth-09-02-4

ከቴፒ...

"በቴፒ በ2010 ነሀሴ ውስጥ በአከባቢው በተነሳ ግጭት የተፈናቀሉ የ3 ቀበሌ ነዋሪዎች 12 ወራት አስቆጥረው ይገኛሉ፡፡ እስካሁን በቴፒ ከተማ ህዝብ ድጋፍ ነው ህይወታቸው የቆየው፤ እነዚህ ከ10ሺ በላይ የሚሆኑ ተፈናቃዮች ቤቶቻቸው መሉ በመሉ ተቃጥሎ ሰለሚገኝ ወደ ቄያቸው ለመመለስ በተደጋጋሚ ቢገልፁም የትኛውም የመንግስት አካል ለመደገፍ ዝግጁ አይደለም ፍላጎትም የለውም፡፡ እነዚህ ተፈናቃዮች የሸራ ቤት እንኳ ተሰርቶላቸው ወደ ቄያቸው የሚገቡበትን መንገድ ቢፈለግ ወቅቱ የግብርና ስራ የሚሰራበት በመሆኑ ተፈናቃዮቹ ወደ አከባቢያቸው መመለስ ይፈልጋሉ፡፡"

@tsegabwolde @tikvahethiopia

#update የደቡብ ክልል ምክር ቤት ለዎላይታ ዞን የክልልነት ጥያቄ ባስቸኳይ ምላሽ ይስጥ ሲል የዎላይታ ሕዝብ ዲሞክራሲያዊ ግንባር (ዎሕዴግ) ዛሬ በሰጠው መግለጫ በድጋሚ ጠይቋል፡፡ የክልሉ መንግሥት እና ደኢሕዴን ሕገ መንግሥታዊውን ጥያቄችን ለማዳፈን እየሠሩ ነው በማለትም ከሷል፡፡ አስቸኳይ ጊዜ አዋጁም ከዎላይታ ዞንና አካባቢው እንዲይነሳ አሳስቧል፡፡ የክልሉ ምክር ቤት ሰሞኑን ባካሄደው ጉባዔ ለየትኛውም የክልልነት ጥያቄ ምላሽ አልሰጠም፡፡

Via #DW/wazema
@tsegabwolde @tikvahethiopia

በባቢሌ የዝሆኖች መጠለያ የ10 ሰው እና የ10 ዝሆኖች ህይወት አለፈ!

በባቢሌ የዝሆኖች መጠለያ በህገ-ወጥ እርሻና ሰፈራ መስፋፋት እንዲሁም ህገ ወጥ አደን ሳቢያ የተቆጡ ዝሆኖች በ2011 14 ሰዎችን ያጠቁ ሲሆን ስድስቱ ወዲያውኑ ህይወታቸው አልፏል። ሌሎች አራት ሰዎችም በተለያየ ጊዜ በደረሰባቸው ጥቃት ህይወታቸው ሲያልፍ በተመሳሳይም አራት ግለሰቦች ከባድ የመቁሰል አደጋ ደርሶባቸዋል።

አስር ዝሆኖች በአንድ ዓመት ውስጥ ህይወታቸው ያለፈ ሲሆን ከእነዚህ መካከል ሦስቱ ግልገሎች መሆናቸውን የመጠለያው ኃላፊ አደም ሞሐመድ ለአዲስ ማለዳ ጋዜጣ ገልጸዋል። ሰባቱ አዋቂ ዝሆኖችም በህገወጥ አደን ምክንያት ህይወታቸው ያለፈ ሲሆን፣ ግልገሎቹ በአካባቢው በሰፈሩት ሰዎች በመረበሻቸውና ለጭንቀት በመዳረጋቸው መሞታቸውን ገልጸዋል።

Via #አዲስማለዳ_ጋዜጣ
@tsegabwolde @tikvahethiopia

"በ2012 በኦሮሚያ ክልል በህግ ከተፈቀደለት አካል ውጪ የታጠቀ ኃይል እንዳይኖር እንሰራለን" – አቶ አድማሱ

”በ2012 በኦሮሚያ ክልል በህግ ከተፈቀደለት አካል ውጪ የታጠቀ ኃይል እንዳይኖር እንሰራለን” ሲሉ የክልሉ የመንግስት ኮሙኒኬሽን ጉዳዮች ቢሮ ሃላፊ  አቶ አድማሱ ዳምጠው ገለጹ። በአዲሱ አመት በሁሉም መስክ ያልተጠናቀቁ ስራዎችን ማጠናቀቅ እና የህዝቡን ተጠቃሚነት ለማረጋገጥ በትኩረት እንደሚሰራም ጠቁመዋል።

ላለፉት አምስት ቀናት በአዳማ ከተማ ሲካሄድ የነበረው የኦሮሚያ ክልል መንግስትና የኦሮሞ ዴሞክራሲያዊ ፓርቲ (ኦዴፓ) የ2012 ዓ.ም እቅድና የምክክር መድረክ በትናንትናው እለት ተጠናቋል። ሁለት ሺህ ሰዎች  የተሳተፉበትን የምክክር መድረክ በማስመልከት የክልሉ ኮሙኒኬሽን ቢሮ ዛሬ መግለጫ ሰጥቷል።

Via #ENA
@tsegabwolde @tikvahethiopia