አቶ አርዓያ ገ/እግዚያብሄር የተናገሯቸው፦

√ ማክሰኞ ዕለት በኢትዮ ኤፍ ኤም ሬድዮ ጣቢያ በቀጥታ በስልክ ገብተው ከአርብ በፊት ለማድረስ እየተሰራ እንደሆነ ተናግረው ነበር።

√ ሀሙስ ዕለት ኢትዮ ኤፍ ኤም 107.8 አቶ #አርዓያን ጠቅሶ ያወጣው ዘገባ ደግሞ ሀሙስ ወይም አርብ ከሰዓት ይፋ እንደሚሆን ነበር።

√ ሀሙስ አመሻሹን ኤጀንሲው በህጋዊና ትክክለኛ ገፁ ፈተናው ውጤት ነሃሴ 5 ነው የሚወጣው አለ። ተማሪውም ውጤቱን እንዴት መመልከት እንዳለበት ተገለፀ።

√ ዛሬ ነሃሴ 5 ነው ተማሪው ውጤቱን ለማየት ሲጠባበቅ አቶ አርዓያ ገ/እግዚያብሄር "ውጤቱን ለማውጣት #ትንሽ ተጨማሪ ስራ መስራት አስፈልጎናል። ዛሬ ሳይሆን #ከሁለት ቀን በሁዋላ አካባቢ ይለቀቃል። ይህ መራዘም ያስፈለገው ከዛሬው በአል ጋር በተገናኘ ሳይሆን ትንሽ ሌላ የምንሰራው ስራ ስላጋጠመን ነው" አሉ።

እኛ እንደTIKVAH-ETH ይቅርታ እንጠይቃለን!
@tsegabwolde @tikvahethiopia

"በሞራላችን ላይ ነው የተጫወቱብን" #ተማሪዎች

"ይህ ተቋም አሰራሩን ሊያስተካክልና ሊፈትሽ ይገባል" #የተማሪ_ወላጆች
.
.
የ12ኛ ክፍል/የከፍተኛ ትምህርት ተቋም መግቢያ ፈተና/ ተፈታኝ ተማሪዎች ውጤታቸው ዛሬ እንደማይወጣ ከሰሙ በኃላ እጅግ በጣም እንዳዘኑ ገልፀዋል። ዘንድሮ ውጤታቸውን ከሚጠብቁ ተማሪዎች መካከል ያነጋገርነው ተማሪ ይህን ብሏል፦

"ከባለፈው ማክሰኞ ጀምሮ ምንም መረጋጋት አልቻልኩም፤ በዚህ ቀን ይወጣል ሲባል ስጨነቅ ነው የሰነበትኩት፤ ኤጀንሲው በሀሰተኛ መረጃ አትወናበዱ እያለ መልሶ ሀሰተኛ መረጃ ማቅረቡ ተገቢ አይደለም። በሞራላችን ላይ ነው የተጫወቱብን፤ እንዴት ለራሳቸው ልጆች አይጨነቁም? ይህን ስሜት ለማወቅ በቦታው ላይ መሆን ይጠይቃል።"

ሌላኛው አስተያየቱን እንዲሰጠን የጠየቅነው ተማሪ ደግሞ፦

"ፈተናዎች ኤጀንሲ ጭንቀታችንን ያወቀው አይመስለኝም፤ የማይወጣ ከሆነ መናገር የሚወጣም ከሆነ ትክክለኛውን መናገር ነው እንጂ አስር ጊዜ በሚዲያ እየቀረቡ የተለያየ ቀን መናገሩ ተማሪውን ካለማክበር የመነጨ ነው።"

ስለጉዳዩ የሰሙ የተማሪ ወላጆችም በነገሩ መበሳጨታቸውን ተናግረዋል። ተማሪው የተለያዩ መረጃዎችን ሲሰማ እንደሚወዛገብ ሊያውቅ ይገባል አሰራራቸውንም ሊያርሙና ሊያስተካክሉ ይገባል ብለዋል። ይህን መሰሉ ስራ ጥንቃቄ ይጠይቃል የትንንሽ ታዳጊዎችን ሞራል መጠበቅም ያስፈልጋል ሲሉ አክለዋል።

🏷የሀገር አቀፍ የትምህርት ምዘናና ፈተናዎች ኤጀንሲ ዳይሬክተር የ12ኛ ክፍል ፈተና ዛሬ ይፋ እንደማይደረግ ከደቂቃዎች በፊት ተናግረዋል።

@tsegabwolde @tikvahethiopia

#update ጠቅላይ ሚንስተር ዶ/ር አብይ አህመድ እና ኢ/ር ታከለ ኡማ ከሁለት ወራት በፊት የተጀመረውን ግዙፍ የዳቦ ፋብሪካ የግንባታ ሂደት ተመልክተዋል፡፡ ከሁለት ወራት በፊት ግንባታው የተጀመረው የዳቦ ፋብሪካ በአሁኑ ወቅት ግንባታው በጥሩ ሁኔታ እየተካሄደ ይገኛል፡፡

የዳቦ ፋብሪካው ግንባታው ሲጠናቀቅ በሰዓት 80ሺ ዳቦ የሚያመርት ሲሆን መቶ ግራም ዳቦ በ0.75 ሳንቲም ለተጠቃሚው የሚያቀርብ ይሆናል፡፡ በሀገራችን በዓይነቱ የመጀመርያ የሆነው ይህ የዱቄትና የዳቦ ማምረቻ ፋብሪካ ግንባታው በ6 ወራት ጊዜ ውስጥ ለማጠናቀቅ እየተሰራ ነው፡፡በሆራይዘን ፕላንቴሽን ኃ/የተ/የግ/ማህበር ግንባታው እየተከናወነ የሚገኘው ይህ የዳቦ ማምረቻ ፋብሪካ ግንባታው ሲጠናቀቅ ለበርካታ የአከባቢው ወጣቶች የስራ ዕድል የሚፈጥር ይሆናል፡፡

Via MayorOfficeAA
@tsegabwolde @tikvahethiopia

የኤጀንሲው ትክክለኛ የፌስቡክ ገፅ፦

ውድ የዩኒቨርስቲ መግብያ (12ኛ ክፍል) ብሄራዊ ፈተና ተፈታኝ ተማሪዎችና የተፈታኝ ተማሪ ወላጆች ነሐሴ 1/2011 ዓ.ም የተፈታኝ ተማሪዎች የፈተና ውጤት ዛሬ ነሐሴ 5/2011 ዓ.ም ይለቀቃል ብለን መረጃ መስጠታችን ይታወሳል፡፡ ኤጀንሲው በገጠመው ችግር ምክንያት በዛሬው እለት ውጤቱን መልቀቅ አለመቻሉን እየገለጸ ለተፈጠረው መዘግየት ይቅርታ እየጠየቀ ውጤቱን ከሁለት ቀን ባልበለጠ ጊዜ ውስጥ የምንለቅ መሆኑን በትህትና እንገልጻለን፡፡

የሀገር አቀፍ ትምህርት ምዘናና ፈተናዎች ኤጀንሲ

#share #ሼር

@tsegabwolde @tikvahethiopia

app.neaea.gov.et

ውድ የዩኒቨርስቲ መግብያ (12ኛ ክፍል) ብሄራዊ ፈተና ተፈታኝ ተማሪዎችና የተፈታኝ ተማሪ ወላጆች ነሐሴ 1/2011 ዓ.ም የተፈታኝ ተማሪዎች የፈተና ውጤት ዛሬ ነሐሴ 5/2011 ዓ.ም ይለቀቃል ብለን መረጃ መስጠታችን ይታወሳል፡፡ ኤጀንሲው በገጠመው ችግር ምክንያት በዛሬው እለት ውጤቱን መልቀቅ አለመቻሉን እየገለጸ ለተፈጠረው መዘግየት ይቅርታ እየጠየቀ ውጤቱን ከሁለት ቀን ባልበለጠ ጊዜ ውስጥ የምንለቅ መሆኑን በትህትና እንገልጻለን፡፡

የሀገር አቀፍ ትምህርት ምዘናና ፈተናዎች ኤጀንሲ

#share #ሼር

@tsegabwolde @tikvahethiopia

ፋሲል ከነማ አሸነፈ!

በካፍ ኮንፌዴሬሽን ዋንጫ ቅድመ ማጣርያ የመጀመርያ ጨዋታ በሜዳው የታንዛኒያው አዛምን የገጠመው ፋሲል ከነማ በበዛብህ መለዮ ጎል 1-0 አሸንፏል።

@tsegabwolde @tikvahethiopia

ዶ/ር አብይ በኡድሁያ ፕሮግራም ላይ!

ዶ/ር አብይ አህመድ እና ኢ/ር ታከለ ኡማ የአረፋ በዓልን ምክንያት በማድረግ በኢትዮጵያ ቅዱስ ቁርዓን ማህበር በተዘጋጀው የኡድሁያ ፕሮግራም ላይ ተገኝተዋል፡፡ ጠ/ሚ ዶ/ር አብይ አህመድ እና ኢ/ር ታከለ ኡማ የዑመር ኢብኑ አል-ኸጠብ የቁርዓን ት/ቤት ከወላጅ አልባ ህፃናት ጋር የአረፋ በዓልን ለማክበር ባዘጋጀው ፕሮግራም ላይ ተገኝተዋል፡፡ የዑመር ኢብኑ አል-ኸጠብ ት/ቤት ከ700 በላይ የሚሆኑ ወላጅ አልባ ህፃናትን እና አቅመ ደካሞችን የሚደግፍ ማህበር ነው፡፡ የበዓል ፕሮግራሙ ላይ ንግግር ያደረጉት ዶክተር አብይ አህመድ ለህፃናቱ የእንኳን አደረሳችሁ መልዕክት አስተላልፈዋል፡፡

@tsegabwolde @tikvahethiopia

እቴጌ መነን ትምህርት ቤት!

ጠቅላይ ሚኒስተር ዶክተር አብይ አህመድ እና ኢንጂነር ታከለ ኡማ እቴጌ መነን ት/ቤት በመገኘት እድሳቱን ጎብኝተዋል፡፡ ዶክተር አብይ አህመድ እና ኢንጂር ታከለ ኡማ በ2012 የትምህርት ዘመን የአዳሪ ት/ቤት ከሚሆኑት ሁለቱ የመንግስት ትምህርት ቤቶች አንደኛው በሆነው የእቴጌ መነን ት/ቤት በመገኘት እድሳቱ ያለበትን ሁኔታን ተመልክተዋል፡፡ የእቴጌ መነን ት/ቤት በ2012 የትምህርት ዘመን 500 ሴት ተማሪዎችን ተቀብሎ በአዳሪ ፕሮግራም ለማስተማር ቅድመ ዝግጅት እያደረገ እያደረገ እንደሚገኝ ይታወቃል፡፡

@tsegabwolde @tikvahethiopia

አዲስ አበባ ፖሊስ ኮሚሽን!

#1440ኛው የኢድ አል አድሃ (አረፋ) በዓል #በሰላም መጠናቀቁን የአዲስ አበባ ፖሊስ ኮሚሽን አሰታወቀ። በአል በሰላም እንዲጠናቀቅ የአዲስ አበባ ፖሊስ ኮሚሽን ከሚመለከታቸው የፀጥታ አካላት፣ ከእምነቱ አባቶችና ከበጎ ፈቃደኛ ወጣቶች ጋር ውይይት እንደተካሄደና ቅድመ ዝግጅት በማድረግ ወደ ስራው የተገባ መሆኑ ፓሊስ አስታውቋል፡፡

በዚህ መሰረትም ምዕመኑ ለኢድ-ሶላት በሰላም ወጥቶ በሠላም እንዲገባ በዋና ዋና መንገዶች በተለይም በአዲስ አበባ ስታድየም እና በዙሪያው ከበዓሉ አስተባባሪ ወጣቶች ጋር በመቀናጀት ጠንካራ የፀጥታ ሰራ ተከናውኗል፡፡ ለስራው ስኬታማነት የእምነቱ ተከታዮች ላሳዩት ቀና ትብብር የአዲስ አበባ ፖሊሰ ኮሚሽን ምስጋናውን አቅርቧል፡፡

Via #FBC
@tsegabwolde @tikvahethiopia

ኤጀንሲው ተማሪዎችንና የተማሪ ወላጆችን ይቅርታ ጠየቀ!

የ12ኛ ክፍል መልቀቂያ/የከፍተኛ ትምህርት መግቢያ የፈተና ውጤት #ዛሬ ይፋ ይደረጋል ቢባልም የትምህርት ምዘናና ፈተናዎች ኤጀንሲ በገጠመው ችግር ምክንያት ለ2 ቀናት #ማራዘሙን አስታውቋል፡፡ ኤጀንሲው ውጤቱን ከ2 ቀን ባልበለጠ ጊዜ ውስጥ ይፋ የሚያደርግ መሆኑን የኤጀንሲው የህዝብ ግንኙነት ዳይሬክተር አቶ ረዲ ሽፋ ተናግረዋል፡፡ ለተፈጠረው መዘግየትም ዳይሬክተሩ ለተፈታኞች እና ለተፈታኝ ወላጆች ይቀርታ ጠይቀዋል፡፡

Via #EBC
@tsegabwolde @tikvahethiopia

ካዎ ኮይሻ ወረዳ በደረሰ ድንገተኛ አደጋ የ1 ሰው ህይወት አለፈ!

በወላይታ ዞን ካዎ ኮይሻ ወረዳ በደረሰ ድንገተኛ የመሬት መንሸራተት በተፈጠረ የመኖሪያ ቤት የመደርመስ አደጋ የአባወራው ህይወት ማለፉንና በልጃቸው ላይ ጉዳት መድረሱን ፖሊስ አስታወቀ።

አደጋው የደረሰው ትናንት እኩለ ቀን አካባቢ ለሁለት ተከታታይ ቀናት ሲጥል የቆየው ከባድ ዝናብ ተከትሎ የተከሰተ ድንገተኛ የመሬት መንሸራተት የአንድ ቤተሰብ መኖሪያ ቤት በመደርመሱ ነው፡፡ በወረዳው ኦፋ ሂራ የገጠር ቀበሌ እኩለ ቀን አካባቢ አደጋው ድንገት በመድረሱ በመኖሪያ ቤታቸው ከልጃቸውጋር የነበሩ አባወራ ህይወት ሊያልፍ ችሏል።

በአከባቢው ማህበረሰብ ጥረት ሊድን የቻለው 14 ዓመት ዕድሜ ያለው ወንድ ልጃቸው ከፍተኛ የአካል ጉዳት ደርሶበት በወረዳው ላሾ ጤና  ጣቢያ የህምና እርዳታ እየተደረገለት መሆኑን የካዎ ኮይሻ ወረዳ ወንጀል መርማሪ ሻምበል ምትኩ ዘውዴ ለኢዜአ ገልጸዋል።

ሟች በአከባቢዉ ሞዴል አርሶ አደር እንደነበሩ አመልክተው ለአከባቢዉ አርሶ አደሮች የሚያቀርቡት ምርጥ ዘር፤ የተከማቸ እህልና ሌሎች ንብረቶች ጨምሮ ከ100 ሺህ ብር በላይ የሚገመት ንብረት መውደሙን አስረድተዋል፡፡ የወረዳው ዋና አስተዳዳሪ አቶ አስራት ሴታ በበኩላቸው “ጉዳቱ የደረሰበትን ቤተሰብ በዘላቂነት ለማቋቋም አስተዳደሩ የተቻለውን ሁሉ ያደርጋል “ብለዋል፡፡

ምንጭ፦ኢዜአ
@tsegabwolde @tikvahethiopia

‹‹ወንጀል ሰርተው የተሸሸጉት ብቻ ሳይሆን ያልተሸሸጉትም መጠየቅ አለባቸው ብዬ አምናለሁ›› አረጋሽ አዳነ የቀድሞ የህወሓት ታጋይ

አረጋሽ አዳነ ከአዲስ ዘመን ጋር👇
https://telegra.ph/ee-08-11-3

#ሀዋሳ

ካሳለፍነው የሀምሌ ወር አጋማሽ ወዲህ በአለመረጋጋት ውስጥ የቆየችው የሀዋሳ ከተማ የኢድ አል አደሀ አረፋ በዓልን አክብራለች። ዛሬ ጠዋት በሀዋሳ መስቀል አደባባይ የተሰባሰቡት የእምነቱ ተከታዮች በዓሉን በጋራ ፀሎት አክብረዋል። የጀርመን ራድዮ ያነጋገራቸው የደቡብ ክልል እስልምና ጉዳዮች ምክር ቤት ጊዜያዊ ፕሬዝደንት መሀመድ ሙስጠፋ ህዝበ ሙስሊሙ በሚሰባሰብበት አጋጣሚ ሁሉ ሰላሙን እንዲጠብቅ ጥሪ አቅርበዋል።

Via #DW
@tsegabwolde @tikvahethiopia

የቅዱስ ጳውሎስ ሚሊኒየም ሜዲካል ኮሌጅ ዓለም አቀፍና ብሔራዊ መስፈርቶች በሟሟላቱ በማይክሮ ባዮሎጂና በክኒሊካል ኬሚስትሪ  የፍተሻ ወሰን የአክሬዲቴሽን አግኝቷል። ለኮሌጁ አክሬዲቴሽኑን የሰጠው የኢትዮጵያ ብሔራዊ አክሬዲቴሸን ጽ/ቤት ነው። የተገኘው አክርድቴሽን በሕክምና ዘርፍ ISO 15189 በሕክምና ላቦራቶሪ አገልግሎት ነው።

Via t.iss.one/spmmc - https://www.facebook.com/sphmmc/
@tsegabwolde @tikvahethiopia

ከ4 ቀን በኃላ ህይወቱ የተረፈው ወጣት!

የ28 ዓመቱ የኮምቦድያ ወጣት ሰመ ቦራ #ለአራት ቀን በድንጋይ ዋሻ ውስጥ ቆይቶ በህይወት ተርፏል፡፡ አደጋው የተፈጠረው በዋሻው ውስጥ የሌሊት ወፍ ኩስ እየሰበሰበ በነበረበት ጊዜ ነው፡፡ የሀገሬው ሰው የሌሊት ወፍ ኩስ ውስጥ የሚገኝ ሻጋታ ለመድኃኒትነት ይጠቅማል የሚል ዕምነት አላቸው፡፡

Via #VOAAmharic
@tsegabwolde @tikvahethiopia

በአዲስ አበባ 55 ፐርሰንቱ ስራ አገናኝ ኤጀንሲ ህገወጥ ስራ ላይ የሚሳተፍ ነው ተብሏል። አረብ ሀገር እንወሰዳለን እያሉ #የወሲብ ትንኮሳም የሚያደርጉም ተበራክተዋል።

Via Tesfaye Getnet
@tsegabwolde @tikvahethiopia

#የመን

ትናንት - ራሱን የደቡብ የሽግግር ምክር ቤት (southern transitional council) ብሎ የሚጠራው የየመን ተገንጣይ ቡድን በተባበሩት አረብ ኤሚሬቶች ድጋፍ ኤደንን ተቆጣጠረ -- #ዛሬ-በሳዑዲ አረቢያ ትዕዛዝ እና ዛቻ ጥሎ መውጣት ጀመረ።

Via #EshetBekele
@tsegabwolde @tikvahethiopia

/ትምህርት ሚኒስቴር/

"በእኛ ለእኛ" ሀገር አቀፍ ስራ ላይ ማገልገል የምትፈልጉ መመዝገብ ትችላላችሁ፦

ቅዳሜ ነሀሴ 4 ቀን 2011 ዓም ከጠዋቱ በ2:30 ጀምሮ፣ እስከምሽቱ፡ 11:00 ሰአት በርካታ ደብተሮች ተመርተዋል።

ይህ የደብተር ማምረት ሂደት ከፊታችን ሰኞ ነሀሴ 6 2011 ዓም እስከ አርብ ነሀሴ 10, 2011ዓም ድረስ ከጠዋቱ በ2:30 ጀምሮ፣ እስከምሽቱ፡ 10:30 ማምረታችንን እንቀጥላለን። በነዚህ ፕሮግራሞች የሚመቻችሁ በጎ ፈቃደኞች የሚመቻችሁን ቀንና ሰአት ከስምና ስልካችሁን ጋር በ 📞0911 485705 በመደወል ወይም በስልክ ቁጥሩ ቴሌግራም ላይ በመላክ መመዝገብ ትችላላችሁ።

ከትምህርት ሚኒስቴር በጎ ፈቃደኛ ወጣቶች
@tsegabwolde @tikvahethiopia

የዕለቱ መልዕክት፦

ውድ ኢትዮጵያዊያን ሃገራችንን ምንወደው የራሳችን የሆኑ ነገሮችን ስንወድ፤ እርስ በእርሳችን ስንከባበርና ስንፋቀር ነው። እኛ ብዙ ቋንቋ፣ ባህልና እምነት ያለን ኩሩ ህዝቦች ነን። ኢትዮጵያዊነት #ሱስ የሚሆንብን ስለራሳችን ህዝብ፤ ስለምንወዳት ሀገራች ጠንቅቀን ስናውቅ ነው። ሁሉም ቋንቋ እና ባህል #የኛ የኢትዮጵያዊያን ነው፤ ልንኮራባቸው ለንከበከባቸው ይገባል።

@tsegabwolde @tikvahethedu

የጎንደር ሆስፒታል ስራ ተቋረጧል!

‹‹የጎንደር ዩኒቨርሲቲን ሆስፒታልን ጫና ይቀንሳል፤ በሕክምናው ዘርፍም የዘመነ አገልግሎት ይሰጥበታል›› ተብሎ ተስፋ የተጣለበት ሆስፒታል ግንባታ መቋረጡ ተገለጸ፡፡ በጎንደር ከተማ አስተዳደር አዘዞ ክፍለ ከተማ በ2005 ዓ.ም ግንባታው የተጀመረው ሆስፒታል በተባለለት ጊዜ ካለመድረሱም አልፎ ከመጋቢት ወር መጨረሻ 2011 ዓ.ም ጀምሮ የግንባታ ሥራው መቆሙ ነዋሪዎቹን አሳዝኗል፡፡

አብመድ ያነጋገራቸው ነዋሪዎች በብቸኛው የጎንደር ዩኒቨርሲቲ ሆስፒታል የነበረውን ጫና እና የታካሚዎችን እንግልት ይቀነሳል ተብሎ ተስፋ የተጣለበት ሆስፒታል በተባለለት ጊዜ አለመጠናቀቅ እንዳሳዘናቸው ተናግረዋል፡፡

‹‹ትልቅ ተስፋ ጥለንበት ነበር›› ያሉት ነዋሪዎቹ ‹‹አሁን ላይ ሥራው መቋረጡ እና ሆስፒታሉ የኔ ባይ በማጣቱ እዝነናል›› ብለዋል፡፡ ነዋሪዎቹ የሕዝብን ሀብት ሜዳ ላይ ጥሎ ዝም ማለትም አግባብነት እንደሌለው አመልክተዋል፡፡ ሆስፒታሉ ተጠቅቆ የተጣለበት ተስፋ እውን እንዲሆን መንግሥት ትኩረት እንዲሰጠው እና የተጀመረው ሥራ እንዲቀጥልም ጠይቀዋል፡፡

የአማራ ክልል ጤና ጥበቃ ቢሮ በምክትል ቢሮ ኃላፊ ደረጃ የጤና መሠረተ ልማት አስተባባሪ አቶ ክንዲሁን እገዘው ሆስፒታሉ ግንባታው በ2009 ዓ.ም እንደሚጠናቀቅ ዕቅድ ተይዞለት እንደነበር አስታውሰዋል፡፡ ሆስፒታሉን ለመሥራት ውል በወሰደው ተቋራጭ ላይ በተፈጠረ የገንዘብ እጥረት ሆስፒታሉ እንደተቋረጠም ገልጸዋል፡፡ ‹‹የተቋራጩን የገንዘብ ክፍተት ለመሙላት የተደረገው ጥረት ባለመሳካቱም ሆስፒታሉን በሌሎች አማራጮች ለማሠራት ሥራው እንዲቋረጥ ተደርጓል›› ብለዋል፡፡

Via #AMMA
@tsegabwolde @tikvahethiopia